吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 99破壞婚禮>.<

婆媳關係今日: 0|主題: 27779

收藏本版

發帖

返回列表

跳至頁

查看: 3588 | 回覆: 63

99破壞婚禮>.< [複製鏈接]

12 3 4

coco_angel

洋房

積分: 48

1^#

發表於 12-11-1 13:04 |只看該作者 |正序瀏覽 |打印

本帖最後由 coco_angel 於 12-11-1 13:04 編輯

問題1: 兄弟姊妹
由一開始搞婚禮~99 就話唔需要兄弟姊妹~但係我結婚~係咪我話事呢??
話信唔過o的兄弟姊妹~唔需要~到時坐門口~斟茶~招待客人~要全部都係男家既姑姐~阿叔同舅父
c2 叫我唔好理佢~唔好同佢駁~因為99 係咁~我覺得好變態囉呢下~
之後又話o的兄弟姊妹會袋走我地o的禮~同埋金器~ 咁我就諗辦法處埋~

處理方法: 金器~我搵我細姑姐幫我姊妹手~看住~幫我mark 低有o的乜野~(處理金器姊妹係會計師)
99 駁回: 信唔信得過架~!! 唔好信o的朋友牙~佢地會呃你架~!!
處理: 相方家長見面既時候~我就叫埋細姑姐去一齊食飯~俾99 見下姑姐~咁就唔會話信唔過喇~!點知食飽回家~99 話信唔過囉仲係~!! 咁其實佢到底相點呢~係咪要成個婚禮都佢去處理呢~?
c2 話~唔好理99 我諗左既方法就照行~唔好理~而兄弟姊妹~係需要既~我地無理99~
禮金處理~我諗好左搵個大膠箱入住~客人黎到自己放禮入箱~無其他人可以touch 到~要拎走個箱~係人都見到佢偷野~!
99 駁回: 話個箱唔安全架~!! 搵一大個袋~一袋過咪幾好~你地聽我講喇~!!
c2 同我已經俾99 激死左~! 我地問好多人~都話呢個方法已經好聰明~大家真係要評下理~!!

問題2: 魚

99 晚上入左我同c2 間房到問我地揀左菜未~我同c2話未牙~!! 人地話唔駛咁早都得~99 話唔要青斑~咁我地就話~咁升級做虎斑喇~!! 99 又話唔好~! 咁我地就睇下仲有咩揀喇!~~ 99 話要星斑喇~我即時下左一聲~之後同c2 講~星斑貴好多喎~到時都唔知星斑係咪真係好食~之後c2 又話~呢樣要就家人~咁好喇~我咪唔出聲囉~!!點知無意上星期62 問我茖左大訂未~?? 我話未牙~! 我同c2 未去畫菜~我話99 話唔知青斑唔要虎斑~要星斑~之後62 好大反應話~傻架~星斑加加埋埋~一共要貴幾萬蚊~唔駛喇~要青斑就好~!!
呢一刻~我發現原來由頭到尾~99 係到自把自為~c2一收工回來~我即時回報~62 話青斑就得~c2 既反應~係~企左係到~o咀10秒~之後我笑~c2 知道我想講乜野~好無奈走開~之後我問c2~咁係咪聽62 講牙~?
呢件事~我相信大家都知道我地會點樣去處理~

