Good point，亦都引申到一個我一直都唔明白嘅問題，就係，點解小朋友做功課要家長教嘅呢？呢D嘢唔係應該上堂教晒，小朋友返到屋企應該識做嘅咩？如果唔識，係唔係先生有問題，佢教得唔好？還是小朋友有問題，佢冇專心聽書？抑或係課程出左問題，太深，無論先生教得幾好，小朋友聽得幾專心都唔會明？無論係邊一個可能，都要處理，而唔係要家長喺屋企教返。試過細仔返來話唔知佢份功課點做，我教佢第二日返學問先生，佢話唔得喎，聽日要交喎，我就話咁冇辦法啦，你唯有遲交一日功課，比先生鬧下，邊個叫你上堂唔專心啊。以後每次先生派功課，佢必定先睇一次，如果有唔明就即刻問，make sure 自己識做先至拎返屋企。
再講個故事你聽。我有個朋友，個女讀某著名貴族國際學校，佢有段時間好忙，冇跟到個女嘅功課，到跟返時發現個女有好一段時間根本冇做功課，朋友大驚，即刻約見先生，問點解個女冇交功課咁耐都唔通知家長，先生話，我地知道xx冇交功課，已經同佢 work 緊，家長唔使咁緊張，功課係學生嘅責任，唔係家長嘅，學生要學識自己做自己嘅功課，呢D亦係成長嘅一部分，學習係一生嘅事業，家長你跟得幾多年？
發表於 
返回列表
