網購天地今日: 0|主題: 70705

收藏本版

發帖

返回列表

跳至頁

查看: 74641 | 回覆: 177

[淘寶] 深圳訂造傢俬

12 3 4 5...9

積分: 5817

1^#

發表於 13-3-29 11:37 |只看該作者 |正序瀏覽 |打印

本帖最後由 Sharon886 於 13-4-14 12:06 編輯

我諗好多jm都好似我咁想訂造傢俬，係香港訂勁貴，1516咗好耐，見淘寶果Ｄ好靘好想淘又驚唔啱位，見之前有jm話深圳訂造平好多問咗果位jm攞資料，我就單拖上咗去一轉。

呢個post only for sharing，因為最終我冇打算幫襯果間，因為果邊既選擇係「海量」！

果位jm俾我既資料係果間鋪叫「尚品空間」，位於羅湖太寧路五方家居廣場二層D023，係羅湖口岸打的大概廿零蚊，唔算太遠。

入到去見到地下係賣地磚牆磚，我冇行晒，因為超大，時間又唔係多，就拿拿聲搵target。

二樓平面圖

唔記得影二樓情況（搭車搭到暈咁滯），請見諒。

我有係果間傾同攞大概既報價，大概11000人仔，包設計、安裝同運輸，我要造既係一間大概2米乘2米既小朋友房，造地台，丁字高底床，到樓底既衣櫃，因為設計圖未到手（另一間），post唔到上來，sorry！

因為我想買層架，所以行咗去田貝路既家合居，五方行去家合居好近，10分鐘左右，直行過條馬路就可以。

果度又係超大，有心搵材料既真係一日都行唔晒，去過九龍灣E-Max既，來到呢度，我諗辛苦Ｄ都唔會再去E-Max，因為選擇同種類真係多好好好好好多，又平平平平平好多，呢度乜都有，全屋要裝修既話，所有材料都可以係呢度揾到，鏡、門、閘、鎖、水龍頭、磚、牆紙、油漆、傢俬、電器（不過唔知係唔係全部啱香港用）.....

以上所有相只係冰山一角，果度真係好大，行到我腳軟。同埋上去既話真係要有心理同生理準備，上面Ｄ商場既空調冇香港既咁好，行多幾行就好似抖唔到氣，個人覺得唔需要太擔心係果度買料，因為我見好多香港人係果兩個商場搵料，好多鋪都做慣香港人生意。

暫時我唔開我係家合居邊間造，係果邊開單因為同樣設計果邊開價9千尾同樣包設計、安裝同運輸，而家暫時度咗尺，未出到圖。Jm都唔洗問，因為我都未知會造成點，同埋單幾多錢，遲D我會update一下。

不過我覺得有心係深圳訂既話係yahxx度search一下都會見唔少blog有講深圳訂傢俬建材既資料，係呢度開post我知有Ｄ離題，不過見好多jm問果位jm攞料，而我自己又真係上咗去一轉，所以係度開post。

另外除咗打的，地鐵係到既，而且只不過係人仔3蚊就到，不過下次打死我都唔會慳果廿蚊雞，因為深圳地鐵車箱冇香港既咁大，又迫，天氣又開始熱，「加拿大」香氣處處，去家合居個站又要轉線，轉線又要行餐死，空調又差...真係返到屋企都暈暈地

所以麻煩版主保留我呢個post，行個方便俾果Ｄ都想去深圳訂傢俬既jm一D資料。

2013-4-14 update下先

設計公司果邊俾咗圖我喇，仲改好埋，只等我confirm好上去揀埋色就可以開工，可惜上次去完之後少少感冒，加上參加個囡既學校活動又遇上落雨淋病咗，到而家個人都係散散地，唔敢上去住。