吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我覺自己好失敗~

婆媳關係今日: 6|主題: 27768

收藏本版

發帖

返回列表

跳至頁

查看: 1484 | 回覆: 25

我覺自己好失敗~ [複製鏈接]

candy-chiu

大宅

積分: 4483

1^#

發表於 12-8-14 12:42 |只看該作者 |正序瀏覽 |打印

又係我上嚟呻既時候啦 , 真係好辛苦呀 ! 要上嚟減減壓 ~

我覺自己真係好失敗 , 成日都累到自己娘家 , 唔通我之後返娘家都要鬼鬼祟祟嗎 ? 激氣呀 ~
話說平時星期 6 , 日同大伯放假都會返娘家 , 自從個女人無返嚟之後 , 宜家星期日都會留在男家幫手煮飯 , 難得星期 6我以為 99 有街去 , 我又放假 , 一心諗住返娘家 , 99 每次都要我拎野返去 (已經叫佢唔好買 , 佢唔會理你感受) , 我見到今次又有好多野 , 心諗今次又要坐的士返去 , 點之佢話佢要帶埋兩個細同我一齊返娘家 , 夜晚帶兩個細既去食壽司 ~ (都唔知咩人嚟嫁 , 一早又唔講要跟埋我入去 , 我媽都唔想招呼你)
我話 : 吓 ~ 你唔係出街咩 ~
99 : 唔係 , 無街去 , 我諗住帶兩個細既去陪你姪仔玩 ~ (我心諗 , 我姪仔先唔洗你D孫陪呀 !)
我話 : 咁我打比阿媽講聲佢知 ~
99 : 唔洗打啦 ! 就咁入去咪得囉 ~ (大佬你入去人哋屋企點都要講聲嘛 ! 你以為你係邊個呀 !)
我話 : 可能佢要執吓屋呢 ~
99 : 洗咩執咩屋喎 ~ 自己人 ! (你估真係執屋咩 , 係我一定要講聲比媽咪知)
我無理 99 打比阿媽 , 講佢知 99 宜家同我入佢度 ~
媽 : X (我姪仔) 發燒喎 ! 宜家幫佢換衫去睇醫生 ~
我 : 咁好啦 ~ 我同 99 講聲 ~
我 : 99 阿媽話 , X 發燒呀 ! 宜家去睇醫生 ! (正常人聽到都會唔去打擾人啦 ! )
99 : 咁我哋入去同佢食早餐啦 ! 佢睇醫生都無咁快 ~ (頂 ~ 人哋都話發燒 , 都仲要入去人哋度打擾人)
我有少少炆 : 佢睇完醫生會自己食嫁啦 ~ X 好扭計 !
99 : 咁我哋自己食完先入去啦 !! 佢見到佢兩個就唔扭嫁啦 ! (99 你明唔明 , 人哋係唔想你入去呀 ! 點解你唔會諗你自己 D 孫病咗 , 人哋去打擾你你會點呢 ?)
最後不理人感受既 99 同佢兩個孫跟咗我返娘家 , 我媽好識大體 , 無黑面之餘仲笑笑口招呼99 ~

我知你哋會問 , 點解我唔直接同 99 講唔好去我娘家 , 因為我當時真係唔知點做好 , 我自己又換好晒衫準備出門口 , 99 先同我講要一齊返去 (99因為落街買野都已經換好晒衫) , 咁正常人都會講唔去 , 叫我自己返去啦 ! 點之佢咁厚面皮喎 ! 我又唔可以直接同 99 講 , 我媽唔鍾意你入去呀 ! 咁樣又會攪到兩親家面左左 , 我媽咁唔鍾意都成日扮無野啦 ! 唉 ~ 所以係我好失敗 , 我唯一可以做 , 就係一入門口就已經同兩個細講 : 食野 , 飲野全部都要係廳 , 唔準拎入房 ~ 等我哋走咗佢唔洗大執間房 !!

回到娘家仲有下文 , 一陣再講 ~

0 1 0

私人傳訊

Cherrie313

大宅

積分: 2420

BK Milk勳章

26^#

發表於 12-8-16 01:05 |只看該作者

妳忍還忍，但做人都要有底線，佢過份ge要求真係咪睬佢，否則你地日後因為小朋友或各樣問題只會愈不和！我99都係心地唔好，成日想攪到人妻離子散咁款，結果佢有病我都唔會就佢，最多　唔頂佢...（唔係淨係佢條命先珍貴lor)

