吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 結婚6週年紀念

夫婦情感今日: 2|主題: 42790

收藏本版

發帖

返回列表

跳至頁

查看: 606 | 回覆: 9

結婚6週年紀念 [複製鏈接]

Vincywan

大宅

積分: 2273

1^#

發表於 12-11-11 00:36 |只看該作者 |正序瀏覽 |打印

竟然會為左個工人唉交，正在勁唔開心。

0 0 0

私人傳訊

Vincywan

大宅

積分: 2273

10^#

發表於 12-11-12 00:57 |只看該作者

回覆：結婚6週年紀念

一次過覆晒大家，早上起床，佢就扮無野發生，我就照執行裝，工人起身，佢無再問個工人去唔去，而我亦無出聲，之後個工人出左門口之後又再嘈過，佢似終覺得自己無錯，要我太計較，之後真係唔想去迪士尼，但應承左個女，無辦法啦! 咁咪照去囉，係個女面前扮無野，今日都玩得好開心，但臨訓前我又攞出黎講，今次係好心平氣和同佢傾個問題係，我在意佢嘅諗法多於個幾百蚊，跟住佢又擺出一副好企勁嘅姿態同我講，又逃避我話要去沖涼，佢個樣好同語氣好似好憎恨我咁，話我個人諗野太偏激，自主，唔肯聽人講野，跟住就去沖涼，沖完涼之後即上床訓，唉…我心好酸，6週年換來的就係呢幾句說話，好傷心

私人傳訊

beckham421

複式洋房

積分: 163

9^#

發表於 12-11-11 10:35 |只看該作者

回覆：結婚6週年紀念

私人傳訊

hello_kristy

男爵府

積分: 8463

8^#

發表於 12-11-11 10:14 |只看該作者

回覆：結婚6週年紀念

既係咁，無論應唔應該叫工人一齊，佢都開左口收唔返，嘈佢都無意思，而且為左$500就話個老公"你好多錢呀?咁豪" "知唔知點解成日儲唔到錢" 亦都踩到佢樽鹽，表達不滿有好多方法，但有d日子，有d說話不妨忍一忍，你都想有個快樂既6週年架嘛.......

私人傳訊

PFRC

大宅

積分: 2004

7^#

發表於 12-11-11 10:05 |只看該作者

回覆：結婚6週年紀念

如果係我，我都嬲爆，唔係唔比工人去，但要事先同左我商量，唔係突然話去比多幾百這個間題，我都係咁架，好多嘢其實心裡有數，喱度駛多左咪其他地方慳啲囉，突然駛多幾百就會亂。不過我諗你老公都係想大家開開心心，尤其係結婚紀念，有工人幫手照顧小朋友，你地可以玩得舒服啲，六週年結婚快樂，唔好唔開心啦，大家都係為左頭家咋嘛

私人傳訊

Lovelovebear

珍珠宮

積分: 31496

6^#

發表於 12-11-11 08:46 |只看該作者

回覆：結婚6週年紀念

在你老公眼中，是你小題大做，佢都無錯嘅，係人都想自己老闆偶然俾小甜頭或者送禮物比自己，自然會工作得更上心啦，男人覺得一齊去好小事，難得去玩就唔會計較咁多，所以根本唔需要計過條數，亦唔需要商量... 唔好再勞氣了！開開心心去玩啦〜六週年快樂

私人傳訊

karryy

大宅

積分: 2073

5^#

發表於 12-11-11 02:40 |只看該作者

回覆：結婚6週年紀念

男人吵架完係的確可以即刻瞓㗎，同埋你老公根本唔覺自己有錯，更加唔會瞓唔著啦！我老公都係咁，對個工人幾豪，佢覺得對佢好啲，佢做得開心啲，對個仔都好啲！呢個我明，但有時都肉赤啲錢。不過，我唔會堅持，個工人對個仔幾好！算啦，唔好激親自己嘞！

私人傳訊

yukyuk1124

珍珠宮

積分: 39064

畀面勳章

4^#

發表於 12-11-11 02:09 |只看該作者

都唔明男人點解鬧完交仲可以訓得著，而女人條氣就chok住chok住，睇見佢訓著就仲嬲！唉

私人傳訊

miumiu21

別墅

積分: 896

3^#

發表於 12-11-11 02:00 |只看該作者

回覆：結婚6週年紀念

第一下反應會同你一樣，老公解釋完我會算，如果工人好，又可以照顧bb，等你兩個可以安心食飯拍下拖，又幾好。不過又話晒週年紀念，應問左你先。比我講兩句就算。

私人傳訊

Vincywan

大宅

積分: 2273

2^#

發表於 12-11-11 00:59 |只看該作者

回覆：結婚6週年紀念

事源: 打算明天一家大細去迪士尼樂園玩，晚飯時同個工人講我地聽日去迪士尼樂園，跟住我老公問個工人去唔去喎，我聽到之後眼都突埋，成$500 一位入場喎，當時我無出聲，個工人鬼咁開心話睇下點先，我就嬲到爆炸，我whataspp問佢你好有錢呀，叫埋個工人去，佢同我講話如果用個打工仔心態去調番轉諗嘅話，我都想個老闆對自己好啲，跟住就話3年都無送d咩禮物比佢，你公司每年都比$500利是你啦，你都好開心啦，一年先去一次唔緊要啦，我答: 咁咁唔緊要去多d囉，跟住就話我唔係咁嘅意思(黑晒面咁講),跟我就話知唔知點解你成日儲唔到錢呀，跟住就發脾氣話聽日唔去喎，要慳錢。跟住佢就走上床，一訓就訓著左，而我就好唔好開心，條氣頂住頂住，攪到訓唔著。跟住我就whataspp問佢睇下佢聽日點答。

如果你想叫工人去, 點解唔一早同我商量下先呢? 你知我一定無所謂? 定你覺得唔需要問下我意見先? 定你唔知現在我地的經濟狀況? 兩個大人+一個小朋友要幾多錢，去都係因為最想個女開心，我唔知係你衝口而出，定你考慮過負擔到先問佢，我淨係知而家我地個家入不敷資，要洗老本，如果你認為我嘅憂慮多餘嘅，你可以做任何嘢都自己決定，不需要再同我講。

大家覺得我有無錯先