家庭理財 今日: 5|主題: 47032

大把人都係甘！！

By: er6i

供左3年內…….!
不過講緊既係414既101, 供左兩年, 帳面係賺29%既, 不過如果計退保值...仲係蝕緊 14.4%, 即係話...已經俾左既供款額, 43.4% 係費用!
我係11年期PLAN, 我都鄧30年期PLAN既PLAN苦主心痛~ (無言)

--------------------

為什麼供了十年儲蓄人壽,現金?????

By : jokerplayer

為什麼供了十年儲蓄人壽,現金價值咁少咁少? 好驚在供死會.
本人首先是在盈科保險, 15000 一年保費, 現在已經賣豬仔去了富通.
供了十年, 現金價值得$3萬多D.
個agent 叫我買時話可取回雙倍供款.即是60萬左右.
現在得3萬多D現金價值.仲有十年要供....係咪X近街.

-----------------

By : maxy_p

剛剛拎返退保價值，執返身彩……

參與計劃：保誠尊尚退休寶
供款年期：不限
參與時期：12/2006-3/2011共52個月
總供款：$142,258.05
收回款項：$147,199.84
收益率：3.473%

果陣岩岩出黎做野咩都唔識俾人tum左買
呢幾年自己識投資都賺到d
個plan一路額外扣乜春保管費行政費
唔駛蝕算執身彩
奉勸大家自己投資

------------------------

愚苯的我買左101plan

By : beautybrave

小妹有幸閱讀咁多个post related to 101 plan的恐怖地方, 非常感謝大家, 龙其一篇"保險不能說的秘密"更令我知道人性的醜態. 我約於8年前買咗當時都未流行的101plan(如果早D有呢个post就好, 我一定唔買), 现一直供款至今, 剩下年期約19年(很沮喪), 想起要扣咁多fees就很覺得不合理 . 都係進退兩難. 唯有趁现在升市賣咗部分fund但繼續供落去(扣哂fees好肉赤,唯有當供MPF). 取回既部分现金自己投資好过比人揾苯 .不过今次一定温多d書及睇多Dpost先放响定期等個股市or外幣跌, 買D收息股或外幣.
一句講哂力不到不為财

------------------------------

By : ccgi

我係AIA都買左呢固101 PLAN, 月共$1610, 一年約$19500, 要供20年, 現供左1年零兩個月, 總共供左$22725.......
我摛晚再睇返份合約(再問過AGENT) , 佢話如果未完成20年, 期間終止保單, 佢會收取返未供完的供款的"保單管理費用", 即4%.
即如果我呢家CUT左佢:
現有價值(不是供款額) 咁呢家我份基金市值 $10000
計法: 總共240個月 (剩返未供的226個月 @ 4%) /12個月(一年) = 75%
咁AIA會收取我 保單現有餘額的75%
我可取回: $10000 X25% = 約$2500

但我都會CUT左佢.....................CUT CUT CUT

所以如果係買30年, 中途CUT左, 真係拿得返既可能會少過供20年.

----------------------

我買在 AIA...........唔知仲供唔供好呢?
我買在AIA 3年幾, 供30年, 每月約$1,700.....有個朋友同我講話AIA間公司之後唔睇好, 收費又唔平, 又過在CIP, 叫我唔好再供,由個A/C 有BALANCE係度.......之後拎原本供既錢買股票好過.... 各位有咩意見呢???? 如果我唔再供得唔得家..... 30年之後會唔會比佢扣哂D錢家???
--------------------

By : cargirl

唉...pls help me...又比人呃~_~
我07年-08年月供...兩年共比左$1800美金買基金
09年頭...我問個agent...我而家D基金賺定蝕...
佢答我...睇番你而家D基金...你ac入面有$1400...
有賺$500喎...好好成績丫...我諗佢計我比一年既錢$900黎計...
(自己又衰既...唔好好記住自己比左幾耐/.\~)
我自己check番...我覺得佢咁樣講野好呃我, 我就唔鬼供...
因為我個隻係可以隨時唔供既...而家個Agent都走埋...
我打番上公司...佢地check到我而家得番$1200...
我而家有個問題就係我唔知而家好唔好囉番D錢...
我唔識而家個價位係唔係好低...Pls help ……….

嗚...我岩岩打上佢公司...
佢話我只可以囉番75%...因為只供左兩年...
如果我供哂3年就可以囉番95%...但我要比番停供左個D...
人地供左兩年多D...around USD2,000...而家得番1,200...
仲要扣起人地25%...又話每個月扣我錢...之前個Agent都無講過
而家個Agent無做到...仲移埋民...即係明呃我錢
講既同買既完全唔同既
好嬲丫!!