私人傳訊

milky_red

水晶宮

積分: 51674

畀面勳章 BK Milk勳章

25^#

發表於 12-8-15 23:01 |只看該作者

引用：面皮厚過西冷扒

原帖由 Sjo 於 12-08-14 發表
面皮厚過西冷扒

我like你呢個比喻

私人傳訊

CECIMAN

男爵府

積分: 5494

24^#

發表於 12-8-15 04:26 |只看該作者

你99咁厚面皮，係我果日一定唔返外家！！唔會比機會佢搞自己阿媽

私人傳訊

mmou3610

大宅

積分: 4185

畀面勳章叻叻勳章 wyeth冷知識勳章 BK Milk勳章

23^#

發表於 12-8-15 00:32 |只看該作者

我實好老實講話唔想两個小朋友去搞住個病人。你下次唔好話佢知你返娘家，話係出街玩。

私人傳訊

ZetaGundam

男爵府

積分: 7556

22^#

發表於 12-8-14 18:25 |只看該作者

回覆：我覺自己好失敗~

冇言

私人傳訊

cherrie221

大宅

積分: 4756

21^#

發表於 12-8-14 16:44 |只看該作者

你99好似我99呀

私人傳訊

李大嫂

侯爵府

積分: 23500

20^#

發表於 12-8-14 15:31 |只看該作者

小朋友病梗係唔去啦,萬一傳染另外小朋友及大人就唔好啦.

私人傳訊

cherriefsy

大宅

積分: 2559

19^#

發表於 12-8-14 15:30 |只看該作者

你唔反你99, 你就會有一日好似我咁, 我99覺得佢係主人我係妹仔, 所有嘢都要共產, 我忍到自己有Ｄ精神病先醒咋, 你都要加油ar, 控制人既99係唔會收手ga, 唔好當佢係正常人ar

私人傳訊

ngbetty01

大宅

積分: 3878

18^#

發表於 12-8-14 15:14 |只看該作者

回覆：我覺自己好失敗~

你99面皮9呎厚，我諗你有D乜最好直接同佢講，例如叫佢5好去你阿媽屋企。其實你6298健康5好，你兩公婆最好自己打算下，以我估計，佢兩老根本5會取消大伯名，他日佢地兩腳一伸，你到時比人趕就慘

私人傳訊

fifihon

男爵府

積分: 6507

17^#

發表於 12-8-14 15:14 |只看該作者

一句講晒，你99太寂寞了!!!!!!!!!!!

私人傳訊

candy-chiu

大宅

積分: 4483

16^#

發表於 12-8-14 14:57 |只看該作者

回覆方方媽媽的帖子

我初時以為係我媽既藉口 ! 因為我哋之前夾好咗 , 如果 99 嚟就搵藉口推佢等佢知難而退 ~(但姪仔發燒係事實)
二來就算我姪仔發燒 , 我都會帶口罩返去睇佢 , 因為我由細睇到佢大 , 住埋一齊 , 當佢係半邊仔 , 佢一唔舒服就勁扭計 , 見到我就會平靜好多 ~
點之人哋話發燒 , 諗住99會怕傳染埋佢兩個孫會話唔去 , 但點諗到佢都要死跟喎 !

由我嫁入去開始 ~ 我媽就教我相見好同住難 , 我又無能力搬 , 只要 99 唔太過份就由佢 , 就到就就 , 始終佢都係人哋阿媽 , 人哋阿媽一嘈完就會有刺 , 自己 C6 又難做 , 所以忍得就忍 , 所以 99 先會咁錫我 ~ 但日子耐了 , 就會知道 99 其實真係好難相處。而且 99 係心臟有事唔激得 ,呢樣野就係點解連我媽都咁就佢既原因之一 , 嚟緊佢會做一個心臟手術 , 唔做既話心臟唔知幾時會突然停頓 (醫生講的) , 所以我宜家更加唔會激佢 , 順佢意囉 ! 等佢做完手術 , 身體好番既時候 , 我就會反抗啦 ! 因為阿女仲有兩個月就出生啦 , 到時無野比我個女更重要 ~

私人傳訊

gooddaynight

大宅

積分: 4948

15^#

發表於 12-8-14 14:30 |只看該作者

你第日都係唔好俾你99知你返娘家，呢D 人咁厚顔，除非係直接講，唔係佢一定會扮聽唔明
同埋如果我係你，我唔會再理佢鍾意定要面，我會晚晚返自己阿媽度食，唔會再睬佢
成日同人口UP UP 話唔想人蝦你，真係多謝哂

點評

candy-chiu 我宜家放假會扮返工 , 之後自己返娘家 ~ 發表於 12-8-14 15:00

私人傳訊

方方媽媽

水晶宮

積分: 74328

14^#

發表於 12-8-14 14:19 |只看該作者

如果話姪仔發燒,其實你都唔好返去啦.
咁咪唔會比99跟住囉.

