懷孕前後 今日: 1 | 主題: 330521

積分: 151309

畀面勳章

1^#

發表於 12-8-14 00:10 |只看該作者 |正序瀏覽 |打印

見好多JM都贊成返阿媽度坐月，我就阿媽來我家坐月，本來方便又開心，但原來會成日嗌交，主要問題如下：

1. 唔俾我掂生水，話生水有菌，搞到好唔方便，下下煲水洗手
2. 成日要我訓，唔俾我用電腦睇電視做其他野
3. 話我奄尖, 彈三彈四，話佢煮餸唔好食, d餸唔啱食
4. 我99有時會黎，佢又會同我99有分歧,之後俾說話我聽
5. 佢自己失眠心情唔好又話我唔俾佢放假休息
6. 成日話要俾水BB飲
7. 湊B睇法唔同

正所謂相見好，同住難，自己阿媽都係咁話，好在而家已過左三個星期，仲有一個星期。雖然有d出發點我知佢係為我好，但兩代睇法好多唔同，奉勸各位JM如果阿媽陪坐月要做定心理準備！

0 0 0

私人傳訊

卓言

積分: 4278

57^#

發表於 12-8-15 02:10 |只看該作者

回覆：阿媽陪坐月，成日嗌交

其實你好幸福㗎，唔俾掂生水係正常㗎，叫你瞓多啲係好事嚟，你知唔知有幾多人都想自己啊媽陪坐月呀，

私人傳訊

captainmama

男爵府

積分: 6155

56^#

發表於 12-8-15 01:31 |只看該作者

回覆：cocok 的帖子

我都係在媽媽屋坐月，見佢日煲夜煲我都唔係幾好意思唯一係佢成日驚我太多累，又驚阿B食唔飽，成日叫我唔好餵人奶！

私人傳訊

積分: 151309

畀面勳章

55^#

發表於 12-8-15 00:04 |只看該作者

chokpig 發表於 12-8-14 16:47
Agree樓上aki0106，好多難聽說話，唯有無視
前日我先俾呀媽串
依家我全力湊仔，媽幫洗一次奶樽+拖一次地+煮 ...

下？佢咁講？呢D說話好HURT！佢唔應該咁講！
我阿媽最多只會講：“我好後悔應承幫你湊B呀／陪你坐月呀！”咁囉

私人傳訊

積分: 151309

畀面勳章

54^#

發表於 12-8-15 00:02 |只看該作者

回覆 aki0106 的帖子

噢！咁我阿媽又好你阿媽好多！佢只係有時表達方式奇怪！
佢湊B其實幾好～我真係要對佢好D了！！

私人傳訊

chokpig

積分: 2754

53^#

發表於 12-8-14 16:47 |只看該作者

Agree樓上aki0106，好多難聽說話，唯有無視
前日我先俾呀媽串
依家我全力湊仔，媽幫洗一次奶樽+拖一次地+煮晚飯
佢執住我要靠佢煮飯呢點，鬧我"無自理能力＂
仲話＂自己都照顧唔到，就米學人生仔啦！你早就應該落左佢＂
佢成日都打橫來講

私人傳訊

aki0106

子爵府

積分: 11643

大廚勳章畀面勳章 BK Milk勳章

52^#

發表於 12-8-14 16:02 |只看該作者

回覆：阿媽陪坐月，成日嗌交

我媽同你媽差不多。頭一個星期我日日都俾佢激到喊，一次又一次搵d唔知咩油搽吖b個身包括手臂上個針孔位，出院時姑娘都當住佢面講5可以搽嘢落去！飲水又係，不停話俾水佢飲！頭幾日小便便要俾水吖b飲等佢退黃，我話唔可以，飲奶就夠。佢死都5信我，反到健康院不停問醫生姑娘點樣退黃，洗唔洗食d咩，個個都答佢食多d奶，咩都唔洗俾佢食。佢先肯死心！第一次幫吖b沖涼，未試d水就掉吖b落去，熱到爆，吖b喊到拆天！連我地呢d大人摸都覺得熱。好多大大小小嘅嘢，俾佢激到我勁喊，我知佢辛苦幫我好多，佢好多難聽說話我都無視、我都無同佢嘈，有委屈都係入房喊，老公唯有安慰我叫我堅強！之後我覺得佢戈套唔對路就叫停佢，堅持自己知道戈套！過左頭一星期都無咩爭吵了！

