吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 好辛苦

單親天地今日: 3|主題: 18382

收藏本版

發帖

返回列表

跳至頁

查看: 1717 | 回覆: 31

好辛苦 [複製鏈接]

賓尼叔叔

複式洋房

積分: 134

1^#

發表於 12-10-12 04:08 |只看該作者 |正序瀏覽 |打印

有冇人可以教到我最實用的方法，不要打囡。

其實我自己都知用打來教育細路唔啱。但係每次頭腦一發熱就忍唔住，而過後又勁後悔。

今日似乎重手左。我感覺好心痛，到宜家到瞓唔著。覺得自己好衰，佢已經冇左母愛，我仲要咁樣對佢⋯⋯

0 0 0

私人傳訊

suki2500

子爵府

積分: 13653

育兒性格勳章我的育兒心得勳章分享愛熱血勳章畀面勳章

32^#

發表於 12-10-22 16:41 |只看該作者

之前我睇過一個方法, 希望可以幫到你.
每當你或小朋友發脾氣時, 大家唔好講野住, 停止所有做緊既動行, 逼大家一齊深呼吸, 飲一杯水, 仲好嬲..再飲水!! 飲到條氣順返為止, 發脾氣者停五分鐘, 大家再一齊坐低再傾 (唔好企係度講, 噤樣會對小朋友有壓逼感)

私人傳訊

賓尼叔叔

複式洋房

積分: 134

31^#

發表於 12-10-18 18:08 |只看該作者

Happyalanbaba 發表於 12-10-18 16:50
我個仔十六歲, 未打過他, 可能我教得不好, 他不算學壞, 但脾氣愈來愈暴燥, 咁大個仔我都冇動手打他, 但他前 ...

好難一概而論
一家唔知一家事
我都係果句:虐兒一定唔啱,適當體罰無可厚非.完全唔需要體罰亦未必係最好既方法.
希望你個仔早日生性孝順返你啦

私人傳訊

akina_yeung

子爵府

積分: 14271

環保接龍勳章

30^#

發表於 12-10-18 18:06 |只看該作者

我尋日咁岩同同事傾開教小朋友應唔應該用體罰，最後我哋幾個師奶得出既結果係，真係好視乎小朋友既質地。。。

我自己呢就支持適量既體罰，但係如果問我有無打得激咗呢，就梗係會有啦。

對上一次我知自己想同個女開拖既時候，我都怕自己又打得勁咗，所以拖咗馬（即係搵定個朋友在場，勸交，即係勸我自己唔好咁嬲）我覺得呢個辦法幾好，尤其我呢種一點就著火既脾氣，有個外人喺度勸吓交

話到尾，都只係想教好個小朋友啫

總括尋日我喺公司既師奶talk:一係唔打，唔打既一方呢，就通常都會叫打人既一方唔好打；相反，打既呢，就唔會教人打

私人傳訊

賓尼叔叔

複式洋房

積分: 134

29^#

發表於 12-10-18 16:52 |只看該作者

小青蜓發表於 12-10-18 15:16
對唔住，我唔係想罵戰，
冇打算抽水，
亦唔係想講邊個岩、邊個錯，

唔好意思,我EQ低,睇到你之前回覆有少少過激
我當然知道錯誤既方式造成既後果啦,你唔會認為我無聊到要係度開POST 來搵人鬧交卦?

如果唔係我次次都會越打越激氣、越打越重手,我會堅持打女
呢個的確係屬於體罰.體罰都有輕重之分.
你咁叻完全唔需要體罰,我唔會阻止你
我用我既方法,有適當體罰,你亦冇權阻止我
好彩我唔係你鄰居,否則煩都俾你煩死……
報警拉我??教仔都要報警拉人??你係食錯藥定係夠鍾未食藥啊??
你識唔識分虐兒同教仔的分別?如果唔識分的話,我勸你都係唔好咁多事

好心係好的.
但係好心做壞事就唔係咁好了.

雖然我唔需要向你解釋
但係都希望你明白我仲分得到虐兒同適當體罰的分別
如果你唔介意的話,請離開我呢個貼子啦
我唔覺得可以由你度得到D咩實質性既幫助
你既立場可以係第二度表達
呢個係一個求助貼唔係一個求罵既貼
我亦都冇打算同你展開罵戰,除非你想咁樣做啦!!

