在職全職 今日: 73 | 主題: 48032

積分: 831

1^#

發表於 13-2-14 12:55 |只看該作者 |正序瀏覽 |打印

各位全職媽媽蛇年快樂!
我現在15 weeks, 身邊家人及朋友不停勸我地請陪月及工人，佢哋話我兩夫婦無經驗，我媽媽及奶奶幾年前過身，沒有老人家在身旁，—定應付不了。但我及我先生的生活習慣非常西化(因我先生是英國人),聽講陪月有很多中式飲食習慣對我可能唔適合，加上我先生唔太鍾意有外人係屋企，我自己覺得應該可以邊學邊揍，我知道會好辛苦，但我倆真的好想一手一腳自己揍。我想請敎各位全職媽媽，我們要有什麼準備?有冇必要上堂?謝謝你們的意見

0 0 0

私人傳訊

bosch

瑪瑙宮

積分: 128523

2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

48^#

發表於 13-2-19 09:36 |只看該作者

本帖最後由 bosch 於 13-2-19 09:46 編輯

happygirl228 發表於 13-2-17 23:11
如果老公可以放四星期，應該夠吧?我諗最辛苦是頭一個月，對嗎?

薑醋真係takeaway 就算啦，我好怕個味:sick ...

你老公有4個禮拜假去陪你就最好, 第一個月真係好甘, 好多野要摸索, bb 又日夜顫倒, 夜晚狂喊日頭狂訓... 如果加埋餵人奶, 真係坐住咁餵都會訓著, 如果訓響度餵更加唔駛講 (舒服但危險) .... 有老公幫手睇住你兩個點都好d 同埋安全 d.

呢度好多人揀手洗 bb 衫, 就算洗機都要同大人衫分開, 甚至會另外買部迷仔洗衣機 (即係外國人去camp 用果d 洗衣機仔). 呢樣睇你既個人取向同埋習慣... 我撈埋大人衫去洗, 只係部份大人或bb 既貼身衣物會手洗或先手洗後機洗, touchwood 我兩個仔都冇因此病過.

我唔知你可唔可以去其他政府醫院上產前班. 你打去威院book 產前班果度問下有冇英文班先, 真係冇至再問其他醫院, 或者考慮去威院上中文班, 同時翻譯俾你老公知. 去返威院上產前班有個好處係d 姑娘會帶d 人去產房門口 (唔知而家仲有冇...), 咁大家可以大約知個產房響邊, d 姑娘會講番你入院時首先要去邊度登記, 咁唔駛響你作動入院時仲要問個reception 點做.

忽然醒起, 你地入左產房, 你要照顧埋你老公, 即係你要做即時傳譯, 因為阿姐d 英文係有限公司, d 姑娘可能唔敢同外國人講野, 佢地會叫你去叫你老公做乜做物 (e.g. 放好走佬袋, 出去著消毒袍) , 講打止痛針既遺症只會對住你講中文等等. 我初初都仲可以翻譯, 以後再痛得密就真係無能為力, 咁我叫姑娘有乜直接同我老公講, 打止痛針果d 事就我直接即時決定. 果陣我好彩, d 姑娘最後都肯講幾句英文, 雖然精簡好多但都好過冇. 到生完之後你地試下主動問姑娘可唔可以由你老公剪臍帶, 果陣我問得切, 否則唔知d 姑娘 (同我剛入產房時唔同姑娘) 會唔會因為唔想講英文而費時叫佢去剪臍帶... 之後既事更加唔駛講, 我要繼續做翻譯員....

私人傳訊

積分: 2132

47^#

發表於 13-2-19 02:24 |只看該作者

引用：全人奶真係要搵人幫，我兩胎都係餵人奶。你

原帖由 airyaoi 於 13-02-18 發表
全人奶真係要搵人幫，我兩胎都係餵人奶。你未試過所以未幻想到頭一個月可以有幾攰幾辛苦。全人奶頭兩三個星 ...

因我第一胎大囝唔識食，全泵。二胎細囡識食，全埋身。兩種困難都試過~~

私人傳訊

積分: 2132

46^#

發表於 13-2-19 02:21 |只看該作者

引用：全人奶真係要搵人幫，我兩胎都係餵人奶。你

原帖由 airyaoi 於 13-02-18 發表
全人奶真係要搵人幫，我兩胎都係餵人奶。你未試過所以未幻想到頭一個月可以有幾攰幾辛苦。全人奶頭兩三個星 ...

