時政擂台今日: 0|主題: 60269

收藏本版

發帖

返回列表

跳至頁

查看: 784 | 回覆: 32

請大家為左自己既仔女，入黎睇一睇！ [複製鏈接]

sssgirl

複式洋房

積分: 180

1^#

發表於 12-9-5 01:58 |只看該作者 |正序瀏覽 |打印

我呢兩晚都有去政總，見到有好多人，年輕人有，中年人有，老年人都有！
大家冒住雨，企埋馬路同天橋，大大聲叫口號，抗議，為左邊個？
我未有仔女，但我愛香港，愛中國，好希望香港既下一代有獨立既思考。
而唔係只愛共產黨既政府棋子。

有人話我地激進，梁振英話會聽民意，九萬人遊行，四萬人示威，
呢兩晚每晚成萬人示威，佢都視而不見，我地點樣回應佢？
我地晚晚繼續坐係度企係度叫口號，和平地表達意見，叫激進？

有人話我地唔識野，貪玩貪呃facebook like，
大家晚晚放工放學去吹風淋雨，都只係想捍衛下一代既思想自由，
點解要咁樣話我地呢？

我地愛香港愛中國，了解中國可以透過中史，點解要硬推國民教育？
點解要學生睇唔到中國唔好個面，只睇中國好既一面？
內容真係無問題就唔駛叫老師簽保密協議啦！
四川汶川大地震，一個字都無提過豆腐渣工程，死左幾多小朋友？
同樣身為父母既你地，點可以容忍？

中國d官點貪點惡大家都有新聞睇，共產黨無私？我呸！

成個國民教育仲要老師監察學生，你小朋友愛唔愛黨全部網上記低哂，
如果只係想教學生愛國，點解要監察？
無人知d記錄會用黎做咩，影響升學？搵工？你地敢唔敢比個小朋友去搏？

大家唔好等小朋友等時真係染紅先後悔，希望大家支持撤回國民教育。
好希望可以去集會既就去，可以寫信去學校就寫，
而且好希望大家支持罷課。

我地一直想用和平既方法表達意見，但政府唔理我地，
我唔係學民思潮既人，我唔係政黨既人，我只係個打工仔，
但我真心唔想香港變成大陸咁，我好希望大家既小朋友唔會比人洗腦，
好希望遲d搞罷課，大家都會支持！！

九月二十九號理工大學會有個罷課體驗日，希望出席！

另外，「香港告急」行動：
為了香港未來，為了大家，自己，下一代，向父母，向朋友，更加要呼籲朋友向父母解釋為何對建制反感，為香港未來，請出一分力。9月9請支持投票，反對賣港的利益集團，支持真心為港的候選人。

這個時刻，民主黨告急了整個月，但真真正正告急的是香港－我們的家。
回歸後，五十年不變已變成十五年必變，國民教育洗腦、擴大自由行賣港、新界東北發展區賣港，已不提特首與局長的謊話；近期這三大紅色工程，已為香港帶來一層層的負擔。民建聯、工聯會及建制上為利益出賣了香港。建制，打份工，老闆為中央。背住良心出賣香港為份糧。

如果你想香港未來似大陸；
如果你想未來生活都係咁辛苦，樓貴，衣食住行樣樣貴；
如果係想領匯持續剝削小鋪，只有大店賣貴野，就算一丁麵都要$5包；
如果你想未來的親生骨肉被失蹤、被自由神擄走；
如果你想未來的子女「爹親娘親不及毛主席親」；
如果你想在港車輛「寧撞死人莫撞傷人」；
如果你想香港未來只可以講普通話；
如果你想未來只有沒意思沒美態的殘體字；
如果你想未來就連香港人自己也在地鐵大小便，請你投建制派。
建制，打份工，老闆為中央。背住良心出賣香港為份糧。

