吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 男人唔想結婚？

夫婦情感今日: 1|主題: 42786

收藏本版

發帖

返回列表

跳至頁

查看: 20262 | 回覆: 43

男人唔想結婚？ [複製鏈接]

12 3

babycat820

別墅

積分: 935

1^#

發表於 12-8-9 21:17 |只看該作者 |正序瀏覽 |打印

想請問大家意見。我和男朋友拍拖六年，感情一路穩定仲好開心，大家亦很專一，但佢一直都唔會主動提結婚！幾年前我開始有時會輕輕問佢關於結婚or 生b嘅事(只是試下佢，絕不是迫婚），佢會每次答唔同嘅嘢，一時話32歲，一時話一兩年后， or 會"hair" 我，直至近排我認真問佢，佢終於話其實唔一定要結婚（佢不太喜歡小朋友）。我聽了后好唔開心，隔了一日再問佢，佢就係咁話佢都唔知想點。我本人一直想結婚，亦想同佢結。佢係知嘅。我之後問佢咁如果我人生係想結婚，咁係咪我哋要分開，佢始終冇答我。

大家覺得男人係咪通常都唔想結婚，拖得就拖，定係佢跟本唔夠愛我？過多幾年等佢大d會有唔同諗法？佢今年36，我31。

我真係好愛佢，亦覺得佢好好，我相信我不會再找到一個好似佢咁好的...我唔知應該點！

P.S. 我自己也想生小朋友....

0 0 0

私人傳訊

Shione

大宅

積分: 3184

陪月勳章

44^#

發表於 12-8-11 04:51 |只看該作者

引用：Quote:原帖由+hilewo+於+12-08-10+發表佢唔

本帖最後由 Shione 於 13-2-24 16:51 編輯

原帖由 Joball 於 12-08-11 發表
有可能係！
也可能係男人未到失去的時候唔知死！有時男人食硬你便會覺得你可有可冇！
你可以試下扮有人追丶 ...

Agree!你越唔在乎個男人越想同你結婚!要比佢知你難得手。

私人傳訊

ahong

複式洋房

積分: 161

43^#

發表於 12-8-11 01:53 |只看該作者

你有冇諗諗你同傾果陣時個樣?

私人傳訊

Joball

公爵府

積分: 26605

42^#

發表於 12-8-11 01:13 |只看該作者

引用：佢唔係唔想結婚，只係唔想同你結婚。好殘酷

原帖由 hilewo 於 12-08-10 發表
佢唔係唔想結婚，只係唔想同你結婚。

好殘酷，但係現實。

有可能係！
也可能係男人未到失去的時候唔知死！有時男人食硬你便會覺得你可有可冇！
你可以試下扮有人追丶時不時不聽電話、同朋友去旅行，一個電話也不打給他！
你一定不要提結婚，扮不緊張。你越hea, 理論上佢應該越緊張！如果他都不理你，佢愛你有限！

我上年三十四結婚，都係這樣成功

私人傳訊

hilewo

伯爵府

積分: 15699

41^#

發表於 12-8-10 23:16 |只看該作者

佢唔係唔想結婚，只係唔想同你結婚。

好殘酷，但係現實。

點評

fafacat This is very true! 發表於 12-8-10 23:58

私人傳訊

littleduckwong

大宅

積分: 3494

40^#

發表於 12-8-10 22:36 |只看該作者

回覆 babycat820 的帖子

有D人唔鍾意結婚, 唔代表佢唔愛你, 不過佢想自由D, 但你地要好好傾呢個問題, 因為女人青春有限的!!

私人傳訊

Sharon886

男爵府

積分: 5817

39^#

發表於 12-8-10 21:17 |只看該作者

回覆：babycat820 的帖子

大家都係成年人，你又31佢都36，咪直接開聲問囉！

唔好浪費青春呀！

私人傳訊

Tinetinetine

禁止訪問

積分: 492

38^#

發表於 12-8-10 20:59 |只看該作者

提示: 作者被禁止或刪除內容自動屏蔽

私人傳訊

Shione

大宅

積分: 3184

陪月勳章

37^#

發表於 12-8-10 20:14 |只看該作者

引用：個男人未夠愛你.....男人係要愛個女人愛到

原帖由 DARK_MOON 於 12-08-10 發表
個男人未夠愛你.....男人係要愛個女人愛到想私有化至會考慮結婚

AGREE

私人傳訊

ChristieMing

侯爵府

積分: 20768

好媽媽勳章畀面勳章

36^#

發表於 12-8-10 16:23 |只看該作者

樓主, 我都有位朋友同你一樣, 同男朋友拍o左拖7年, 但一直都冇結婚o既打算, 兩三年前我都有勸過呢位朋友, 如果男方冇意思, 叫佢唔好再拖落去, 對自己冇好處, 但佢同你一樣, 覺得散o左之後搵唔番一個咁o既人, 所以拖到而家, 佢而家都33歲了, 但男o既仍然咁o既態度, 雖則比我個fd迫到佢影結婚相, 但婚期無期~~~ 唉~~~~

其實都係一個借鏡, 希望你會醒覺~

蔡翁失馬,焉知非福呢~

私人傳訊

winniethe718

大宅

積分: 2281

畀面勳章環保接龍勳章

35^#

發表於 12-8-10 15:49 |只看該作者

回覆：babycat820 的帖子

你們有共同理念嗎?或是一相情願等結婚呀?男未婚女未嫁.比多啲機會自己.去認識多啲人鄺闊圈子.可能會遇到想結婚生小朋友的人呢!

