吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 不明點解會因有了BB就立刻辭工？

婆媳關係今日: 0|主題: 27767

收藏本版

發帖

返回列表

跳至頁

查看: 3803 | 回覆: 81

不明點解會因有了BB就立刻辭工？ [複製鏈接]

12 3 4 5

stephanieching

大宅

積分: 4060

1^#

發表於 12-9-8 20:30 |只看該作者 |正序瀏覽 |打印

呢排見幾個post 的JM都話一有BB就辭工等生，但其家庭經濟狀況一點也不充裕，要同6299一齊住，老公又搵都不多，又無積蓄，又不是陀BB不穩要休息，點解有了就要立刻辭工好像理所當然，不是應盡力搵多的儲錢養BB嗎，好緊張份工先對嗎？我自已因有了小孩先更勤力，更緊張份工，就算點辛苦都挺下去（失眠又日日吐），一日病假都無請過，產檢後立刻返工，日日朝九晚八，返都生之前一星期，為的就是日後有二幾年的日子要養小孩，儲多一分多一分（我當時已有樓及不少積蓄），但都不會辭工工等生，點解現在的後生媽媽反而會認為有BB就辭工，完全不管其經濟是幾差，究竟將來一家點生活，是否覺得屋企人會養他們一家一世呢？

點評

kawai120 bravo 發表於 12-9-9 12:45

0 2 1

私人傳訊

purple823

別墅

積分: 728

82^#

發表於 12-9-13 11:19 |只看該作者

我一知道有左即刻辭職,因為我係番酒吧

私人傳訊

siumanluo

男爵府

積分: 5112

81^#

發表於 12-9-11 01:30 |只看該作者

不明點解會因有了BB就立刻辭工？

我上年生一個今年生一個都係返工返到前2後8,99叫我頂唔順就辭職，為左c6唔好甘大壓力都係繼續做，雖然前期嘔到七彩，但為左兩個仔冇辦法啦！遲D放完產假都會繼續做

私人傳訊

cara426

男爵府

積分: 5550

80^#

發表於 12-9-11 01:17 |只看該作者

引用：所以我有時睇到佢地開post伸都係得啖笑又無

原帖由 Kristinming 於 12-09-08 發表
所以我有時睇到佢地開post伸都係得啖笑又無錢又無樓又寄人籬下又要比人搞大肚但自己又唔爭氣，淨係識 ...

Agree

私人傳訊

Melosmelos

大宅

積分: 4838

79^#

發表於 12-9-11 00:27 |只看該作者

引用：其實family+income越少的媽媽越唔做嘢，佢

原帖由 Mokilily 於 12-09-10 發表
其實family income越少的媽媽越唔做嘢，佢地覺得唔做攞政府錢仲好。我之前幫我做facial的女仔便是這樣。20 ...

同意！賺得少的個trade off唔大，唔做都蝕唔多，難怪D岩岩出身賺錢唔多既靚妹仔一有左就唔做。我跎B時嘔得太勁逼住沒得做，要放棄月薪三萬工作。到個仔依家近兩歲我都仲肉赤緊。依家出番黎都搵唔返咁好，巿道又麻麻（我以前做金界）

私人傳訊

rayrayus

翡翠宮

積分: 84953

2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章育兒性格勳章趣教勳章叻叻勳章 BK Milk勳章 hashtag影視迷勳章 15週年勳章親子王國15週年勳章

78^#

發表於 12-9-10 23:20 |只看該作者

小蜜豐發表於 12-9-9 21:10
我唔評論有咗BB即刻辭工呢個行為
只係覺得揀得呢條路就唔好怨話老爺奶奶、爸爸媽媽唔晌金錢上支持你

冇錯，自己搞得掂就得，唔好生左先怨人地唔體諒你生BB開支大，唔減家用，唔幫手湊...etc，你生BB前都已經知道你仍然要生活架啦，如果負擔唔起，就唔好輕易辭工

私人傳訊

小豬澄

珍珠宮

積分: 47477

畀面勳章環保接龍勳章

77^#

發表於 12-9-10 23:10 |只看該作者

回覆：不明點解會因有了BB就立刻辭工？

唔番工唔係問題經濟上ok就得不過最大問題係連自己住既地方都未搞好就要生小朋友樣樣都老馮要人地屋企人當女咁養埋佢就有點問題 2公婆自己拆得掂就話ok 連住都無要屈係人地屋企仲要聲大當人地係呀四就好好笑我做過ftm到女女番學就做ptm 辛苦但開心女女番左學日日屈係屋企好悶所以我選擇番工咁放工就去接女女雖然搵得少但開心又可以番工又可以就到女女