問題3: 99 衣著

呢件事~係上星期先開始發生~而3日唔埋兩日就俾問題我既日子~~就係而家開始~果日我收工一回家~99 好開心就出黎問我o的3好唔好睇~!! 有一件係同我租俾媽咪果件好似樣~咁即係我要幫我媽咪換第二件喇~算數~! 點知99 拎件大紅色既3出黎話要著呢件=0=|仲有一件係好閃~粉紅加金色~(心諗~99 你會唔會紅到咁牙~? 家下你結婚??) c2 一回來~99 就入我同c2 間房到~我突然講左一句話~我問下人99 可唔可以著紅色3 先~!! 之後c2 同99 一齊好大聲話我點解唔得~? 喜事點解唔可以著紅色~? (我心諗~呢個c2 真係好蠢~佢完全聽唔明白我句說話既意思~其實我真係有o的唔鐘意99 著紅色)
之後我話~唔係新娘先可以著架咩~?? 之後c2 幫住99 話咁你有無紅色衫牙~唔一齊著咪得囉~我開始激動話~你黎接我果時~我件3咪紅色囉~敬酒件3咪係紅色囉~(我諗c2 應該唔知99 想著果件3其實同我著果o的既紅色~係一樣架~)之後c2 同99 講話~咁你唔好係佢(即係我)著紅色果時~著紅色咪得囉~
之後我黑面~過左幾日我同c2 講~我問左好多人~都話99 係唔可以著大紅色3~其他紅都仲可以~我媽就話~最好唔好喇~99 通常唔會著紅色~99 通常著o的踏實O的既色~之後我同C2 講~C2 就不停去問人意見~好多人都話~99 最好唔好著紅色喇~ 其實一個人知道我唔鐘意~就同C2 講話~最好唔好~!!C2 都話好喇~咁我同你99 講話唔得~點知第2日~C2 打去問O的姑姐~O的姑姐話無問題~可以著~唔一齊著紅就OK~~我即時O咀~同C2 講~咁我明天約去換哂全部都紅色囉~我話而家我結婚~果日係我最多人睇既一日~點解係都唔可以俾我果日靚~99要做主角呢~?
C2 幫住99 話我~結婚應該開心~唔應該成日因為小事就鬧交~之後我同C2 講~每次鬧交既問題都係99 拎出黎~點解你永遠都要幫住99 就唔可以幫下我~!! 我知道我令C2 好難做了~但係我都因為唔開心~而大發卑氣~無得番轉頭~番到屋企~C2同99 講話唔可以著紅色~99 仲要話無牙~我無話著紅色牙~!咁囉~!

早兩日~99 去左金都租3~又係租紅色~佢話係豆沙紅喎~我又做緊野~無聽到~話是但喇~你鐘意喇~其實我果日刻係到諗~99 跟本就無理過我地話唔可以紅色~如果佢係有聽就唔會再揀呢一個色既系列喇~
到左琴日我仲係好嬲同C2 講~C2 就話我同99 搞到佢好煩~之後打左電話俾99 鬧左99 一餐~我好無奈牙~!! 不過我只可以講~就算C2 鬧完99 ~99 都係唔會改變~我只可以接受~(99 一時又話豆沙紅~一時又話桃紅~一時又話粉紅)跟本就唔知係咩色~(我真係未見過有99 會著得咁鮮色~咁唔踏實~可能係小女子見識小喇~)
婚禮一話搞既時候99 話~阿妹~你唔好揀咁多件3喇~你無時間著架~!直到前日99 仲同我地講話要搵番幾件中式既晚裝~話要果日著~我忍唔住話~99 到底你著幾多件3牙~?
已經有兩件架喇喎~~~ 99 話起碼都5件喇~!!! 我話下~!! 唔係也嘛~! C2 知我唔會開口話99 ~自己開口串99 話~你點著5件牙~!我老婆都係得4件~C2 幫99 計:係酒樓一件~入席之前著一件~敬酒一件~送客一件~你都係4件~點著5件~ 之後我話入席之前換俾邊個睇~???之後99 話~咁兩件囉~但係直到今日早上~99 仲要拎O的3出黎問我好唔好睇~!我想死牙~!! 點解會咁架~!!!?? 我琴晚同C2 講~其實跟本就係你同99 結婚~其實我可以唔出席喇果日~跟本都唔係我結婚~~完全係你同你阿媽既婚禮囉~!! C2 知我好唔開心~都無出到聲~!

問題4: 帖

由於我地搵人擇日子既時候~過大禮果日係婚禮前既大約兩個星期~其實都有小小遲~但係擇左日~就跟住做喇~!! 點知99打電話黎問我~O的帖有未~?? 我話有喇~!之後99 話~你過兩日拎俾我喇~我話下~未過大禮~未派得架喎~~99 話下~果日先派得牙~!! EE 鵝鵝左一陣~咁好喇~!!就收線~收工我同C2 回到家~話想早一個星期派~因為有一日~男家齊人~想果日派~我同99 講咁樣唔得喎~!! 仲要堅持問我媽~
我想講~C2 對上仲有兩個家姐~~嫁左兩個女~唔係唔知過左大禮先可以派也嘛~~~咁特別既~??
之後99 完全無再問~我地都完全無諗過再答佢呢個問題~如果又俾62 知~實俾62 鬧爆99

