婆媳關係 今日: 0 | 主題: 27781

積分: 5539

1^#

發表於 12-10-24 02:53 |只看該作者 |正序瀏覽 |打印

我本身同99關係好好...一直也互相尊重，我99信佛..係個幾善良既人，自己唔食俾哂仔女食果種人黎，亦因為c6好就我好錫我，佢有眼睇，於是也對我愛屋及烏，我懷孕期佢都成日煲好多野我食，知道咩對我好就會買返來俾我食... 真係好無得頂，唯一缺點只係佢好煩，但我一直都唔反感因為我知佢係出於關心，亦明白老人家係禁煩，所以我都無咩野，之但係之後發生左d事，我可能心裡有刺..咩都睇佢唔順眼，仲開始覺得佢禁煩真係好討厭....

事件1：bb出世前幾天，有日我，姑仔，99食飯時，講起改名問題，99唔中意我諗左既名，雖然我一早都知，但無諗過佢會禁大反應，因為c6話佢無咩所謂架wor,原來唔係囉，我只係答姑仔諗左個咩名，仲好細聲講，點知99勁大反應，不停同姑仔講話個名咩咩咩唔好（注意係同佢個女講，我在旁一路食飯一路聽住），我姑仔已經嘗試幫我口，點知佢愈來愈大反應又話你唔識架喇呢d,又話佢講既野你唔岩聽，講到想嗌交禁制，我全程在旁聽住，姑仔爆左句：而家唔係你講既我唔岩聽，係我講既你唔岩聽wor,人地個媽係度你就係禁講乜乜乜，跟住99發悔氣話：唉是但啦，我在旁真係覺得好無奈。其實個名係我好早前諗定，老公當時都中意，自佢知呢件事後，佢竟然無啦啦轉口風話呢個名唔好，仲話當時無反駁我係因為我大緊肚，我真係好嬲，因佢擺明係因佢媽唔中意先轉口風...... 本身還未討厭99，再加上以下既事我先突然覺得，究竟邊個係bb呀媽，禁辛苦陀佢生佢，連改個名都無得話事,要睇99頭....

事件2：bb岩岩出世，好重磅，肥肥白白，醫院話佢肺花，血氧低要去兒科房聞氣。我在產後房，c6同姑仔，表姐黎左睇我，聽到bb情況，姑仔話因為我懷孕期飲凍野，表姐話聞到二手煙都會禁架，呢個時候c6啤住我，想話埋我一份，我覺得好委屈，唔係因為姑仔同表姐，係因為覺得c6好唔理我感受，佢差不多陪足我全程生b，睇住我有幾辛苦，雖然過程中有同我打氣，但佢之後講左句唔見隔離床禁辛苦，係我嬌生慣養，bb出世成8.8磅，佢竟然一句讚下我既說話都無，但一聽到有咩事就即刻話因為我衰乜衰乜，我自己聽到bb有事都好擔心架，bb大隻話我亂食野咩都食一餐，我好肯定如果bb係細粒佢會話我食無營養囉....我愈諗就愈委屈...終於到媽咪黎探我時，我忍唔住大喊左出黎..因為媽咪係全程最關心我果個...媽咪見到我禁樣好心痛，又好嬲，但佢可能唔係好明我心情，佢竟然嬲埋表姐同姑仔，嬲佢地係我面前亂講野，無諗我感受，其實我無怪佢地，我只係好嬲我老公點解可以禁對我....之後媽咪竟然去鬧表姐同姑仔佢地...話佢地禁對我，我都覺得好唔好意思，後來我知道都第一時間send信息俾表姐say sorry..希望佢唔好介意我媽一時緊張，佢都話佢明白...我媽之後都有同佢地say sorry...好啦..到第二日探病時間，我99黎左，問候兩句後，講起bb,我同佢解釋姐，醫生話bb肺花因為可能吸左d胎水，唔關飲食事，佢無啦啦又好大反應，一輪嘴係禁講，無啦啦講返轉頭，話關咩事唔重要，就算唔關孕期飲食事大肚都係唔飲得凍野架啦，人地又唔係話你d乜，我無出聲，但真令我有hard feelings,佢見我唔出聲佢仍要繼續不停禁講，我果刻真係忍住，其實好想好想喊....我知佢係係度怨緊我媽好去鬧人地....但點解要俾呢d說話我聽..我根本只係覺得委屈只係嬲我c6無諗我感受...無怪其他人...但我無啦啦又要聽呢d說話...果刻開始討厭我99

事件3：我出院後幾天，探過bb，影左d相，返左屋企俾左99睇，佢好開心啦，問我bb隻手仔靚唔靚呀，我話我唔識睇呀。99跟住同我媽講（我媽係度因為幫我坐月）：xx（我個名）隻手咪靚囉，有福呀，yy（c6）果陣帶佢返黎，我淨係中意佢對手架咋！（雖然佢係講笑禁講，只但係無啦啦口不擇言繼續講）我媽應酬佢笑啦，跟住99繼續講，果陣yy有個女朋友拍左好耐拖架（其實我起初同c6一齊佢係有女朋友既），佢隻手唔靚架！我媽繼續膚衍佢：禁人好咪得囉，點知99竟然話：好！好好架佢，次次上黎食完飯都爭住洗碗呀.... 我媽即時收左聲...我自問真係唔係幾做家務既人黎，但我上去食飯都有幫手執下台... 但佢唔開口叫我幫手我又唔會走去爭洗碗囉...我媽就係食完飯汁野洗碗唔中意有人攪住佢既人黎..所以我都習慣左..聽到99禁講..真係又好hard feelings....點解佢可以係我面前講c6前度咩好咩好呢...

