吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 乜都唔理，而家兩公婆關係差，兩個囡將來唔理你，係你自 ...

夫婦情感今日: 6|主題: 42712

收藏本版

發帖

返回列表

跳至頁

查看: 2190 | 回覆: 38

乜都唔理，而家兩公婆關係差，兩個囡將來唔理你，係你自己一手做成，唔好埋怨… [複製鏈接]

Sharon886

男爵府

積分: 5817

1^#

發表於 12-12-22 06:06 |只看該作者 |正序瀏覽 |打印

我知你唔會上bk，你成日都話我做乜成日睇埋晒呢d野，事實係個個post都係一個血淚史，一單case。而家我睇咗咁耐，終於都要開post，因為我實在頂你唔順。你成日都話自己收工收凌晨好夜，乜乜乜，又話好忙好多野做，物物物…

係咩

冇錯你好多時都收好夜，兩個囡都訓晒，但冇人叫你睇電視睇到天光，好似而家5點幾都唔訓，跟住就訓到成條死屍咁，兩個囡朝早起身你就醒都醒唔到，一日24小時連幾分鐘你都俾唔到兩個囡，一日到黑可以一個電話都冇，我成日死都唔信，一年3百幾日開工日，都冇一日有空閒？打個電話返來俾兩個囡，都係幾分鐘啫，有冇咁忙？以前我同你一齊開過工，點會唔知？呢d籍口真係好克人憎。

你唔打俾我都算，果歌個係你個囡，口口聲聲自己好錫兩個囡，點錫呀？次次你星期日放假休息，真係休息囉，次次星期六收工返來就睇睇睇電視睇到唔知幾點至訓，星期日朝早一係就訓訓訓訓到唔知幾點至起身，兩個囡嘈到拆天你都可以大覺訓…

呢幾年雖然我全職湊兩個囡，但都唔敢係佢地訓咗之後好似你咁睇幾個鐘電視，因為睇電視而照顧佢地差咗既話，我會內疚…

就算你早咗收工又點？你肯早d返來咩？你咪又同d伙計食消夜飲酒吹水吹到唔知幾點先至返？有冇諗過我一年到晚一個湊兩個係好辛苦？把口講就話知囉，咁實際行動呢？次次都令我失望到冰點…

當年大囡入醫院訓咗一晚，我一個人係醫院好不容易咁捱到半夜兩點至等到你收工，但我自己都係返屋企沖個涼執好d要用既野05又飛的返醫院…捱到第二日下午5點至出院，足足三十幾個鐘冇訓覺，你過來醫院車我地兩母囡返屋企，只係講句「你搞得掂啦呵…」就轉身走，我知你唔係去玩係去開工，但可唔可以「睇情況」呀？

唔係我想記住，係太震撼，忘記唔到…

當年得一個囡，而家兩個囡，但情況依舊…我同兩個囡有我地既生活，你有你既世界…

即使兩個囡一齊病一齊發燒，你都可以不聞不問，唔會話早少少返來幫手，次次同你講就發我難，話咩「咁我唔開工留係屋企睇住兩個囡囉…」，大我呀？第一你會唔開工咩？行出咗個門口就自由你有你去你既港九新界，第二，留係屋企你會做咩先？刨馬經定係刨波經定係睇電視定係訓覺先？連我行開一個鐘你都可以訓係廳既地下，身邊係波經波飛，兩個囡呆呆的坐係梳化睇電視，你就訓到連我返到來都唔知

我而家真係好憎好憎好憎你，同你平心靜氣講你又係咁，嘈到拆天你又係咁，同你呀媽講埋你又係咁，連你d朋友知埋你都係咁，你真係冇得救:;pppp:

我地既婚姻睇來都冇得救

0 0 0

私人傳訊

丫雅

珊瑚宮

積分: 119318

2018父親節勳章 2018母親節勳章 2018復活節勳章親子王國15週年勳章畀面勳章大廚勳章遊學勳章 BK猜猜猜慶中秋春季勳章炎夏勳章 BK Milk勳章 hashtag影視迷勳章 DHA勳章最關心BB問題熱投勳章 Xmas吸收勳章美好大世界2017勳章開心吸收勳章食得好勳章瞓得好勳章笑得好勳章

39^#

發表於 13-1-6 18:49 |只看該作者

唉...... 我當初響媽媽度坐月,因為冇人叫老公起身返工,所以我坐的士返去叫佢起身返工;過後我媽同佢講:嗰日我走左,阿b肚餓喊到拆天(因阿b係食人奶,我又冇儲奶習慣)
於是老公同我講唔使理佢,最重要ge係bb......坐完月返左屋企2個月,佢發我脾氣,話我只理bb唔理佢.....唉.....

