香港18區媽媽會 今日: 0 | 主題: 156995

積分: 607

1^#

發表於 12-10-17 22:45 |只看該作者 |正序瀏覽 |打印

我想問，有機構提供bb的寄養服務嗎？並不是領養噢....因為本人年紀還小，但又不想放棄bb，但爲了bb將來穩定的生活，我必須要有人替我照顧bb三年，以便我順利完成學業，能給他更好的保障，不知道我這樣做好不好呢？還是我真的應該要放棄這個bb...

0 0 0

私人傳訊

Catng1001

積分: 137

81^#

發表於 12-10-26 01:34 |只看該作者

回覆：kalimka 的帖子

睇黎，你的心情有D唔好，見你成日提住1個人自己攪掂咁。儍瓜，無論點選擇，你都唔會1個人。唔講社工，朋友呀嗰D，父母係嬲你，但唔代表有B就冇佢地咁對立。佢地嬲僅時，你重有其他親人朋友嘛，你開心見成講，好多人都幫到你。
唔知你介唔介意講，點解你未有B前，會覺得自己只可收養小孩呢？
題外話，其實你都幾捱得，自己的特性都幾清楚。如果你做媽咪，身教好緊要，雖然你同BB的時間好少，佢會學到你的勤力。老實講言談間，知道你真的欠缺很多知識，人生經驗，人生觀亦不夠樂觀，（其實我不認識你，可能主觀D，我都係夠感覺做人），孩子會令你極速成長，但你要有心理準備，雖然快了，但仍比別人不足，要克服對孩子的一分內咎心理。要和孩子一同成長，要識得找幫手。（有些社工很盡心，有些只是打扮工）兩款都可提供政府資源下的協助，例如綜援，免費e療，免嬰院費等，幼稚園有學卷好多幾乎免費。經濟要諗，但係在香港正常人唔會餓死B，最緊要係你的情緒身體，撐唔撐得住。你要知，你唔開心，亞B唔會開心，你的世界係灰色，BB的世界唔會彩色。
記住學識找幫手，讓自己的世界精彩。

私人傳訊

積分: 607

80^#

發表於 12-10-26 00:15 |只看該作者

回覆 mary0109mama 的帖子

我屋企人同意了，也支持了^^

私人傳訊

mary0109mama

積分: 4286

79^#

發表於 12-10-25 09:22 |只看該作者

引用：好唔冷靜，如果因為自己嘅自私令小朋友第時

原帖由 heffalumpiglet 於 12-10-24 發表
好唔冷靜，如果因為自己嘅自私令小朋友第時會一齊受苦，真係值得嗎？做後生女一定要自愛，唔係為咗一夜所謂 ...

