吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我真的攰了.........

夫婦情感今日: 1|主題: 42785

收藏本版

發帖

返回列表

跳至頁

查看: 1838 | 回覆: 28

我真的攰了......... [複製鏈接]

mimiNbaby

男爵府

積分: 5888

陪月勳章

1^#

發表於 12-12-3 15:03 |只看該作者 |正序瀏覽 |打印

本帖最後由 mimiNbaby 於 12-12-3 15:03 編輯

之前一路撐得住, 但上禮拜, 忍唔住, 喊左出黎了....

為左修補段婚姻, 自問呢幾個月黎好努力咁變好自己, 上下啲courses, 學下點樣諗野正面啲, 唔好成日諗負面野, 喺屋企唔好成日唔開心, 主動處理哂屋企, 唔使煩到佢, 佢出差愈來愈長, 我都冇呻過辛苦 (雖然真係好攰), 希望可以等佢返屋企時開開心心冇壓力.....

不過, 撐得太耐, 真係好攰, 以為佢出完差返黎, 幫番手, 我可以休息下, 叉叉電等佢下次再出差時努力過, 點知咁岩佢返黎後公司勁忙, 我知佢辛苦, 所以雖然好辛苦都繼續照顧兩個小朋友.... 點知有晚佢要去踢波, 我又要上堂, 放左工我就趕去上堂, 上堂落拿拿聲返屋企買個外賣就去接兩個細路返屋企, 幫佢地攪掂瞓覺時, 我才可以食我既晚餐, 差唔多11點了, 好肚餓, 咁岩個大既小朋友有下唔乖, 呢個幾月黎我都收左啲火, 會好好咁同佢講野, 但果晚忍唔住, 罵佢, 最後忍唔住攬住佢一齊喊....

其實諗住辛苦左咁耐, 好想第二日放假時, 襯個小朋友去左上堂, 兩公婆去食個早餐過二人世界. 佢平時第二朝會去踢波, 咁我諗住佢自己會知道自己離開左香港咁耐, 今晚又踢完, 第二朝應該會留番啲時間俾屋企啦, 咁問下佢第二朝踢唔踢波, 點知佢答: "佢去左上堂都冇野做啦, 有時間, 我去踢波...." 果下好唔開心咁答佢"哦, 去踢囉....." 不過過左陣, 話左俾佢聽我諗法, 話好想佢可以陪下我, 因為黎緊個weekend唔得閒, 之後佢又要出差, 又冇時間一齊, 點知佢答都唔答我......

到瞓覺時我同佢講, 我講左感受俾你聽, 都想你回應一下, 點知佢話: "我咪話左星期日先食囉", 我話你都冇答我, 咁你果陣答左咪ok囉.... (同埋, 星期日, 都唔係二人世界了) 老實講, 如果你真係好想去踢波, 你講少少說話安撫下我都得卦, 你乜都唔講好似一切係你想點就點咁, 我先有點唔開心.

有時真係覺得好離譜架, 佢明明對我既回應冇反應, 之後傾番, 佢總係覺得冇野......

我果下委屈得濟, 總於忍唔住喊左出黎, 我同佢講左我好攰喇, 只係想可以同你過過二人世界. 我知你做野辛苦, 我知踢波係你既興趣, 不過見到你居然唔肯俾番少少時間我, 覺得咁辛苦為乜.... 我已經好耐無因為佢唔開心了, 有時會有點激氣不過好快冇事, 我覺得自己已經有好大進步了, 不過人始終有情緒, 今次真係撐得太耐先會咁樣, 我喊緊時佢話咁聽日唔踢囉 (當然個心好唔願意)...... 到第二朝, 佢冇一早出去, 我以為佢唔踢波陪我地好開心啦, 點知佢係同我地一齊出門口, 直接去踢波...... 我問佢乜你唔係話唔去咩, 佢話: "你咪話左我可以去囉...."

果下真係好忟架, 果陣係佢第一下佢發悔氣話我知佢話禮拜日食早餐, 我係話過你一早講我知咪得囉, 你冇講麻.... 傾傾下我忍唔住喊了, 佢話咁佢唔踢喇, 咁我當真喇麻, 我冇再出聲叫佢去踢波, 第二朝你又再將啲事實變了..... 果下又再唔開心番, 明明係佢最後話唔踢波, 宜家又講到係我最後話叫佢踢. 明明佢一開始冇話禮拜日食早餐, 又講到佢一早講左但我唔alright..... 真係有點被屈的感覺, 但我又唔可以同佢再argue落去, 因為佢永遠覺得佢岩, 再argue落去棧佢更嬲, 大家關係更差, 果下, 只好食左個死貓去....