私人傳訊

Mokilily

大宅

積分: 1028

76^#

發表於 12-9-10 22:42 |只看該作者

其實family income越少的媽媽越唔做嘢，佢地覺得唔做攞政府錢仲好。我之前幫我做facial的女仔便是這樣。20多歲，話做只有1萬，唔做報老公走路有8，9千。我每年交稅就唸起佢。我地d錢就是比呢d人呃曬。

私人傳訊

colafafa

男爵府

積分: 5284

75^#

發表於 12-9-10 22:21 |只看該作者

其實又有好多野唔係用錢計，我c6同我一樣，細個果時屋企人掛住返工，無乜點理我地，最後我地都都讀唔成書，我想講好多野有得有失囉，無話點做係岩，大家出發點為子女好嘅，行一條自己認為岩嘅路才最重要!

私人傳訊

karlilau

伯爵府

積分: 15416

畀面勳章

74^#

發表於 12-9-10 21:39 |只看該作者

不明點解會因有了BB就立刻辭工？

個個選擇吾同啫。我一有左老公就叫我吾好做。佢情願辛苦啲都想畀最好既bb .仔仔返學我想出返黎做野。老公都好反對佢覺得有媽媽陪同成長係最好。的確仔仔既德品都好受我影響。都算乖。老公話一切都值得。其實我都覺得老公好辛苦想幫輕佢。但老公話值得。尤其見仔仔乖乖地的時候。而且媽媽陪同成長，仔仔開心又有愛。個種價值吾係錢可以計的

私人傳訊

j2j2

子爵府

積分: 13877

73^#

發表於 12-9-10 18:15 |只看該作者

好現實講, 冇錢, 冇經濟能力, 就冇條件講咩係"最好".

如果自己身體不好要辭職安胎, 但冇錢, 都不是太安到胎. 一來同奶奶住又唔慣又委屈, 二來貧賤夫妻百事哀, 日日咁生活都是唔開心, 點安胎?

如果老公一個人搵錢月入得萬多, 只係負責一家3口使費都好緊拙 (租金, 水電, 伙食, 交通...), 仲要比家用奶奶/外母, 仲有第時小朋友讀書之費用...就算夠錢使, 都冇錢剩, 第時有咩急事要用錢咁點算 ?

私人傳訊

smallsmallsnow

大宅

積分: 3647

72^#

發表於 12-9-10 16:21 |只看該作者

回覆：stephanieching 的帖子

我就黎生之前就無做野，因為奶奶媽咪幫唔到我湊，所以決定由自己湊到阿b番學為止。雖然我地唔係有錢人，但我地由買樓結婚到生仔一直自給自足從沒使過屋企人錢。我成日都俾朋友話我幸福曬命，依家做全職主婦，其實我覺得依啲說話很難聽，其實個個家庭唔同啫，有啲鐘意俾小朋友奶奶媽咪湊，有啲鐘意請工人湊。但我同老公覺得生左咁係自己湊。雖然依家生活唔富裕，但就好開心。

私人傳訊

annafifi

大宅

積分: 4658

71^#

發表於 12-9-10 15:59 |只看該作者

回覆：不明點解會因有了BB就立刻辭工？

我生完bb就做ftm, 老公收入幾萬，唔係好高但夠用夠儲，當初係老公鼓勵我自己湊返，因佢唔想阿女係工人凑大既環境下長大，我好慶幸無揀錯自己湊，呢一年幾每日陪住阿女，見住佢長大，揾少幾多都值得，當然洗錢無以前唔豪爽，但呢種快樂真係幾多錢都買唔到

私人傳訊

cky34979

伯爵府

積分: 15838

育兒性格勳章畀面勳章

70^#

發表於 12-9-10 13:03 |只看該作者

本帖最後由 cky34979 於 12-9-10 13:06 編輯

回覆 yfchoy 的帖子

我同你吾同我同6266住村屋黎～屋企月入30000左右間屋買既吾系原居民泊車吾洗錢無管理費…再加上我吾捨得請工人……

私人傳訊

Sansam

男爵府

積分: 6640

育兒性格勳章我的育兒心得勳章畀面勳章

69^#

發表於 12-9-10 12:09 |只看該作者

zxzx 發表於 12-9-8 20:49
Support !! My sister-in-law said because she needs to be pregnant (she is not yet pregnant), so she ...

