| 蔡少芬《甄嬛傳》全國無限loop 網民哀嚎﹕放過我媽 | 1,780 |
| 2012年12月23日 (01:11 pm) | |
| 《甄嬛傳》全國不停重播，真係好恐怖﹗ |
由蔡少芬、孫儷、陳建斌主演嘅內地劇《甄嬛傳》，自從首播以來，紅遍大江南北，就連台灣都播。點知，因為太多人睇，太多人想睇，又太多人想睇完再睇，搞到《甄嬛傳》播完又播，播完再播……最弊嘅係，唔係好似香港咁，得亞視一個台無限loop，而係全國一齊重播﹗
內地傳媒報道謂，各地衛視頻繁密集咁重播《甄嬛傳》，從7月至今，內地某衛視已經重播了《甄嬛傳》不下10遍；多家衛視幾乎係24小時滾動重播，其中黑龍江衛視過去半年幾乎空出一個頻道，24小時滾動播出《甄嬛傳》，被網友戲稱為「甄嬛台」。安徽衛視同深圳衛視亦加入重播陣營。
但係好奇怪，《甄嬛傳》一播，無論師奶觀眾睇過幾多次，總之一播，佢哋又會乖乖去睇。網民已經頂唔順，喺微博哀嚎：「放過我媽！」、「黑龍江台求你放過我媽，24小時滾動播出《甄嬛傳》，我家已經一個禮拜沒換過台了。」、「《甄嬛傳》簡直是神一般的存在﹗」
不過電視台識計數嘅，一來呢個收得，重播再重播收視都唔差；二來，重播所需嘅版權費，平過買新劇，又有廣告，何樂而不為﹗ 
發表於 
我姑仔話好睇喎
返回列表
