本帖最後由 Jolin_Yuen 於 12-10-20 11:46 編輯
係BK一段日子, 睇到好多好ridiculous既case, 有d真係好勞氣, 好憤怒。好多女人問, 點解而家d後生女咁鐘意攪有婦之夫?
D男人到低點處理第3者既事?點解D第3者成日久纏不休?
以下係綜合我身邊朋友既無數經歷,
我曾經有一段日子, 日日浦吧, 浦d, 睇住身邊朋友識男人, 上床, 已經係晚晚都見既事。
1) 尋找目標的因由
年輕女仔腦部都係未成熟, 其實佢地都拍過拖, 可惜例如19歲既人生活圈子大部份都係19歲-25歲既人, 當然, 識既男人都係最多25歲。年輕拍拖個個都會幢境得好美麗, 耐何25歲男仔, 成熟得去邊? 有d一拖二, 有d唔做工, 有d日日落d落吧溝女...久而久之, 年輕女子覺得25歲男仔都係唔岩佢, 佢要搵既係成熟, 照顧到佢既男人, 嘜野人符合條件-已婚男人, 年紀大的。
2) 出發吊金龜
於是, 佢地每一晚都扮到自己好靚, 好正, 事實上, 年輕既女仔又會差得去邊? 的確, 拍落去一個正係識係屋企湊仔既c9黎講, 嬴9條街。(所以我一直勸c9們要保持個人美態)。
佢地出沒既地方主要係: 酒吧, d場。佢地晚晚流連...基本上我可以講, 落得吧,d 既男男女女, 肯主動小小, 個晚基本上都一定有著落。
-完全唔識, 行埋身扭2扭就跟人走既我見過。
-落到吧, bartender直頭問我地有冇興趣, call d有錢佬黎玩, 跟住去酒店既我又見過。
上至完全唔識的鬼佬, 下至根本黑麻麻連樣都未睇清楚既中年男人都有。
但唯一一個通點就係, 佢地係有本事, 有d錢既。
3) 我要我所想, 理得你感受
大家可能會問, 都痴痴地, 同你上床代表咩? 就算老公同你上床, 同你有野, 你以為佢會放棄個家咩。
的確, 最初佢地真係冇咁唸過, 佢地一開始既出發點, 10居其9事源都係比人HURT, 情路上波折。
好多時候點解年輕女仔會中個頭埋去人地老公度? 其實佢地要既唔係人地老公, 佢地要既係人地老公既本事, 佢地要既係人地老公個背境, 其實佢地並唔係專登去揀別人老公。
只係10居其9佢地要既人, 其實一早變左人地老公。
當佢地如火如荼既時候, 根本再容唔到第3個人, 當然, 係呢D情況, 男人實唔會講自己有老婆。
男人係呢段時間會盡量表現自己係年輕女人所要既野, 積極令年輕女人更加離唔開佢, 其實就是為自己大話(有老婆)有朝一日會穿的時候作的準備。
到年輕女仔知道的時候, 其實就已經係不能自拔的時候。
4) 一個大話被修飾後, 已經不再是大話; 我要和你共同面對
當年輕女仔知道一切原來是大話之後, 正常的人會覺得人神共憤, 揚言要離開, 誓死分手。
男人當然苦苦哀求, 繼續大話連篇, 現在回想都覺得好可笑, 大話包括:
-我同佢無感情, 但我冇左佢唔得, 冇左佢邊個睇住我個仔?
-你信我, 我一早想同佢離婚好耐, 但而家太多野比晒佢理, 例如銀行等等, 等我慢慢叫佢交番出黎, 就同佢離婚, 好嗎?
-有D租左一個單位, 成日借D以發老婆皮氣, 話冷靜走開, 其實咪就係去左女仔度(個單位)。
-有D講到自己好慘, 話老婆老豆老母早死, 發誓左要照顧佢一世的, 所以先被迫結婚。
-有的直頭話自己個仔唔係自己個仔, 自己老婆唔係自己老婆, 只係朋友+朋友個仔, 幫人照顧住先。
呢D大話, 正係聽都聽唔小, 當然, 年輕女仔又信以為真, 同情心泛濫, 決定同男人一齊共同面對。
5) 心口有個勇字, 正室又如何?
絕大部份既上述年輕女仔係知道其實對方有老婆的時候, 都會勇於挑戰, 點解佢地明明係第3者, 都咁大支野, 唔通佢地真係以為自己可以坐正?