私人傳訊

cherrieloy

水晶宮

積分: 64098

51^#

發表於 12-8-14 15:31 |只看該作者

本帖最後由 cherrieloy 於 12-8-14 15:34 編輯

cocok 發表於 12-8-14 00:10
見好多JM都贊成返阿媽度坐月，我就阿媽來我家坐月，本來方便又開心，但原來會成日嗌交，主要問題如下：:th ...

1. 媽咪都係為你好咋, 我諗煲水都唔駛你自己煲, 咪順下佢意囉2. 都係為你好咋, O岩O岩生完真係要大量時間休息, 如果唔係冇精神湊B
3. 既然媽咪特登過黎陪坐月, 你都唔應該嫌佢煮野唔好食, 點唔好食都好, 你由細到大都係食佢煮O既野, 同埋你嫌佢煮得唔好食, 其實佢會好唔開心架
4. 可能佢日夜幫你湊B, 但人都好攰, 脾氣會大D, 正常
5. 其實湊B真係好攰架, 我媽咪都係去我屋企陪我坐月, 一到我老公放假之前一日, 我會比佢返返自己屋企休息, 瞓下, 平時佢O係我屋企我都盡量自己做到O既野就自己做, 例如幫BB沖涼/換片/餵奶呢D, 媽咪主力係煮下野比我食, 幫我拎下野等我可以坐多D
6. 飲一細啖濕少少口冇問題, 我姨姨O係廣州兒科醫院做護士長架, 佢話BB飲奶粉個口會漿住唔舒服, 所以飲完奶最好比BB飲一啖水
7. 唔同年代湊B/睇法都唔同, 唔好勞氣, 你要知道你媽咪都係為你好咋, 如果唔係都唔會過去陪你坐月

私人傳訊

積分: 151309

畀面勳章

50^#

發表於 12-8-14 15:14 |只看該作者

回覆：ckykwan 的帖子

你都啱，昨晚我媽堅持BB放屁可能有肚風，所以係咁喊，話要搽油在BB個肚（把油卒興對手再按BB肚仔）,我反對因為話BB廿幾日人你石知搽唔搽筏油，同埋認覺得BB可能只係扭眼訓，但阿媽堅持，最後我叫佢試下（又嘈左好多句），之後BB真係訓左，無再喊, 之後痾左便便！所以原來佢地d傳統湊仔方法同經驗係有用！我原來有時真係要信佢！

私人傳訊

積分: 151309

畀面勳章

49^#

發表於 12-8-14 15:05 |只看該作者

引用：我都係媽咪黎陪我屋企坐月,+因為大家湊b方

原帖由 gu_b 於 12-08-14 發表
我都係媽咪黎陪我屋企坐月, 因為大家湊b方法始終唔同, 所以基本上bb係自己湊返, 媽咪只係幫手買下餸煲下湯, ...

其實真係好難避免掂生水，我話我在醫院無咁多熟水掂過幾次佢又話我，我話見醫院好多人無用熟水洗手，佢咪話果d人老左就後悔！返到屋企勁煲水來洗手囉！我媽煮飯我阿爸負責洗野，所以原則上我只係去完廁所，食飯前，抱B前要洗手，唉，佢地其實真係好錫我，不過佢地有時表達方式奇怪d姐

私人傳訊

積分: 151309

畀面勳章

48^#

發表於 12-8-14 14:58 |只看該作者

回覆：wii_2007 的帖子

你出咩疹呀？有無睇醫生？我生之前都有出疹呀，生完而家差唔多好返，我都仲戒緊口！又係唔用得薑水沖涼，我用艾草沖，我阿媽d朋友教的，可驅風又唔會令皮膚發興！湊B方面，你要教佢地湊，因為如果連抱都唔啱好大鑊呀！驚佢地會整親BB

私人傳訊

50246419

侯爵府

積分: 24570

美好大世界2017勳章最關心BB問題熱投勳章育兒性格勳章我的育兒心得勳章想生BB熱投夏天玩到顛 hashtag旅遊勳章 DHA勳章畀面勳章大廚勳章 BK Milk勳章 hashtag影視迷勳章

47^#

發表於 12-8-14 14:03 |只看該作者

cocok 發表於 12-8-14 00:10
見好多JM都贊成返阿媽度坐月，我就阿媽來我家坐月，本來方便又開心，但原來會成日嗌交，主要問題如下：:th ...