至於99點對大伯同大伯太太,真係唔多關係事.
大伯都唔反抗,大伯D小朋友學D咩,第日都係大伯同99自己受番晒.
至於你自己,就做應該做既事,唔好下下話遷就99,
日後縱壞99,你都有份架.

私人傳訊

candy-chiu

大宅

積分: 4483

13^#

發表於 12-8-14 14:01 |只看該作者

原來阿媽已經買咗薑幫我準備煲薑醋 , 咁 99 就話幫手刮薑皮 , 咁好啦 ! 一齊整薑 , 99 又係度講唔洗咁早煲 , 唔好食嫁 D 薑 , 又要用咩醋加 D 咩 , 點煲點煲先好食(咁叻自己煲啦 ! 成日話屋企無位 , 我娘家仲細呀! 咁我媽又煲到 ! ) , 我媽終於忍唔住話 : 佢阿爸話要宜家煲 , 農曆7月唔會有人整 , 而且佢姨話煲得唔夠耐唔入味唔好食 , 好似近排佢老闆娘請佢食咁無味喎 ! 99聽完無再出聲 ~ 之後 99 又係度呻個女人 D 野比我媽聽 ! 真係辛苦晒媽咪要應酬咁野蠻及唔理人感受既 99 , 我哋咁就99 , 係因為99有病 , 又就快做手術 , 唔係我肯定會反面收場 ~

以下係媽咪私下同我講 , 聽完好嬲 :
99 同我媽講 : 成日同個女人嘈 , 係因為我喎 ! 唔想佢蝦我 ~
(實情係 99 自己要面 , 唔想比個女人話事 , 為了煮熟一餐飯 , 我都話我同 C6 唔返去食咪得囉 ! 你唔比C6 日日跟我返娘家食 , 咁我咪自己返去食咪得囉 !咁你哋既生活都係同以前我未嫁入嚟前一樣 , 咁個女人咪唔會嘈囉 ! 連我爸媽都親自同你講 , 我唔返去食就一天都光晒 , 個女人唔會再嘈 , 係99你唔比 ~)

99 你自己就嚟要做手術 , 你就同我媽講係我同 62要你一定要去做 , 你自己唔想做 , 講到好似我哋迫你咁 ! (我同 62 都無迫你去做手術 , 宜家係醫生叫你去做手術 , 你可以選擇唔做 , 身體係你既 , 唔做辛苦既又係你 , 我感受唔到嫁 ! 而且你唔去做無人迫到你 , 你唔好將 D 責任推比我啦 ! 我無叫你一定要去做嫁 , 我只係同你講個身體係你既 , 你自己話事 ! 好彩 C6 都知 , 唔係你一陣做完有咩懶落我度就慘啦 !)

******************************************************
我宜家真係好想做個一個女人 , 一走了之 , 唔洗返嚟對住你呀 ! 你唔係唔好 , 係太過鍾意控制人 , 想人點就點 , 全部要人依你講既野去做 , 完全無理人感受呀 ~
大伯要搬你唔肯 , 又話要脫離母子關係 , 當其他人都勸你比大伯搬對大家都好時 , 你就大吵大鬧 , 話唔要比個女人話咩就咩 ! 大伯宜家唔走住 , 你就沾沾自喜 , 話大伯唔會搬走係因為怕同你脫離關係 , 我想講大伯係等個女人返完鄉下回來之後先搬走 , 因為 D 女要人湊 ~
你同個女人嘈完 , 之後個女人走咗 , 你心軟叫大伯同佢 D 女勸個女人回來 , 個女人唔肯返 , 你就唔準 D 小朋友見個女人 , 唔準打電話比個女人 , 個女人打嚟要話唔得閒收線 , 成日灌輸 D 唔好既野比 D 小朋友聽 , 話個女人唔要佢哋同爸爸 , 所以佢哋都唔準要個女人。你宜家成日話個女人無再打嚟搵女 , D 女又無搵個女人 , 其實係 D 小朋友同個女人講大話去欺騙你 , 你知唔知呀 ? D 小朋友怕了你要鬼祟搵自己阿媽呀 ! (呢 D 係細個一個同我傾心事時講出嚟的 , 我應承咗佢哋唔講比 99 知 , 之後我仲教佢哋用電話視像)

99 你可唔可以唔好咁野蠻 , 講吓道理啦 !連我都睇唔過眼出手幫 D 小朋友啦 ! 理下別人感受啦 !