吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 兩年黎, 被6299不斷地折磨,好辛苦(兩年的經歷,好長) ...

婆媳關係今日: 0|主題: 27767

收藏本版

發帖

返回列表

跳至頁

查看: 3303 | 回覆: 61

兩年黎, 被6299不斷地折磨,好辛苦(兩年的經歷,好長) [複製鏈接]

12 3 4

winkho

大宅

積分: 3186

1^#

發表於 12-12-7 01:02 |只看該作者 |正序瀏覽 |打印

我有兩個仔仔, 大仔5AGE 前係99湊(大仔今年7age), 當時細仔得2AGE . 我明白99湊兩個係辛苦, 但小朋友健康始終都係最重要. 事緣兩老成日食埋D超級隔夜餸, 注我唔係反對隔夜餸, 我日頭返工都帶飯, 都係隔夜, 但我通常留一餐, 食唔晒都唔會再留, 因為覺得唔衞生, 但6299嗰隻係超級, 即係餸煮到多多, 食唔晒會放入雪櫃, 第二日下午把全部弄熱, 食唔晒又放返雪櫃, 晚飯再食, 如是者一碟餸可以食4-5餐, 不斷弄熱及放入雪櫃. 其實我已經講過好多次唔好咁食, 但你估佢地會聽咩。就係咁我個大仔咁樣食左幾年, 至於細仔因為仲細(99話), 所以99餐餐都係瘦肉粥, 由9個月大食到兩AGE.

約兩年前又係做冬的時間, 兩老買盆菜係屋企過節, 但同時又係大陸買已煮熟的燒肉同雞返黎. 我都唔食, 但係都要迫人食, 尤其係我個大仔, 話豬肉越肥越啱佢.

, 食完飯,嗰碟燒肉還有很多未吃, 他放回雪櫃, 過了2日, 因為那天我早收工,所以可以早點回6299家想湊回兩個仔, 但我的大仔依舊不肯跟我走, 這時我見到在枱面上放着前兩天的燒肉, 我問大仔, 今天午餐和昨天的午及晚餐是否也吃燒肉, 他說是, 我很

