想生BB 今日: 2|主題: 109627

明天就是我的結婚3周年了,我從細就好喜歡小朋友,好想有個家庭,到在2009年28歲我同老公決定結婚,婚前做齊所有的檢查,都是很正常,婚後我地就無避孕,到差唔多一年都見無BB,我就排左睇不育科,去見仁安毛醫生,原來當時已有了BB,但係幾日後我就小產了,當時我真係好唔開心,連工都辭埋,要睇心理醫生,睇中醫調理,之後都一直試,又排睇龍醫生,但佢又唔係太好,安排我照左輸卵管知道我兩邊都無塞,跟住就發生佢出事的新聞,於是我又唔敢睇佢,轉左排董醫生,排左半年,今年5月,終於到我,董醫生就幫我睇左D報告,話等我M到就幫我安排做IUI,近一年我的經期都開始變得奇怪,以前我都一直好準時,每28日有一次,到近一年就時有時無,有時兩個月先會有一次,到我有經期黎,董醫生就比我食5日,每次兩粒的排卵藥,到DAY9去照發現我的一粒卵子,佢就話我卵巢功能可能唔係咁好,不過唔緊要,有一粒就做一粒,DAY9開始自己打針,打到DAY12返去照,佢話都未得,再打,到DAY19去放精,最後都係失敗左,由放精到等放榜果兩個星期,我都係好驚,覺得非常大壓力,又辛苦~經期黎左,醫生又放假,我決定休息一個月,另一方面我有個朋友佢無避好多年,加上佢有卵巢多囊症,佢經朋友介紹去左睇婦科鄧錫英醫生,睇左一個月就幫到佢懷孕,所以佢都叫我試下,我就打去試下喇,又比我攝到位去睇,我帶齊所有報告比佢睇,佢就話佢幫我試下喇,同時佢又介紹我睇佢話幾好既中醫,又寫信比我去排瑪麗私家,之後佢先開藥比我食等我經期黎,到我經期黎去第二日去抽血驗卵巢功能,第2日返去醫生度開始打催卵針DAY2 – DAY7, DAY8返去照,醫生話反應差,得一粒,再加雙倍劑量,DAY 8-DAY11,DAY12返去照,卵子無大過,再打DAY12-DAY14,DAY15,即昨晚返去照,一樣無大過,醫生話我卵巢巧能已退化.FSH39.3係一個好高既數字,等同人地收經,佢決定唔再打針,佢叫我唔駛去睇佢,我眼淚就開始流,問佢點解我會咁,我得31歲咋,我真係好想要BB,真係好想同老公有個BB,醫生答我無辦法解釋,可能我身體機能出現問題,佢話做IVF都唔得嫁喇,叫我唔好諗咁多,建議我KEEP住睇中醫,調理好身體,因為我有另一個問題會發生,我開始收經,機能開始衰退,會有好多唔好既野出現,骨質會梳鬆,我真係唔知點算好,點解會係我呢?要面對我不育再加上老化,老公同我講無得生咪算囉,佢唔介意,叫我放開去睇,但我真係做唔到,我連女人最簡單既野都做唔到,我呀媽生到38歲都有得生,我就31歲就收經,係咪我做錯左D乜呀?錢駛左好多,不斷就係睇中醫,睇西醫,打針,打到個肚真係開花,又去荃灣龍母廟,坪洲龍母廟,觀音廟,黃大仙,四面佛,只係望比個BB我,原來我真係同BB無緣份,係街見到周圍都有大肚婆,真係好痛苦好唔開心,做野無晒心機,唔想見到老公,我知佢都唔開心,但要佢開解我,但我又扮唔到好開心~我好怕無左老公,我相信這一生人,生唔到BB一定是我最大的遺憾~