自由講場

跳至

首頁
12345...10

尾頁
   22


複式洋房

積分: 401


1#
發表於 13-1-15 17:04 |只看該作者
本帖最後由 yokiyoki 於 13-1-16 22:02 編輯

呢間集運黑店叫多X集運, 自稱咩HK良心正X, 其中一間OFFICE係KT! 之前係聖誕前剛開始發左兩次貨, 兩次都遲左我唔怪佢, 因為假期前一定爆倉delay, 所以我已經心中有數!

不過, 過晒假期, 我又有嘢要買喇, 會分開兩次落! 第一次, d貨已經到晒佢地廣州倉, 但係已經拍左成2、3日, 唔明點解佢地唔up-date佢網上個data, 又唔同我發貨, 所以就打去問! 第一日問同第二日問, 都係答我佢地搬倉而家好亂, 又話好快會up-data番d資料, 但係可惜等嚟等去都又係舊資料! 到左兩日後發出, 但係再等兩日都仲話未到HK! 問佢邊間courier同佢send嚟hk, 等我自己打去問, 佢又話係自己車發, 唔係搵另外, 再追問佢點解過左兩日d貨都仲未到hk, 佢就答我扣關! 扣關扣成兩三日都未到? 我真係擔心佢公司係唔係內部有問題囉! 以為佢地係HK有公司會穩⋯⋯陣D, 諗住大家係HK人會溝通得容易D, 點不知, 原來係另外一回事!

我忍唔住又打電話去佢地hk 個office到, 最初係有個男人聽電話, 我一路問佢, 又係答我扣關唔知幾時到, 叫佢問佢公司車個司機, 佢又話搵唔到個司機! 又話自己公司車落嚟, 我唔係好信司機又搵唔到, 貨又扣起兩三日囉, 所以我開始嘈佢! 原本係個男人同我講緊電話架, 點不知有個女人搶左嚟聽, 仲要聽大夾惡咁同我講: "如果你既然咁唔滿意我公司, 咁我地ok可以退番運費比你, 麻煩你拍退款, 我地即刻可以比番錢你, 不過, 你d貨就放係我地廣州倉到, 你可以隨時親身上嚟攞!" 聽到佢咁串, 我第一時間就同佢講我搵順豐上去攞囉! 點不知個女人答我: 唔得喎! 係要你自己親身上去攞, 如果你搵courier 去攞而唔係你, 我地唔會比佢, 因為我地怕你到時唔見左d貨就懶我地! 所以唔好意思, 只有你自己親身上去廣州倉我地先會比番你! 而你可以唔使即刻上去攡, 得閑先去, 我地唔會收你倉租!

係呢個moment, 我覺得我入左間黑店, 如果我想攞番d貨, 我唯有先忍住佢! 所以我當時就開始低聲下氣叫佢比番d貨我! 係3日之後, 即係total已經過左一個星期, 嗰個女人就打比我, 話我第一批貨到左, 我可以去佢hk office取, 但係就一定要比個好評佢公司, 如果唔係佢就地就唔會比埋第二批貨我!

好! 我當時都忍住! 因為呢兩批貨我係買比我朋友send去US, 所以我一定要攞到第二批貨先, 而我亦都答應左佢比好評佢, 咁三日之後, 我第二批貨亦都到左HK, 不過, 呢間黑店就再一次係電話到要脅我, 要我比左個好評係第一次批貨, 佢先會放埋第二批貨比我!

我想同大家分享下, OR你地可以張我呢個經歷分享比其他朋友知, 我遇到呢間黑店! 有乜理由佢地成個星期D貨都唔到, 仲要聲大夾惡咁話要我比左好評佢先肯比貨我吖! 原來佢地D鑽石係咁樣厄番嚟架囉! 以為佢地係HK有office會好d, 點不知原來係更差!


複式洋房

積分: 401


186#
發表於 13-2-6 13:08 |只看該作者
仲有, 奉勸各位唔好將太多自己私人嘢係登記人地公司網頁時入太多嘢, 因為佢會連你公司都攪埋, 因為已經有人受害!


