吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 點解有咁既女人 ~ 3 (好長)

婆媳關係今日: 0|主題: 27781

收藏本版

發帖

返回列表

跳至頁

查看: 10013 | 回覆: 99

12 3 4 5

積分: 4483

1^#

發表於 12-7-18 12:09 |只看該作者 |正序瀏覽 |打印

本帖最後由 candy-chiu 於 12-7-18 12:09 編輯

唉 ~ 我真係唔知點做好 , 我已經好辛苦啦 ! 手掌又係肉 , 但係唔離開我又真係好唔開心喎 ! 上嚟呢度呻下 , 抒發下自已既情緒 , 不喜勿插 !

上兩次已經 post 咗講個女人同阿大伯點衰 , 咁上次 post 完係端午節前一日兼大伯生日一齊食飯 , 99 同個女人食完餐飯後 , 個女人同 99 冰釋了 , 大家都傾返計 , 而我同 C6 當然照舊不理佢哋啦 ! 以為相安無事 , 99 又唔洗激心就可以了。由佢哋冰釋開始 , 咁照舊我返去食就我同 99 一齊煮 , 大伯放假及星期 6 , 日我就一定唔返去食 , 就個女人自己煮 , 咁我係度既話就會食飽飯洗埋碗 , 即只要我係度個女人就咩都唔洗做。到前日 , 我覺得係個女人設既局 , 表面同 99 好返 , 原因係要大伯買部 SAMSUNG GALAXY 3 , 大伯又唔係搵好多 , 個女人已經用緊 GALAXY 2 , 個女人平時已經好鍾意用名牌 , 上次 99 同佢鬧交已經話佢 , 個女人話又唔係洗 99 錢 , 唔關佢事。大伯真係買了部電話比個女人 , 之後大伯成日要加班 , 所以只會留餸比佢 , 好戲就開始啦 ~

前日 99 去覆診 , 我請唔到假 , 99 一個人見完醫生 , 我下午打比 99 , 99 話醫生話佢心臟機能衰退 , 可能要做個小手術 , 咁我一收工就即走 , 所以返到去都係 6點半 , 見個女人係廚房煮緊餸 , 99 係房訓係床休息 , 我問 99 係咪唔舒服 , 佢話累 , 我同佢傾咗幾句 , 之後 99 叫我去沖涼先 , 因為個女人煮飯我係唔會幫手既 , 除非佢煮好就會幫手拎餸出去 , 平時我同 99 煮個女人就係房追日劇 (佢個女講的) , 到開晒飯叫佢個女叫佢出嚟食。咁佢煮我去沖涼 , 一入廁所就已經聽到佢係出面發脾氣 , 將 D 碟係度大力劈 , 我沖完涼見唔到佢 , 個穫就煎緊雞翼 , 咁我就想入去煎 , 62 叫我唔好理佢 , 唔知個女人鍾唔鍾意 , 咁我就無理 , 就係出面睇電視 , 久唔久望下個女人煮好未 , 唔知點解 D 餸好似咩都未煮過咁 , 即拎唔到餸出去啦 ! 原來個女人專登打慢拍 , 今晚大伯返來食 , 自從買了電話後大伯第一次回家食 , 7點8 大伯返又係見我哋坐晒係度 , 佢老婆一個人煮 , 個老婆奴一放低晒 D 袋 , 就入去幫佢老婆手 , 之後個女人就係度鬧 , 話我唔幫手煮 , 煮比你食無問題 , 又要煮埋比佢兩個 .......(下刪好多字 , 聽唔到佢講咩) , 62 聽到係廚房門口望實佢兩個 , 我入房聽電話 , 煮到8點2 , 我出去見 D 餸係枱 , 我見 99 同 C6 黑口黑面坐係梳化 , 咁原先我想坐低入湯先 , 見佢哋咁我企係度望住佢哋兩個 , 99 突然同我講 : X , 換衫 , 我哋出街食 ~ 咁我即刻入房換衫 , 因為我都唔想係度食。出到去我問我 C6 發生咩事 , 佢話個女人係廚房咦咦哦哦 , 99 嬲就話出街食 , 食飽回家個女人係房無出嚟 , 咁就風平浪靜了一晚。