問題5: BOOK 車

有一日99 話要BOOK 車~車老人家~我地問佢幾多個又話唔知~計下先回我地~!! 講左半年~終於都講~完來得果30幾個人坐~!! 我同C2 已經問過哂~BOOK 車幾錢~什麼什麼~都已經好清楚~我同C2 同99 講~唔好BOOK~因為樓下就已經係巴士站~要回家~一車就到~!! 對面馬路就有24 小時小巴回到家~一車到~完全無呢個必要~但係99 一意孤行話要BOOK~ 之後C2 話~無錢~好貴~一係你自己俾錢~!!之後C2 踢爆99 BOOK 車一事~一定又係99 自把自為話要BOOK~之後99 話係~~ 之後我就開始出聲~踢爆99~因為有一次食飯~99 同62 係到傾BOOK 車既問題~我行係前面~C2 去左拎車~我聽到99 係咁同62 講BOOK 車去邊去邊~一部去邊~另一部去邊~咁咪兩部囉~我聽到62 既回應係~!! 有幾多人撘姐~!自己撘車咪得囉~!!什麼什麼!~~~ 我講番出黎之後99 話我偷聽佢地講野~我話我無牙~你地講得大聲~我已經無出聲架喇~你同62 傾下先喇~ 我知道99 自己決定左唔再堅持BOOK 車~但係都要同62 講~係咪真係唔BOOK 好~!

問題6: 坐枱與主家席

果日C2 問左62 有邊個坐主家席~咁62 答左C2 有咩人坐架喇~全部都係62 果邊O的人~咁我覺得都好正常既~!琴日99 話想自己果邊坐兩個落去~咁C2 就幫佢安排左~99 都好滿意~之後我打左個眼色俾C2~C2 就醒目地~叫99 自己同62 講聲話想咁樣~之後C2 再問62 係咪無問題~~~當99 話好既時候~我就知道又係99 自把自為話要自己果邊坐兩個人落去~!!! 之後99 問左個好變態既問題!!

佢問我同C2 ~ 酒席果到~可唔可以安排多幾圍係紅色~做乜野牙而家~!! 結婚~得兩枱主家席好正常~做乜要有4枱牙~?? C2 問99 點解要多兩圍係紅色~之後99 答案話~O的姨媽姑姐也嘛~!!什麼牙~? 坐都唔到佢地坐喇~主家席~~嫁左出去~就已經唔可以坐喇~呢個問題真係激到我火到黎埋~C2 鬧99 話~家姐(即係我姑拉)結婚果時~你又唔搞咁多野~點解要係我結婚果時搞咁多野牙~?? 之後99 唔出聲~係到笑~
唔好咁喇~做乜要不停做野破壞我地牙~??(我完全覺得我同C2 係到同個麻煩姑拉隔住99 係到鬥法囉~)

我真係嬲到頂唔順喇~!!!

99 仲要不停同我講叫我唔好揀咁多衫你無時間著架~?? 你唔好請咁多朋友喇~唔夠位牙~!!! 我想講只係男家家人都已經180 個人~咁佢到底想我點呢~??我地已經請得好小自己朋友架喇~! ONLY 家人都大半個場~想點牙~?一係分兩日擺囉~!! 今晚回家~又唔知99 俾咩問題我同C2 ~

特別問題:

99 成日叫我唔好要隻狗~62 同C2 又好鐘意我隻狗~!
99 一時又話賣左佢~一時又話放走佢~一時又叫我唔好要隻狗~!! 我想問~你可唔可以唔要你個仔牙~?
有O的野~唔係話唔要就唔要~!! 狗狗都係得我地~!! 我地唔要佢~佢係好慘架~加上我已經講左狗狗唔咬人~都唔明99 怕乜野~我又無話因為隻狗狗唔生小朋友~又無話會俾小朋友直接接觸隻狗狗~咁做乜要咁擔心姐~~~~??麻煩姑拉又成日話不如唔好要隻狗~做咩姐而家~隻狗又影響唔到佢~關佢咩事姐~??

