我初時以為浴盤只是膠盤一個, 行過宜家時奶奶話買翻個, 咁我就買咗。$99, 但係後來睇書同埋朋友講，其實產後腰痛好多時係因為照顧BB的肢勢問題, 其中一個問題就係換片同洗澡。
所以我開始找一些令我可以唔駛彎身的浴盤，我心入面最理想的就是嬰兒換片浴盆檯，最好係下面可以做埋櫃放BB嘢，荷花有售約三千元。價錢係一個問題，無位放就更大問題。咁我再搵，有D平D, 細少少的$600 至900 一個, 價錢好理想，仲一次過解決洗澡同換片兩個問題。雖然佢有條喉可以放水，唔駛你攞起個盤，但係始終太大,因為呢個架要放在廁所，無理由放佢係廳沖涼然後推佢入廁所放水，所以最終放棄咗。
$719嬰兒換片浴盆檯
最終我買的是這個，淘寶買的，架連盤約二百多人仔。個架摺得埋，係就係次次要開收麻煩D，但係洗澡時真係好方便，唔駛彎身同BB玩得好開心，而家BB歲半都仲用到，我估可以用到兩歲。BB大咗佢會要求玩水，如果浴盤唔係Waist level 就唔可以同佢一齊玩。而且佢有些凸出的設計，BB洗澡時萬一鬆手都無咁易滑入水，安全D唔駛買浴網。講明先，個盤好大個架，我一買返來，我老公係咁話駛唔駛咁大個呀? 兩個BB都放得落。
浴盤連架，平時BB真係同我玩得咁開心架!
如果你想係香港買，MINIMOTO都有呢款浴盤，但係要盤連架要五百幾。不過佢細個D，無咁阻地方。
如果地方真係好有限，可能要搵呢D收得埋的浴盤，我自己未用過，不過見好多媽咪問，所以介紹吓:
1. 吹氣浴盤，$189，我個人覺得唔好玩啦，唔通日日吹?
2.Felxibath 四百幾
3.Karibu Folding Bath $420, 都幾多媽咪用
宜家浴盤$99.9, 有防滑, 其實都幾好用，因為無乜花巧可以用到BB好大。
最後，想問問各位媽媽對哪項嬰兒用品有興趣，咁我可以因應大家需要出Post, 唔駛大家買完後悔!
umi715 發表於 13-4-8 16:47
可以發個網比我嗎？有無邊間質量好d?
發表於 
mouth:
) 雖然屋企未至於好迫，但係都唔想有個巨盤要揾位掛，又漲谷谷咁 
返回列表
