家庭理財今日: 35|主題: 46998

收藏本版

發帖

返回列表

跳至頁

查看: 9737 | 回覆: 41

[強積金大騙局] 壹週刊：強積金擒住搶 $4,000億大騙局 (轉貼 [複製鏈接]

12 3

大力大力

象牙宮

積分: 218148

2025勳章蛇年勳章醒目開學勳章大廚勳章

1^#

發表於 12-10-27 08:52 |只看該作者 |正序瀏覽 |打印

本帖最後由大力大力於 12-10-28 17:29 編輯

http://www.baby-kingdom.com/forum.php?mod=viewthread&tid=6046525&extra=page%3D1

說起強積金，人人內心都有一把火。每次打開基金公司寄來的結算單，看見一蚊、一蚊辛苦儲下的血汗錢，不斷被蠶食，只能搖頭嘆息。強積金基金的特點，在於回報低到離譜，但收取的管理費，卻可以貴絕全球﹗真係：「點樣揀、點樣揀、都揀唔啱！」
強積金實施了十二年，當初通過時並無具體細節，造就如此畸形的產物，現時滾存的資產近四千億元！得益的是一眾「袋袋平安」的基金經理。為了平息打工仔怒火，千呼萬喚的「強積金半自由行」將於下月一日實施，不過細閱內容原來一樣「無自由」，「亂咁轉」的打工仔隨時跌入強積金的一連串陷阱。揭開這個表面為打工仔保障退休生活的強積金，實情是政府明醒基金佬銀行佬，㩒住搶小市民血汗錢的掠水局！

強積金就如打工仔辛辛苦苦儲在豬仔錢罌的血汗錢，但卻被基金經理㩒住搶，令一眾打工仔十分激氣。

梁先生的強積金過去一季賺得二十二元，家住天水圍的他慨嘆：「僅僅夠我搭程車去中環！」（林志謙攝）

二十二蚊，究竟可以做啲乜？喺中環，只能買到半碗叉燒飯。小學畢業，即將退休的保安員梁先生，望着其中一份只賺到二十二蚊的強積金結算單，一臉無奈。他還有個多月就到退休年齡，可以提取強積金；終於攞返錢當然開心，但期內的回報表現，卻連旁邊翻看他月結單的記者也深感憤慨。由於打過多份工，梁先生現時共有四份強積金，分別在滙豐、 ING及兩份在 AIA。當年強積金實施，梁先生就是知道自己年紀大，難以承受風險，故選擇最低風險為宗旨，「我見邊隻話最低風險就揀邊隻。」

低回報又無得揀
不過低風險又不代表穩陣，當中表現最好是兩份 AIA強積金，梁先生百分百買入保證組合，兩份結餘共二萬五千多元，過去的一季，一份賺二十二蚊，一份賺五十七元，兩份共賺八十大元；不過他持有的滙豐及 ING強積金，就把他賺回來的錢「一鋪輸凸」，前者一樣是買保守基金，但蝕了四百六十多元，後者買入平穩組合，組合中亦有港股投資。這份 ING強積金，由○二年開始，至今已保留了十年，共二萬元結餘，不過過去一年共蝕了三千二百元。
梁先生不知基金買了什麼，也不懂複雜的結算單，「我都唔知呢疊嘢講咩，又唔知自己剩番幾多錢。」他只是從「負」這個數字中知道自己蝕錢，「有無搞錯！政府蝦我哋啲人唔識投資呀，我老婆擺咗幾萬蚊喺銀行買保險基金，一年都有幾百蚊利息啦，咁我仲攞唔攞番啲錢好呀？」梁先生月薪只有幾千元，望着不斷蝕錢的強積金，想極也不明如何保障退休生活。

梁先生對着一堆強積金賬單一面無奈：「我都睇唔明佢寫乜！年年蝕錢，我點退休呀！」（林志謙攝）

點評

ALAL

發表於 12-10-28 20:24

0 0 0

大力理財篇之子女理財！

http://www.baby-kingdom.com/forum.php?mod=viewthread&tid=3868590&extra=page%3D1
買基金真係好傷
http://www.baby-kingdom.com/forum.php?mod=viewthread&tid=3294843&extra=page%3D1

私人傳訊