母乳餵哺 今日: 0 | 主題: 85706

積分: 6675

1^#

發表於 12-9-15 21:07 |只看該作者 |正序瀏覽 |打印

生之前一直同自己講要餵人奶，好努力去做，阿B唔識啜，我搵母乳顧問，搵母乳姑娘，點知要同阿B隔離14日，只可以泵，到依家做全泵媽，都唔緊要，因為可以做到全人奶。但阿B一日痾8-10次便便，好擔心，雖然返健康院䧛重ok,但成日都擔心D奶擺雪櫃衛唔衛生，係咪因為我D奶唔新鮮搞到阿BD便便咁稀又咁多？阿B生活冇規律，一時三個鐘食一餐，一時二個鐘，一時食130ml,一時又50ml,戒唔到夜奶，成日扭抱，唔抱又喊，抱又喊，冲涼又喊，換片又喊，一肚餓就喊到拆天，坐熱D奶需要時間，佢勁喊，喊到我好無助，好慌亂。一日瞓得3個鐘，好驚自己單獨對住阿B，好驚佢夜晚12點前瞓，因為驚意味住我夜晚無得瞓。老公返shift,佢一出門口我就盼佢返來,夜晚阿B嘈，老公抱佢瞓有時要抱成個幾鐘先得，有時未必得添。我睇住佢我就好內疚，佢返工咁辛苦，夜晚都冇得瞓，好想自己湊，但真係好攰，又要趁佢湊緊我就抓緊時間泵奶。老公下星期返通宵更，要自己面對，我好驚，真係覺得自己好無用，我覺得好辛苦，好懷念以前自由自在的生活，我知我衰，我賤，但我好攰好攰，咩都擔心。佢食得多我又驚，佢食得少我又驚，瞓得多我又驚，瞓得少我又驚，痾得多我又驚，痾得少我又驚，我真係好大壓力，好辛苦，好壓抑，我可以點啊？

0 0 0

私人傳訊回覆引用

Silently

積分: 5508

81^#

發表於 12-9-19 12:56 |只看該作者

tityting 發表於 12-9-18 12:05
我個仔又中，扭抱瞓。佢真係喊到好大聲，喊到我心都慌

我安慰自己講佢喊大聲d好, 證明佢個肺好, 先可以大叫大喊。
我有時會同亞b講你扭我就唔彩你, 咁我亞b就會喊番細聲d。
我會一路拍住佢patpat仔, 一路細聲講。我覺得bb係受軟唔受硬。
而且佢地係識聽。

私人傳訊回覆引用

comy

大宅

積分: 1336

80^#

發表於 12-9-18 16:07 |只看該作者

tityting,

你簡直寫咗我心聲出黎, 我老公都係返shift, 又係自己一個湊, 無工人, 陪月, 好驚自己一個對住阿B, 又係喊到我慌, 之前想生兩個, 俾佢嚇到我唔敢, 我坐月喊咗好多次, 仲問點解要生BB!
你比我好喇, 我好想餵人奶, 但阿仔唔肯埋身, 唯有泵+奶粉, 但泵黎泵去得幾滴, 抑鬱咁滯!
而家BB仲有一個星期先到2個月, 情況好好多, 基本上由10:00瞓到10:00, 又喊少咗笑多咗!
BB 5/6 個星期, 你可set 個time table俾BB!
每3個半鍾餵一次奶, 一定要餵飽佢, 唔好比佢食完就瞓, 食完同佢換片, 抱佢, 同佢玩下, 之後用包巾包住放佢上床仔, 佢一定喊, 你有兩個方案: 1. 尤得佢喊, 2, 俾安撫奶咀!

你重覆咁做, 佢會好定時醒,
同埋包住佢，同比奶咀，佢知道要瞓，會扭少好多!
咁你趁佢瞓，可以休息／做自己野!
New born 要安全感，　係會成日喊，又或者肚痛都會喊!
加油, 好快BB識對住你笑, 你會好開心!

私人傳訊回覆引用

積分: 792

79^#

發表於 12-9-18 14:23 |只看該作者

回覆：Silently 的帖子

好羨慕呀，您bb好叻有大進步！睇黎我個女都要交俾人教下

私人傳訊回覆引用

積分: 6675

78^#

發表於 12-9-18 12:05 |只看該作者

回覆：Silently 的帖子

我個仔又中，扭抱瞓。佢真係喊到好大聲，喊到我心都慌

私人傳訊回覆引用

Silently

積分: 5508

77^#

發表於 12-9-18 10:55 |只看該作者

tityting 發表於 12-9-17 22:23
育嬰院用咩方法呢？

果方法咪係由佢喊。

佢地只係見佢喊拍佢幾下, 但唔會抱起佢。
我亞b識選人蝦。所以佢知喊大聲d我地都怕左佢。
但在育嬰院什麼都係跟時間表做。所以佢知喊都無咩用。
我b結果返左3日就識4小時一餐, 而且我就準備5-6oz奶俾佢食。

