吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 小小教仔心得, 想同大家分享~~ (聲明 : 頗長,有興趣就入 ...

自由講場今日: 3193|主題: 1344159

收藏本版

發帖

返回列表

跳至頁

查看: 1466 | 回覆: 25

小小教仔心得, 想同大家分享~~ (聲明 : 頗長,有興趣就入唻睇! [複製鏈接]

loyinkwan

別墅

積分: 877

1^#

發表於 13-2-26 20:26 |只看該作者 |正序瀏覽 |打印

莫講話細路, 就連大人都係學壞容易, 學好難!

所以正面思想一定要從細教起! 乖就讚/錫, 曳就鬧, 極度唔聽話時要體罰! 每件唔可以做嘅事都會解釋俾佢聽內裏原因! 所以由細到大, 佢唔算太難教!

上年開始讀K1, 上學期安排坐喺一組比較靜嘅組別, 學習進度都算理想, 放學回家, 都知道功課要點做! 上堂教過課本內容都識! 所以學期中開始只係間中跟功課同溫習(唔想佢太倚賴我陪佢溫書做功課), 唔關乎對人禮貌&品德嘅, 對佢亦都開始寬鬆! 可惜由二月, 下學期轉咗組別開始, 日日放學就唔係好聽教, 講十次先會定一定! 好快又再嚟過! 行街時去一d佢唔想去嘅地方, 就要拉住佢行, 拖慢腳步! 如是者...上星期評估報告出咗, 都算幾好, 意料之外, 我都好開心同欣慰! 但係尋日, 同佢溫習, 課本教咗兩課, 佢竟然識唔夠兩成, 四句識得幾個字, 唔係嘛? 我就好嚴肅咁問佢, 係咪上堂唔聽書, 回家乜都唔識? 係咪顧住玩, 無專心上堂? 佢都認咗! 我就拿拿臨打電話去學校搵班主任了解情況! 老師都話佢轉咗組後, 顧住跟同組同學仔玩, 都有罰過佢獨坐一處冷靜情緒, 我都連忙拜託老師多加提點囝囝專心上堂! 我就只好慢慢同佢講, 上堂一定要聽書, 活動遊戲時先好玩! 重覆又重覆咁講, 佢都應承我會做!

誰不知今日放學, 老師再同我講, 佢又玩到得意忘形, 唔聽指示! 當然, 又再俾老師罰隔離冷靜! 放學後同佢傾計時, 佢竟然發脾氣! 我察覺到原來唔止在家唔聽話! 佢開始變壞脾氣了, 要再好好調教喇! 同佢言談間有講明, 唔乖, 唔聽話, 媽媽唔會再好錫好錫! 食午餐時, 都有點佢鍾意食咗嘢, 但...喺佢有要求時, 我好決絕咁講, 唔得~~如是者, 回到家做好功課, 照舊溫返今日教過嘅嘢! 玩玩具時, 只可以玩靜態嘅嘢! 唔可以隨便轉玩具, 要問過我, 當然, 好多樣佢鍾意玩又想玩嘅, 我一概都話, 唔得~~亦有同佢講, 嗱! 就係因為你唔乖, 所以只好嚴厲對待你, 唔會好似以往咁寬鬆, 咁容易妥協~~同佢聲明, 如果再變本加厲嘅話, 玩具都唔俾玩, 回家只係可以整天坐著, 一係看書好了!!! 相反, 你有改善, 達成我嘅要求, 好似以前咁乖肯聽話, 就如過往看待...直到頭先, 佢比平時仲早咗半個鐘(7點半)一上床訧訓著, 因為無訓晏覺習慣, 以往都係八點上床訓! 整個下午, 只要我出聲, 佢就乖乖聽話! 都算有新開始, 希望聽日返學, 有明顯改進!

從整件事, 我無體罰, 無大鬧, 無話唔俾佢跟某某同學仔玩, 無要求老師幫佢轉組! 好感恩, 咁早俾我有呢個機會, 知道佢係一個容易受人影響嘅人, 可以教佢如何結交朋友! 如何正確向同學/朋友學習各人優點, 不可盲目跟隨! 後果要自己承擔!

可能有人會話, 咁細, 佢點會明呀!? 點識呀!?

唔好太低估而家小朋友嘅思想, 其實佢哋不知幾咁識睇眉頭眼額, 只要肯教, 佢哋一定會識(當然係一般嘅小朋友, 最基本我個仔係咁)!