1. 你可以試下帶手套洗野丫
2. 其實真係要訓多D。我媽係陪月員，佢見訓得多既太太真係容光煥發D，復完得好D
6.其實就算飲人奶既B都真係要比少少水佢飲，人黎架，點可以唔飲水? 你自己飲完奶都會覺得個口酸啦~ 況且大熱天時飲多少少係正常。水唔係毒藥哦~~

希望幫到你~

我地黎囉Babe

公民黨班9今日食左9糧未呀?

私人傳訊

gu_b

積分: 1092

46^#

發表於 12-8-14 13:05 |只看該作者

我都係媽咪黎陪我屋企坐月, 因為大家湊b方法始終唔同, 所以基本上bb係自己湊返, 媽咪只係幫手買下餸煲下湯, 佢又係成日叫我唔好用生水洗手, 但湊得b就咩都要乾淨, 餵奶, 換片, 洗衫仔, 沖涼, 沖奶, 洗奶樽, 每日都好多機會濕水, 真係無咩可以唔觸及生水, 如果下下都煲水洗, 真係多多都唔陪用

私人傳訊

wii_2007

積分: 1148

45^#

發表於 12-8-14 11:34 |只看該作者

回覆：cocok 的帖子

其實家家有本難念的經，大家又唔駛話樓主嘅，我諗佢都知媽媽為佢好，不過有時又真係好難頂，都係呻吓，舒緩吓情緒啫。

初初知道有咗，我阿爸阿媽好高興，叫我返娘家坐月同俾bb佢地湊，諗到自己屋企細，請工人或者陪月都唔方便，就應承。但係俾機會我再揀，我一定婉拒。原因係佢地兩老真係唔識湊，我同細佬都係阿嫲湊大，老豆好d, 我阿媽唔識又唔肯聽人講，淨係信佢d迷信師奶朋友，個人性格又負面，本身已經因為生疹、餵唔到人奶、傷口又痛，有d抑鬱，加埋佢嘅囉嗦，我連續喊咗好幾日。因為我個情況比較特別，唔掂得熱水同薑水，唔補得，雞呀，魚呀，薑醋食完都會加重病情，我阿媽就日鵝夜鵝，話咁樣唔得，老咗會風濕，唔補身子會好差，又話一定係我陀嗰陣唔聽佢講，冇日日煲腐竹蛋糖水，走去食芝麻糊同西瓜，所以積埋D濕毒，BB又唔夠白(其實BB白過哂全屋人)…搞到我真係好忟，唯有躲入房。

bb一喊又即刻抱，又搖又un，講咗好多次抱起要托住頭，BB係頸未夠力，又唔記得。未夠鐘，BB一喊就開奶粉，結果唔係食剩就係嘔。又成日話又唔係俾唔起錢，唔慳得咁多，俾佢湊我個女一定唔止公主病，係超級浪費嘅女皇

私人傳訊

sammitse1404

積分: 2127

44^#

發表於 12-8-14 10:41 |只看該作者

樓住身在福中不知福!!!!!!

私人傳訊

chokpig

積分: 2754

43^#

發表於 12-8-14 10:25 |只看該作者

回覆 cocok 的帖子

我無屈服無掉隻貓但日嘈夜嘈都夠煩，仲嚇到bb
講真，早知我自己揍b，請個鐘點煮飯算

私人傳訊

CARMEN_LKM

積分: 4009

42^#

發表於 12-8-14 10:25 |只看該作者

回覆：阿媽陪坐月，成日嗌交

其實比得阿媽湊同坐月，咩都要聽佢講架喇！因為佢樣樣都係為你好唔會害你呀！互相遷就下啦！

私人傳訊

ckykwan