夫婦情感今日: 2|主題: 42781

收藏本版

發帖

返回列表

跳至頁

查看: 5324 | 回覆: 116

遺忘的愛 [複製鏈接]

12 3 4 5...6

陳太ck

複式洋房

積分: 376

1^#

發表於 12-9-14 11:50 |只看該作者 |正序瀏覽 |打印

見到有啲mama寫咗故仔上嚟，睇完真係好感觸，唸起好多同c6嘅一點一滴。但我哩段過去實在有啲不堪回首，希望大家不喜勿插。另外我係ftm.冇嘢sell俾你哋，所以唔洗擔心我係打手^o^'

part1

零九年十月，我只得十九嵗，嗰陣嘅我仲過緊啲夜夜笙歌，紫醉金迷嘅生活，每日不見陽光，晚上八點起身洗頭沖涼化粧，跟著就去club玩兼做嘢。唔好誤會，我做嗰啲係幫人訂檯推消費，冇色情成份。當時我有個28嵗做金融嘅男朋友，但距每個月先返大陸見我一次同俾生活費我。有一晚我成早上五點幾先出去，妝都冇化，就落去了，行過見到個女仔fd我打招呼，我fd叫我玩陣先走，而我c6就係我fd嘅契哥。我c6係mix.加上c6當年非常姿整，所以令我有種一見傾心嘅感覺，c6亦周不時望住我笑。但我玩咗咁多年，亦深知夜場冇真愛，所以散場留咗電話之後我都冇上心。之後我地一直有sms.過咗幾日之後，我無啦啦高燒39.3，連講嘢都講唔到，距就話請假返嚟照顧我，我以為距講下，點知兩個幾鐘後距打俾我：“我過咗關啦，你住邊架？” 我當時真係嚇一跳囉，想講嘢又講唔到，唯有級距電話sd msn話距知，跟著唸唸下又好似唔對路，先見過一次就講地址俾人知？！（病到傻咗，又太突然了）跟著嗱嗱聲叫隔離棟個姐妹過嚟，我姐妹過到來問我咩事病到咁都唔睇醫生，我指下喉嚨冇出聲跟著返梳化坐低用電話話距知c6要嚟（識c6嗰晚距喺度），距見我咁辛苦都冇繼續問。過咗一陣有人禁門鐘，c6拎著幾個膠袋行入嚟，距開口就講：“換衫啦，同你去睇醫生！” 我就係唔想睇醫生，喺大陸小小嘢又要打針（其實我都幾嚴重了，不過我勁驚睇醫生），我詐聽唔到攤喺梳化扮死屍。距見我唔理距，距亦冇再講，拎住啲嘢入咗廚房。其實我心情好緊張架，但個人病得太攰了，所以都冇乜開心嘅感覺。我合埋眼一陣就瞓著咗了。我姐妹攞咗毛巾被俾我，就自己睇電視。唔知過咗幾耐，距叫醒我，我未打開眼就聞到好香嘅味道，因為喉我已經成日冇食嘢，因為我喉嚨連飲水都痛，但聞到哩種味道，我又覺得好肚餓，我爬起身，見到c6攞住碗芫茜皮蛋瘦肉粥，咁大個女第一次有男人煮嘢俾我食，c6一匙羹一匙羹餵我，我望住眼前哩個男人，幸福到想喊。食完碗粥，距就喺厠所攞咗條毛巾出嚟問係咪我嘅，我點咗下頭，跟著距就攞出嚟同我抹臉抹手，突然之間距抱起我，同我姐妹講：“唔該你同距入房換衫啊！我要帶距去醫院。”我姐妹呆咗一陣，話“哦！”。跟著距就抱咗我入房放咗我喺床，跟住就行返出去。我心唸，死了，走唔甩了，唔去都唔得了。我死下死下咁去衣櫃攞衫，我姐妹話，“條仔對你幾好啵，仲煮埋嘢俾你食，你對人點姐。”我做口型話“啱你攞去”我姐妹話“咩啊，唔明！” 我冇距咁好氣，冇繼續睬距，換咗衫之後c6就扶我落去搭的士。我就千萬個唔想去囉～～