我唔係要囝囝科科攞A, 唔係要佢高薪厚職! 我只係想佢做一個開心, 充實, 有正面思想嘅快活人!

0 1 0

私人傳訊

loyinkwan

別墅

積分: 877

26^#

發表於 13-2-27 16:24 |只看該作者

timpofei 發表於 13-2-27 10:10
但係我聽過一個教開尖子嘅老師講, 其實唔好太個多限制俾啲小朋友, 當然當中要教嘅地方有好多, 佢話有好多小 ...

大家都在學習中, 正如我哋都為人母親, 還可以學習各種新事物! 我嘅理念就係, 知識...一百歲唔死都仲可以學習...但...品德, 自律就需要由細教導! 所以...我只係喺佢失控而唔聽勸告時才給他限制! 至少要俾佢知道, 自由也需要自律, 多人錫唔係理想當然! 俾佢哋有深刻嘅對比, 希望可以學到咩叫權利和義務! 加油啊~~

私人傳訊

loyinkwan

別墅

積分: 877

25^#

發表於 13-2-27 16:09 |只看該作者

tel.852 發表於 13-2-27 10:47
我覺得家長用乜方法對小朋友, 小朋友就會學在用同樣方法對其它人, 所以我對小朋友都會客客氣氣, 和顏悅色, ...

同意, 身教都好重要! 打打鬧鬧未必係好方法! 但...佢哋失控時, 給提點時, 重覆數次未有改善, 就要俾一d提示佢哋(如 : 語氣較重), 警告要自律! 變本加利, 發脾氣時, 要俾d較深刻嘅印象佢哋(如 : 輕微體罰)! 俾佢哋知道, 自律和聽話才會有人錫~~當然, 教仔有好多方法, 而且每位小朋友脾性唔同, 做父母, 家長嘅~~就要多加留意, 觀察, 關心, 用一d適當方法對待自己嘅寶貝們!

大家加油~~

私人傳訊

fifiwong

珍珠宮

積分: 42225

玩具勳章畀面勳章 BK Milk勳章

24^#

發表於 13-2-27 10:47 |只看該作者

回覆月希的帖子

冇錯

私人傳訊

tel.852

禁止訪問

積分: 4791

23^#

發表於 13-2-27 10:47 |只看該作者

提示: 作者被禁止或刪除內容自動屏蔽

私人傳訊

timpofei

大宅

積分: 2196

22^#

發表於 13-2-27 10:10 |只看該作者

但係我聽過一個教開尖子嘅老師講, 其實唔好太個多限制俾啲小朋友, 當然當中要教嘅地方有好多, 佢話有好多小朋友其實好叻, 不過從小就俾啲父母限制佢哋嘅發揮機會, 所以去到某一個Level佢哋就停咗落嚟, 因為佢哋會意識到大人唔俾,唔可以...., 我聽完之後我都嘗試用另一個方式去對個女, 但係有時都係控制唔到, 所以都在學習當中, 大家努力

私人傳訊

fattyfat

琥珀宮

積分: 176549

開心吸收勳章熱血勳章玩具勳章畀面勳章 BK Milk勳章

21^#

發表於 13-2-27 09:25 |只看該作者

引用：++莫講話細路,+就連大人都係學壞容易,+學好

原帖由 loyinkwan 於 13-02-26 發表
莫講話細路, 就連大人都係學壞容易, 學好難!

所以正面思想一定要從細教起! 乖就讚/錫, 曳就鬧, 極度 ...

simple is the best~

私人傳訊

喜喜天使

珍珠宮

積分: 33316

20^#

發表於 13-2-27 09:03 |只看該作者

回覆：小小教仔心得, 想同大家分享~~ (聲明 : 頗長,有興趣就入唻睇!

我都怕唔識教我B

私人傳訊

chowqv

水晶宮

積分: 67529

wyeth冷知識勳章畀面勳章大廚勳章

19^#

發表於 13-2-26 21:48 |只看該作者

我從來信3歲定80；3歲前唔教，3歲後唔使教。

果d咩，大個自然識，我通常會問，“大過”即係幾時，12歲？18歲？會唔會搭正12點就叮一聲識？

點評

ninjarabbit

發表於 13-2-27 16:28

loyinkwan

發表於 13-2-26 22:29

不知所謂的乙陸！！！

私人傳訊

esmehouse

寶石宮

積分: 393545

父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 HiPP勳章(2) HiPP勳章(1) 2018父親節勳章 2018復活節勳章 15週年勳章親子王國15週年勳章畀面勳章醒目開學勳章 hashtag影視迷勳章貓狗褓姆認識瑞士牛牛第一回美好大世界2017勳章開心吸收勳章

18^#

發表於 13-2-26 21:28 |只看該作者

我鐘意你同我講 I Love U, I Love U Too！
You are the sunshine of my life. That's why I'll always stay around. You are the apple of my eye. Forever you'll stay in my heart.

