自由講場今日: 970|主題: 1367879

收藏本版

發帖

返回列表

跳至頁

查看: 1799 | 回覆: 32

救母小天使周芷瑜Dora [複製鏈接]

amakvt

伯爵府

積分: 18117

1^#

發表於 12-11-17 07:14 |只看該作者 |正序瀏覽 |打印

很窩心啲故事，多謝蘋果日報記者吳淑義專訪。

關懷中成長懂得愛
救母小天使全城Like

「爸爸，媽咪暈低咗呀！佢啱啱嘔呀！」就讀幼稚園低班的三歲半女童Dora（周芷瑜），本周二放學時看到媽媽在校內嘔吐後暈倒，冷靜地致電爸爸講述情況，然後找校工和老師幫忙，還安慰爸爸說：「我冇驚呀，我會好好照顧媽咪，你都唔使驚。」

老師到場後，媽媽稍為回復知覺，Dora在旁為她抹汗及餵飲清水，更當場唱歌跳舞打氣。到爸爸來把媽媽接回家時，Dora同時背起自己的書包和媽媽沉重的背包，小身軀舉步維艱，但仍嚷着：「好重，但我一定要幫媽咪孭袋。」還扶着媽媽回家去。

父親上載fb激勵網民

爸爸把女兒的背影拍下，在facebook群組寫下「小寶寶『勇救』媽媽」的故事，短短兩天已有1.2萬人讚好，以生命感動生命，有患病的單親爸爸留言說：「你這故事激勵了我生存意志，你女兒真的好叻好叻！」
Dora的爸爸周佩波（Wayne）現為公關公司董事，2010年當選香港精神大使，亦是公開大學導師及雜誌親子專欄作家。

媽媽劉詩敏（Sylvia）曾在商台及新城電台任DJ，兩人做義工相識，婚後於2008年誕下女兒Dora。
周爸爸年輕時移居香港，家境貧困且學業成績欠佳，但在義工服務中獲得重生的力量，終於憑努力成才。
他與太太拒絕做怪獸家長，只希望女兒成為有愛心的開心小天使，Sylvia說：「好多家長用racing（競賽）方法教仔女，上好多興趣班，乜嘢都要叻，但我哋着重caring（關愛），希望佢成為識得關心人、有愛心嘅人，所以帶佢探訪老人家，從實際行動明白分享嘅重要，如果caring係一種洗腦教育，真係唔怕洗！」
Dora說，媽媽在學校出事所以找老師，如果在街上暈倒，「就要搵police（警察），或者打999」。原來周爸爸知道太太身體虛弱，早就教導女兒見到媽媽暈倒該如何處理，故Dora懂得打開iPhone密碼後致電求救。
家長留言問教女心得

訪問期間Dora表現活潑，不時唱歌跳舞娛賓，說是探訪老人院時指定動作：「去到要唱歌畀公公、婆婆聽，仲有做魔術。」絕技是單眼和飛吻，得長者眉開眼笑。她還對記者說：「我係家務小天使，要幫屋企人做嘢，譬如要攞飯、攞餸，仲有擺筷子，同埋攞碗畀姐姐（工人）。」原來她當做家務是大挑戰，反而培養一份責任感。
許多家長留言問怎樣教出如此精叻的孩子，周爸爸認為人人都可以：「我哋教女之道係從來唔勉強，唔會逼佢上任何興趣班，可以揀A或B，甚至乜嘢都唔揀，但要有充份解釋。其實每個細路都有唔同叻嘅地方，要識得發掘，唔好吝嗇去讚佢哋，父母只係提供一個平台，應該畀仔女自由發揮。」

爸媽重溝通　堅持廣東話訴心聲

怪戰父母總是望子成龍，每一刻都逼孩子學英文。Dora從小喜歡串字，甚至會即興作英文歌，老師讚她有英文思維，程度超班，但父母堅持跟她每晚用廣東話說枕邊話。
周爸爸解釋：「中國人一定要學好中文，首先要係用母語表達自己嘅想法，好好同身邊嘅人溝通，其他語文係其次。」
周爸爸的想法，源於曾見過有男孩在父母催谷下，英文說得十分流利，但與家人卻零溝通。
他說：「因為佢冇辦法用廣東話好好表達情緒，經過輔導先有好轉。其實先學好母語，唔見得會影響學習外語嘅能力，如果因為學英文搞到唔識講嘢，我寧願佢唔好學」。
兩代之間溝通良好才能建立親子關係，Dora把父母視為朋友，誰人有錯都要道歉，爸媽也有向女兒認錯的時候，父母說：「我哋從來唔會用權威去壓佢，因為我哋係平等嘅。」
Dora懂事代禱　視「姐姐」如家人

許多港童視家傭如奴僕，嬌縱得不懂自我照顧，但Dora卻從出生起就一直照顧她的印傭Yuni視作家人。早前她看到Yuni躲在一角嗚嗚地哭，立即用小手搭着對方膊頭安慰探問：「姐姐，你點解喊？有冇事呀？」
Yuni簡單地說印尼家鄉的女兒有點事，Dora立即為她祈禱，祝願她的孩子開心，令Yuni感動得再次眼紅，在旁的周爸爸也落下欣慰的淚。
後來Yuni解釋，其實鄉間的女兒要結婚了，若她回去參加婚禮，恐怕Dora有一段時間無人照顧，因捨不得才哭。

Dora得知真相後說：「我大個女喇！我識照顧自己㗎喇！我會照顧埋媽咪㗎喇！」全家都勸Yuni不要錯過女兒的重要時刻。

周爸爸認為，教懂子女愛護及尊重工人姐姐是很重要，而父母的愛是不能取代的，但愛的程度就看願意花多少時間去經營了。