興趣嗜好今日: 1|主題: 125136

收藏本版

發帖

返回列表

跳至頁

查看: 5786 | 回覆: 29

[寵物] (轉貼)澳門有貓貓食咗皇家大陸生產的糧出了事 [複製鏈接]

hinson2006

大宅

積分: 2367

1^#

發表於 13-4-9 11:41 |只看該作者 |正序瀏覽 |打印

法國皇家貓糧轉了大陸上海生產，但有貓貓食了一段時間開始有問題出現，請大家貓友提防小心，免得各位的寶貝受害，皇家還魚目混珠，大陸貨用英文包裝袋當法國貨買，真的太過份了。

0 0 0

私人傳訊

cherie211

大宅

積分: 1304

30^#

發表於 13-4-19 19:11 |只看該作者

我真係好想好想講，
大家如果真係鍚貓既，唔好再比乾糧貓貓食啦....
其實乾糧係完完全全唔應該當做主糧...
即使係so call天然乾糧，
都係一d都唔天然。
我雖然唔係vet，但我做左好多好多research，
自己去睇外國好多動物營養師既網，又睇下人地d研究，再搵下general既feedback先得到既真相。
我長氣d都要講，因為今時今日，仍然好多主人誤信乾糧先係最健康，
我真係好唔想再有貓因為咁樣而受苦，相信冇一個主人想，
所以請你繼續睇落去。

第一，貓係肉食動物
佢地天性係要食肉，
需要係around 70％肉類蛋白質，
而carbohydrates最多只可以5-10%，
點解？因為佢地個胃根本消化唔到呢種物質，
其實好多貓糖尿病都係因為食得太多呢d starch令血糖過高...
可惜99.999999%乾糧入面，你睇下佢既成份排名，
往往carbohydrates都係名列前茅...e.g. starch, corn, gluten, grain 之類既野
（r牌同c牌往往都係其中既表表者）
原因係pet food要meet到個蛋白質standard，
而植物蛋白質比起肉類蛋白質成本低好多，
但貓係吸收唔到植物蛋白質架。

第二，好多貓老左都有kidney failure，
呢樣病往往係好多貓死亡既原因，
而乾糧，除左貓本身基因問題外，根本就係直接導致呢種情況係主因。
貓本身冇一種天性去drive自己飲水，但佢地每日大概需要自己體重x4／5 ml既水
所以佢地係要從食物中吸收水份，
但你睇下你包乾糧，根本一d都唔能夠sustain到佢地需要...
有d人可能會話，唔係wo我隻貓食完乾糧會自己飲水咁咪冇野囉！
其實有外國研究比較過，一隻食全濕／homemade diet既貓同一隻全乾糧既貓，
計晒佢地既飲水量同埋食物中既水份，
食全濕／homemade diet既貓仍然多食乾糧既兩倍...
我自己隻貓好耐以前都食過乾糧，佢真係成日飲水架，
果時以為好好啦，點知發現原來貓成日飲水已經代表佢身體出現左問題...
我而家轉晒濕，佢可以一日一次都冇飲過水，小便各樣都完全冇問題。

第三，呢樣野要有心理準備，因為我知道果時都好想嘔...
好啦，請你地拎起你包乾糧，搵下類似下列既成份：
poultry by-product meal/ meat by-product meal/ fish meal/ animal fat/
冇既恭喜你先，
有既，你又知唔知呢d代表d咩？
你有冇諗過你既仔仔女女每日食緊咩落肚？？
簡單d講，製成一粒乾糧既，絕對唔會係我地平時想像到既肉，
而係一d 病死／受傷／road kill／甚至係人道毀滅左既動物，
即係過唔到人果關，就會拎晒去pet food factory。
至於係咩動物？真係好難答你，除非佢明明確確寫明beef／chicken之類，
如果佢係寫poultry／meat既話，根據合法既標準，
基本上四隻腳行得既mammals都用得，你幾諗唔到既都用得，
例如，老鼠狸貓甚至係人道毀滅左既貓貓狗狗.....
就算有寫明chicken／beef 果d都要睇下後面有冇meal或者by product，
有既話，證明裡面唔係有肉，而係一d人通常唔會食既部份，
例如頭，睪丸，內臟，腳蹄等等。
嫌未夠恐怖，有興趣睇詳細可以o係google search 'shocking truth about pet food'自己慢慢睇。

