呢件事遭揭發喺2010年,直至最近,因為事件出現下文,我同警方聯絡,得知當年件事係刑事, 警方問我當年點解唔報警,想我而家正式報案.我好猶豫應唔應該照警方說話去做.
我同阿媽的關係不嬲都唔係咁好,可能因為重男輕女的關係,佢係唔會聽我講野,無論我返學開唔開心,佢都唔會俾機會我講,就算考試考到第一,好開心咁返黎同佢講,佢都係一d反應都冇.日日就係無啦啦搵野黎鬧我打我;出街飲茶開定位俾佢,佢會寧願走去d街坊張枱度坐都唔坐我果張.仲搞左兩次婚外情,搞到頭家四分五裂.最後仲搬走埋.佢搬走左一排之後,我頂唔順搬走左.跟住佢竟然搬返返黎.
我搬走之後,佢經常會黎我屋企搵我傾計,講阿爸點樣對佢不解溫柔,點解佢要搵第二個,點樣為左我地我姊弟唔離婚(但又搞到返屋企)我果陣以為,同佢的關係轉好左,至少佢會搵我傾心事.
06年,我自殺.當時因為醫生要我通知家長所以逼不得已同左佢地講,佢地當時都表現得好關心我,成日黎搵我,成日聯絡.我當時諗,我等佢地重視我等左廿幾年,終於等到啦!雖然我失去左一d 野,但我有返佢地錫呀!所以我當時將份保單的受益人由阿爸同某人的各50%,改為阿媽阿爸各50%.
跟住我地的關係好好.我知佢地鍾意錢,過年即使仲爭咭數,都會俾好多錢氹佢地開心.
佢住醫院,細佬唔黎睇佢,都係我黎照顧佢.
直至09年我同阿爸相繼俾公司裁員,佢竟然冇體諒我地,反而當住d親戚面前鬧我地令佢冇面.仲話驚我冇錢供保險,叫我將持有人轉俾佢,佢幫我供.
10年年初三,因為我病左,冇去舅父屋企拜年,佢竟然打黎鬧我令佢冇面,仲鬧我咁樣係忤逆佢,要避開我.於是我地就反左面.
3月頭,我寫信連同表格,要求佢將持有權轉返俾我,佢冇理.見佢唔覆,月尾再寄一次,佢終於覆我.
佢的sms回覆係恐嚇我唔再入錢俾佢,佢就會斷供.當時我話”好呀!你咪斷供囉!我最多再買過份保險”我將我的sms回覆同時send埋俾阿爸,細佬,佢第三次回覆的口吻就唔同哂,話唔係唔簽返俾我喎.
但話簽話簽都等到4月尾,唔係佢搵我而係叫個agent打俾我(佢係我媽的朋友)
一打黎就好惡咁同我講我媽已經簽左,但佢好忙,要5月先搵到時間睇住我簽名.
跟住我就同佢講”你唔得閒的話,不如我直接上你office簽”
佢話好,會將份保單”掉”俾佢秘書,叫我地上去搵佢秘書簽.
我同老公上到佢office,一睇到份保單,呆左.
受益人唔係佢同阿爸各人一半,而係佢自己100%.仲用哂我d紅利黎供款.
當時老公彈左一句”乜有阿媽會想個女早死過佢架咩?”
我當時以為佢因為我過年同佢嘈交,嬲得濟所以改左我份保單.
但當我去信保險公司翻查,發現原來早於2006年,我自殺之後,份保單已經俾佢改左. 9月改左持有人,10月改埋受益人.
呢四年黎,佢一句說話都冇同我提起過.若無其事之餘仲可以對住我表現得佢好開心.我覺得呢個人好可怕!!!
之後,我大受打擊,個腦不停咁問點解,唔敢相信自己最親的人會咁對我…
細佬知道件事之後都呆左,佢話想我同阿媽當面對質,我就問佢”如果佢認有做過,你身為警察,你會拉佢嗎?”佢無言.之後我有俾機會佢喺sms解釋,但佢選擇迴避問題唔答,淨係不停講佢有幾偉大,呢個屋企欠左佢.
呢件事搞到我差d想跳樓死…好彩有老公同奶奶喺身邊支持我.我心情先慢慢平復.
我當時選擇唔再同呢個咁恐怖的阿媽聯絡,選擇唔再見佢.但事情冇因為咁而完結.
呢兩年,阿爸,細佬,親戚不停咁要求我去見佢.我唔肯,佢地就開始排擠我.原本同細佬關係變得好好地,但突然又變到好憎我.
今年7月尾,突然收到呢個已經俾我投訴過,取消再成為我的保險經紀的人的一封推薦入佢公司做從業員的推廣信.
我當時好嬲!因為我搬黎呢個屋企果陣,佢己經唔再係我的agent,冇可能會知我最新的個人資料!
於是我去信佢公司,各保險業機構,私隱專員公署,警方投訴佢同佢公司.
跟住同警方提及早兩年改保單件事,警方就問我點解當時唔報警,因為已經係刑事,仲叫我隨時上去提供資料.
我同細佬提起警方的回覆,佢竟然包庇阿媽,掉返轉頭話我錯,話我對呢個屋企唔好喎!(但又講唔出有咩實質例子)我真係唔知我做錯左d 咩囉?我十幾年前已經搬走左,跟住的遭遇唔好都係我一個人受哂,都係自己一手一腳撐到而家,我唔明有對佢地做過d咩唔好的事?點解我當年選擇唔見阿媽,唔報警反而係反骨???(佢咁對我唔通我仲要當冇事,對住佢笑???)
我好失望!連細佬都咁對我…明明成件事唔係我錯,點解掉轉頭我竟然會變左千古罪人,點解做錯事果個,個個都爭住同佢講好話?我接受唔到佢的所作所為,唔想見佢又係我錯???
其實我個心好想報警,因為我已經俾呢件事折磨到不似人型…佢地唔當我係一家人,我其實都唔需要同佢地講親情.但我知一報警就冇得返轉頭,佢好大機會要坐監,到時,我又會俾人話反骨…
總之點都會係我錯囉…
聽過大家咁多日的意見,我喺第9頁已經做左個總結,大家可以唔洗再回我喇~
多謝哂各位!
)原帖由 happyunun 於 12-08-31 發表
回覆 happygirlyuki 的帖子
其實我睇返哂之前大家的回應,點解一開始你就會覺得我一毫子都冇拎過返屋企呢?
發表於 
點都好，同老公商量下先決定下一步。加油，振作！
返回列表