題外話:半夜仲有咩電視睇? 我屋企有收費電視,我都覺得冇野睇

私人傳訊

yuewing

禁止訪問

積分: 394

38^#

發表於 13-1-6 18:24 |只看該作者

回覆：乜都唔理，而家兩公婆關係差，兩個囡將來唔理你，係你自己一手做成，唔好埋怨…

提示: 作者被禁止或刪除內容自動屏蔽

私人傳訊

fafacat

男爵府

積分: 6375

37^#

發表於 12-12-23 23:48 |只看該作者

慘情,

但母愛好偉大, 唔好甘易放棄!

Do not count your days down!

私人傳訊

Ivy07

伯爵府

積分: 19409

畀面勳章環保接龍勳章

36^#

發表於 12-12-23 23:30 |只看該作者

回覆：Sharon886 的帖子

我c6以前都係咁，而家年紀大左先好小小，但同呀仔的關係就要時間修補

私人傳訊

Sherryyim

大宅

積分: 3070

BK Milk勳章

35^#

發表於 12-12-23 17:02 |只看該作者

回覆：Sherryyim 的帖子

我老公從來唔會單獨同仔女出街，有到十隻手指數得晒

私人傳訊

Sherryyim

大宅

積分: 3070

BK Milk勳章

34^#

發表於 12-12-23 16:59 |只看該作者

回覆：乜都唔理，而家兩公婆關係差，兩個囡將來唔理你，係你自己一手做成，唔好埋怨…

我俾你仲衰，佢有冇比家用，同搵錢多唔多，我搵錢多過佢，以前冇所謂乜都唔計，既然你都搵唔到，我又ok 米冇比壓力佢，廿幾年一d都冇進步，仔女唔係唔理，佢只講一句「我唔識」，乜都唔識對仔女不聞不問,選小學,選中學從來不問,仲有大把數都數唔晒,佢個細佬,家姐仲一齊話我唔識教,做乜生咁多(我有3個小朋友)寫在Facebook 仲用粗口,我老公竟然講,算啦佢發噏風,有時又話佢都好想企在我嗰邊.佢家姐仲衰拋夫棄子,有老公仲出去勾佬,成日話個前夫衰,咁先要離婚,離婚對仔女就跟前夫,仲講到自己好偉大唔想拆散對仔女,所以米將對仔女跟前夫,跟本佢已經有第二個男人,人地又接受佢對仔女,米將對仔女跟前夫,你自己都認為前夫衰就唔好將對仔女跟前夫啦.試過佢嗰女喊住話唔想對住自己個老豆想跟媽媽,問個媽(即我老公家姐)佢話唔得,我當時環境又唔許可唔係我就照顧佢地啦.我老公d家人,佢自己都係咁廢,我唔係仲有2個細路仲細一早走咗,我走冇人會怪我,我一定攬實d仔女,樓主你唔怨我仲衰過你.

私人傳訊

rosewong

男爵府

積分: 5347

33^#

發表於 12-12-23 15:48 |只看該作者

回覆：WONGKIK 的帖子

今日放假，難得地約了一班朋友(有大有小)午膳，餐後有家長建議一起帶小朋友到附近公園玩，我嗰件唔肯去，硬是說亞女好倦(因佢唔想睇住亞仔，亦唔肯湊/湊唔掂個女)，傍人見亞仔好想一齊玩，都忍不住開口勸服c6，最後可能受不了群眾的意見，他口黑面黑不情不願地帶亞仔到公園，但可能不服氣的關係，要我帶女回家之餘同時將所有行裝(四袋嘢)拿回家，因他表示要看顧亞仔所以不能夠拿太多袋喎。
唉! 邊有人懶到噤，叫佢同亞仔玩都唔願意；有時候我會想，有佢同無佢其實有咩分別(我自問財政獨立)，係因為唔想影響仔女，所以一直忍忍忍，諗落真係好悲哀！！