吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 時政擂台› 給討厭議會所謂暴力派的你們

時政擂台今日: 0|主題: 60283

收藏本版

發帖

返回列表

跳至頁

查看: 1284 | 回覆: 151

12 3 4 5...8

積分: 47

1^#

發表於 12-9-11 15:19 |只看該作者 |正序瀏覽 |打印

本帖最後由 lovehk123 於 12-9-11 18:13 編輯

好多成日批評所謂暴人派例如人力等只識搞破壞，無建設，教壞細路，又大聲講野等等，其實好多人並未了解到議會究竟出現咩問題
大叫爭取雙普選。破壞，無建設，教壞細路，又大聲講野
大鬧政府注$6000入強積金益基金佬。暴力，破壞，無建設，教壞細路，又大聲講野
鬧特首同丟蕉，為好多長者爭取多$1000生果金。暴力破壞，無建設，教壞細路，又大聲講野
反對領匯上市同要求政府回購領匯。暴力破壞，無建設，教壞細路，又大聲講野
黃毓民最早於立法會中反國民教育，但無人會想理
http://www.youtube.com/watch?v=r_vRfRP9dqY

其實，贏得多數選民支持但得席少的泛民，好多野都被建制派壓逼

看看今次選票vs議席

看到嗎？社會最不公義正正是功能組別的存在
許多人自動當選，但又少開會，人工照袋，只識做政治圖章
但大叫雙普選的人，就被你地標籤暴力，破壞，無貢獻，佢既憤怒係無人睇得到

再看看功能組別0票當選的人

成日唔開會，一開會就"排除了雙普選"，成為一個反民主的政治工具，但好多人不見不聞，就識批評遊行示威大叫雙普選的人太暴力，無貢獻，教壞細路。

其實好多人標籤既暴力派，同唔出聲既建制派，誰是真正暴力呢？
http://www.legcovotes.net/
真係咁多人信晒CCTVB同ATV既新聞？淨係show人地大叫既一面，唔知人地既前文後理

我係選舉後先講既原因係，唔想比人話我係所謂暴力派既打手。我唔係香港出世，我細個8歲就黎，知道大陸既洗腦教育同溫室煮蛙方式好勵害
仲有，投票比建制派既朋友，我代表共產黨同全香港多謝你地支持國民教育洗腦，為將來全國一簽多行舖路，同深港合併作出重大貢獻
到時幾千萬同胞過晒黎，所有物價同租金肯定暴升而不會再跌，深圳4百多萬同胞照道理好快2020年後都有得投票，選出真真正正公開身份既共產黨特首，及議員。放心，到時唔會再有暴力派，會無人敢/能發聲，社會變得十分和諧，同中國內地一樣。

點評

mukoi

發表於 12-9-12 01:03

human810

發表於 12-9-11 17:25

qzwg 講得好中

發表於 12-9-11 17:21

wilsonmun

發表於 12-9-11 16:41

fiababa

發表於 12-9-11 15:59

0 13 4

私人傳訊

dordor1207

侯爵府

積分: 24148

畀面勳章 BK Milk勳章

152^#

發表於 12-9-12 11:30 |只看該作者

@.@!!! 發表於 12-9-12 11:13
回覆 dordor1207 的帖子

咪咁激動啦!!! 我好明白被人講中自己的不是時, 心中難免有點兒不是味兒. 免得你 ...

多謝你提醒我今日重要答你既帖..原來你真係好記仇架... 比人話完自己想像力豐富到無人能及.. 就老屈我激動.. 覺得按咁多個公仔自己踩低人地就好開心, 咪切合哂你既偶像囉...

我老細不知對我幾好... 比好大既自由度我架.. 做哂今日既野.. 話之我坐係度發夢等收工..

你慢慢教小朋友寫多o的你所講既香港人諧音字.. 老師話錯你就咁答佢啦.... 只要你認為自己係對既咪教埋下一代咁寫字囉...

我都講到明, 訓醒覺都唔記得個帖, 你硬係要我記得你既幼稚行為既???? 我都唔想再回你咁既自稱有教養既人去答野啦.. 由頭到尾你自己踩場在先, 我又無問過你野.. 係都樓主答我啦.... 重有呀, 樓主都叫左唔好再討論啦... 免傷和氣..請你學識尊重人啦...

今天種下何種因, 它日必收何種果!! 每天努力為亞仔同我的生活打拼!!

私人傳訊

@.@!!!