我諗~由今天起~我會成日係到表達自己既感受~C2 又唔會難做~!

0 1 0

私人傳訊

tosjsj

大宅

積分: 1983

64^#

發表於 12-11-16 13:55 |只看該作者

回覆：99破壞婚禮>.

坦白講，jm你有點偏激，99喜歡紅衫係好正常，豆沙紅都唔得，不明你為何介意？那令人覺得唔大方。就算著同一款，我都可以想像你會靚同突出過99數十倍啦，right? 當然99無理你地感受係唔啱，你地既婚宴應該要尊重同合作。至於搭車，租車載老人家係正常，人地黎祝福你，能力許多都想賓客舒適

私人傳訊

fifihon

男爵府

積分: 6507

63^#

發表於 12-11-16 12:45 |只看該作者

fifihon 發表於 12-11-16 12:18
我記得當年結婚我果邊的4大長老都俾左好多麻煩我地，好多野都係多餘，而又會令我同C6要洗多好多$$...

到最 ...

無錯! 因為6299唔會因為C6駡佢地而嬲左佢 (話晒係自己親生仔)，仲會好體諒地去cancel番自己的無理offer..

而我女家當年好多無理offer都係from我阿媽( e.g. 餅咭要打孖上，話咁先叫有face.....)我發完脾氣後，我老豆怕左我，叫我阿媽要豪就自己俾$$

私人傳訊

fifihon

男爵府

積分: 6507

62^#

發表於 12-11-16 12:18 |只看該作者

本帖最後由 fifihon 於 12-11-16 12:19 編輯

我記得當年結婚我果邊的4大長老都俾左好多麻煩我地，好多野都係多餘，而又會令我同C6要洗多好多$$...

到最後我同C6 commit左個方法去對付佢地，就係逢係6299果邊offer出無理要求時，我C6就會扮發脾氣，而我就扮和解，等佢地從言語中聽下我地的不滿，而我的"和解"又可以俾6299一個下台級....

(對女家都用同一手法)

之後證明呢個方法真係work

樓主可以試一試

有時處理呢D大project時, 兩公婆最好同一陣線，熗口要下致!~

點評

evahui619 好計!!又可以發難, 又可以比另人一半攞分

發表於 12-11-16 12:24

私人傳訊

JFL

伯爵府

積分: 17193

61^#

發表於 12-11-13 11:56 |只看該作者

回覆：coco_angel 的帖子

結咗婚仲要照顧，你6299究竟明唔明乜嘢系成家立室、咁不如叫個仔唔好結婚，返屋企飲奶啦，唔好害人地個女啦!

私人傳訊

bkteapot

珍珠宮

積分: 33274

環保接龍勳章 hashtag影視迷勳章

60^#

發表於 12-11-13 11:15 |只看該作者

樓主得閒上黎UPDATE下

私人傳訊

涼師奶

大宅

積分: 1422

59^#

發表於 12-11-13 10:57 |只看該作者

我都俾6299玩緊中

拜託~請給我一點呻的空間
如若連這小小的空間也沒有
那麼真的一點發洩空間也沒有

私人傳訊

寫我心情

伯爵府

積分: 17406

58^#

發表於 12-11-13 10:31 |只看該作者

婚後仲要同99住牙各位！99唔俾我地出去住！話出左去住點照顧你地姐？咁囉！就算搬去步行十五分鐘既地方都要話遠牙！過幾日我地去畫菜！看看到時又有咩時發生！

Again, if time/money is not problem. Consult your 62 via C6 la.

Think about World War 4 will start soon.

慢慢來, 吾洗急, 但最緊要快.