.
直至第二朝很早, 6299 打電話黎話大仔嘔左一晚, 我知道他又腸胃炎了, 其實腸胃炎對大仔來說不是什麼新鮮事, 因為在做冬晚飯前兩星期大仔都係腸胃炎, 我有講過, 食物方面要小心, 清淡, 但係兩老眼中, 食得清淡的就是把煎好的豬扒及雞翼用熱水卓一卓佢, 就係清炎. 食魚唔會STEAM , 只會煎, 因為可以放得耐唔會腥喎.
其實我有講過係D超級隔夜餸令到佢腸胃唔舒服, 佢地只會反駁自已食左幾十年都係咁食都冇事, 係我個仔冇鬼用,我地成家人都唔係咁(即係暗示我身嬌肉貴唔捱得, 個仔似晒我). 但佢地唔諗下自已食左幾十年, 要唔妥一早唔妥, 大仔只係一個幾歲大的小朋友.
我的心真是好痛, 好痛, 但又可以點.
直至我C6覺得係問題, 提議不如請工人, 我唔反對, 因為起碼可以有人煮新鮮的午,晚餐, 唔需要再食埋D唔衞生的食物。
最後我地決定請工人, 但我有問過C6, 需唔需要問99/或講一聲比佢聽我地請工人. C6話千奇唔好, 費是佢地阻止.
幾個月後工人到了,我知道兩老一定唔捨得我兩個仔, 所以我只係安排兩個係屋企食午, 晚餐, 其餘時間返兩老家玩(我地住得好近).
但像惡魔般的6299咬着不放, 他們應為我LAZY , 唔想做家務所以請個工人返黎. 有一日我如是的回99家湊回兩個仔, 99無端端鬧我: [ 你做咩請個工人返黎, 宜家係咪話我冇用, 有錢請工人, 做咩唔比多D家用我. 你要面呀嘛, 可以有個工人跟出跟入. 以後唔好帶兩個返黎!] 就係咁比佢鬧左20分鐘, 我一直忍, 但心裡覺得好委屈. 明明係佢唔啱, 仲要惡人先告狀. 但我又唔可以講出黎, 係因為佢地的超級隔夜餸先令到我請工人. 佢鬧完我跟住自己係度喊, 嗰一刻頒個最佳女主角係實至名歸.
最慘的係, 請工人回來是C6 的決定, 但當他看到她媽喊的時候, 便心軟, 她說什麼也答應, 連我原先安排回家吃午餐, 他也改了, 大仔放學後便回99家, 直至晚上才回來.
唉, 我係受害者, 連C6都冇理過我. 我好唔開心. 呢件事係我心裡兩年啦都冇忘記過. 半年後, 大仔升小一, 對我來說是一個好機會, 因為午餐在學校吃, 我不用擔心食得不健康. 加上我以跟功課為名, 只淮許大仔星期五晚才回99家, 但我經常提佢千奇唔好食一些樣怪怪的食物, 那就是令你腸胃唔舒服的食物.
至於細仔, 我冇得控制, 有時我真係覺得自已好冇用, 兩個仔是我, 為何他們的生活不可以由我來安排, 而是被人控制. 我試過把一些食物給細仔帶番99家, 但都係冇食過攞番番黎, 細仔好痴我, 也好可愛, 佢地為左討好細仔痴佢地, 所以成日買好多糖, 餅, 雪糕, 總之係零食的就用黎氹佢. 至於午餐, 除了超級隔夜餸外,還有半隻咸蛋+半BOWL飯, 我並非一個有錢家庭, 但基本的健康食物我絶對可以比到兩個仔食, 奈可……………
我知道細仔經常咁食, 我好心痛, 加上細仔便便有問題, 醫生話唔好食涷野, 我同6299講過, 我講完頭一兩天冇比, 但之後又開始比返. 只會話我兩個仔好煩, 佢地家人冇人係咁(成日都話呢句, 講到係我的問題, 唔好的野全部都係我的遺傳,佢地一家就係最好). 就呢件事我也和C6 講過, 但佢話冇問題. 事實唔係佢覺得冇問題, 而係佢唔想頂撞99. 其實呢兩年黎, 我地每次講到6299的問題, 都會令到大家好唔開心, 我唔想C6唔開心, 所以有時都唔講, 只係有苦自已受. 兩老成為我地的禁忌, 千奇唔可以提. 一提出便會唔開心. 佢屋企的所有飯局, 我都要去, 係好唔想去, 但又要扮到冇野. 食飯時6299就係屋企人面前(尤其係C6面前)扮到對我好好, 好關心我, 但全部都係扮出黎, 我真係對佢地恨之入骨.
細仔今年升K2, 因為係學校報左兩日課外話動, 遲D放學+功課又多左, 所以我把心一橫, 要返課外活動那兩天, 放學後留細佬係屋企, 其餘時間係返屋企食完飯便上99家(一星期三日), 加上細仔便便越來越差, 我可以叫姐姐煲湯水/做菜飯比細仔食, 幫助佢的便便. 99屋企一年都飲到一兩次湯既.
就呢個決定, 我已經好唔願意地上到99家和佢地說我的做法, 佢地當時的態度係好好, 好妥協, 仲話應該要咁做. 我以為這樣順利. 但原來又係要頒最佳男女主角比佢地. C6成日有意冇意叫我比細佬日日返99家+吃午餐(一星期五日), 仲話:[ 我唔想成日比人俄, 你地唔好將我夾住係中間啦, 我好辛苦呀.] 原來佢只係覺得佢辛苦, 咁我呢, 無工人之前我每日都係咁辛苦, 每日都比你爸媽明話/暗示話我. 咁我點呀, 我講比你聽你又唔鐘意, 唯有選擇唔講, 屈住屈住. 直至有左工人, 我唔需要成日見到佢地, 聽唔到佢地話我, 我開心左好多.
呢兩個星期, 兩老折磨得我地好犀利, 我地為左細佬唔可以一星期五日(+食午餐)返去99到而鬧交/冷戰. 兩老有咩唔同我講, 成日係度煩C6, 佢地實在好過份, 好克人憎.
我唔想同C6冷戰, 我好唔開心. 講真我唔係唔比兩個仔返去, 只係想佢地係屋企食一個健康的午餐, 況且一個星期都有三日番左去, 佢地仲想點, 係咪要攪我地兩個日日唔開心.
為左兩個仔的健康我唔可以再讓步. 但C6…………..
點解我會有一對咁厚顏無恥的6299.
兩年啦, 不斷的折磨, 我真的好攰