有時諗落, 我係咪忍讓得太過厲害呢? 好似冇左自己咁, 明明係佢唔岩但俾佢講到係我唔岩. 我從來都唔俾佢踢波架, 佢想去就去, 不過有時會話俾佢知我點諗, 可能今日想你陪陪屋企呀, 你太耐唔喺到, 等佢自己決定. 不過次次見佢好似聽完我感受都唔理我照去, 有點介意佢係咪在乎我囉......

到最後, 過左差唔到一日, 啲小朋友瞓緊覺, 老公主動問我落唔落樓食tea, 果下真係好開心, 食緊時佢問我"你今日唔使瞓晏覺咩", 我話難得你約我食野我緊係去啦 (雖然我真係好攰好需要抖抖...)

其實我只係想借個位黎呻下, 呻完又會繼續去修補我同老公既關係, 因為我唔可以喺老公面前成日唔開心, 唯有上黎呢到發洩下. 呢條路真係好辛苦好難行, 我知我老公都有少許改變, 我亦唔可以計較邊個行得多, 我知我自己要做多啲野去"吸"佢返黎, 不過, 有時真係會好攰, 會撐不住, 喊完一場發洩, 明天再努力過!!!!

點評

Cutemom0808 you are good JM 發表於 12-12-4 11:05

0 0 0

私人傳訊

mimiNbaby

男爵府

積分: 5888

陪月勳章

29^#

發表於 12-12-5 16:36 |只看該作者

其實我都見到c6有改變, 只係佢份人有時唔肯表達自己想法, 佢有時擺到個款好似唔會認同你, 但過左陣佢會做啲野去認同你, 咁第一下總係會俾佢影響左心情, 以為佢唔認同自己.

不過, 有時都會提下自己, 我c6都有好多好的地方, 佢肯做家務, 除左踢波外, 放假願意陪屋企, 放工就會返屋企, 希望我可以快啲見到成果啦~~~~

私人傳訊

Susar

禁止訪問

積分: 115

28^#

發表於 12-12-5 13:51 |只看該作者

提示: 作者被禁止或刪除內容自動屏蔽

私人傳訊

mb930

大宅

積分: 1593

27^#

發表於 12-12-5 00:17 |只看該作者

回覆：我真的攰了.........

十卜十卜你

私人傳訊

lily233242

侯爵府

積分: 20179

2024年龍年勳章我的育兒心得勳章有「營」勳章叻叻勳章

26^#

發表於 12-12-4 13:07 |只看該作者

回覆 mimiNbaby 的帖子

c6陪唔到食早餐埋陪食Tea囉!
樓主不用太執著, 來日方長呢!

私人傳訊

michellecht

別墅

積分: 708

25^#

發表於 12-12-4 12:19 |只看該作者

引用：我覺得樓主你做到好似on+call咁等佢，會俾

原帖由 桃花島 於 12-12-04 發表
我覺得樓主你做到好似on call咁等佢，會俾佢感覺到唔"經貴"，你可以試下如果佢星期日要去打波既，你問佢係 ...

I totally agree

私人傳訊

michellecht

別墅

積分: 708

24^#

發表於 12-12-4 12:18 |只看該作者

引用：Quote:michellecht+發表於+12-12-3+16:59+

原帖由 mimiNbaby 於 12-12-04 發表
呢幾個月我好努力咁放多啲心思喺自己到架喇, 都做到, 佢唔喺到時我冇太掛住佢, 好好攪掂自己同小朋友既野, ...

比個叻你

加油！

私人傳訊

雲妮彭

伯爵府

積分: 19439

好媽媽勳章

23^#

發表於 12-12-4 12:05 |只看該作者

希望你好快"守得雲開見月明",你老公懂得珍惜愛鍚你!

加油!