係呀贊同，餵人奶係天賦，不過人奶路係好好好難行，你宜家唔會想像到有幾多困難~係考驗意志，毅力既一場磨練。如果你有能力請人幫下手係會好啲。因為心情壓力都好影響你條人奶路是否好行。

私人傳訊

airyaoi

積分: 3829

月餅勳章陪月勳章

45^#

發表於 13-2-18 01:28 |只看該作者

回覆：happygirl228 的帖子

全人奶真係要搵人幫，我兩胎都係餵人奶。你未試過所以未幻想到頭一個月可以有幾攰幾辛苦。全人奶頭兩三個星期你每一覺唔會瞓得多過一個鐘！少尐意志力都唔掂。
仲要無上奶湯水飲的話，真係困難重重。好多人誤會餵人奶係好自然嘅事，其實唔係！你要有心理準備，一係未必夠奶，二係阿b未必識食／肯食。
有工人都視乎佢湊b叻唔叻，第一胎你未必放心交晒俾佢。

私人傳訊

soso3509

子爵府

積分: 10518

熱血勳章畀面勳章 BK Milk勳章

44^#

發表於 13-2-18 00:27 |只看該作者

happygirl228 發表於 13-2-17 22:46
謝謝已經搵緊鐘點幫手清下野

唔洗客氣!!祝你一切順利!!一家健康!!

私人傳訊

smallrice11

男爵府

積分: 8817

43^#

發表於 13-2-17 23:34 |只看該作者

回覆 happygirl228 的帖子

我都係冇請工人同陪月. 我老公請左3個星期假, 佢識煮野, 其實頭1個月都冇乜好特別O既食療, 主要係清淡, 另外就多飲湯水, BB都係我地2公婆搞掂, 但要注意自己身體, 特別係唔好擔掂生水, 我跟足呢樣野, 身體同生前冇唔同。因為佗B時唔駛返工, 所以O個時做定功課, 睇定坐月時要食D咩, 點樣照顧初生BB, 做足準備, 2公婆一樣可以搞得掂!!!

私人傳訊

積分: 831

42^#

發表於 13-2-17 23:17 |只看該作者

回覆：bosch 的帖子

好感動

多謝各位姊妹的詳細愛心留言

真係好想請你哋飲餐茶，多謝你們

你們的支持令我有信心準備迎接BB, 真係唔知可以點多謝你們

私人傳訊

積分: 831

41^#

發表於 13-2-17 23:11 |只看該作者

引用：Quote:happygirl228+發表於+13-2-16+15:35+

原帖由 bosch 於 13-02-17 發表
佢儘量放假, 留番幾日假俾自己做backup/緊急之用啦. 話晒你生完bb 之後, 唔止個人攰, 生活忙, 情緒都會有 ...

如果老公可以放四星期，應該夠吧?我諗最辛苦是頭一個月，對嗎?

薑醋真係takeaway 就算啦，我好怕個味

我從沒有諗過BB衫要手洗

mouth:咁機洗係唔係要同大人衫分機洗呀?

多謝提點餵人奶的時間表。其實都有點怕自己頂唔順，不過由有咗到現在我都不能睡多過3小時，可能BB 知我懶訓，而家己經開始訓練我啦

我計劃係威爾斯生，都可要去其他公家及私家上產前班架?
係呀，昨日己經係geobaby 搵了幾間私人clinics 有英語 antenatal classes.

謝謝

私人傳訊

積分: 831

40^#

發表於 13-2-17 22:53 |只看該作者

引用：Quote:原帖由+happygirl228+於+13-02-16+發

原帖由 Strawberrys 於 13-02-16 發表
其實簡單一點原味已足夠，買新鮮的魚（如紅檀補血），煎魚前先下兩三片薑爆紅隻鍋，然後慢火煎香兩邊魚，再 ...

唉呀多謝曬你教我點煲魚湯及間魚

中菜煲湯真係考起我

真係好多野要學!我以前只去超市，好少去街市，不過我會慢慢學習，多問街市檔主，好彩仲有幾個月

私人傳訊

積分: 831

39^#

發表於 13-2-17 22:46 |只看該作者

引用：自己湊無話唔得架!!但頭一個月真係攰!!你地

原帖由 soso3509 於 13-02-16 發表
自己湊無話唔得架!!但頭一個月真係攰!!你地2公婆真係要輪班!
你唔好咩都自己攬哂上身..始終剛生產完..
身體 ...

謝謝

已經搵緊鐘點幫手清下野

私人傳訊

積分: 831

38^#

發表於 13-2-17 22:44 |只看該作者

引用：Quote:原帖由+icecool+於+13-02-16+發表其

原帖由 icecool 於 13-02-16 發表
我本身自都唔鐘意stay stranger at home, 所以冇請工人，陪月，不過我生兩胎我媽咪都請假一個月幫下我手。 ...

多謝你的坐月餐提議

如你所講我可以煩少樣

私人傳訊

bosch

瑪瑙宮

積分: 128523

2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

37^#

發表於 13-2-17 08:02 |只看該作者

happygirl228 發表於 13-2-16 15:35
多謝你詳細無私的分享我先生如你所講，佢好想全身參與湊BB，他正好考慮我生完後應該放假幾耐可以 ...

佢儘量放假, 留番幾日假俾自己做backup/緊急之用啦. 話晒你生完bb 之後, 唔止個人攰, 生活忙, 情緒都會有起伏, 老公可以響身邊耐d 點都好d.

如果你想食薑醋既話去買現成既好d, 間中翻煲一次就得, 唔怕出街既話咪去酒樓叫一碗黎食.