------------------
你都供左七萬蚊喎.
又供滿A戶口,呢個戶口根本就係全期最低收費,
中期斷供都照扣30年費用,
俾著我都唔會再供,蝕七萬好過俾佢地長期陰干
---------------------
假設 20090202 戶口價值: 1700 x 12 x 3 = 61200.
停供之後的每月收費
1 保單管理費用: 戶口價值 x 4% / 12 = HKD204
2 每月保單費用: USD6 x 7.8 = HKD46.8
3 每月行政費用: 戶口價值x1.2% / 12= HKD61.2
則20090302 戶口價值: 61200 - 204 - 46.8 - 61.2 = 60888
您跟上面的例子做, 大約知道30年後乘下多少.
假設現在戶口價值HKD61200:
年回報 -- 30年後戶口價值
10% -- 214829.88
8% -- 120881.20
6% -- 66745.05
4% -- 35738.66
2% -- 18126.48
0% -- 8239.52
如果您用HKD61200買美國30年債券, 假設年回報5%,
27年後(30年-首三年供款期)你有235413.20
我也是受害者....
-----------------------
我都係蝕左差唔多錢
最初都十五十六, 但都決定斷供
因為我根本睇唔到我 30 年後確實有幾多得益
而家一次海嘯就已經打沉大部份行業
我也不知未來餘下的廿幾年會有幾多次海嘯
我只係知無論點, 你都係要現金俾足人地o甘多年錢
------------------
我都係AIA供30年PLAN
我每月供$4000....家陣供左兩年....仲有一年先可以停供
斷供就TOTAL LOSS....家陣真係騎虎難下
灰過大灰熊!!
-------------------
唉,
我都係...
供20年, 月月2000
而家同我蝕到d bonus 無曬, 仲要得返一半本金.
d fund 佬仲死過我自己炒股, 仲好意思收管理費
----------------
幾多年 plan? 30年係絶症, 20年以下又供咗2年, 可以再供多兩, 三年, 有機會蝕少少走, 調撥得好可以回本至 cut, 30年就............. , 喊完 cut咗算, total lost 都好過繼續蝕.
------------------
我同你一模一樣.........年供 !!!!!!!!!!!!!!!!!!!!!!!!!!!!!!!!!!! 大家交流一下
而家諗緊壯士斷臂
果兩皮野當掉左落咸水海算
用下個月賺番來安慰自己
而之後果兩年供多四萬八喎
我現在蝕兩萬四 我之後兩年得番四萬八
我怕之後零存整付渣都無埋到時唔止蝕兩皮 而是蝕足七皮
所以 ....................考慮緊壯士斷臂!!!!!!!!!呢兩日內行動!!!!!!!!!!!!!!!!!!!!

而且自己另外一度有基金要供, 所以負擔會好
----------------------
死啦, 我第一次睇呢條link咋
睇返d statement, 先知自己係買左友邦 財庫之選 14年既plan
已經供左2年零一個月, 月供 HK$1700左右
已付保費: US$5,414.5
bonus: US$181.92
現有戶口價值: US$4,503.93
net surrender value: US$2,701.22
我14年後拿得返既錢, 七除八扣後, 係咪會少過我既本金? 如果係, 我想而家cut, 咁我而家cut既話係咪可以拎返 US$2,701.22?
我真係唔清唔楚, 好慚愧, 希望你地好心幫下我, 俾d意見
---------------

我一年幾前有一份40000幾蚊既aia 101, 30年期基金......
一年內比佢蝕到超過60%，仲不斷咁食管理費。
D基金經理真係費到爆，而且轉基金又要花幾日時間，好易變成高買低賣。
搵個agent幫你睇?話唔定佢蝕得仲多過你.......
總知呢d有年期基金真係廢到爆!
於是我怒cut 30年plan
雖然蝕到好肉痛，但係值得。因為唔cut既話你不但要不斷蝕管理費
而且呢30年內你會成日覺得比人昆左，每個月交供費時都會覺得比人昆左
要被人昆30年.....真係人都癲喇!!會有精神病呀!!
而且，你30年內都唔可以攞呢筆錢離用，人有三衰六旺...衰起上離想攞筆錢出離應急/做生意/結婚/買樓.........全部唔得......你話到時激唔激到你嘔血丫....
我怒cut 30年plan後自已去買ETF果類指數基金跟本就係差唔多，而且隨時可買可賣，唔洗等佢幾日先至可以換馬，好過買有年期基金幾萬倍。
ETF選擇都唔小, 台灣ETF, 美國、印度、日本、金ETF，我真係覺得...有年期基金跟本毫無優勢/好處。
未買既千祈唔好買呀!!