私人傳訊

Happyalanbaba

別墅

積分: 514

28^#

發表於 12-10-18 16:50 |只看該作者

我個仔十六歲, 未打過他, 可能我教得不好, 他不算學壞, 但脾氣愈來愈暴燥, 咁大個仔我都冇動手打他, 但他前兩日動手推撞我, 唉, 慈父也多敗兒.

私人傳訊

賓尼叔叔

複式洋房

積分: 134

27^#

發表於 12-10-18 16:23 |只看該作者

melodymelodycha 發表於 12-10-18 13:02
我覺得反而你從讚賞方面入手, 可以從亞女做得好的地方讚賞先, 咁有獎先有罰嘛~~~

例如寫字, 讚左邊幾隻字 ...

呢個方法都唔錯.
之前用過,只係用用下唔覺意又用返鬧佢既方法……

私人傳訊

賓尼叔叔

複式洋房

積分: 134

26^#

發表於 12-10-18 16:21 |只看該作者

yydaddy 發表於 12-10-18 09:46
叔叔, 我分享下我的看法讓你參考下好嗎? 玩的理由就是因為她是小朋友, 時間不用好多, 十五分鐘已經夠了, 只 ...

呢個方法幾好

私人傳訊

賓尼叔叔

複式洋房

積分: 134

25^#

發表於 12-10-18 16:17 |只看該作者

charmaine_1 發表於 12-10-17 21:51
曾經亞女比我打得好金,但點打都係教唔好(要佢改嘅地方)
有一日我醒覺唔可以再打,我傾計,講對唔住,講感受... ...

其實我都已經改變左,亦在繼續改變中
以前我打女兒仲狼D.就係意識到有問題,先至在不斷改進中.
否敗我唔使發貼搵方法啦,係咪?
所以你講既野我明白的
做唔做到係另一回事,至少我向呢個方向努力梗嘛 ^_^

私人傳訊

小青蜓

大宅

積分: 1185

24^#

發表於 12-10-18 15:16 |只看該作者

賓尼叔叔發表於 12-10-17 19:37
請問你由邊一句睇到我俾借口自己打個女?
麻煩話人之前睜大眼睇清楚先!!
要落井下石搵第二個,唔該!!

對唔住，我唔係想罵戰，
冇打算抽水，
亦唔係想講邊個岩、邊個錯，

我只係想你明白：

將來你2父女既關係會係點，
取決於你地今天既溝通方式，
同處理手法，

過去左返唔到轉頭，
但決心可改變將來~~~~

但我最後都補充一句，
如果我認識你但你堅持打女，
我一定會報警拉你，
呢個係我既立場~~~

所以，
我同你暫時冇機會做到朋友，

但亦祈望將來可以成為好友~~~

私人傳訊

melodymelodycha

別墅

積分: 580

23^#

發表於 12-10-18 13:02 |只看該作者

我覺得反而你從讚賞方面入手, 可以從亞女做得好的地方讚賞先, 咁有獎先有罰嘛~~~

例如寫字, 讚左邊幾隻字寫得靚, 然後可以將佢一個貼紙, 或者吸一個印比佢(好似惠康儲印花咁), 同亞女講, 吸滿十個就獎佢(獎咩你自己諗下亞女鐘意d乜, 例如平時可以玩十五分鐘, 獎佢玩多十分鐘)

如果有字寫得唔靚, 又重覆錯o既, 咁先小罰, 罰佢呢個字寫番3次, 寫好勒, d字靚番, 又再讚美, 「係喎, 亞女真乖, 真係做得到喎」, 咁樣小朋友先會進步, 慢慢佢會學識咩表現先為之好, 下下都只有罰呢, 小朋友係唔知道點先做啱你心意, 只會覺得你咩都唔滿意, 心中只有害怕.....