禁止訪問

積分: 1499

151^#

發表於 12-9-12 11:13 |只看該作者

提示: 作者被禁止或刪除內容自動屏蔽

私人傳訊

sandylaw

水晶宮

積分: 58067

150^#

發表於 12-9-12 09:12 |只看該作者

引用：Quote:原帖由+joetreemo+於+12-09-12+發表

原帖由 heichunmum 於 12-09-12 發表
如果為們仔好，我一定唔會今日已經講實自己下年會投咩，再再下年會投咩，咁樣就證明自己不是因為有獨立思考 ...

我都可以講定下屆都會投泛民，原因並唔係已洗腦。如你對各黨派的政治立場有所認識，你就會清楚民建聯唔會幫港人把關攔中央的爛政，另外泛民有民主黨、公民黨、工黨、街工、民主同盟、人力、社民連等，相信他們的理念會跟我較接近，所以肯定下屆都會投泛民，睇就睇支持邊個黨派姐

點評

wilsonmun

發表於 12-9-12 09:23

私人傳訊

~HoneyBiBi~

大宅

積分: 1672

149^#

發表於 12-9-12 08:59 |只看該作者

回覆：heichunmum 的帖子

請唔好只睇表面。。。了解下佢地點解要咁做。。。只覺得你唔明白唔了解。。。強烈推薦你去睇袁彌明嘅政治bb班。。。你會了解更多。。。

私人傳訊

heichunmum

禁止訪問

積分: 67964

148^#

發表於 12-9-12 08:51 |只看該作者

引用：回覆+heichunmum+的帖子我都好明白你的感

提示: 作者被禁止或刪除內容自動屏蔽

私人傳訊

positivepiggy

大宅

積分: 1127

147^#

發表於 12-9-12 08:33 |只看該作者

引用：Quote:原帖由+positivepiggy+於+12-09-11+

原帖由 heichunmum 於 12-09-12 發表
:joy ...

願聞其詳!

私人傳訊

joetreemo

子爵府

積分: 14236

146^#

發表於 12-9-12 01:00 |只看該作者

回覆 heichunmum 的帖子

我都好明白你的感受，都好覺得泛民既地區工作做得唔好。今年泛民真係辜負咗選民，我好心痛。不過下一屆，再下一屆，我都仍然會投比泛民。
以前我都好似你咁，覺得好多政治野都唔關我事，我兩公婆揾到錢就得。啲議員攪咁多都無鬼聊。
今年初為人母，想法唔同咗，咩都為個仔諗。
就算泛民真係擔誤咗香港經濟，最多咪捱得辛苦啲，相信一家人總會生活到。
但攪我個仔就唔得！我唔想個仔被染紅。
就算小朋友無咁易被洗腦，或我好努力係屋企教番佢，結果只有兩個：
一，佢係學校被標籤為壞學生，成日挑戰老師教學內容，然後，老師唔鍾意佢，同學唔同佢玩，佢會有個唔開心既童年。

二，我叫佢妥協，明知係假既，都要係功課，試卷，情感上唱好中共。係佢細細個就教曉佢為咗利益（分數）違背良心，講大話，同做戲（情感上表達比老師睇）。間接同佢講係呢個社會上生存既無奈。

標籤我無所謂，但唔好標籤我個仔。阿仔一張白紙咁，笑起上黎幾咁天真，真係想起王菲首「人間」，又點會希望咁早就教曉佢「利益」「無奈」呢一課。所以，我討厭所有支持國教既政黨。

另外，就係因為唔知第時個仔會發展成一個咩人，我更加要支持守護香港司法既政黨。我係一個無請外庸既媽媽。我都好唔想外庸有居港權，但呢件事上面，係跟晒法律程序架。
大橋事件都係。作為香港人，我都好唔鍾意公文袋。
但，我唔知第時個仔會唔會有朝一日被屈，需要用到呢啲法律野幫佢，所以今日，縱使我幾唔想，我都希望為佢守住防線。攪到我我無所謂，但唔想阿仔第時無咗幫佢既門路。

之前我從來無擔心過警權過大問題架，我都唔出聲既。不過我唔敢講我個仔第時唔會參予民運行動，所以今日我會為佢監督。

有句說話係：人之所以強大，係身邊有需要被照顧的人。係架，以前咩都係C6幫我擋駕，而家為咗阿仔，我咩都可以為佢擋。

今日我支持泛民，保障自由，（都唔奢望民主），都係為咗個仔。

純粹一個C9無聊既感受分享。