我今朝同個工人講佢唔適合我地, 所以要terminate佢張約, 佢第一句都仲幾好聲氣問可唔可以知點解, 我都好好聲氣同佢講佢主見太強冇按我地方法去做野, 點知, 我句話都未講完, 佢即時變樣, 然後'ok ok, you don't want to listen to me, I will pack my things', 當然我就費事同佢嘈, 等佢執完野就車佢返agent, 點知, 佢半路條氣唔順, 走出來鬧我, "I do all the things only because I am considering you.", 佢咁講係因為我最近發現我成日都好似皮膚敏感, 好似出疹咁, 又發覺所有白衫都變哂灰衫, 所以, 我老公就去睇下佢點洗衫, 發覺佢為左想快D休息, 所以將原本個幾鐘嘅洗衣程序, 自己校到得番27分鐘, D衫又點會乾淨? 佢同我老公講,佢為我地好, 因為D衫洗得耐會爛。今朝我再同佢講呢件事, 佢就話"I saw the electricity bill, I shorten the washing time to save money for you. I consider you.",講大話真係唔洗眨眼! 後來佢仲一邊執野, 一邊掉野發脾氣, 一邊好大聲鬧我地兩公婆。我地由大埔車佢返灣仔agent, 佢一路打電話同人講佢D慘野, 惡到死, 點知一到灣仔(agent 附近)佢就開始哭, 好似我虐待完佢, 我地要泊車, 佢就話落車返公司先, 原來就係去同人講, 佢個僱主好好, 可能大家要求唔一樣, 所以佢先唔要我。唔比個最佳女主角佢都唔得, 佢知道唔咁講, 個agent未必會再同佢搵新水魚, 眼淚鼻涕一齊嚟, 真係頂唔順。
!動哂胎氣呀!
發表於 
返回列表
