| 我奶奶係道教,堅稱自己同叔仔已經歸依左,但我覺得佢好迷信.由我仲係嗌佢AUNTIE個陣,已經知佢食煙飲醉講粗口,每晚飲至小8罐啤酒.之後就開始語無倫次,佢好鐘意夜晚10點打俾我,發UP風 | |||||||
| 1)話我第時一定要入道教先可以嫁佢個仔,話全家都係道教.點知原來得佢同叔仔(得10歲)係信教,其他成員包括我老公都係冇信仰. | |||||||
| 2)奶奶又成日話就算我地唔講,佢都對我地既野一清二楚,因為佢師父會算到出黎,佢相信師父多過自己. | |||||||
| 3)到結婚擇日吉時拜當天預左,點知佢遲大到,攪到儀式推遲左,當場指住我地鬧,話攪到佢地冇時間影相,痴線!我嬲到宜家 | |||||||
| 之後到我陀住BB大約4個月時,佢打黎鬧到我七彩,話師父算到我有好大怨氣,要害死佢全家,我當刻真係好委屈 | |||||||
| 4)到我仔出世就一定要佢契觀音,咁我覺得出發點都係為BB好,我答應左 | |||||||
| 之後整整一年就講,因為佢每日頌經,師父又算過BB冇問題,仲要算到BB氣管有事(到宜家歲半都未有),所以BB宜家先總算平平安安 | |||||||
| 我為左呢件事勞氣左好耐,我個仔係我阿媽湊既,仲要係7星仔 | |||||||
| 講到功勞係因為頌經先保住BB健康,我同我家人D辛苦係多餘既 | |||||||
| 5)最近叔仔升中派位唔理想,佢飲醉酒發癲,拎刀界自己個肚,老爺報警,送左去醫院 | |||||||
| 佢同我講,家暴呢單野師父又一早算到,不過避唔到,而佢又話會咒叔仔間小學老師,同派唔到既心水學校校長,遲早生CANCER死喎 | |||||||
| 又叫我姑仔周圍唱衰D學校,姑仔唔肯,就話叫佢去死-_- | |||||||
| 6)呢排佢番七仔PARTIME,話有個同事小產,已經辭左職,奶奶話感覺到個BB黎左公司,仲有好多靈體包圍佢. | |||||||
| 個女仔已經冇番工,就算要搵都去佢屋企搵啦,點會去公司搵 ?? | |||||||
| 仲有好多好多,唔可以一次講哂 其實真係要多謝呢個平台,等我可以舒緩下D情緒 | |||||||
| 奶奶迷信已經夠煩,仲要加埋飲醉酒,亂講野HURT人當冇件事 | |||||||
| 各位姊妹,有冇呢D(糟)遇?? | |||||||
發表於 
返回列表