到琴晚我放工見 99 煮緊飯 , 個女人係房 , 大伯又唔返嚟食。99 可能消咗啖氣 , 就叫佢個女入去叫個女人出嚟煮埋最後一樣餸 , 99 話個女人煮得好食 D 喎 ! 咁佢個女出返嚟話個女人講 : 頭痛 , 唔食 , 唔會出嚟。我心諗唔出嚟咪仲好 , 好啦 ! 我哋食飽飯 , 個女人8點半又出街喎 ! 又話頭痛又出到街 , 勁 ! 9點半大伯返 , 我返房睇電視 , 聽到 99 哦大伯 , 話個女人 , 點之大伯又護妻 , 話係99偏心 , 偏咗係我哋度 , 99 越鬧越大聲 , 大伯又唔知講咩 , 最後連唔出聲既 62 都出聲 , 我只係聽到 62 話兩個都係我個仔 , 我唔會偏一邊 , 係睇事實 , 之後十點個女人返 , 又靜返晒 ~

C6 見靜咗出去 , 返嚟話個女人係度煮緊麵食 , 我話佢唔自己煮 , 唔通叫老婆奴煮咩 ! 頭先 99 見大伯返已經講咗個女人返唔準煮麵比佢食 (因為個女人成日講完頭痛 , 出街回來就會點老婆奴煮麵拎入房比佢食) , 99 頭先鬧完大伯 , 如果再幫個女人 , 兩個一齊走 , 唔好認佢做阿媽。好啦 ~ 個女人煮完麵拎返房食 , 睇完10點半套戲 , 我同 C6 就訓 , 因為我大住肚 , 好早就訓 , 就斷斷續績聽到個女人係度講野 , 之後就越講越大聲 , 佢把聲講野又唔正 , 所以好討厭 , 我叫 C6 聽下佢講咩 , 可能關了門 , 佢 D 廣東話又唔正真係好難聽到佢講咩 , 最後我同 C6 訓 , 唔理佢。

今早 99 打比我 , 問我琴晚聽唔聽到個女人係度嘈 , 我話聽到佢係度鬧 , 不過唔知鬧咩 ! 個女人由我睇完套戲就開始嘈 , 99 話十一點先聽到 , 我話可能你間房同佢間房隔好遠掛 , 99 話原先想拍佢門 , 62 叫唔好理佢 , 99 話只係聽到佢話 : 兩個都係佢媳婦 , 點解對佢咁差 , 對我咁好 , 我話咩你對佢好差咩 ! 我唔覺喎 ! 係佢自己唔知足 ~ 99 同我講話大伯話個女人話我6點幾返唔幫佢手煮飯 , 走去沖涼 , 同 99 之前話一齊煮唔啱喎 ! 我話 : 佢想我入去睇佢面色同佢一齊煮 , 好難啦 ! 而且之前我煮又唔見佢出嚟 , 食飽又唔見佢洗碗 , 佢咪傻啦 ! 你估佢係大嫂就大晒咩 ! 99話個女人同大伯講 : 我唔叫佢 ~ (我同C6已經當佢哋透明 , 所以無叫佢兩個好耐) 99 寸大伯 : 又唔見個女人叫我 99 , 大伯唔出聲。

我 99 次次都心軟 , 次次之後就叫我算數 , 我真係受夠啦 ! 隔一排又係咁為煮餐飯嘈 , 煩都煩死我 , 我唔返去食都得嫁 ! 係我 C6 同 99 話點解要避個女人 , 我連坐月都同 99 講我要返娘家 , 99 話 62 唔鍾意 , 因為係一家人點解要返娘家坐月 , 我怕坐月個女人嚇親我個 B 呀 ! 唉 ~