係呀, 無錯, 第4點講過, 年輕女仔聽完男人既解釋, 心口仲唔掛著個勇字咩? 同大婆頂咪同大婆頂囉,
係呢個時候, 你估年輕女仔唸咩? 佢地只係唸: 我咪比你(大婆)威下先囉, 你老公我條仔話過, 而家係可憐你先繼續要你咋, 你睇住黎啦, 8婆!
當然, 男人係老婆面前又緊係另外一個樣, 話係個女人中埋去, 唔關佢事。
女人係一種好可愛的動物, 通常發生D咁既事, 敵人始終都係別人(第3者), 都岩既, 第3者夠膽死沖住我而黎, 簡直就係當我冇到, 死靚妹!! 同你死過!!
係呢個時候, 男人咪睇住大婆同年輕女仔打仗, 自己繼續左擁右抱。
有D C9會話, 唔係喎, 我睇住佢打比個女人, 粗口晒鬧佢叫佢咪再煩住晒。
哈哈, 其實個男人係做呢個動作之前, 一早已經同個女仔講左, 可能會有呢一日既存在, 希望你唔好介意, 我真係被迫, 我真心愛你架, 所以點解我咁憎佢(老婆), 咪就係佢好似癲狗咁囉, 如果佢真係要我打比你鬧你, 你就明架啦。
以為我講笑? 我可以好肯定講, 一個男人要古惑既時候, 任何招數都會出晒。
當老婆面打電話鬧第3者既行為, 又可以安撫住大婆, 又一早單聲左比年輕女仔聽, 一舉2得, 何樂而不為?
種種表面証供, (老婆)証明男人冇錯, 係第3者死纏我咋。(年輕女仔)証明男人冇講錯, 老婆真係癲狗咁款。
當然, 男人就辛苦D喇, 打完每一仗後, 都係要2邊都逗下, 交下功課先得既。
6) 最終回, 誰人才是得勝?
有一個算係幾好既情況講下, 其實絕大部份既女仔, 不斷經歷第5點所講既戰役後, 其實都開始質疑同身心疲累。加上年輕女仔由初初小妹妹, 長大更多, 見過更多人之後, 開始會明白, 原來一直以黎自己係傻, 係晒時間。所以, 絕大部份既都會主動退出, 因為佢地開始唸將來, 開始明白自己真正需要既野。
男人都無可奈何, 唯有打退堂鼓。
大婆往往以為自己勝利? 其實又邊關事丫! 男人緊係話終於都擺脫左佢, 番黎一家團聚, 事實又係咪真係咁?
呢D男人, 有幾多係真心改過? 通常都係因為第3者主動離開, 先至扮晒好男人知錯回頭。
如果大婆經得起時間考驗, 絕大部份第3者其實往後幾年都真係會自動退出; 但就有機會繼續有千千萬萬個19歲年輕女仔的出現了。
當然有D真係會死留, 但唔多。第3者都係女人, 都會想有正常男朋友, 正常生活。
不過又咁講, 年輕女仔同男人分手後都仲可能係比較年輕的女仔, 但就因為做過第3者而變得更成熟。
男人又繼續都係男人, 如果佢唔係自願擺脫第3者, 10居其9都會繼續搵第二位年輕女仔, 絕對唔會因為曾經有千千萬萬個第3者而感到自責。
大婆可能經歷咁多事之後, 其實都已經冇左半條命, 但就因為同第3者戰鬥左一段時間而更加衰老。
咁其實最後誰勝誰負?
7) 曾經為第3者, 現在的精彩
絕大部全年輕女仔因為之前既事, 更加清楚自己要咩, 缺點係咩。
所以佢地通常都嫁得唔錯, 有D生左仔女幾件, 家庭都好和階。而家講番起佢地以前既野, 真係覺得發左一場夢一樣。
有D都仲係繼續不停做別人第3者, 弱者同可憐, 令人地老公真係愛不惜手。
不過, 唔好以為年輕女仔個個都好蠢。
有冇見過一個男人踏上左一個年輕女仔, 其實個女仔本身有老公, 有埋仔女?
調番轉係人地老公要求人地老婆同佢老公攤牌添...
我咁長篇大論, 其實只係想各位睇清楚, 第3者既心聲, 心情。
男人既大話, 處理呢D事情既手法係如何。
覺得精彩既可以鼓勵下, 覺得不知所謂既請跳過就算。
因為我打左好耐, 不停係腦入面唸番D次序同記憶,
同時亦出賣左好多朋友的往事...
我慶幸我是水瓶星座.
爸爸是我心中的大樹.
媽媽是我一生的偶像.
姐姐是我一世的知己.
弟弟是我生活的依賴.
多多是我平常的歡樂.
一家人嘛!
發表於 
返回列表