0 2 0

私人傳訊

winkho

大宅

積分: 3186

62^#

發表於 12-12-8 14:18 |只看該作者

多謝你們各位回覆, 你地講得啱我真係好懦弱, 我唔應該再怕佢地.
C6佢有同我講個, 父母係冇得選, 佢都知道係佢屋企人有問題,如果唔係都唔會提出請工人.
佢成日覺得6299鍚兩個仔就夠,其他野都唔係咁重要, 加上工人煮食真係唔好, 所以佢成日係老人家面前話工人煮野唔好食. 咁6299就即時逞英雄, 但又唔諗下其實佢地嗰D重差.
我都同佢講工人煮野係唔好食,但起碼都係新鮮, 同埋一星期都有兩日飲下湯水, 比6299湊嗰幾年, 湯水都冇啖.
宜家可以做的係我會堅持細仔返黎食左午飯先返去, 但至於番到6299家會食D咩, 我就真係唔知.

私人傳訊

木土土

琥珀宮

積分: 166265

61^#

發表於 12-12-8 11:45 |只看該作者

引用：我有兩個仔仔,+大仔5AGE+前係99湊(大仔今年

原帖由 winkho 於 12-12-07 發表
我有兩個仔仔, 大仔5AGE 前係99湊(大仔今年7age), 當時細仔得2AGE . 我明白99湊兩個係辛苦, 但小朋友健康始 ...

洗鬼理你老公meh，企硬你認為啱既做法，叫老公唔好再講，個仔生活起居安排你做阿媽全權負責！你講兩句就收聲，唔好不停討論因只會變成同老公嘈交，亦唔好理佢點應付6299！爸爸唔掂，仔仔唯有靠媽媽保護！加油！

私人傳訊

琛媽

水晶宮

積分: 67173

60^#

發表於 12-12-8 11:16 |只看該作者

為左對仔就算無人企响自己果邊, 我都要好強悍咁去盡力保護佢地, 對其他人不會心軟, 仔係自己生嘅, 自己一定係最愛惜佢地果個

生得積極, 老得開心
病得舒服, 死得安樂

私人傳訊

李大嫂

侯爵府

積分: 23500

59^#

發表於 12-12-8 11:00 |只看該作者

你C6真係離譜,佢為左唔想佢亞媽哦就要D仔食隔夜垃圾送.佢有無想過咁細既小朋友咁食會影響發育及身體健康,佢係咪想個仔成日睇醫生?
佢再係咁就同佢講,唔再做野,炒埋個工人,自己湊,頭家叫佢揹哂.佢無本事揹起頭家就收聲.

私人傳訊

丁丁aunty

伯爵府

積分: 19674

BK Milk勳章

58^#

發表於 12-12-8 10:33 |只看該作者

回覆：兩年黎, 被6299不斷地折磨,好辛苦(兩年的經歷,好長)

你男人真係食屎大，淨係顧自己唔理啲仔。

私人傳訊

mimi26

子爵府

積分: 11716

57^#

發表於 12-12-8 09:59 |只看該作者

回覆：兩年黎, 被6299不斷地折磨,好辛苦(兩年的經歷,好長)

你c6憑咩出聲?咩叫夾係中間?個仔係邊個肚度出黎?邊個有權搶你對仔女??你唔好咁懦弱！冷戰咪冷戰，道理係你手！你老公咁中意食千年餸就叫佢死返去食，你要比佢知你先係呀媽，你決定對仔女食咩玩咩係你大晒，大大聲罵返你隻c6!佢唔拆店佢就你自己拆！唔好比半步退路佢走！亦唔好怕佢嗌交冷戰，總之堅持你既決定係為仔女好，就冇人拗得過你