我真係好想搬呀 ! 但我知 C6 唔肯 , 因為唔放心 6299 , 其實我都係 , 而且我搬又中個女人計 , 因為佢目的都係想擺埋我 C6 間房 , 想我哋走 ~ 我 99 成日叫我唔好同阿媽講個女人 D 野 , 我點會唔講喎 ! 頭先同阿媽呻完 , 佢話唔嫁好過嫁 , 咁又唔關 C6 事 , 6299 都好好 , 係個女人姐 ~ 但係我真係唔想再返去食飯 , 但 99 又會話佢難做 , C6又話為咩要避個女人 , 99 身體又唔好 , 我堅持唔返去食 , 99 又會激心 , 唉 ...... 好煩呀 ! 有時真係諗一走了之 , 我返外家就算啦 ! 但成件事 C6 又無錯 , 為了個女人又唔值 , 好煩呀 ! 個女人成日話搬 , 得把口 , 99 話趕佢走 , 又係得把口 , 之後又比面大伯又算 , 為了煮一餐飯問題重覆又重覆嘈 , 我真係唔知點做好 , 我堅持唔再返去食 , 99 又喊住叫我算 , 但我真係受夠啦 ! 我都有情緒嫁 , 我都會有發脾氣既一刻 , 我唔知自己可以忍受到幾時 , 我堅持唔返去食 , 我諗 C6 會好頭痕 , 99 會好激心。如果你係我會堅持唔返去食 , 唔比面 99同 C6 , 定繼續忍下去.....

0 0 0

私人傳訊

nicip

複式洋房

積分: 145

100^#

發表於 12-8-14 16:49 |只看該作者

坐月o既日子真係好難控制情緒架~
你真係要好好同C6傾下 ...

私人傳訊

yinbb

大宅

積分: 3109

99^#

發表於 12-8-8 10:25 |只看該作者

其實你奶奶真係好自私，夾硬要兩個仔留晌身邊，根本唔理會佢地家庭幸福。

私人傳訊

candy-chiu

大宅

積分: 4483

98^#

發表於 12-8-8 10:17 |只看該作者

回覆 kktsoi 的帖子

6299 好傳統 , 一來想一家人一齊食 , 二來係 "慳" , 分兩次煮又要用多 D 水、電、媒 ,
你估大伯會唔會加家用呢 ? 答案 : 梗係唔會啦 ~
不過宜家個女人都未返~

私人傳訊

candy-chiu

大宅

積分: 4483

97^#

發表於 12-8-8 10:08 |只看該作者

回覆 ngbetty01 的帖子

我諗係 C6 心目中 , 6299 重要過我同阿女 , 等同我一樣 , C6 同自己既爸媽 , 我會選擇後者 ~
雖然自己已結婚有個家 , 但將來既野好難講 , 但自己爸媽永遠都會企係你身邊無條件支持你 , 愛你 ~
我好感恩我爸媽同細佬妹都好錫我 ~

私人傳訊

SeeseeLau

大宅

積分: 3102

96^#

發表於 12-8-7 17:46 |只看該作者

回覆：點解有咁既女人 ~ 3 (好長)

慘，我都明，因為我都有3個b6阿嫂，都係自私貪心面皮厚，以前慘啲，而家唔洗成日見，但遲下就好難講，我都好想搬，不過我冇能力...

私人傳訊

kktsoi

男爵府

積分: 8213

95^#

發表於 12-8-7 14:16 |只看該作者

本來食飯係一種享受之一,但甘睇法,似乎係一場戰爭多D.....如果係我,我又吾妥佢,佢又吾妥我, 但又想6299有飯好食,咪分開食囉. 佢地有佢地煮,你地有你地煮. 最多同佢地講好, 幾點至幾點我地煮,之后到佢地,或者調轉.

