吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 香港18區媽媽會› 聖母無玷聖心幼稚園

香港18區媽媽會今日: 0|主題: 156991

收藏本版

發帖

返回列表

跳至頁

查看: 12453 | 回覆: 28

[沙田區] 聖母無玷聖心幼稚園 [複製鏈接]

echanhl

大宅

積分: 1191

1^#

發表於 12-8-20 12:08 |只看該作者 |正序瀏覽 |打印

聖母無玷聖心幼稚園 - 頭先打去問 , 話10月先有得報名

0 0 0

私人傳訊

husky168

大宅

積分: 4799

29^#

發表於 12-11-15 00:56 |只看該作者

我個仔都係日日放學食飽飯後便吹者要做功課, 而且仲好鍾意返學. 相信學校做得好好才令到小朋友咁開心

大眼bb哈士奇

私人傳訊

KoeyMM

別墅

積分: 773

28^#

發表於 12-11-14 17:39 |只看該作者

回覆 HahaB 的帖子

你形容個小朋友搵返個課室既心情，笑鬼死我﹗

每間學校都有唔同特點，總有其優點﹗都係睇岩唔岩自己既小朋友，雖然我無報聖心，因為唔岩我個囡，但我都欣賞佢咁教小朋友﹗HAHA

私人傳訊

nothing_wing

複式洋房

積分: 421

27^#

發表於 12-11-14 17:21 |只看該作者

我仔仔 O家係聖心讀緊K1，但我見佢由開始返學到依O家轉變都叫幾大，之前無咁喜歡同其他小朋友一起玩， O家係會係公園同其他小朋友一起玩。而我仔係多口O既，所以佢每日都會講返學O既事俾我知。問心講句，我仔仔係超鐘意返聖心!雖然每日都要做功課，但佢都做好開心咁做，仲要係自己做...我諗都關學校教育方式事掛!

私人傳訊

steve1

洋房

積分: 75

26^#

發表於 12-10-8 10:44 |只看該作者

thanks for your reply HahaB ! :)

私人傳訊

pingma

大宅

積分: 1520

25^#

發表於 12-10-5 11:29 |只看該作者

HahaB 你的意見好值得參考, thanks

私人傳訊

HahaB

大宅

積分: 1375

24^#

發表於 12-10-5 10:58 |只看該作者

steve1 發表於 12-9-27 11:08
點解你那麼清楚?

你指邊方面呢?
我囡囡而家讀緊K2, 我講果D事件, 係K1時家長觀課日發生的, 而果位跟錯隊的小朋友, 係我鄰居, 佢媽媽因趕去產檢, 所以早走, 我咪幫佢望下個仔囉~ 所以當我發現佢跟左第二隊老師走時, 我好緊張唔見左人地個仔嘛~ 嘻嘻~
至於操場小食檔, 都好似係同一日發生, 又係觀課日! 同埋我女本身好多野講, 學校發生咩佢都會講, 所以我有問佢平日係咪一樣情況, 亦有現場問D老師, 所以我咪咁清楚囉~~~

另外, 我自己本身亦是聖幼聖小的舊生, 我印象中以前學校無咁多元化的, 以前死板好多, 而家已經多左好多活動, 至於老師方面, 我記憶中亦係比較嚴的, 我還記得我K3插班時, 老師安排我做組長之類的工作, 但我成日記錯同學的名...派錯薄, 我同老師講我唔做....留俾第二D有能力同學做(果陣好多同學爭住做的), 之後被老師好惡咁鬧左一餐..仲訓企....堅持要我自己諗辦法做好佢....我果陣係勁驚..喊哂, 老師仍然繼續鬧的.....不過咁, 自此之後, EVEN我上到小學, 中學, 我都唔敢咁易放棄任何"任務"...因為每次我都會諗起呢件事....嘻~ 係有陰影, 但也是一種教訓....

不過, 作為過來人, 我真係覺得未必個個小朋友都適合讀聖心的, 我自己係偏向能夠接受傳統學校的教法, 我個女都係, 但我當年五六年級時, 曾有個小二同學仔同我講, 佢唔想返學....但其實佢好聽明的, 考試測驗也不錯, 但就係坐唔定, 唔聽話, 老師叫佢東, 佢偏偏去西, 所以成日被老師罰, 罰到佢唔想返學.....

私人傳訊

JadeChung

男爵府

積分: 8377

23^#

發表於 12-10-4 08:35 |只看該作者

排隊派表格!!
我1985年係附近學校讀書, 都已經係咁...
估不到傳統到20-30年不變.