私人傳訊

shandie

男爵府

積分: 7616

22^#

發表於 12-12-4 11:24 |只看該作者

樓主,好明白你感受! 對方明明冇講OR冇反應,之後又話比咗反應同講咗嘢, 其實真係十級無奈同委屈! 雖然我老公唔係太多時候都係咁, 不過次次講D認真嘢都一定係咁, 成日都為呢D嘈架我哋.....不過我次次都算數, 因為爭拗會沒完沒了, 我覺得你都做得好好, 將自己內心說話同對方講, 我都係咁架。當然,唔好期望佢會即時有改變, 但我相信如果兩人都有心維繫好段婚姻, 經過磨合, 一定會好起來, 加油!

共勉之!

私人傳訊

桃花島

大宅

積分: 1547

21^#

發表於 12-12-4 11:11 |只看該作者

回覆：我真的攰了.........

我覺得樓主你做到好似on call咁等佢，會俾佢感覺到唔"經貴"，你可以試下如果佢星期日要去打波既，你問佢係咪去打波，因為有人約你出街，有時唔使問直接話佢知出街，咁佢會想你陪住佢架喇，唔知你有冇聽過瘦田冇人耕，耕開有人爭呢個道理呢？

私人傳訊

hopefulmother

別墅

積分: 956

20^#

發表於 12-12-4 10:51 |只看該作者

回覆：我真的攰了.........

偉大的媽媽，你真係好努力做好媽媽、好太太，加油，支持你！

在香港做女人真係好辛苦，又要顧住份工，分配時間給父母、子女、丈夫，唔好彩的話還要提防小三，根本就無左自己！雖然丈夫在外工作也辛苦，但有時真係好想丈夫讓自己倚靠一下，哄下自己！不過，男人總是像個大細路，見太太能支撐屋企，他就更放心做回自己，唉！

好多有BK這個地方給太太、媽媽們互相支持，申訴一番，找回不少正能量！

私人傳訊

mimiNbaby

男爵府

積分: 5888

陪月勳章

19^#

發表於 12-12-4 10:36 |只看該作者

Kambee 發表於 12-12-3 17:08
回覆 mimiNbaby 的帖子

你已經做得好好啦!

哈哈, 你講得岩呀, 佢地真係好蠢, 唔會為意到一啲細節足以令我地好開心~ 所以今次咪諗住俾佢知道我既諗法, 等佢多啲明白我囉, 費事成日等佢估估下咁, 佢宜家應該知喇, 因為今朝佢約我食早餐, 我笑到見牙唔見眼咁望住佢囉, 等佢知其實呢啲小事我就可以好開心架喇~~~

私人傳訊

mimiNbaby

男爵府

積分: 5888

陪月勳章

18^#

發表於 12-12-4 10:34 |只看該作者

michellecht 發表於 12-12-3 16:59
樓主加油！但我看你的 post覺得你仍是圍住你c6 在轉，抱著這個心態去修補關係實在是吃力不討好。試試改變一 ...

呢幾個月我好努力咁放多啲心思喺自己到架喇, 都做到, 佢唔喺到時我冇太掛住佢, 好好攪掂自己同小朋友既野, 不過, 當真係好攰時, 就好想有個依靠........

私人傳訊

mimiNbaby

男爵府

積分: 5888

陪月勳章

17^#

發表於 12-12-4 10:32 |只看該作者

丫雅發表於 12-12-3 16:28
其實你老公係唔係會聽到另一把聲同佢講緊野??
樓主,加油呀,我明白你愛你老公亦愛你ge家庭,你ge行動有一日一 ...

其實應該係佢心裡諗左啲野但冇講出黎, 不過佢又以為自己講左..... 其實好多時佢有啲諗法不過唔講啫...... 我知佢睇到我在改變, 佢都有改變 (不過慢好多啫....

) .......

私人傳訊

mimiNbaby

男爵府

積分: 5888

陪月勳章

16^#

發表於 12-12-4 10:30 |只看該作者

shpfamily 發表於 12-12-3 16:19
你 C6 自己生安白做D對白出來呀?
我覺得你做得好好, 應對時EQ都好高了.
可能佢覺得在家的每一刻, 都係陪左 ...

又唔可以話佢生安白做既..... 我諗可能係佢心裡諗左啲野, 但冇講到出口, 又當自己講左, 又將啲對話時間調轉左, default左啲野, 佢又唔出聲, 結果令大家都誤會左囉..... 你講得岩架, 其實佢應該覺得平時喺屋企都陪左我地, 禮拜日又會陪我地去街, 禮拜六只係朝早踢波, 中午就陪我地, 所以佢想抽少少時間去踢波, 只係果下我想佢陪多我少少..........