哎, 其實一間屋甘多人住埋一起,特別係甘多女人,一定有問題架拉

私人傳訊

heychan

大宅

積分: 2304

94^#

發表於 12-8-7 12:38 |只看該作者

回覆：candy-chiu 的帖子

同病相憐

私人傳訊

heychan

大宅

積分: 2304

93^#

發表於 12-8-7 12:38 |只看該作者

回覆：candy-chiu 的帖子

同痛相憐

私人傳訊

ronnieieong

男爵府

積分: 9822

92^#

發表於 12-8-7 11:32 |只看該作者

唔好咁激心丫, 會影響到bb架.

點評

candy-chiu

謝謝 ~ 發表於 12-8-8 10:18

私人傳訊

lambb豬

大宅

積分: 4485

91^#

發表於 12-8-7 10:05 |只看該作者

回覆：candy-chiu 的帖子

我屋企都有個b6阿嫂所以好明白你感受，睇完你咁多篇嘢同發生繫我身上真繫好相似，希望個b6早走早著咪煩到你同bb

點評

candy-chiu 佢宜家走咗 , 希望佢永遠都唔好再返嚟 ~ 發表於 12-8-8 10:18

私人傳訊

chacha1211

大宅

積分: 3062

90^#

發表於 12-8-6 16:20 |只看該作者

回覆 candy-chiu 的帖子

支持~~支持~~

私人傳訊

rainiemama

水晶宮

積分: 64465

2025勳章蛇年勳章虎到金來勳章畀面勳章 BK Milk勳章

89^#

發表於 12-7-25 15:20 |只看該作者

不如3口6面講清楚啦！

咁樣落去只會自己辛苦，不如講清講楚大家都好過！

一係定135邊個煮246又邊個煮啦~~
如果唔得自己食自己！

你大嫂好攻心計，要小心處理呢個8婆！

保重呀！

私人傳訊

ngbetty01

大宅

積分: 3878

88^#

發表於 12-7-25 14:35 |只看該作者

回覆：點解有咁既女人 ~ 3 (好長)

你要好好教育下你個C6，BB出左世，佢就做人爸爸，你地3個先係一家人，你同BB應該放係首位。所有野以BB利益為先，咁先配做人Daddy。

私人傳訊

candy-chiu

大宅

積分: 4483

87^#

發表於 12-7-25 14:08 |只看該作者

回覆 carrina 的帖子

唷 ~ 希望我生完 , C6 都會好似你 C6 咁啦 ! 宜家我唯有忍耐吓先 !
我宜家久唔久都同我 99 講 : 我係有脾氣 , 你預我生完就知道 ~

私人傳訊

candy-chiu

大宅

積分: 4483

86^#

發表於 12-7-25 14:05 |只看該作者

回覆 siutsunboy 的帖子

知道 ~ 好多人話坐月好緊要嫁 ! 生完又會好炆 , 所以我決定咗唔理 C6 同 6299 既反對 , 我返娘家坐月 , 無人可以阻止我。

私人傳訊

carrina

伯爵府

積分: 15754

熱血勳章好媽媽勳章

85^#

發表於 12-7-25 13:48 |只看該作者

回覆 candy-chiu 的帖子

睇你咁寫好你6299明顯係為面子only...
一屋3房人, 實多磨擦.
老實講, 雖然我暫時冇咩婆媳問題發生, 但係我自生完仔, 坐月& 湊仔都係我阿媽煲野我食, 幫我湊仔& 照顧我, 所以我已經搬番去媽咪到住. 只係初初我c6都係盲目地傳統要留响6299屋企住, 隔日先黎睇阿仔, 夜晚唔肯留响外母屋企食飯, 又趕番去6299屋企, 搞到自己好慘咁, 又話見個仔見得少, 又話要自己一個食飯. 之後又鬧又氹, 不斷同佢分析利弊, (佢家在大西北, 對我地住市區黎講真係好遙遠...)叫做重新執過娘家(我家3房, 夠哂位住架)終於肯留過夜, 而家仲自動自覺留响外母屋企, 都叫做習慣咗, 我媽仲冇多收家用(我都會識做回贈比自己媽咪o既)
所以為小朋友o既將來, 番娘家住都係好事黎架. 叫你c6認真諗諗啦. 可能到時冇人比o個個女人嘈, 個女人或者會有日醒覺呢

