吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 心底話.........很長

婆媳關係今日: 0|主題: 27758

收藏本版

發帖

返回列表

跳至頁

查看: 3766 | 回覆: 60

心底話.........很長 [複製鏈接]

12 3 4

點蟲蟲

民房

積分: 27

1^#

發表於 12-8-15 02:00 |只看該作者 |正序瀏覽 |打印

身邊實在太多人上bk，以免比人認得，我決定開個新acc去發洩一下...

同年的朋友圈中，我是最早結婚，也是最早生小朋友的一個。係佢地眼中，一仔一女，又有個顧家老公，紛紛向我表示好羨慕，覺得好幸福。亦因為早結婚生負朋友，話題開始越來越遠。老土的一句，各有各忙，已經比以前少了聯絡。難得的聚會，佢地話題都環繞工事，衣著，學業同男朋友們。但我？只有小朋友、小朋友同小朋友。我和他們訴說得多的是老公的家人，說穿了，也就是婆媳關係。這些事，很少對別人說，就因為他們是我好朋友，覺得可以信任(應該沒機會可以向我老公金手指...)所以便一一細訴。我說出來，只是想有人和我分擔一下心理壓力，與一些完無無關的人說以為是最好的時候，他們便說︰「你應該為老公想想，少少事便忍了吧」「其實你有壓力時，你老公也在你們中間，也很難做」等等說話.....

做女的時候，daddy經常話的脾氣大要改。但我脾氣點大，對長輩永遠都恭恭敬敬尤其對6299，況且我是住在6299家我知我一發脾氣，理虧只會係我，因此有甚麼事發生、甚麼的說話面色睇，我只會「硬食」，事後才對老公說。當時，老公也會安慰我，日子，就是這樣過。如是者過了數年，我一直本著退一步讓一步，始終要尊重6299而忍，但對方就見我退一步就進3步，見我唔會反抗唔出聲，間唔中比「死貓」我嘆，令到我同老公關係越來越差，甚至到近排才發現之前老公的「安慰」只是敷衍我，他一直都不信任我。那次心情完完全全跌落谷底，情緒起落很大，已經去到見心理醫生既地步。當中發生過一件事，讓他看見他家人的真面目，當時，他說真的明白事情是甚樣。就呢件事發生後再去見醫生前一日，又發生了事(詳細不說了.....免得比人認出,簡單說，就是無啦啦比人鬧)第2天，我說離婚，當然，他說唔好。拖拖拉拉了數天，我說如果再有呢件事發生，婚一定離，小朋友一定再跟我姓，你一定要同我去同小朋友改名。

最後，叫做和好了，但對他和他的家人起了很大的介心。而老公開始明白到我性格因為佢地而有轉變，開始會學企係私立場去睇每件事。呢段時間都有好多好多事發生，醜人我也不再介意去做，橫掂佢地都覺得我是見錢開眼，亂發脾氣、自私和自大的人。同老公關亦差了很多，我10次喊，有9次都無再安慰我，由我喊，連我喊、失眠都唔知，要經醫生口中覆述我所講先信任我和面對事實。好無助好失望。只是數年婚姻已經變成這樣，有一排覺得未來日子好無助，無人明白自己，又唔知可以和誰說，醫生又只會就你東時情況去判斷你的情緒如何.....

我一直唔敢同媽咪daddy提及太多，唔想他們擔心得太多，亦想對老公有個好印象。而大部分朋友，就如上面所述，話題不通但也不能怪他們，彼此生活現況都唔同，階段也不同，唔明白自己好正常，他們只會看到表面而作解釋、安慰。反而網上說說心底話我會更舒服。現在，心情上已經好得多，多了回娘家吃飯，休息一下。對老公，沒有事發生的時候還可以，但一有事發生，我會對他瘋狂地喊，又會想想為他的家人，令我兩關係變差，互不信任，值得嗎?搞到好似個傻婆咁....

到近來，知道有機會離開，和老公、兩個小朋友去開始新生活，心理壓力消失不少。明白到一個道理，你對別人好的時候，別人不一定對你好，記住做回自己就可以，無需要為討好別人而令自己辛苦。但別人對你好的時候，一定要對對方更好，關係先可以長久。

心情有點複習，打出黎全部都是一直以來的心底話，要大家睇咁長的文...辛苦了

0 3 0

私人傳訊

jsri

大宅

積分: 2448

61^#

發表於 12-8-18 03:38 |只看該作者

回覆：Mimimao0310 的帖子

過去的不要想太多，我都是同老爺奶奶姑仔同住七年，我都咸過不少，連工人都懂得安慰我，但老公都不明白，不願跟我看医生，最後我決定搬出來，現在不知幾開心，老公都十分享受四人家庭生活很舒服，仲話原來以前一切住有壓力都唔知，男人就是這樣。不過，同6299吃飯，每次都有說話聽,無所謂，埋單說再見！