仲有好多好多少事，以前係唔會介意，而家經歷過呢幾件事，就好多野都好反感..除左覺得佢真係煩到好討厭，仲有好多野佢明明唔識又要堅持，例如我補身呀果d，佢出發點係為我好但佢根本都唔識，我而家覺得好討厭呀！今日仲同我講bb喊既話唔好抱佢呀記住，聽日bb出院了，突然覺得佢好可能會好似呢個版jm既99禁，叫個呀媽唔好抱自己爭住抱

我覺得遲d會為bb有更多爭執.......

0 1 0

私人傳訊

藍莓綠茶

積分: 15407

畀面勳章

43^#

發表於 12-10-28 08:07 |只看該作者

引用：to+kktsoi:因為你既經歷，所以理解唔到了我

原帖由 LuyiuLady 於 12-10-24 發表
to kktsoi:

因為你既經歷，所以理解唔到了我說話既意思！

無錯，要幫手，甘應該大家都分工合作，唔係99的仔女就係大帝，攤係度，等新抱去服侍佢地。

私人傳訊

藍莓綠茶

積分: 15407

畀面勳章

42^#

發表於 12-10-28 08:03 |只看該作者

引用：我又唔同意新抱去99到食飯要洗碗喎！問題係

原帖由 LuyiuLady 於 12-10-24 發表
我又唔同意新抱去99到食飯要洗碗喎！問題係我老公同姑奶從來唔需要做家務，食飽攤係到等生果食；我未嫁前就 ...

無錯，新抱唔係下人~幫忙做係心意，唔係義務及老鳳

私人傳訊

bebecare

積分: 2661

41^#

發表於 12-10-28 00:24 |只看該作者

引用：我本身同99關係好好...一直也互相尊重，我9

原帖由 shana_tsun 於 12-10-24 發表
我本身同99關係好好...一直也互相尊重，我99信佛..係個幾善良既人，自己唔食俾哂仔女食果種人黎，亦因為c6 ...

你99同我99好似，雖然都對我好好，但又係煩到嘔個種，好彩既係我唔使同佢一齊住囉。但同佢住得太近我都有少少頂唔順，始終唔係自己阿媽，我同佢close唔到，同埋佢平時有咩不滿都係收收埋埋，唔知幾時佢唔like，佢一唔like就會周圍同人呻

私人傳訊

火車媽媽

子爵府

積分: 11122

2018復活節勳章 BK Milk勳章

40^#

發表於 12-10-27 15:13 |只看該作者

shana_tsun 發表於 12-10-24 02:53
我本身同99關係好好...一直也互相尊重，我99信佛..係個幾善良既人，自己唔食俾哂仔女食果種人黎，亦因為c6 ...

你個bb重8.8磅,係咪順產?如果係順產你好利害

,bb有事最擔心一定係生佢個位啦，點解ｄ人咁鍾意火上加油，係咪覺得你仲唔夠驚，加多二咀呢？

私人傳訊

mother904

翡翠宮

積分: 82083

畀面勳章

39^#

發表於 12-10-27 09:52 |只看該作者

Joannayu1228 發表於 12-10-24 17:35
我都好同意你嘅睇法，但以前初結婚，第一次返奶奶屋企食飯，奶奶開到口話你入咗門，以後食完飯都要幫手洗碗 ...

我同你經驗好似，又係結婚第一日返去，99大大聲要我洗碗，但我冇你咁順得人。

之後我同老公講，幫手洗碗唔係問題，但你呀媽而家咁既態度，唔駛旨意我會係你屋企洗一隻杯。到而家結婚十七年，我一直都冇係佢屋企洗碗做家務！要幫手唔該叫佢自己既仔女。

日日是好日

私人傳訊

Shirleyloveyou

公爵府

積分: 25384

38^#

發表於 12-10-27 09:12 |只看該作者

回覆：終於開始反感....（長）

最憎事件3。如果是我一定發癲

私人傳訊

pepemoon

積分: 2777

37^#

發表於 12-10-26 01:01 |只看該作者

回覆：shana_tsun 的帖子

你唔係同99一齊住丫嘛，係就要有心理準備大把湊b 問題發生，我就第一時間體驗左叫我唔好抱但就自己成日抱，仲要唔比我抱。

私人傳訊

Joannayu1228

積分: 1012

36^#

發表於 12-10-24 17:35 |只看該作者

引用：我又唔同意新抱去99到食飯要洗碗喎！問題係

原帖由 LuyiuLady 於 12-10-24 發表
我又唔同意新抱去99到食飯要洗碗喎！問題係我老公同姑奶從來唔需要做家務，食飽攤係到等生果食；我未嫁前就 ...