私人傳訊

siutsunboy

伯爵府

積分: 15359

84^#

發表於 12-7-25 13:23 |只看該作者

引用：回覆+siutsunboy+的帖子我認同你講+,+99+

原帖由 candy-chiu 於 12-07-25 發表
回覆 siutsunboy 的帖子

我認同你講 , 99 真係有好大問題 , 要面子之餘仲要委屈了其他人 , 經過琴晚我諗咗 ...

坐月對將來你嘅心理有好大影響，如果真係頂唔順可唔可以麻煩你爸媽出面講?我自己6299冇乜野，對我算唔錯，不過心情唔好會係又鬧唔係又鬧，我生大仔時坐月99又對湊B有意見，又覺得呢樣要咁嗰樣又咁，我媽媽又成日帶親戚探我，叫佢唔好又唔開心，C6雖然錫我但佢工作好忙，同佢講都冇用，我係有d產後抑鬱，之前姑娘話要轉介跟進但我唔肯，到生細仔因為開刀細菌感染而住院1個月，即響醫院坐月，反而自己一個心情舒服d添

私人傳訊

sukkiu

珍珠宮

積分: 47036

好媽媽勳章醒目開學勳章畀面勳章

83^#

發表於 12-7-25 12:55 |只看該作者

我覺得最錫係大伯,只要大伯唔開心,就咩到就哂,樓主要自強.

點評

candy-chiu 我都知 6299 最錫大伯 , 而我C6 好孝順 , 所以日後我會靠自己 ~ 發表於 12-7-25 13:37

私人傳訊

candy-chiu

大宅

積分: 4483

82^#

發表於 12-7-25 11:29 |只看該作者

回覆 siutsunboy 的帖子

我認同你講 , 99 真係有好大問題 , 要面子之餘仲要委屈了其他人 , 經過琴晚我諗咗好耐 , 孝順 6299 我會 , 不過唔會再盲目 , 因為之前諗住就到 99 就又佢 , 只要唔太過份 , 佢想點都會順佢意 , 因為唔想同 99 嘈 , 嘈完大家有條刺 , C6 又難做 , 但我唔會再這樣下去 , 亦都唔會只為佢既感受而忽略自己既感受。

琴晚 99 同我講 , 佢琴日叫大伯兩個女打比個女人個家姐 , 叫大伯個家姐勸個女人返嚟 , 話大伯好慘 , 又無心機 , 又飲酒。之後又叫佢兩個女打比個女人勤佢返屋企 , 話佢哋好掛住佢 , 唔好搬走 ~
我聽完 , 就哦咗一聲 ~ (因為我唔知比咩反應佢 , 口講又話個女人點衰 , 搬出去仲好 , 之前99都問佢兩個女有無掛住媽咪 , 佢兩個女都話 : 無 )
99話 : 個女人返嚟 , 就輪住一人煮一個星期飯 , 你照舊星期 6,日回娘家食 ~
我話 : 好 ~
99 : 其實次次忍唔住同個女人嘈 , 係為了你 , 唔想個女人蝦你 ~
我 : 算啦 ~ 佢嘈嚟嘈去都係一餐飯 , 到我生完 , 佢嚇親我個女或者其他野 , 我會自己出聲嫁啦 !
99 : 你會咩 ! 你都唔發脾氣 ~
我 : 睇下到時點 , 我都有脾氣 , 係人都知我脾氣大 , 不過我見一家人廢仕嘈 , 而且我大住個肚唔想勞氣 , 生完就唔同嫁啦 ~
之後我返房睇電視 ~ 入房後同 C6 講以上既野 , C6 話 : 多餘 , 返嚟隔一排咪又嘈過 , 十幾年都係咁啦 ! 宜家好似求個女人返嚟咁 ! 個女人返嚟 , 肯定唔洗幾耐又嘈過 ~
我話 : 咁都無辦法 , 佢唔想大伯搬 , 到時佢 D 孫又要走 , 你知 99 得把口 , 口講話個女人 , 之後又心軟 , 由佢啦 ~