私人傳訊

coco_angel

洋房

積分: 48

57^#

發表於 12-11-13 08:10 |只看該作者

回覆：kecyc2003 的帖子

最近我地已經整好哂帖！坐位都已經處理好哂！
講起坐位好好笑！99話佢要佢果邊兩個親戚坐！我地叫佢問左62先！唔好令到到時好亂！過左幾日我地再問99同62講左未？99 話62唔鐘意！又係99本人自把自為！過左幾日我c6收工一回家問62點搞！62一句話照之前安排就得！99唔高興話！照之前咁囉！

婚後仲要同99住牙各位！99唔俾我地出去住！話出左去住點照顧你地姐？咁囉！就算搬去步行十五分鐘既地方都要話遠牙！過幾日我地去畫菜！看看到時又有咩時發生！

私人傳訊

coco_angel

洋房

積分: 48

56^#

發表於 12-11-13 08:00 |只看該作者

回覆：edenchan 的帖子

哈哈！99 成日覺得無問題！佢覺得呢d野係我本人自己做！d親戚唔會介意！佢唔明係因為佢係家入面算大個個都要幫佢！佢唔明我係後輩唔可以咁

私人傳訊

edenchan

大宅

積分: 1240

55^#

發表於 12-11-13 02:04 |只看該作者

回覆：99破壞婚禮>.

你同你99講；唔洗兄弟姐妹唔緊要咁我會安排你D親戚搭紅傘，提裙尾，洗杯，搬衫，攞頭飾，………

私人傳訊

chu_peipei

子爵府

積分: 10707

54^#

發表於 12-11-12 23:52 |只看該作者

回覆：99破壞婚禮>.

好見到樓主你個case都為你而煩。著衫，由佢著咩啦，你後生咁多就算著埋一樣顏色一樣款你都一定靚好多，d賓客見到你奶奶咁行都只會覺佢係d要出位既老人家，呢件事由佢吧。金器禮金，你同佢講已經邀請哂相熟可信任既人，就算真係唔見都係你兩公婆損失，唔關佢銀包事。四圍主家席，嗯，冇意見，唔識答。隻狗唔要絕對唔得，你帶得佢番屋企一定要有責任，就算將來有小朋友都要有呢個一生既責任，我真心鄙視嗰種要小朋友就唔要狗狗既唔係人。分圍問題，可唔可劃死幾多份或者幾多枱係男家? 佢想叫咩人都由佢，唔好過呢個number就得? 車問題，book架巴士(城巴) 都好似千多就得(有分大細車同開蓬唔開架),租架最平既塞住佢把口，萬一老人家番家途中有咩事被人一生怒死架) ………我諗把住個心態，自己係主角，細事由佢，大事就揸係自己手，會易過d. 樓主唔好為呢d野燥，呢個時候大把野等住你整，做下facial spa relax下啦! 多口問，婚後要同住嗎?

私人傳訊

寫我心情

伯爵府

積分: 17406

53^#

發表於 12-11-12 23:23 |只看該作者

回覆：99破壞婚禮>.<

婚禮幾時呀？如果時間同經濟可以的話，出去搵地方2人世界啦

見微知＂注＂，基本上未入個黑洞已經知道係黑同冇㡳深淵啦，做乜重要送羊入虎口呀？

同你c6相諒下，地方可以的話就番工，遠離99家最好。

慢慢來, 吾洗急, 但最緊要快.

私人傳訊

寫我心情

伯爵府

積分: 17406

52^#

發表於 12-11-12 23:18 |只看該作者

回覆：99破壞婚禮>.<

吾比你地出去住？。雖然你有個62頂住下，但可免則免啦:;pppp:

慢慢來, 吾洗急, 但最緊要快.

私人傳訊

kecyc2003

子爵府

積分: 14795

51^#

發表於 12-11-12 21:49 |只看該作者

回覆：99破壞婚禮>.<

樓主近排準備成點呀？

私人傳訊

me_carka

大宅

積分: 3914

50^#

發表於 12-11-12 12:44 |只看該作者

回覆：99破壞婚禮>.<

咁似我個未來99嘅？

我個個又係當正佢嫁一樣，錢唔出又多要求！
請佢啲親戚朋友都廿圍(無62，所以未計62個邊仲有聯絡嘅親戚)。
衫佢又唔係著大紅…不過又閃閃拖尾又通花lace大露背…話佢誇叫佢轉仲鬧我地揀件衫都唔得！
過大禮係婚期前一個月，又係早成2個月問我地拎帖派，又話唔夠時間派。又話之前有日去飲齊人派…同你一樣係，佢又係嫁過女唔係唔知過咗大禮先派得㗎！