婆媳關係今日: 5|主題: 27759

收藏本版

發帖

返回列表

跳至頁

查看: 3875 | 回覆: 77

12 3 4

積分: 7839

1^#

發表於 12-8-14 09:01 |只看該作者 |正序瀏覽 |打印

上文提到自找嫂心思思想同無賴哥一起. 不過佢唔忿氣自己搵上門, 因為佢出錢出心出力, 而家又得到D咩呢. 佢之前請既工人到左. 甘自找嫂叫我過去同佢工人講下D家規呀. 有D咩要做. 因為佢媽媽係僱主, 不過出錢係佢. 始終佢搬左返屋企, 好多野都失左預算.冇理由搬返呀媽度咩都要呀媽做晒. 點都講唔通.

甘我去度佢呀媽屋企. 講真又真係幾迫. 5個大人3個小朋友而家又多個工人. 同工人傾左一輪之後. 呀伯母都同我講咩事無賴哥要甘對佢個女. 我話我都唔知因為呢D都係無賴哥同自找嫂既事. 事發後我地都冇咩點見到無賴哥. 再者感情既事從來外人真係好難理解, 分辨是非. 伯母就話都唔明. 有仔有女仲要去搵女人. 我家99又可以咩都唔理. 仲要怪佢個女. 衰到連孫都唔要. 我話有D野就唔好睇甘緊. 讓時間證明一切, 再者都係剛剛分開. 可能考慮左一段時間先會考慮係唔係離婚呢. 而家都係未知之數. 甘伯母就話如果我見到無賴哥, 要同佢了解下咩事甘做. 我都話好好好. 為左安慰老人家. 咩都應承左先. 無謂搞到老人家唔開心雖然我係唔會理無賴哥既.

過左幾日, 自找嫂又再搵我傾. 佢話佢都有壓力, 因為佢媽媽唔係甘想佢離婚. 可能係古老人家思想. 離婚唔係甘好睇. 甘我話唔好再去諗離婚. 因為嫁老公係你. 唔係我都唔係你媽媽. 你開心既咪一起囉. 唔開心既. 係唔係冇得改善. 呢D先係要諗既地方. 我地(包括佢媽媽)都唔係當事人, 即係自找嫂. 生活開唔開心, 值唔值得. 呢D野只有自找本人先知. 我地外人可以有好多想法. 不過係唔係可行呢. 再者唔好俾其他人說話影響到自己既睇法. 唔想離婚又係為咩呢. 唔好俾藉口自己話呀媽唔想就唔想. 其實自己唔想就唔想. 因為到時有咩事又去賴人呢D係不負責任既行為.

自找嫂聽到我甘講就梗係唔開心啦. 佢話我唔係佢梗係唔明白啦. 因為我有個好老公, 有對健康少擔心既仔女. 無論99女家既人定係62男家人都喜歡我. 我地2個同場既, D親戚朋友都只會同我傾計, 而唔係同佢. 所以自找嫂話我梗係唔明白被冷落既感受. 再者分居既係佢唔係我. 我講咩都易啦.不過唔係我行呢. 聽到呢D廢話之後. 真係嬲到我死. 又係自找嫂問我既. 而家聽到D佢唔想聽既野呢又向我發火. 真係人都癲. 甘我同自找嫂講99最錫無賴哥, 理應最錫係你呢個新抱. 無論邊個做無賴哥個老婆99都一定錫. 睇99初時點對你就知. 反而自找嫂你又有冇投入呢個屋企呢? 我地好多親戚見到打個招呼客客氣氣就係人都會同你講野. 不過你次次返去都黑晒口面甘人地都唔敢叫你啦. 因為人地都唔知你發生咩事. 再者我嫁左入去甘耐, 大家對我都會熟悉D. 不過唔等於人地會冷落左你. 如果自找嫂覺得我唔會明, 又被人寵愛既. 甘不如唔好再同我講. 因為我都唔想俾人誤會. 好似我好多事甘. 自找嫂就發脾氣收左我線!!! 我真係發要發癲了!!! 甘既人都有既, 呢一刻我都懷疑佢係唔係都有問題所以無賴哥, 所以佢都頂自找嫂唔順出去搵女人呀!!!

如果大家想知道故事既發展, 請留個言支持下好嗎. THANKS!