我都好同意你嘅睇法，但以前初結婚，第一次返奶奶屋企食飯，奶奶開到口話你入咗門，以後食完飯都要幫手洗碗，我當時亦照做，但心內不太開心，我覚得使唔使呀，第一次返來食飯就擺下馬威。但之後同媽咪講開，佢話奶奶煮，我食完洗碗都好合理，自此之後，就算奶奶話叫我唔好洗（包括陀b時），我都會照洗，費事有話俾人講

私人傳訊

LuyiuLady

積分: 5982

35^#

發表於 12-10-24 17:16 |只看該作者

to kktsoi:

因為你既經歷，所以理解唔到了我說話既意思！
我係想講，我唔接受99既仔女係寶山，我媽媽個女就係草！我洗碗無問題，但其他人就都應該要幫手，大家都有份食丫！
同埋，如果我主動話洗碗幫煮飯，姑奶在場會表現得唔好意思，仲會眼望望好似我演野做壞規矩添！
如果我在意奶奶點睇我的話，我做阿買都唔掂！
佢係古代奶奶思想，但我唔接受咁解，所以奶奶仔女唔做既事，我唔會主動話做，清楚俾佢知道，佢果套已不適用！
另外，我無話洗碗就係工人，因為我依家返娘家都搶住幫手的，問題係奶奶覺得新抱就要幫，佢對仔女就應該攤係到等人服侍，我就係咩都唔做，唔幫，佢唔滿意我唔上去食都得，但唔上佢話你唔俾面喎！
我覺得姊妹你奶奶根本偏心叔仔兩老婆，其實唔止你叔仔老婆應該幫手，你叔仔都應該幫手！

私人傳訊

krauterweiblein

積分: 8754

34^#

發表於 12-10-24 16:01 |只看該作者

love can be a delight, a dilemma, a disease or a disaster.
the proper basis for a marriage is a mutual misunderstanding.

私人傳訊

mrball99

禁止訪問

積分: 1373

33^#

發表於 12-10-24 14:16 |只看該作者

回覆：終於開始反感....（長）

提示: 作者被禁止或刪除內容自動屏蔽

私人傳訊

ken3tine

積分: 4602

32^#

發表於 12-10-24 14:16 |只看該作者

當個bb 有身體問題時，去blame 個媽媽一d 完全冇證據冇知識支持的reason 的人，真係腦殘乞人憎兼人衰口賤，睇佢地第時自己生果時又點!!

私人傳訊

貓山公主

積分: 15367

31^#

發表於 12-10-24 14:11 |只看該作者

你咁諗囉..
你幫BB改的名係一份祝福，咁祝福係不會怕多的吧！
你親人都是想祝福BB的，那就一起給予BB最好的祝福吧！

如果你99改的，真係好娘，咁不如問佢一個字，你夾份改一個字，又得唔得呢﹖
當然希望你C6都認同一下啦，記住KEEP住冷靜的情緒，不然給99,C6會覺得你無理取鬧。

要和諧就要有人讓步，佢老人家活半輩子了，有個孫都係想BB好！
娘啫，段估唔係玩鬼你個BB改個難聽的名！
佢都唔想BB俾人笑，咁你咪同你99商量下，給一些現今較多人用的字！
問99：你都唔想個孫俾人笑同改花名架﹖

仲有一樣，放輕鬆一點，執著不是錯來的，每個MAMA都有自己的堅持！
但我好希望你同99好返，講真，愛一個人，比討厭一來得快樂。
在此祝福你BB成為一個精靈活潑，人見人愛的BABY~~

P.S：仲有一樣，就算名改成點，都好睇往後的日子，我同學個名幾好聽架，但就係同父母意見不合，18歳時，自己改左個新名。
我阿哥都係，因原名太娘，18歳自己改了！

私人傳訊

shana_tsun

積分: 5539

30^#

發表於 12-10-24 14:00 |只看該作者

引用：Quote:shana_tsun+發表於+12-10-24+13:23+

原帖由 貓山公主 於 12-10-24 發表
咁反問一下你，點解你咁堅持要用你諗的名呢﹖
其實一個名大家都喜歡的，不可以嗎﹖

我係呢度都睇到好多其他jm們既99...我都知道其實我99已經唔係差呀..可能係最近呢幾件事一齊來又係我情緒最差時發生啦..我真係好想同99關係回復以前禁。至於改名問題..呢個可能係我執着既地方啦，我覺得要個個都中意其實好難..又會覺得呢個係父母既祝福，同時地我99諗既名我真係覺得好\"娘\",真係好唔想用，我再諗過好多其他名都係同佢意見不合..禁可以點呢

私人傳訊

貓山公主