私人傳訊

iamamiami

複式洋房

積分: 296

22^#

發表於 12-10-1 12:59 |只看該作者

回覆：聖母無玷聖心幼稚園

我係舊生.....我想講入面d修女勁冇愛心，凶小朋友唔使本！細個果陣我地一有d同學冇帶書，修女罰曬佢地去黑板前企，鬧到個個喊曬，仲話個個都唔用心聽老師說話要用針線連住d同學ge耳仔！嚇到個個再喊得更勁！唔知而家有冇改善到，不過呢個童年陰影到我而家做左人阿媽仲好記得！

私人傳訊

steve1

洋房

積分: 75

21^#

發表於 12-9-27 11:08 |只看該作者

HahaB 發表於 12-9-5 15:01
我女女讀緊聖心K2, 我打算阿仔黎緊都會考聖心幼稚園的!
老實講, 佢地的確係一間好傳統的學校, 好重紀律, 亦 ...

點解你那麼清楚?

私人傳訊

husky168

大宅

積分: 4799

20^#

發表於 12-9-12 23:30 |只看該作者

聖心老師團隊今年有六十幾人, 如果話係太陽下坐戶外玩及食茶點, 其實我都覺OK, 吸收下陽光, 唔駛下下嘆冷氣, 對小朋友都係好事. 唔駛咁驕生慣養嘛. 不過每間學校都有人喜有人不喜. 自己睇下想自己小朋友係咩學校環境下成長至選啦.

同埋佢地真係好有紀律, 好次上星期未開學前, 有三日係親子一齊返學, 有一日老公送左我地入去. 係車度有野做未走, 佢見倒校門, 9:10正式閂門 (其實係9:00開始的), 咁有一婆婆定嫲嫲+小朋友係9:12去到門口, 佢地入左去唔夠一陣便一齊出番唻. 跟住個老人家打左個TEL, 跟住再帶個小朋友又再走番入學校. 結果都係唔比入. 好明顯係聖心好著重紀律. 遲大到係直頭唔比入校門. 結果佢地調頭走LU.

我覺得間學校真係好有佢地既規舉. 老師都有同家長講, 讀書有幾叻. 唔係一定由K開始. 有D人開始唔叻, 之後好叻. 而佢地學校主力係想教導小朋友自理, 紀律, 禮貌多於書本上的. 那你地可以自己想想你地係想小朋友要一開始跟大隊跑WIN起點線還是其他.

大眼bb哈士奇

私人傳訊

HahaB

大宅

積分: 1375

19^#

發表於 12-9-12 15:09 |只看該作者

其實一班係多人的, 但每班都會分成4小隊, 每隊有一個老師, 每隊學生約12-15人, 咁計番, 其實即係1:12-15左右, 我自己覺得都OK, 同埋雖然每隊一個負責老師, 但其實仲會有一至兩個協助的老師, 基本上, 我覺得聖心超多老師...!!!

BTW, 今朝打去聖心問過, 2013年的K1派表日期係10月16-18日, 9:30-11:30...(好似下午都有, 但唔記得幾點..)要帶出世紙正本同$30報名費~ 一定要正本呀! 我記得以前有人帶了副本, 係唔會俾FORM佢架~~~~

私人傳訊

edutm

男爵府

積分: 5955

18^#

發表於 12-9-11 09:45 |只看該作者

之前我女係威寶讀過一年N，我都諗緊寫唔寫落去，我知佢實會問，最後都寫左。面試老師真係有d concern咁講:"我地係好傳統既學校，唔同出面d幼稚園咁成日同家長聯絡....."，佢擔心我會期望聖心會同d 國際幼稚園比較，會唔適應佢地學校模式。

私人傳訊

edutm

男爵府

積分: 5955

17^#

發表於 12-9-11 09:39 |只看該作者

薯蛋頭發表於 12-9-10 22:36
上年(即係啱啱K1開學)我識嘅三個有去in嘅都收哂, 其中二個放棄左, 我想知佢一年收幾多個嫁? 比我感覺唔係咁 ...