之後我係度諗 , 99係真心鍚我 , 定只為面子 :
由嫁入去個女人都係為煮熟一餐飯嘈 , 我話同 C6 返娘家食 , 99 又話唔好睇成日帶埋個老公返娘家食 , 我話我爸媽唔介意。好啦 ~ 到我爸媽忍唔住同99講 , 咁我一個返娘家食 , C6 返佢屋企食 , 99 又話唔得 , 唔可以就個女人 ? 99 你其實想我哋點呢 ? 食飯食到黑口黑面 , 咁我返娘家食飽飯先返 , 好似我未嫁入嚟之前咁 , 咁個女人咪唔會嘈囉 !

我話去買定阿女 D 野 , 宜家7個月啦 , 你又話咁早買做咩 ? 我話要執定個位放 BB 床 , 你又話9月尾先去買都得 , 我10月頭生啦 ? 9月尾先去買 ? 最慘連我 C6 都覺無問題 ~ 最後我同媽咪行街 , 見到啱就買定 , 之後放係娘家先。

我都未諗餵唔餵人奶 , 你就同我講 : 你一定唔準餵人奶 , 餵人奶好黏你 , 到時我好難湊 , 又麻煩 , 又要座熱佢先比阿 B 食 ~ 我同你講 : D 人話餵人奶阿 B 健康 D , 而且早上餵人奶 , 夜晚餵奶粉 , 兩樣一齊食 , 唔會好黏身 , 而且我真係要餵都係返工前~ 你話你唔覺食人奶會健康 D , 之前你兩個孫都無食 , 食人奶唔通唔會病嫁。我唔再同你嘈 , 只係話到時先算 ~

你問我媽煲唔煲薑醋 , 我話 : 煲 ~ 你話咁你唔煲啦 ! 廢仕買煲 ! 叫我媽煲埋 ~ 我話 : 好 ~ 因為我媽無問題 , 但你可唔可以唔好教我媽點煲呀 ? 又話唔好太早煲 D 薑太淋唔好食 , 又話要加咩落去 , 或者你覺同我媽有兩句傾 , 但我媽煲咗你就食啦 ! 之後可能你都覺自己煩 , 話想自己煲返 , 但又係度同我講 : 你睇吓個廚房想煲都無位放 ~ 我想講你屋企個廚房大過我娘家好多 , 我媽都有位放啦 ! 唔煲咪算囉 !

我話要返娘家坐月 , 你又話唔好 , 但又成日係度講你咩都唔識 , 之前個女人你都係只係日日雞同蒸肉餅佢食 , 我話我媽識 , 你又話 62 唔鍾意返外家坐月 , 我話我坐月有朋友會上嚟探 B , 你話 : 咁麻煩 , 又無薑醋比你 D 朋友食 , 我話我媽煲好會比一煲你 , 唔夠自己加豬腳 , 你又話 : 你好多朋友咩 ! 明知你坐月就唔好上嚟。個女人無朋友 , 唔代表我無 , 我 D 朋友上嚟係祝福我個 B , 我話要返娘家坐月 , 你又唔肯 , 咁你想點呀 ?

我諗完以上既事 , 雖然99 同 62 對我都好好 , 或者只係因為我由嫁入去開始無出過聲 , 無發過脾氣 , 我諗到我生完阿女之後 , 我同 6299 既關係會改變 ~