婆媳關係今日: 0|主題: 27767

收藏本版

發帖

返回列表

跳至頁

查看: 5204 | 回覆: 129

12 3 4 5...7

積分: 7839

1^#

發表於 12-11-2 08:41 |只看該作者 |正序瀏覽 |打印

本帖最後由 joechan1999 於 12-11-2 08:45 編輯

見今早有時間, 快快手出左42先. 等大家WEEKEND都可以有D野睇下.

上文提到99爆左俾我知叔仔女友A小姐原來為叔仔落左3次BB, 第3次仲要同我生女既時間差唔多. 所以佢係99屋企同我一起補身. 個時我又唔係好熟佢地, 好多野都唔係好敢問. 而且叔仔被退學之後又成日係屋企同A小姐一起. 一係同A小姐出街. 呢D甘敏感既野我都唔方便問. 而且大家有追開我呢個故仔既話, 大家都知當時我99屋企除左有低B叔仔, 9962, 仲有無賴哥同8姐一起住. 間屋企永遠都有人出入. 永遠都係嘈嘈閉. 真係想知都唔方便問.

到我捱完一個月就返左屋企. 甘低B叔仔又唔知想點, 都仲係游手好閒. 又成日同A小姓黎我屋企. 上得黎就梗係問攞錢同食飯. 一次二次都冇咩所謂. 一星期總有3/4日係甘, 真係搵埋都唔夠俾佢地駛. 我問低B叔仔仲返唔返學. 唔返學又有咩打算. 低B叔仔都唔係點回應我. 我都明佢中四都未畢業又係難搵工. 不過都可以做下7仔呀, SALES先. 搵返個錢先. 唔駛下下問人攞丫. 點知佢話佢想抖下先. 甘古怪既, 返學返到想抖下. 大把人返工都冇得抖佢被退學竟然叫抖. 不過算啦又唔係自己細佬. 講多句都俾人話. 不過C6最後都出聲. 話佢個低B細佬唔好日日都上黎痴飲痴食. 我地而家2個人搵錢又唔多. 仲要養個女. 點可能養埋你2個. 甘可能低B叔仔唔多LIKE啦. 好快佢地就唔多出現係我地屋企. 嘩....對我黎講我梗係樂得清靜啦. 不過呢D清靜都唔係有得幾耐.

我記得好似我放完產假返工後半年甘上下. 我返去99屋企湊返個女返自己屋企. 一定係星期五黎既. 99平時好少留我地係佢屋企食飯. 點知佢個日留我地食. 食食下時99話A小姐屋企人打過俾佢. 話俾佢知A小姐又有左BB. 我同C6當時都打左個突. 落左3個BB, 半年前先落完而家又有左. 唔係化. 99話原來A小姐呢父母離左婚. 母親去左美國改嫁. 爸爸又再娶. 所以A小姐係跟舅父住既. 所以有時舅父都管唔到佢甘多野. 因為始終自己有一頭家. 不過而家A小姐俾低B叔仔甘蝦唔嬲就假. 舅父問我99而家點. 99話要返黎問問個仔先可以回答. 甘99見到低B叔仔返屋企就問佢係唔係又搞大肚A小姐個肚. 點知低B叔仔話人地講你就信. A小姐個肚唔係佢既. 甘99又打返俾人地舅父話個肚唔係佢細仔既. 我聽到佢甘講我都真係好惡心. 我即時同99講, 人地A小姐日日係你屋企出入, 個B唔係低B叔仔既係邊個, 唔通係62定係無賴哥. 99話甘個仔甘講佢都要回應俾人地舅父知. 唔係俾人以為佢呢家人好好蝦.

當時既我真係無語. 做人呀媽自己個仔做錯野都唔話個仔, 仲要做埋幫兇. 99再繼續講啦甘人地舅父梗係慶啦, 搞大左A小姐個肚甘多次. 而家仲要唔認. 甘99問人地舅父而家想點. 舅父話其實都問過醫生, 再落多次BB就真係以後都唔可以生. 因為墮左好多次. 甘最好係佢2個結婚生個B出黎. 不過99唔肯. 佢話低B叔仔而家都養唔掂自己, 係屋企痴飲痴食又冇工返. 仲要結婚生仔. 佢話你唔驚A小姐捱既同冇錢開飯你咪叫佢2個結婚囉. 個孫99話點都會睇始終係自己孫. 不過佢而家幫緊個新抱湊孫又有錢俾. 甘有錢俾既梗係小心湊啦. A小姐個個BB係都預左冇錢俾, 甘99話個BB就賤D, 係地下周圍爬囉. 人地食完食剩既野咪俾佢食囉. 用完玩剩個D咪俾A小姐個BB囉. 99仲好意思問人地舅父係唔係想個BB係甘既環境長大. 甘人地舅父聽到甘, 都唔想再講落去. 當然中間一定再有電話既往來. 不過到最後低B叔仔又唔想結婚. 佢根本都冇打算係同A小姐一起. 而且又細. 再加上99根本都唔想要個BB. 所以講到甘盡之後. 人地舅父隔左個零月通知我地個BB落左. 而A小姐都會去美國過新生活. 因為再係香港跟住低B叔仔係唔會有將來的. 99聽到甘就話人地舅父識諗仲話呢個係最好既安排. 直到而家我個女都13歲, 我都冇再見過A小姐. 而低B叔仔好似咩事都冇發生過甘繼續生活.

如果大家有興趣知道故事既發展, 請留個言支持下丫. THANKS!