我可以同你講，聖心收生唔係睇小朋友表現而決定，佢地唔會因為小朋友o力或者乖o黎收佢。佢地會睇家庭狀況、父母是否雙職，偏向幫助有需要既家庭。面試時都主要係同父母傾計多。
仲有，上午班係超多人爭崩頭，老師會建議選下午班機會大好多。

私人傳訊

201097

別墅

積分: 966

16^#

發表於 12-9-10 22:58 |只看該作者

K1至K3,上下班加埋超過900人，重多過有D小學

私人傳訊

PAMELATSE

男爵府

積分: 5640

15^#

發表於 12-9-10 22:49 |只看該作者

回覆：聖母無玷聖心幼稚園

一班五十多人，上下午每級都有三班，你計下。。。。

私人傳訊

薯蛋頭

複式洋房

積分: 422

14^#

發表於 12-9-10 22:36 |只看該作者

上年(即係啱啱K1開學)我識嘅三個有去in嘅都收哂, 其中二個放棄左, 我想知佢一年收幾多個嫁? 比我感覺唔係咁難入嘅? 定係我識嘅小朋友真係咁超班?

私人傳訊

edutm

男爵府

積分: 5955

13^#

發表於 12-9-6 14:46 |只看該作者

我相信食茶點情況，兩樣都有。交表果日我見到d 小朋友好簡單係外面食，逐個排隊去老師/EE面前拎野食。到面試果日，我亦到見到好多"小食攤位"既道具放埋一邊，應該係經常用，同埋佢聖心網頁都有依d 活動相。
我老公細個都讀聖心，但佢了解既係幾十年前既聖心，佢見到一班咁多人，都有d保留。我地最後都無揀。
我覺得佢校舍同埋校車係好既，因為佢係自己學校既校車，唔係同其他學校拼車。

私人傳訊

41009022009

子爵府

積分: 10911

12^#

發表於 12-9-6 00:56 |只看該作者

個日茶點係無攤檔架無遊戲成份無小朋友扮,有D曬住食.....

私人傳訊

HahaB

大宅

積分: 1375

11^#

發表於 12-9-5 15:01 |只看該作者

我女女讀緊聖心K2, 我打算阿仔黎緊都會考聖心幼稚園的!
老實講, 佢地的確係一間好傳統的學校, 好重紀律, 亦鼓勵學生自己學習!
就以我女為例, 佢K1時真係可以回來話俾我知, 要做咩功課, 有通告, 幾時要開生日會等.....我唔知其他小朋友情況如何, 但我覺得我地係可以相信小朋友的能力, 原來只要放手, 佢地係得的!!!
還記得在家長觀課日時, 有一個同學仔成日自己跟錯哂第二班的老師走左去, 咁岩果位同學的家長有急事要早走, 我好緊張同老師講, 有個小朋友跟錯隊, 但老師唔理, 我自己勁焦急, 驚死個小朋友會迷路......點知有個老師笑住同我講, 呢個小朋友經常這樣跟錯隊, 但佢地唔會去搵佢, 因為沿途一直有好多老師, 個個都知, 大家唔搵, 唔係因為唔理佢, 而係一直由全校老師暗暗睇實佢, 佢一定唔可能走出校門, 老師咁做, 就係想train佢自己諗辦法搵番自己的同學, 要佢自己開口問路, 自己去觀察去留意身邊事物, 老師仲講左一句:「在學校佢走失左, 我地可以搵得返佢, 但若果在街上走失左, 佢連基本搵路能力, 問路能力都無, 就會好危險!」我覺得好岩聽, 而事實上, 呢個小朋友真係遊完一輪花園之後, 自己一個走番入課室!!! 我睇住佢入來的神情, 係由有少少茫然, 變成鬆一口氣, 兼有少少滿足感的樣子, 好似覺得自己「終於搵到」咁~

還有, 露天吃茶點, 其實係學校的一個活動來架, 平日是在課室食的, 但每星期會有一日, 就在露天操場進行, 學校SET左個攤擋, 好似人地快餐店咁, 由老師協助K3學生做廚師(其實係負責夾D點心, 例如腸仔, 燒賣仔, 蛋糕仔等俾前來攞食物的學生, 夾的時候要數得清楚所需份量, 又要夠快, 又要唔好搞錯哂, 所以要識得認果d生字, 都係不錯的training), 而K2學生, 則負責做侍應及收銀員, K1小朋友就係茶客, 需要在點心紙上Tick點心, 點心紙有幾款食物, 老師會每人俾十蚊假錢幣佢地, 教佢地點用, 一蚊可買一粒點心, 但唔主張佢地用哂, k2侍應仲會協助k1去tick點心, tick完點心就要自己行去排隊買野食, k2就亦係收銀員, 老師從旁協助佢地計下要收幾錢...(都係1蚊加數而己), 之後k1就攞住張票, 去k3廚師度取食物! (其實幾有趣~而且從中學習, 又鼓勵高年班協助低年班)