舊工人因為要我小朋友按摩等種種問題而被炒；新工人（菲，有海外經驗）來了短短一個多星期，已令我非常“嘔血”，經典事件一籮籮：
1)
極無常識：
來港後第三天，佢煮第一餐晚飯，因我同老公遲放工，叫佢同我囝囡三個人先食。我同老公
返到屋企，叫佢開飯，打開個碟，只剩下四條凍冰冰的菜給我們。問佢點解，佢話因為食
晒，我話；「食晒就再煮啦，我和老公都要吃野！」
2)
唔記得煮飯：
小朋友上完課外活動後，回到家後大約7時15分，佢竟然唔記得煮飯；要我8點20分左右打番去，佢先開始煮飯。(我8點35分返到屋企，飯都未煮熟。）
3)
無記性，叫左行右，叫右行左：
我已經打左一張提示卡，列明如何去唔同地方上課外活動（搭咩車、邊個出口及上課時間），但係：
例子1: 佢第三次去學校接小朋友，都依然出錯出口，仲喺同一個鐵路站，拍左兩次八達通卡，先出到閘。
例子2: 我在提示卡上註明：「記得帶小朋友的八達通卡出門口」，佢竟然唔記得帶，搞到佢地要一齊(用佢張八達通卡搭車)返屋企，再出門口.
例子3: 雖然記性極差，但初來頭兩天，三番四次提我們要買一隻水杯&屋企著既褲俾佢.
例子4: 昨晚，跟她說今天小朋友放假，不用上課。我們一早起身，竟然見到佢執好晒小朋友的書包，連波鞋／黑皮鞋都擺埋出來。
例子5:星期六，我老公打電話返去話唔洗煮飯，結果佢煮左。
4)
幻想力豐富：
同佢講，星期六小朋友不用上課，但叫她7點半叫醒我們。結果，佢以為我地叫佢7點半先至起身。
5)
唔跟Schedule做家務：
我的Schedule寫明清潔程序是先抹，再吸塵，然後拖地。佢就連續兩日都係先吸塵，次次都要打番屋企提佢。
我的Schedule寫明，我們返左工，先至去廁所洗衫。佢就係我地朝早要用廁所既時間洗衫。
6)
講大話：
今天，我在Cam見到小朋友仲未吃午飯，打返屋企，佢話佢地吃緊，我話：「No, they are not eating and you are lying!!」
發表於 
返回列表