複式洋房

積分: 401


185#
發表於 13-2-5 11:48 |只看該作者
回覆 mara 的帖子

電話恐嚇都唔好放過佢啦, 等佢鬧得咁過引吖嗱!


子爵府

積分: 14454


184#
發表於 13-1-30 10:47 |只看該作者

回覆:wewe121212 的帖子

有。淨投訴佢電話恐嚇



別墅

積分: 519


183#
發表於 13-1-29 20:14 |只看該作者
想問無被扣貨,但曾受電話恐嚇滋擾駛唔駛打去備案?


複式洋房

積分: 401


182#
發表於 13-1-29 17:21 |只看該作者
greenpea 發表於 13-1-29 16:58
不防將整件事,話比淘寶知,等佢地知道佢地啲賤招

我已經打左去hk淘寶到講晒我成個case, 佢地已經mark抵晒d資料會作安排, 同埋, 會教我地應該點去做!

香港淘寶熱線 852-2215-5300

所以你地如果有比呢間嘢扣起d貨的話, 請即致電香港淘寶!

點評

greenpea    發表於 13-1-29 19:03


大宅

積分: 2376


181#
發表於 13-1-29 17:07 |只看該作者
呢間咁既野,聖誕果時,我係佢地FB留言問點解旺旺冇人在線,上網check d貨又未到但淘寶果面顯示簽收左,問2句姐,都係想有人覆下我D貨去左邊....等2日就delete左我FB留言,應該係block左我先岩.......而家留唔到言.........


珊瑚宮

積分: 106986

親子王國15週年勳章 BK Milk勳章


180#
發表於 13-1-29 16:58 |只看該作者
yokiyoki 發表於 13-1-29 16:55
佢地就係似住我地冇得check record(因為佢會即時block左係hk佢地公司網上個login, 等我地check唔到d資料), ...
不防將整件事,話比淘寶知,等佢地知道佢地啲賤招


複式洋房

積分: 401


179#
發表於 13-1-29 16:55 |只看該作者
greenpea 發表於 13-1-29 16:44
可以直接同淘寶投訴嗎?

佢地就係似住我地冇得check record(因為佢會即時block左係hk佢地公司網上個login, 等我地check唔到d資料), 所以就死口唔認話keep仕我地d貨, 而d貨話仲係廣州, 可以的話就自己上去攞! 跟住再者就可以再話係因為我地唔滿意佢地嘅服務而唔去service 我地! 咁樣, 佢唔做我地生意, 我地又唔可以投訴佢喎!

就係咁樣, 呢間嘢先咁得威之嘛!


大宅

積分: 1430


178#
發表於 13-1-29 16:48 |只看該作者


珊瑚宮

積分: 106986

親子王國15週年勳章 BK Milk勳章


177#
發表於 13-1-29 16:44 |只看該作者
yokiyoki 發表於 13-1-29 14:27
d JM上到去都比佢地落閘放狗, 我怕佢地會打電話嚟恐嚇我喎!
可以直接同淘寶投訴嗎?


大宅

積分: 1429


176#
發表於 13-1-29 16:37 |只看該作者
好很寸呀..叫人上去拎..叫佢食蕉啦
珍惜!


伯爵府

積分: 17334


175#
發表於 13-1-29 16:15 |只看該作者


子爵府

積分: 14454


174#
發表於 13-1-29 15:54 |只看該作者

回覆:yokiyoki 的帖子

恐嚇就錄佢音,再報警,等佢知個死字點寫


複式洋房

積分: 401


173#
發表於 13-1-29 14:27 |只看該作者
greenpea 發表於 13-1-25 21:08
收貨後,“追加評價”番臭史!

d JM上到去都比佢地落閘放狗, 我怕佢地會打電話嚟恐嚇我喎!


複式洋房

積分: 401


172#
發表於 13-1-29 13:58 |只看該作者
小翠BB 發表於 13-1-29 00:36
終於上報了,這集運黑店,大家小心中伏


原來又有受害者同我一樣, 都係比人扣貨迫好評之後先可以攞番! 真係慘囉!