很討厭這些人!!
屋企人好似奉旨要俾錢佢地用!

私人傳訊

SillyPigPig

大宅

積分: 3415

畀面勳章 BK Milk勳章

68^#

發表於 12-9-10 11:54 |只看該作者

其實我明白樓主想表達啲咩~

樓主唔係話要針對 ftm, 唔搵多個錢俾bb嘅媽咪 (事實上, 好似我咁, 有返工都 =/=搵多好多錢俾 BBs, 只能令家庭開支較為平衡)

BB 可以由媽媽自己一手一腳湊大, 教導, 陪伴成長 = 幸福啲, 叻啲, 乖啲...相信好多媽媽都明白, 認同~

但唔係因為咁, 自己無錢都要長輩, 外人老奉去出呢筆錢去接濟自己做 ftm 囉~~

老實講, 我同老公搵得唔多, 我同老公都明白自己湊係最好嘅~~ 但奈何係, 一個人做嘢嘅話, 頭家會撐不住, 所以, 唯有兩個出嚟打工, BB 交俾家人幫手~~~
平時放工放假, 自己陪多啲, 睇緊啲咁~~

至於唔係身體上令自己不能工作要安胎, 生完後自己唔多湊, 仲要家中老人不能退休去供養自己一家嘅....(但自己有能力又唔去工作), 我相信樓主所指嘅就係呢啲人....

私人傳訊

小蜜豐

男爵府

積分: 9773

67^#

發表於 12-9-10 11:10 |只看該作者

我唔評論有咗BB即刻辭工呢個行為
只係覺得揀得呢條路就唔好怨話老爺奶奶、爸爸媽媽唔晌金錢上支持你

生B係兩公婆嘅事，冇本事冇準備好就唔好生

呢個世界只有平有平養，冇天生天養o架
俗語都有話「冇咁大個頭唔好戴咁大頂帽」

記者朋友們唔該勤力D出去搵料寫新聞，唔好上網QUOTE我D留言落報紙啦，唔該！

私人傳訊

yfchoy

大宅

積分: 3818

66^#

發表於 12-9-10 10:45 |只看該作者

本帖最後由 yfchoy 於 12-9-10 14:34 編輯

cky34979 發表於 12-9-8 22:46
我都系有bb ，c6就吾比我反工！
我初初仲因為無工反好吾開心～
c6系由我有bb開始立即轉工，人工加左6000 ， ...

每個家庭情況不同，可能你哋間屋喺買斷或者供好少，小朋友除了自己有老人家幫手睇，小朋友亦冇特別開支，我知道有些人兩萬多都養活一家四口，每人的生活準則唔同。
我和c6和囡囡一家三口，沒有樓要租屋(過一萬，我知其他jm每覺得可以搬遠些，但我哋冇車亦唔覺得有咁既需要，住屋亦要為囡囡日後讀書地點作準備，貴啲都覺得值。)，亦沒有人幫忙湊小朋友要去托嬰所($4,xxx)至入幼稚園，由於兩人都要返工，c6的工作好忙，跟本不能旨意佢一至五幫忙，分分鐘煮飯都難，所以要請鐘點又二千幾。到現在囡囡返學學費、課外活動、又要請鐘點起碼照顧半天、接放學(現在要六千多。別問為何不請外傭，我請過但最後都不太安全，而且花費相差不大，因為外傭包食宿。我寧可勞力好過勞心。)計計下已花費差不多一半，還有水、電、媒？好彩大廈的管理公司好，很多屋內的維修都二話不說好多搞掂，亦唔會同我哋根根計較要俾番幾多。學校又不定時有雜費。我絶對唔喺怨唔夠錢使，使錢的模式在最初已預計咗，雖然未至於使突，但很難儲錢(我亦承認在花費在食和囡囡身上c6從不吝嗇)。所以夠唔夠使見人見至，各人要求不同，但大前提都喺 "冇咁大個頭唔好帶咁大頂帽" 便可。