私人傳訊

antique

水晶宮

積分: 61647

好媽媽勳章醒目開學勳章環保接龍勳章

60^#

發表於 12-8-17 23:36 |只看該作者

樓主, 加油呀！

私人傳訊

cherrymama1

珍珠宮

積分: 37730

59^#

發表於 12-8-17 22:55 |只看該作者

加油！

私人傳訊

lichingyin

男爵府

積分: 9045

58^#

發表於 12-8-17 22:38 |只看該作者

回覆：心底話.........很長

add oil

私人傳訊

alicealice313

禁止訪問

積分: 56390

畀面勳章

57^#

發表於 12-8-17 22:34 |只看該作者

心底話.........很長

提示: 作者被禁止或刪除內容自動屏蔽

私人傳訊

wkyyumi

別墅

積分: 793

56^#

發表於 12-8-17 22:17 |只看該作者

Add oil

私人傳訊

fredc9

大宅

積分: 4031

畀面勳章 BK Milk勳章

55^#

發表於 12-8-17 22:12 |只看該作者

回覆：心底話.........很長

樓主加油!!!

be positive , 有咩唔開心，多d上黎呻，個心真係舒服d架，支持你

私人傳訊

SNCBB

大宅

積分: 4389

54^#

發表於 12-8-17 21:20 |只看該作者

回覆：心底話.........很長

見到前路有曙光~加油~幸福係前面

私人傳訊

Paris媽媽

大宅

積分: 4766

53^#

發表於 12-8-17 20:53 |只看該作者

我已經無再睇99面色，我會頂她嘴，唔想再受她氣，心情唔好返娘家住下

私人傳訊

柏架山莊

珊瑚宮

積分: 119442

育兒性格勳章我的育兒心得勳章 hashtag旅遊勳章畀面勳章大廚勳章 BK Milk勳章 hashtag影視迷勳章

52^#

發表於 12-8-17 20:51 |只看該作者

引用：女人嘅幸福要源於自己呀!加油,樓主!

原帖由 MyTulip 於 12-08-15 發表
女人嘅幸福要源於自己呀!
加油,樓主!

私人傳訊

Baby16

別墅

積分: 601

51^#

發表於 12-8-17 20:49 |只看該作者

回覆：心底話.........很長

堅強！加油！

私人傳訊

catlai0314

禁止訪問

積分: 8310

50^#

發表於 12-8-17 20:35 |只看該作者

回覆：點蟲蟲的帖子

提示: 作者被禁止或刪除內容自動屏蔽

私人傳訊

venuscyc

複式洋房

積分: 184

49^#

發表於 12-8-17 20:25 |只看該作者

我也是同道中人，驚恐症我想我也有，就是毎次要見他們，心跳得很快，面紅紅，之前又緊張，坐立不安，正overcome 中，他們有病，我不能逃避不見。先生只覺得我為人情緒化，神經質，佢唔知佢阿媽幾麻煩，他就是習慣不回應不反駁，我就學習中再想還原多少自我。我實在有底線！

私人傳訊

nanababe

男爵府

積分: 7413

48^#

發表於 12-8-17 18:15 |只看該作者

回覆：心底話.........很長

恭喜你終於都撥開雲霧見青天

私人傳訊

mkfhome

男爵府

積分: 5508

食得好勳章開心吸收勳章陪月勳章

47^#

發表於 12-8-17 16:35 |只看該作者

回覆：心底話.........很長

我好明白你，因為我現在的處情也跟你差唔多。未大肚前，有好多野都係隻眼問，隻眼閉，但有了小朋友，問題就複雜左。之前都覺得奶奶好簡單，但慢慢發現，其實一點都不簡單，總是口是心非，跟自己仔講的野，同我講的野係剛剛相反。已經比她“陰“左幾次，有一次還“鬆擁“佢女來罵我，好彩我老公在場，如果唔係，洗水都洗唔清。
現在我也做醜人，我只係緊張囝囝，免他受至傷害（生命上，健康上）。因為你成家人都好無common sean 。現在我每天回家，都好像要上戰場中，而且係一挑三（老公，奶奶，姑奶）。真係心力交卒。
現在我也見步行步，最壞情況，就只有分開。

私人傳訊

princessDD

大宅

積分: 3308

46^#

發表於 12-8-17 10:19 |只看該作者

樓主，你要學會令自己快樂呀！希望你搬開後會有個新開始！

私人傳訊

淚城堡

子爵府

積分: 13126

45^#

發表於 12-8-17 02:13 |只看該作者

回覆：心底話.........很長

加油ar!疼愛自己!!!

私人傳訊

小寶貝兒

珍珠宮

積分: 30295

44^#

發表於 12-8-17 01:44 |只看該作者

樓主, 曾經我同你一樣, 老公不相信我講既野(雖然佢知道佢阿媽有問題, 但覺得我誇張左), 一味叫我死忍, 忍到有一日, 我一聽到話要去99度食飯, 當場係條街度喊左出黎, 係收唔到聲果隻, 我知道自己情緒真係出左問題, 我之後上網查, 可能係驚恐症, 但我老公講左一句好令我傷心既說話, 佢叫我"唔好睇醫生, 自己搞返掂佢!"

由果陣開始, 我有D心淡, 唔想再同老公講太多係99度受既氣, 日子一日一日咁過, 我亦都少左發作出黎, 一段日子之後, 我99做左一件蠢事, 令到我老公好火滾, 返黎仲同我講, 叫我以後咪對99咁好, 做返本份野就算!

自此之後, 我既日子好過左好多啦~

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