大宅

積分: 2030


171#
發表於 13-1-29 00:36 |只看該作者
終於上報了,這集運黑店,大家小心中伏


扣貨遲運送 迫客寫好評
集運黑店玩殘網購者



【新報訊】港人淘寶網購成風,但欲買得平貨之餘,應慎防錯選集運黑店,以免貼錢買難受,更要小心可能遭揮拳恐嚇。有受害者在討論區炮轟一間集運黑店,呼籲其他網友提高警覺。
網購是近年火熱的消費模式,不少港人更是淘寶網的支持者,但購得心水平貨還須借助物流公司,將貨物由內地運送返港轉交消費者。現存的物流公司分為直接運送及集合運送兩類,前者是每宗貨物直接從賣家收取,再轉交買家,平均每宗交易約40元(兩公斤計);後者則是收取賣家的貨物後,再集合其他買家的貨物送港,無形中運港的費用,由眾多買家同時分擔,運輸費更便宜。物流公司直接運送10種貨物可能要400元,集運公司只需約250元便可。但一間在物流網甚獲「好評」的集運黑店,卻被網民在討論區炮轟其「乞人憎」經營手法,呼籲其他網友提高警覺。

要求客人親身取貨
網友A小姐去年聖誕節已光顧該集運公司,因為時值假期兩次發貨均有延誤。她今年初再次透過集運公司運送兩批貨物,但原定到港的貨物,遲遲不見蹤影。事主登入該公司網站,發現公司已多日未有更新資料,無法追蹤貨物情況。事主致電查問,對方表示貨物被海關扣起,她以為集運公司由港人經營,溝通應無障礙,卻是事與願違。事主再次查詢,對方態度敷衍,「又話扣關唔知幾時到,又話搵唔到公司司機」。對方其後更聲大夾惡說,「如果咁唔滿意我公司,我地可以退返運費畀你,不過你啲貨放咗廣州倉,你可以隨時親身上去攞!」事主表示會僱用物流公司收取,對方卻嚴詞拒絕,聲稱「你要親身上去攞,如果搵Courier攞,我地唔會畀佢,因為我怕到時唔見咗啲貨賴我地!」
事主此刻始知遇上黑店,但貨物被扣惟有吞聲忍氣要求集運公司發貨。一周後對方知會貨物已到港,事主要到觀塘的公司取貨,但一定要看到事主在物流網留下「好評」,否則不會提供第二批貨。3天後,對方再通知事主第二批貨亦到港,不忘要脅她為第二批貨留「好評」,事主又惟有「揸頸就命」寫下「好評」,折騰多時的兩批貨終於到手,事主始知所謂「好評」是要脅消費者而得。


新報LINK >> http://www.hkdailynews.com.hk/news.php?id=269285


子爵府

積分: 14454


170#
發表於 13-1-25 21:52 |只看該作者

回覆:淘寶集運黑店!!! 我有個慘痛經歷真係想同大家分享下!

剛剛見到有jm比佢滋擾,人地公司都攪,賤格!錯在多x.仲要去攪人,無恥,希望佢地唔好有細路哥,因為我相信因果報應


珊瑚宮

積分: 106986

親子王國15週年勳章 BK Milk勳章


169#
發表於 13-1-25 21:08 |只看該作者
yokiyoki 發表於 13-1-15 17:04
呢間集運黑店叫多X集運, 自稱咩HK良心正X, 其中一間OFFICE係KT! 之前係聖誕前剛開始發左兩次貨, 兩次都遲左 ...
收貨後,“追加評價”番臭史!


子爵府

積分: 14454


168#
發表於 13-1-25 19:46 |只看該作者

回覆:淘寶集運黑店!!! 我有個慘痛經歷真係想同大家分享下!

推上報,唔好再有人中招


首頁
12345...10

尾頁

跳至
Presslogic Logo
Baby Kingdom Logo