私人傳訊

loyinkwan

別墅

積分: 877

17^#

發表於 13-2-26 21:27 |只看該作者

回覆家家公主的帖子

由細到大, 我都唔俾囝囝帶玩具出街, 初初長輩都會俾說話我聽...哎吔~~bb真係慘, 我哋喺到傾計, 你無嘢好做添~~我就話, 無得食就慘, 在家未玩夠? 聽我哋傾計, 從中可以學到好多嘢, 從中仲要可以學到我哋唔留意無教嘅嘢添~~到今時今日出街時聚餐, 佢會一齊閒談吹水, 仲會好專心聽我哋傾計~~咁樣都算係成果~~

點評

家家公主

發表於 13-2-26 21:42

私人傳訊

KATELYY

子爵府

積分: 10524

熱血勳章

16^#

發表於 13-2-26 21:26 |只看該作者

引用：你教仔既理念同我一樣..但我經常比其他家長

原帖由 家家公主 於 13-02-26 發表
你教仔既理念同我一樣..
但我經常比其他家長話我過份緊張..對仔要求高..
樣樣都管束住...因為佢地果D係由得 ...

同意。。小時要好好約束。。獎罰分明。。多說道理。。大時會好教好多。。
我個人覺得呢d吳係嚴。。只係教佢分是非。。年紀太小的小孩。如果生活上有太多灰色地帶會令佢地混亂。。所以一定要堅持。一就一。二就二。。。純分享個人意見。。不喜勿駡。。謝謝

點評

家家公主

發表於 13-2-26 21:42

私人傳訊

KATELYY

子爵府

積分: 10524

熱血勳章

15^#

發表於 13-2-26 21:20 |只看該作者

引用：++莫講話細路,+就連大人都係學壞容易,+學好

原帖由 loyinkwan 於 13-02-26 發表
莫講話細路, 就連大人都係學壞容易, 學好難!

所以正面思想一定要從細教起! 乖就讚/錫, 曳就鬧, 極度 ...

支持。。因為我都係噤教

私人傳訊

Sumyeema1

象牙宮

積分: 222322

2024年龍年勳章

14^#

發表於 13-2-26 21:20 |只看該作者

引用：++莫講話細路,+就連大人都係學壞容易,+學好

原帖由 loyinkwan 於 13-02-26 發表
莫講話細路, 就連大人都係學壞容易, 學好難!

所以正面思想一定要從細教起! 乖就讚/錫, 曳就鬧, 極度 ...

K1 就貢高要求? 名校?

點評

loyinkwan 到佢有自己思想/主見時,仲難教~~ 發表於 13-2-26 21:43

loyinkwan 我唔覺要求高,只想喺仲可以教得聽嘅時候,盡量教! 發表於 13-2-26 21:42

loyinkwan 唔係名校, 只係一間算有年資嘅幼稚園! 發表於 13-2-26 21:29

私人傳訊

家家公主

翡翠宮

積分: 83812

畀面勳章 BK Milk勳章

13^#

發表於 13-2-26 21:13 |只看該作者

你教仔既理念同我一樣..
但我經常比其他家長話我過份緊張..對仔要求高..
樣樣都管束住...因為佢地果D係由得自己個仔蝦人出手都無問題既
比個仔LUR多幾下就投降..比仔控制既媽咪..

佢地個個見我仔都話我仔乖..
我唔需要大聲..一個眼神佢就要同我定下來..
同埋我一定唔會比我仔話事..晌呢個年齡 (6歲)
我覺得佢只需要跟隨父母既指引去做..
而唔應該咁多意見..一唔滿意就發脾氣我接受唔到..
近期我仔都開始有咁既現象..次次我都只會比2個選擇佢..
佢只可以2選1...無第3個..經過多次之後..
佢既發脾氣情緒又好返D咁..

教小朋友唔係一件易事..大家耍加油..