第四，有d人會覺得食乾糧既原因係想貓d牙好d...
但係外國亦都好多研究講左，食乾糧對牙係完全冇特別好處架！
唔單止咁，因為貓係消化唔到carbohydrates，佢地d口水係唔似人咁樣有澱粉酶可以溶左牙上既carbohydrates, 當大部份都係carb既乾糧被貓貓咬咬咬痴左o係牙度，其實對牙既損害仲大。
食濕糧係對牙唔好呀，應該係話根本食任何野都對牙唔好架啦，
你牙醫會唔會同你講你食餅乾就唔使b刷牙？唔會架ma，
所以呢唔想貓貓牙唔好，唔係比佢食乾糧或者晒錢買d根本冇咩用既潔齒骨，
最好既方法係由今日起開始慢慢令你貓貓習慣刷牙，開始係難d架啦，但要慢慢黎，千其唔好迫得佢太過，用乾淨紗布包住手指點d水刷係好好既方法，當然你都可以用一d bb用既軟牙刷啦，但牙膏其實真係唔需要
好多牙膏都係個味道好香令貓鍾意刷牙，
其實吞得多呢d牙膏都唔好，
所以如果貓貓肯比你用清水，就咁刷就唔使用牙膏架啦！
刷牙真係好緊要:(我都係呢排先意識到，上排兩邊最入果幾隻已經有牙石啦
但牙石一form左，刷都冇用，一定要麻醉去洗牙:(
唔想咁記住幫貓貓日日刷呀，記住即使食乾糧都要刷架！
（除非你食home made raw，咁樣可以刷得少d，因為生骨頭就真係有潔齒之用啦）

第五，有冇發現每次帶貓貓狗狗睇醫生，
好多vet都會介紹r__al c____ 同h___牌？
點解診所角落好多時都放滿呢兩隻糧？
做咩只係放糧呢兩隻？
曾經聽過朋友講，佢朋友間診所用左40萬去裝修，
全部都係由上面兩個牌子贊助，
佢朋友就要幫佢賣唔知幾多年糧交換...
that's exactly what veterinary suggested.
當然，根本大部份vet都唔係明知d糧對貓冇好處都照推介既，
美國大部份既vet 學校，都係rc同h 贊助架...
而香港90％ vet都係呢種conventional vet，
對營養學唔會重點教，聽講過只係需要用4個鍾黎讀animal nutrients,
利益瓜葛加上被呢兩大pet food store有份既教材洗腦，
我真係唔明白點解一個vet可以recommend 一隻肉食性動物食一種只係得below 30％ animal protein既野加埋超過50％既carbohydrates。
好多人話濕糧多味精，come on...難道你以為乾糧好pure？
點解貓鍾意食香口既乾糧多過canned food？問下自己點解鍾意食薯片／餅乾就知，
好多乾糧表面都spray左一層favour，呢個係貓咁stuck on kibbles既原因，呢種味佢地太鍾意啦，但健唔健康你心裡都知啦。
仲有，濕糧in any sense都好過乾糧既原因係你起碼見到佢裡面係咩，
即使係最cheap既canned food（當然唔好比偉嘉呢類超市買到既canned food）
都好過一粒經高溫反覆煮完再高溫烘乾既kibble。

最後，有d人會話教唔到隻貓食濕糧，
其實冇教唔到既貓，只有唔教既主人:)
比好多既耐心同小小既狠心，佢朝早唔食，由得佢，夜晚再比，
夜晚都唔食，就點都要比番佢平時鍾意食既野佢，但份量要比平時小
因為貓超過24小時唔食野係好危險架，
到第二朝再比濕糧佢，再唔食就夜晚重覆步驟，
但夜晚既份量要比前一晚再小d，
如是姐慢慢咁轉，再揀食既貓都可以順利過關～
為左佢健康著想，狠心幾日都要架啦:)

有幾個網我覺得幾好
講好多有關貓真正需要既營養
大家可以參考下～
http://www.catinfo.org/ <-呢個好出名既vet 同動物營養師叫lisa pierson，裡面篇關於貓基本需要既營養有中文翻譯～
http://fnae.org/basics.html ＜呢個同下面果個都比較多資訊性既野，同埋有d貓common既病既資料
http://www.catnutrition.org/index.html

希望大家既貓貓都健康快樂︿︿