同意！唔好講什麼肚裡面bb係無辜呢d說說，而家唔係拍戲，唔係嗌cut之後就會當無事發生過，你真係要考慮清楚，而且你話屋企人都唔支持你@@

私人傳訊

heffalumpiglet

水晶宮

積分: 63610

玩具勳章畀面勳章大廚勳章 BK猜猜猜慶中秋 BK Milk勳章 hashtag影視迷勳章

78^#

發表於 12-10-24 20:04 |只看該作者

回覆：請教年輕媽媽曾經懷孕時可能會考慮的問題>

好唔冷靜，如果因為自己嘅自私令小朋友第時會一齊受苦，真係值得嗎？做後生女一定要自愛，唔係為咗一夜所謂『真愛』，就攪咗個B出嚟，往往祇係女果方面想保留BB，為咩呢？呢件事係兩個人一齊攪出嚟，但偏偏祇係女方單方面內疚、承擔同埋保留BB，好多男仔一知個女朋友仔有咗就即閃，呢種賤男要唔要都擺，但點解自己仲要咁蠢咩上身，害己害埋個B。我唔係講風涼話或者咁黑心，而係我有3個朋友無呢度d JM或屋企人嘅經歷咁好彩。第一個朋友17歲有咗堅持要生，攪到屋企人唔支持不止男友又走埋，自己一個就由17歲攬亞仔到而家，捱足23年殘晒，無青春無朋友無正常生活，亞仔唔孝順不止，仲成日喺學校攪事見家長又有時攪到要上差館，因為平時我朋友要返工無時間理個仔，又無自己屋企人支持。第二個朋友，佢女友有咗時同妳年紀一樣，兩個人急急結婚就係為咗個女，婚後幾年各自各精彩，個女交比嫲嫲睇，兩個大人離婚前，有一日朋友個老婆突然由嫲嫲屋企搶走咗個6歲嘅女又唔比我朋友去見直至個女13歲時又塞番比我朋友，呢d算咩家庭温暖？第三個朋友，都係15歲時有咗，但佢地好理性落咗個BB，但竟然我朋友廿幾歲拍拖時，話比男朋友知落過仔，呢個男仔介意到要玩分手，好彩最後都開開心心結婚了。自己要諗清楚才決定。

未開花

成長中

初二開花

4個花蕾

私人傳訊

chunfai313

男爵府

積分: 7359

77^#

發表於 12-10-24 01:36 |只看該作者

我住天水圍架!!我都有D比較新淨BB野!!要你PM我丫

私人傳訊

superlover_mak

積分: 4844

76^#

發表於 12-10-24 00:31 |只看該作者

回覆：請教年輕媽媽曾經懷孕時可能會考慮的問題><

我16歲有左，17歲生左個仔~
果陣時見過社工，社工都同屋企人都叫我生出黎交去保良局~
但我堅持我既決定！
果陣時我都要返學，
呀仔放左係嬰兒園俾姑娘湊~
好彩最終屋企人都接受，仲肯幫手輪流接呀仔~
呀仔得歲幾人仔，我同佢爸爸就分開左~
佢亦都無供養或者見個仔~
直到呀仔讀幼稚園，媽咪更請左個工人姐姐~
工人姐姐唔做，我媽索性辭職，
自己湊孫~
路係難行，但你眼見住自己既小朋友長大，
咩野苦都會變甜~
我仔就黎8歲，知我就黎生日仲寫信畫畫俾我~
望住佢，我已經覺得好足夠！
因為佢係我既生命！
你要做好心理準備，會受到人白眼~
你會無哂自己既時間，
眼見身邊既朋友個個去玩，
自己就要留係屋企湊小朋友~
生活圈子會窄左好多！

現在，最緊要係同屋企們多溝通，
屋企人既支持先係最重要！

卓軒小棧

私人傳訊

積分: 607

75^#

發表於 12-10-21 23:54 |只看該作者

回覆 joan_baobao 的帖子

我自己都決定寄養住個仔...然後讀埋書佢..... 但唔知點開口...

私人傳訊

joan_baobao

積分: 2418

74^#

發表於 12-10-21 23:51 |只看該作者

回覆：請教年輕媽媽曾經懷孕時可能會考慮的問題>

無特別說服，行動去証明，大家都無講過信字!佢比我地既承諾係讀埋中五，努力工作養仔，佢真係做到!你都可以同你媽咪傾下，說出你心中所想既，希望佢會體諒你，幫助你!

私人傳訊

積分: 607

73^#

發表於 12-10-21 23:41 |只看該作者

回覆 joan_baobao 的帖子

好多謝你....你細妹幸福...有你地支持....可能我由細到大都無咩人特別照顧我...媽咪一年先見幾次...所以特別唔癡佢...有時好多野變左係佢面前我會更加堅強，喊都唔會喊出黎....你細妹果時係點說服你地屋企人接受ga...因為我父母都想我繼續幸福...我都知我已經係一個好幸福的人係同齡中...但我寧願放棄呢d幸福....佢地都反對我要生....