手機用戶,不要點評,謝謝

私人傳訊

oocholeoo

大宅

積分: 4506

認識瑞士牛牛第一回畀面勳章

34^#

發表於 12-8-10 15:38 |只看該作者

回覆：男人唔想結婚？

我同我男朋友有共識唔結婚。。。
但會生bb係咪好奇怪?

私人傳訊

yokie_beagle

大宅

積分: 1985

33^#

發表於 12-8-10 14:31 |只看該作者

我同樓主一樣, 我同c6拍左拖7年;
但我地決定出年1月結婚, 當中傾結婚時, 都歷盡辛酸, 因為永遠女仔係急過男仔的; 佢開頭攪結婚都唔係咁想, 同唔上心, 我果時都好唔開心, 初初我都係半迫半放棄, 一係結, 一係分手; 因為我唔想再浪費時間了, 始終女仔青春有限;
但去到今年年初, 佢又態度軟化左, 好似接受現實, 對我好左同積極左攪結婚既野, 我都有少少安慰;

樓主, 比多少少時間大家la, 佢會明白你既心意既

加油.....

私人傳訊

mimi26

子爵府

積分: 11716

32^#

發表於 12-8-10 14:24 |只看該作者

回覆：男人唔想結婚？

我老公以前都唔想結婚，可能好多野未ready好。但我好想結因我大佢兩年。後來佢答應係我三十歲前娶我，佢做到了。我今年廿九，結婚一個月未到。我知道佢有啲驚，太大責任，但佢會考慮我感受。依家大家相處得好好。你要比個期佢，一定要。佢唔想結ok,咁不如影攝婚照先?當留念都得掛?逐步逐步。

私人傳訊

MyTulip

子爵府

積分: 12138

31^#

發表於 12-8-10 12:14 |只看該作者

樓主妳個case同我差不多。不過男女角色掉轉。(我又係唔想生小朋友。)
我細過妳啲,但男友三到尾。佢好想結婚,我未到抗拒,但又唔多想。
主要原因係我對婚姻無咩信心,我怕轉變。
除非妳能俾妳男友見到婚後嘅轉變不大或更好,否則好難改變佢嘅疑慮。

私人傳訊

Nancy20090615

瑪瑙宮

積分: 138555

30^#

發表於 12-8-10 11:33 |只看該作者

拍拖之後結婚, 好正常. 咁我唔明佢唔結原因, 都 36 歲. 又無諗您都 31 歲了. 不可一直逃避下去, 令您歲月蹉跎. 大早佢唔結就坦白同您講啦, 又唔講, 好衰. 我有個 fd 佢個 bf 講明唔結亦唔要小朋友, 拿, 咁留底係您自願唔好怨我. 我覺得咁好.

問清楚佢, 結定唔結, 結左要唔要 bb 要大家一致, 唔好勉強是但一個去遷就. 有 d post 一方堅持要左 bb 後同 c6 越行越遠, 咁婚姻都無意思.

點評

fafacat Nancy, 你最公道! 發表於 12-8-10 17:20

aidan08 agree! 發表於 12-8-10 11:55

私人傳訊

canies

翡翠宮

積分: 97283

29^#

發表於 12-8-10 11:27 |只看該作者

回覆：男人唔想結婚？

比女人遲少少，一般男人3x 都想成家立室，尤其你地冇同居！同意樓上扮有左試下佢先，仲冇表示勸你騎牛搵馬好啲⋯

私人傳訊

aidan08

侯爵府

積分: 21098

28^#

發表於 12-8-10 11:17 |只看該作者

我覺得樓主你首先要清楚自己的想法，如果結婚生仔對你嚟講好重要的話，我諗你要set個期限，個期限到而佢都完全無結婚打算的話，我勸你唔好嘥時間，女人的青春係最寶貴。而且，你男友不嬲都知你想結婚，我覺得佢都好自私吓，自己唔想結婚就無謂拖人咁耐啦！呢樣嘢大家無共識到頭來好大問題，而且女人唔等得，好蝕底！

個男人真正愛你係會考慮埋你的感受同埋將來，你男友而係係佢愛自己多過愛你。

而且，你set咗期限就係比咗機會佢(講真，都六年啦！)，你同佢講分手你都要話佢知呢一點，因為你無法再等，女人生仔有年齡限制，而且你要表示你唔係想即刻結婚，但最少要有plan，大家work out唔到係另一件事，但完全唔諗對方的將來係幾自私囉。

我都見好多等呀等等到過晒期的例子，我老公有班男性朋友，以前三十歲前成日出嚟玩，都玩得幾顛，三十歲後陸陸續續有穩定關係，大部份都喺三十五歲前結咗婚，修心養性，而家出嚟都係一pair pair，班男人都享受婚後生活，覺得玩夠係時候停落嚟。而當中有一個而家已經四十幾歲，大家不嬲都知佢話明唔想結婚，之前成日拍散拖，呢兩年識咗個女友，個女仔年紀唔細，佢哋都算係穩定關係，個女仔當然想結婚，開晒口，又暗示叫佢班兄弟出手勸吓佢，其實大家都知呢個女仔下場會好慘，心裡面都想佢快D清醒搵過第二個，因為知個男的根本無結婚打算，我哋仲會私下估個女仔幾多歲(因佢一直唔肯透露)，大家估佢四十幾，仲喺到希冀呢隻無腳雀仔會為佢停落嚟，大家其實心裡有數。我哋亦知道即使個女仔話因佢唔結婚而要走，個男的都唔會妥協.....真係等又死唔等又死。

我自己覺得，同呢D人一齊你一係同佢一樣，唔認同婚姻，唔一定要生仔，否則到你等到自覺無晒市場時，你會好唔開心，因為眼見周圍的人都成家立室，為緊一D目標進發。除非你都享受獨身。