而佢係屋企時我都狠心d夠4小時先俾佢埋身食, 咁試多幾次佢就識有得食就要食左先。
而我未放育嬰院前, 佢成日食食下訓。我就通常會整醒佢。有時故意放佢返上床, 有時係度係咁同佢講野。
有係錫醒佢啦

。有時輕輕吹佢面仔, 等佢食番。最初2個月半月我就係咁涯過。到左3個月真係個b會唔同晒。

現在我亞b只剩下扭抱訓。我有時就用條蕉蕉(媽媽攬枕)扣係條腰, 再坐上張有轆的椅, 就係咁抱住佢訓同自己又可以行來行去整下野。

私人傳訊回覆引用

積分: 6675

76^#

發表於 12-9-17 22:24 |只看該作者

引用：唔好客氣，呢度大把同路人。等我打返個全名

原帖由 WingShanShan 於 12-09-17 發表
唔好客氣，呢度大把同路人。等我打返個全名先，之前連section 名都寫錯香港母乳育嬰協會內面的母 ...

私人傳訊回覆引用

積分: 6675

75^#

發表於 12-9-17 22:23 |只看該作者

引用：HI,+我3個月前都同你一樣,+無時無刻餵奶。+

原帖由 Silently 於 12-09-17 發表
HI, 我3個月前都同你一樣, 無時無刻餵奶。現在亞B4小時一餐, 但無戒夜奶。
我B係育嬰院幫佢轉4小時一餐, ...

育嬰院用咩方法呢？

私人傳訊回覆引用

積分: 6675

74^#

發表於 12-9-17 22:22 |只看該作者

引用：豎持呀．我都係無人幫手，我又要湊大又要湊

原帖由 Tiffany2 於 12-09-17 發表
豎持呀．我都係無人幫手，我又要湊大又要湊細．我ＢＢ兩個月前我日日訓得２小時左右，我老公又唔幫手．過左 ...

之前都諗住生兩三個，依家好驚

私人傳訊回覆引用

積分: 792

73^#

發表於 12-9-17 21:59 |只看該作者

回覆：tityting 的帖子

唔好客氣，呢度大把同路人。等我打返個全名先，之前連section 名都寫錯

香港母乳育嬰協會內面的母乳Q&A section

私人傳訊回覆引用

Tiffany2

子爵府

積分: 12648

BK Milk勳章

72^#

發表於 12-9-17 21:11 |只看該作者

豎持呀．我都係無人幫手，我又要湊大又要湊細．我ＢＢ兩個月前我日日訓得２小時左右，我老公又唔幫手．過左兩個月好好多㗎啦．

私人傳訊回覆引用

Silently

積分: 5508

71^#

發表於 12-9-17 20:33 |只看該作者

HI, 我3個月前都同你一樣, 無時無刻餵奶。現在亞B4小時一餐, 但無戒夜奶。
我B係育嬰院幫佢轉4小時一餐, 未返前, 亞B 2個半小時一餐。我B差3日才100日。
返育嬰院2星期。

~_~剛掛住打字, 忘了望下D奶, 泵到滿瀉

所以泵奶時可以上來同各JM吹下水, 互相SUPPORT。
不過記得望下自己支奶, 唔好好似我泵瀉先知。

私人傳訊回覆引用

積分: 6675

70^#

發表於 12-9-17 20:07 |只看該作者

引用：補一句，泵奶時上網睇下"母乳協會"+個+f&a+

原帖由 WingShanShan 於 12-09-17 發表
補一句，泵奶時上網睇下"母乳協會" 個 f&a section, 了解多 d個人就會放鬆d架啦！加油！

...

我今晚去睇下，多謝你鼓勵啊

私人傳訊回覆引用

糖糖靚媽媽

大宅

積分: 3186

69^#

發表於 12-9-17 19:56 |只看該作者

引用：我出街會好內疚，覺得我唔應該交低個B俾人

原帖由 tityting 於 12-09-16 發表
我出街會好內疚，覺得我唔應該交低個B俾人，佢係我嘅責任，所以由生到依家，除咗返健康院，醫院，我完全冇 ...

我第一個月都係除左去健康院就無出過街。之後覺得唔係辦法。你可以試下同BB一齊去樓下行下，食完奶換完片即刻出門口，兩個鐘內返屋企，咁拎少少野就得。習慣左後，可以買個冰袋，拎一餐奶出街餵。

私人傳訊回覆引用

積分: 792

68^#

發表於 12-9-17 19:37 |只看該作者

回覆：tityting 的帖子

補一句，泵奶時上網睇下"母乳協會" 個 f&a section, 了解多 d個人就會放鬆d架啦！加油！

私人傳訊回覆引用