私人傳訊

joan_baobao

積分: 2418

72^#

發表於 12-10-21 22:33 |只看該作者

回覆：請教年輕媽媽曾經懷孕時可能會考慮的問題>

我屋企有個經歷都同你一樣，細妹15歲有bb，16歲生左.....而家個小朋友已經讀緊4年班啦!開始既時候個個人都有反對，始終都係讀緊書，未知前路係點，邊個湊呢?但為人父母既無理由睇住自己仔女咁都唔理，決定婆婆湊，生完再讀埋2年書就出黎做野!而家捱到個仔10歲，叫做生性，又識體諒媽媽，加上亦搵到個好錫佢既老公。其實物質對一個小朋友黎講，唔係最重要，而係你地之間既相處.......睇下媽媽可唔可以幫下手，3年長唔長，短唔短，但我相信既係第時見到bb健康成長，咩辛酸都會忘記。如果你有需要bb 衫，床....我都可以送比你，呢到樣樣都係錢，用得到既都要用，慳好多(而家物價高).......仲有呀!有咩事都要搵朋友家人傾下，唔好自己亂唸野，放鬆d.....第時bb 就會成日笑架啦!支持你呀!

私人傳訊

奇妙人生

積分: 2407

71^#

發表於 12-10-21 08:54 |只看該作者

回覆：請教年輕媽媽曾經懷孕時可能會考慮的問題><

你阿媽一定好心痛你！如何都好一決定好就實行（不是說笑，條路注定難行。希望你父母幫到你）

私人傳訊

Enoshma

男爵府

積分: 9845

70^#

發表於 12-10-21 07:20 |只看該作者

回覆：請教年輕媽媽曾經懷孕時可能會考慮的問題><

其實以前d 女仔都係十幾歲生b, 依家先話有法律規管等d 人吾好亂來。所以你要加油，我識有個兒科醫生話過後生女生d BB 特別靚d 架。

私人傳訊

Love111111

積分: 4195

69^#

發表於 12-10-21 02:30 |只看該作者

回覆：請教年輕媽媽曾經懷孕時可能會考慮的問題>

一) 妳交由父母去决定。
二) 揾媽媽的抉擇。
三) 當妳有咗决定，先揾社工，未决定到社工都好難幫到妳。

妳走到街上，在某個位置看看同齡既中學生，站在第三者角度諗，妳現狀發生在路過的女中學生身上，妳會對她有什麼印象，會想到什麼？感受到什麽?要妳跟她說話，妳會說些什麼?去感受下吧!在BB出世後更多問題需要由妳做更多决定，不像現在只有去或留，但像現在的一樣無人同妳分擔的。

私人傳訊

積分: 607

68^#

發表於 12-10-21 02:02 |只看該作者

回覆 snicky 的帖子

嗯！THx....我地都見過曬個社工了....依家等緊仍然係自己釣魚中....社工話唔可以咩都佢話曬比我知...要我自己決定然後再想落去....佢地只係教我釣魚....其實我都覺得我一開始有d過分依賴社工....所以自己穩d資料仲有d小....不過唔緊要啦，起碼我明咩都要自己想先知的....

私人傳訊

積分: 192

67^#

發表於 12-10-21 01:40 |只看該作者

回覆：kalimka 的帖子

說到尾你父母還是你的監護人，被迫墮胎和主動墮胎罪有別! 無論如何，放鬆一點，交給上天安排吧! 祝福你!

私人傳訊

積分: 192

66^#

發表於 12-10-21 01:24 |只看該作者

回覆：kalimka 的帖子

找了社工未? 要父母見埋社工可以嗎? 有d野真係要第三者介入!

私人傳訊

積分: 607

65^#

發表於 12-10-21 01:15 |只看該作者

回覆 snicky 的帖子

父母唔同意吖...但又要我自己決定...然後決定左就係等於同佢地斷關係..家庭經濟都ok吖.....

私人傳訊

積分: 192

64^#

發表於 12-10-21 00:58 |只看該作者

引用：回覆+MissMaMa+的帖子其實....我係咪應該

原帖由 kalimka 於 12-10-21 發表
回覆 MissMaMa 的帖子

其實....我係咪應該咩都唔好想，由人幫我決定，佢地決定完點我就點...會唔會更好... ...

那就不要想太多!信唔信都好，有d無形的東西會幫你安排左! Relax!

私人傳訊