三名中學生絕食，為的是捍衛香港。為何，為何香港還要由一班中學生去捍衛？每天也說著自己是社會支柱的成年人，你們在那？香港的未來要由十五十六歲的少年去捍衛，說到自己也慚愧，沒有絕食支持。政府眼見大眾反對依然「霸王硬上弓」，建制一於支持，學生自發絕食被民建聯說成泛民的政治工具，民建聯真心無恥。為份工，誣蔑自發捍衛香港的中學生們，捍衛香港不應是你們嗎？新西何堯君竟說身份証上有中華人民共和國就要愛國 (1/9/2012 論壇)，香港得到的資源由中央施捨，看來，他在中央身上得到不少利益。水，是政府向中央買的，不是施捨，請將腦袋放回頭上。不聽民意的候選人，出賣香港的候選人，香港不需要你們。

香港地鐵已經迫爆人，旺角尖咀中環山頂銅鑼灣已經滿到瀉，香港會「沉」，你擴大自由行人數？九龍塘站上電梯被內地人撞開撞跌，一車二車車親不是未試過。上水治安已經唔好，再加水貨客，人人一車二車阻上車，開唔到車；整個上水火車站大陸人多過香港人。你仲要批准擴大自由行，訓醒未？還有其他議題，建制呢刻為選票說反對，當選後，立即轉軑！(http://www.youtube.com/watch?v=br9TInFaPEE) 另外，Facebook上經常看到陳克勤「搓my breast」行為。無數例子証明鏡頭前口口聲聲話支持保障市民，暗地裡投反對票。請大家睇清楚誰賣港，誰真正為香港。

發展新東北地，不多說，港人港地變成大陸人港地。建制一樣支持。1/9/2012 譚耀宗，陳恒鑌口口聲聲話將屯門、東涌打造新經濟區，咩經濟區呀？大陸經濟區定係好似數碼港咁比錢大財團賺完又成荒廢之地？出賣港人的建制，背住良心，背著良知的建制；還有疑似變質的民主黨，究竟誰出賣香港，誰真心為香港未來呢？投票前，請大家三思。

18歲的朋友們：
作為選民，請你9月9到投票站將你寶貴一票投給真心為港的候選人，未作為選民，請你向父母，向朋友，甚至呼籲朋友向父母解釋為何對建制反感，為香港未來，請出一分力。

大專生們：
請你作為社會未來的棟樑出一分子，去投票。也請你為香港未來好好裝備自己，十年後，二十年後，有金錢地位權力的將是你們，改變也會從你們而變，請你為腦袋把關，守護著現在追求自由的心。請你多了解香港正發生的事，在享受Ocamp的同學，請你顧念正在絕食，你地眼中所謂既「中小學雞」既動機，係幾偉大，同時請你好好問下自己，點解，係佢地絕對抗爭，我係到做緊咩？打Diablo？上莊媾女？唱K？搵Intern？Reg科？香港未來，你地既下一代將會承受你地而家唔改變，唔抗爭既後果；洗腦就正正洗你子女的腦，擴大自由行正正令你搭唔到地鐵去老蘭蒲或者你係老蘭既人身財物安全。

工作中的成年人：
為左兩餐，升職加人工搏命做工，但香港的未來才是你應該要關心，投建制，你加人工也付不起你的首期，將你的一票給民建工聯，是將你兒女的腦染紅，下班在金鐘與更多的同胞迫地鐵，繼續買百佳惠康昂貴的日常用品。工作為安穩生活，但你會將你一票投給為你帶來唔安穩的社會的民建聯，工聯會，建制派，值得嗎？

上水的居民：
你將會面臨史無前例的不安感。停一停，想一想，香港的未來應該交給誰，誰不會出賣香港，真心為港，真心為市民。

所以，為了香港，為了未來，為了大家，為了自己，為了下一代，各位請你向父母，向朋友，更加要呼籲朋友向父母解釋為何對建制反感，為香港未來，請出一分力。9月9請支持投票，反對賣港的利益集團，支持真心為港的候選人。

胡適：「一個常態國家，政治的責任在成年人，年輕人的興趣都在體育，娛樂，結交異性朋友；而在變態的國家，政治太腐敗，沒有代表民意的機關存在，那麼干涉政治的責任必定落在青年學生身上。」

香港靠大家了。每一票都好重要！救救香港吧！