私人傳訊

Jayelle

侯爵府

積分: 21585

認識瑞士牛牛第二回認識瑞士牛牛第一回我的育兒心得勳章想生BB熱投冬日勳章陪月勳章畀面勳章

56^#

發表於 12-12-8 09:44 |只看該作者

回覆：兩年黎, 被6299不斷地折磨,好辛苦(兩年的經歷,好長)

俾我就同你c6講：邊個話你阿媽d野無問題？你食埋食埋d垃圾大左咪變埋一舊垃圾囉！

你一定要企硬，再教育c6，搬遠d，唔聽兩老電話，無人煩到你c6自然好搞d

私人傳訊

johntam1020

別墅

積分: 596

55^#

發表於 12-12-8 04:44 |只看該作者

經濟許可既話自己楼主湊番啦，我听到都觉得好心痛两个小朋友，两公婆好好商量下。

私人傳訊

waterzmew

大宅

積分: 1271

54^#

發表於 12-12-8 02:23 |只看該作者

回覆：兩年黎, 被6299不斷地折磨,好辛苦(兩年的經歷,好長)

我奶奶都好極品 7個月時俾月餅我仔食成日自己買d奇怪野返黎係廚房靜雞雞被我仔食仲要唔認次次我有野做出完去一日返黎就聽到個仔咳一係嘔一係發燒
到仔11個月大我已反左佢艇

私人傳訊

Emib

大宅

積分: 2466

53^#

發表於 12-12-8 00:38 |只看該作者

回覆：兩年黎, 被6299不斷地折磨,好辛苦(兩年的經歷,好長)

樓主你唔可以再忍家！有咩可能睇完大仔受罪而家輪到細仔你都仲可以忍！對仔同你先係有血緣係至親至愛！如果有人害我個女我一定開距波！包括c6都無情講！

私人傳訊

auhiyo

公爵府

積分: 28951

BK Milk勳章

52^#

發表於 12-12-8 00:32 |只看該作者

回覆：兩年黎, 被6299不斷地折磨,好辛苦(兩年的經歷,好長)

叫你c6試下食一個月仔仔個d餐，睇佢頂唔頂得順。

私人傳訊

papa2011

珍珠宮

積分: 47280

51^#

發表於 12-12-8 00:20 |只看該作者

私人傳訊

canies

翡翠宮

積分: 97120

50^#

發表於 12-12-7 23:50 |只看該作者

回覆：兩年黎, 被6299不斷地折磨,好辛苦(兩年的經歷,好長)

其實橫掂要受6299及老公面色，不如狠狠地一次講清楚:

1. 醫生清楚話大仔腸胃炎是食物不衞生引致。
2 6299 你地辛苦多年係應該享福，以後大可以去你們家吃由姐姐煮。
3 如果姐姐煑唔啱口味6299堅持煮亦冇妨，只要餸菜是你買就可確定新鮮及不過量。

私人傳訊

snow^^snow

大宅

積分: 1304

49^#

發表於 12-12-7 22:49 |只看該作者

回覆：winkho 的帖子

一定要保護2個小朋友，將來大咗身體唔好係小朋友自己受!

99哭你又哭law，大家一切哭law，好過眼淚肚裏流

個C6又扮唔知!

私人傳訊

chitingma

大宅

積分: 4388

48^#

發表於 12-12-7 17:11 |只看該作者

我個仔兩歲半平日1-5都係奶奶到食午,晚餐. 便便都係硬同埋難排.有時會抺到小小血. 原因同你奶奶相反, 我奶奶每日雖然都係新鮮飯菜, 但係無油無鹽無汁,湯係無味. 因為醫生講過小朋友無足夠油份吸收,都會引致便秘. 但我奶奶堅持佢個套..
我唯有朝早比碗鮮奶麥皮佢食. 等佢吸收多點纖維, 便便真係暢通左好多.