私人傳訊

yydaddy

子爵府

積分: 10829

22^#

發表於 12-10-18 09:46 |只看該作者

賓尼叔叔發表於 12-10-17 01:21
帶佢出去玩，或者俾佢玩遊戲機之類。不過宜家好耐冇咁做囉。一來搵唔到理由或籍口獎佢；二來亦冇多餘時間俾佢咁做。宜家係獎佢可以抖下或䏲下電視之類。佢已經覺得好開心，而我就有種自欺欺人嘅感覺。冇解啦，除左咁仲可以點？

叔叔, 我分享下我的看法讓你參考下好嗎? 玩的理由就是因為她是小朋友, 時間不用好多, 十五分鐘已經夠了, 只要玩得開心(佢覺得)就可以了, 最好你同佢一齊玩啦, 我有時都只不過同佢玩猜皇帝, 摺紙機放下之ma, 講明十五分鐘, 但係讓她知道每天都有的, 有盼望ma.
睇佢做功課有時真係好勞氣, 咪搵D位搞下笑囉, 有時見佢漏標點符號, 漏做左一題, 提極都係咁, 都好激死, 不過個個小朋友都係咁了, 我有時都會駡, 但係更多的是, 我話明見一次就打佢一下pat pat, 或者支佢一下, 再叫佢自己睇返一次, 有時都有D果效架, 就算唔得, 都比大家減下壓吧, 因為真係好大壓力, 有笑面總輕鬆過駡.

至於罰, 我的睇法係, 最重要係佢覺得痛, 而唔係你覺得佢痛, 我最多罰佢的係, 扣佢玩的時間, 或者回收我之前奬她的物品, 有次我收左佢支铅筆, 當場掉左, 佢即刻哭出來, 咁就係勁罰左了(佢覺得), 仲使咩野打呢. 所以我重視同佢玩同比佢有禮物, 其中一個原因就係有野罰囉, (諗落好似幾哀咁

私人傳訊

kayung

洋房

積分: 31

21^#

發表於 12-10-17 22:19 |只看該作者

湊小朋友係需要有無比的耐性及超凡的EQ的..
不過教小朋友未必需要鬧，有陣時一個嚴厲的眼神、一個嚴肅既表情，小朋友都知道錯。
反而最重要係你點樣話反比佢知佢需要改善的地方，雖然小朋友係細，但同伴侶相處一樣，溝通係好重要既，要教她懂關愛(當然你要先以身作則，比佢感受到你既愛先啦！)，令她會識顧及別人感受，當她做錯時，就話反比佢知佢令您唔開心既原因，咁樣佢會深刻不會再犯，因為她知道這樣會令你"唔開心'
加油呀！

私人傳訊

charmaine_1

公爵府

積分: 25703

醒目開學勳章畀面勳章

20^#

發表於 12-10-17 21:51 |只看該作者

曾經亞女比我打得好金,但點打都係教唔好(要佢改嘅地方)
有一日我醒覺唔可以再打,我傾計,講對唔住,講感受..........
亞女無立刻改變,但佢睇到我的轉變,比時間..........
數年了,無打亞女幾年,大家關係好左,佢開心左,自信左,
成縝仲好左

希望你明我講乜嘢

順順利利大吉大利

私人傳訊

賓尼叔叔

複式洋房

積分: 134

19^#

發表於 12-10-17 21:13 |只看該作者

j_s914 發表於 12-10-17 20:30
無所謂，你想罵便罵吧！

你冇所謂我有所謂啊,我已經升級為聖人了,唔可以隨便罵人

私人傳訊

j_s914

洋房

積分: 81

18^#

發表於 12-10-17 20:30 |只看該作者

引用：Quote:j_s914+發表於+12-10-17+18:56+男人

原帖由 賓尼叔叔 於 12-10-17 發表
我亦都求求你……唔通你唔識中文字?

你邊一度睇到我唔愛錫囡?

無所謂，你想罵便罵吧！

私人傳訊

賓尼叔叔

複式洋房

積分: 134

17^#

發表於 12-10-17 19:44 |只看該作者

j_s914 發表於 12-10-17 18:56
男人打女人已經唔啱，你仲要打個女孩，係米殘忍左d? 要破壞一段關係好容易，要修補番係好難。成年人，有咩 ...

我亦都求求你……唔通你唔識中文字?

你邊一度睇到我唔愛錫囡?
打個女係唔啱,我冇話啱.但係唔係即代表唔打個女就啱喇?你搞清楚個羅輯先好出聲!!
我係想搵人教我方法,唔係想搵人責怪我.想話人既麻煩借過,唔好係度扮好人!!

“成年人,有咩控制唔到?”你講呢句說話既意思係你控制能力好強.乜都係你控制之下?
知唔知咩叫做“聖人”?聖人就係控制力極強,永遠唔會犯錯的.
對唔住,我唔係聖人.我控制唔到自己,呢一刻好真係好想鬧你.不過呢一刻我控制住唔鬧你,所以呢一刻我係聖人