洗衫方面, 第一胎時我仲會手洗d 衫, 洗左兩個禮拜後我阿媽突然掉阿仔d 衫去洗衣機度洗, 果次之後我好少再手洗洗bb 衫. 第二胎時唔得閒理咁多野, 所以除紗巾外, 其他衫都係用洗衣機去洗, 有便便果d 衫我會見手洗後機洗, 用普通洗衣液 (我住呢度冇bb 洗衣液或洗奶樽液賣), 唯一要注意係唔好用柔順劑, 會較易令bb 皮膚敏感.

其他媽媽講得o岩, 要餵人奶係難, 要2-3個鐘餵一次, 第一個月係冇得訓咁滯. 你去政府度生, 到時佢會要你去填表mark 番低bb 幾時飲過人奶, 幾時同埋補左幾多ml 奶粉, 幾時有大小便, 每晚姑娘會黎數番我餵左幾多次等等... 我果陣copy 呢個idea 響屋企用, 好方便, 我唔駛下下記咁多野.

產前班方面, 我5年前QE 度上堂, d 產前班好似3X 週至上, 到2X 週時接受d 人去book, 我打電話去book 時問有冇英文班, 咁就book 到. 你響度搵唔到英文產前班既話, check 下港島區果d 私家醫院, 可能有英文產前班, 或者叫你去老公 geoexpat / geobaby 度問番d expat, 可能有多d 資料.

私人傳訊

Strawberrys

公爵府

積分: 28258

2025勳章蛇年勳章 2023年兔年勳章

36^#

發表於 13-2-16 22:38 |只看該作者

引用：Quote:原帖由+Strawberrys+於+13-02-14+發

原帖由 happygirl228 於 13-02-16 發表
謝謝，已經上網搵緊魚湯recipe

其實簡單一點原味已足夠，買新鮮的魚（如紅檀補血），煎魚前先下兩三片薑爆紅隻鍋，然後慢火煎香兩邊魚，再加熱滾水落鍋，滾起再轉中細火，慢火煲30-45分鐘，如用壓力煲時間可再短，煲好加適量鹽調味。水量視乎魚量多少及你喜歡濃或稀湯而定。煲好的魚湯是奶白色，非常鮮味的！

如冇鮮魚則可買紅衫魚，記得選魚眼閃耀凸出，魚身鱗片光亮，暗鴉則為不新鮮。

我產前兩個月幾乎一星期兩、三次鮮魚湯（放工去阿媽屋企食飯飲湯），產後在自己家都保持住日日有湯水，飲青木瓜（多奶）魚湯的習慣足足有兩年多。賣魚個位人兄都主動打個九折比我倆夫婦，還專留最新鮮的魚比我煲湯。

我倆夫婦皮膚一般，但囡囡就白裏透紅，非常白淨。

有時間行多的街市，格價之外更可比較新鮮情度，非繁忙時段你肯不恥下問，大把檔主會教你點煑點整，袋錢落你袋。你食得好的，媽媽奶質素自然好，bb身體就更好。

大家邊學邊做，不要心急，努力！

親子王國日誌以外之網誌連結已被刪除

私人傳訊

soso3509

子爵府

積分: 10518

熱血勳章畀面勳章 BK Milk勳章

35^#

發表於 13-2-16 18:48 |只看該作者

自己湊無話唔得架!!但頭一個月真係攰!!你地2公婆真係要輪班!
你唔好咩都自己攬哂上身..始終剛生產完..
身體虛秏好大!由其要餵人奶更加要休息!要你先生幫下手, 同BB沖涼換下片咁,
我果時就去我家姐屋企坐月, 因佢有工人可以幫手洗奶樽果D..
又可煮飯比我食..

如果你情況, 我建議搵鐘點啦, 打點下家頭細務, 洗下奶樽BB衫清潔屋企都好!每日兩個鐘, 咁你老公又唔洗長時間對住外人, 你又可以乘機休息下!

我仔快介夜奶, 我先快上到手, 因為休息時間長左, 如果唔係會好攰!!

私人傳訊

積分: 2132

34^#

發表於 13-2-16 17:47 |只看該作者

引用：Quote:原帖由+happygirl228+於+13-02-16+發

原帖由 icecool 於 13-02-16 發表
其實你可以考慮「坐月餐」，係貴啲，但好在唔駛自己煮。我自己試過都可接受嘅。你當坐月果個月煩少樣野嘅心 ...

我本身自都唔鐘意stay stranger at home, 所以冇請工人，陪月，不過我生兩胎我媽咪都請假一個月幫下我手。但我媽咪本身自己後生果時都冇坐月，所以大家都代代相傳求求其其。我照平時一樣沖涼洗頭做家務。第一胎時我媽仲有久唔久煲下湯，第二胎要照顧大仔（2嵗），冇時間，所以我決定訂餐！個訂餐我仲同媽咪，大b一齊share食添！我心態係個人心態輕鬆正面，就樣樣都會順順利利。

私人傳訊