本帖最後由 大少拉 於 13-5-8 00:36 編輯
呢兩日睇到自由呢邊有D 02野講., 我都想講下我親身經歷......
話說我大仔細個時.約2-3歲左右. 果時住青衣既.果陣我無返工. 日日都同大仔響屋企訓下午覺.之後就會落街買下餸咁啦.
但好奇怪. 次次間屋得我地兩個時, 我就會聽到地板有腳步聲. 因為都幾大聲. 所以好易聽到. 果時都好驚架, 但又無辦法. 所以試過幾次之後, 我就一到下午就返外家. 我外家好近架, 係響石圍角. 如果老公返夜時. 我就會吃埋飯先返去青衣....
過左一段時間既有一晚. 大約清晨5點啦. 無啦啦我聽到大仔響到笑. 我地當時係一齊訓地下. 我淨大眼又唔見到大仔響我隔離. 我咪周圍望下囉......點知我見到佢響床尾同緊個牆自己玩緊.... 但佢比我感覺又唔似自己同自己玩. 係有""""人"""""同佢玩緊. 我當時好驚架, 佢係玩到格格格咁笑架. !!!! 之後我咪大聲咁叫佢囉.! 我話...BB 做咩唔訓覺覺呀???? 之後佢望一望我就返黎我身邊訓喇...... 我當日就同我老公講.. 點知老公仲話我眼花!!! 點會呀!! 點會眼花姐!!!!
之後果晚，我就炸訓。。係咁等係咁等。等等下頂唔順訓左~~~但到左又係大約5點左右，我又比大仔既笑聲嘈醒左。佢.......又係對住牆自己同人玩緊咁。咁我咪即時踢醒我老公囉!!!!之後我老公都睇到個仔好似同緊人玩咁。今次到我老公問。。。。bb.做咩唔訓覺呀。之後我大仔又係行返黎我地度訓。但我就真係訓唔著喇!!!!
之後到左天光。我就即刻打比我媽媽。我媽媽當年仲在生。我真係驚到喊住同我媽媽講。。。之後我媽媽話不如去搵個拜神婆問下啦。跟住當日下午我媽媽就同我去搵左佢問開野既拜神婆。
個亞姨聽完我講之後就比左份衣紙我。叫我返去之後等夜晚。將份衣由頭到腳掃一下大仔個身。仲要一路掃一路講。。。有怪莫怪。。。之後拜完果晚又真係無咩事發生。
一個月後。。。。佢又係咁。仲無啦啦發高燒。當時我又同我媽媽一齊去果個拜神亞姨度問啦。但緊係同我大仔睇左醫生先。睇醫生就話佢喉嚨發炎。但之前果日係無野架。睇完醫生就揾果個亞姨。都係比份衣紙我。夜晚拜下咁。唔知d藥得定拜完得!拜完，兩個鐘後。大仔退左燒。
當時拜神亞姨都有問過我係咪成日同個仔出夜街，但我又真係好少出夜街架。我咪話唔係囉。。。
之後果年。簡直係惡夢既開始!!!
跟住果幾個月。有時大仔又會同牆自己玩。又會明明下午都無野。但到左黃昏5點左右又突然發高燒。我當時祗可以做既就係同佢睇完醫生再搵拜神亞姨。仲有就係唔同大仔去夜街。
跟住有一次又黎料。我家姐就話。不如問下佢問開既占卜伯伯啦。。。但都問唔出咩結果。又係祗可以請走果d 02朋友。。。
終於過多兩個月左右。。。又係咁。。。。我真係頂唔順加好心痛。。。因為我大仔當時瘦到好似得個頭仔咁。。。。之後我好大聲同間屋講!!!你要攪就攪我!!!!!唔該你真係唔好再攪我個仔!!!!!!
講完之後自己係度喊。。。。。。
之後喊完又係咁。。。。。又係請走完無耐又黎。我其實都有問個大仔。我話bb....夜晚邊個同你玩玩呀?但大仔唔答我。。。。無奈。。。。。
終於我大家姐知道我咁。(因我同大家姐好少聯絡。)佢就介紹我去搵佢朋友。佢朋友係學矛x既。之後佢一見到我個仔。就面色一變。。。之後叫我出去一陣。佢話問下我我個仔。當時我心諗。。我都問唔到咩。加上佢又係陌生人。點會問到。
隔左一陣佢地出返黎。個朋友話。我問左你個仔仔夜晚咩人同佢玩。佢話伯伯。(當時我仔都已經識分男女。)我窒左一窒。。。無啦啦邊度有個伯伯。。。。
之後個朋友問我。屋企附近有d咩特別。我話我房既窗有幾個山x(果個字唔識打。。。)。佢話應該本身唔會咁架。仲有無其他。我話無啦。之後佢問。咁你個仔出世時係幾點?當時又有無d咩事發生?
我話佢當時出世係中午。佢就話喇。中午無理由係咁。。。佢再問我有無咩特別事發生。我話有架。本身應該就係12點50幾分出世。點個d姑娘話未消毒好。要我夾住腳等一陣。。。。點知等左一陣。忍唔住就唔理佢消毒完未就生左。但原來已經到左1點0幾分。。。
之後個朋友話。。終於知道點解喇。因為當時岩岩時晨交替。。。呢d人細個好易撞到果d朋友。。。。之後佢就話。我打比我師傅。問下佢應該點做。
無耐我大家姐打比我話。個朋友師傅話。要買粒玉。。。之後攞比佢。佢會攪攪粒玉比返我。粒玉唔使要貴。但就要指定既樣。。。。。之後我問返我家姐要比返幾錢佢朋友同佢師傅。我家姐問左就話佢朋友話。佢地係幫人。唔收錢。如果我想比。就最多最多$20好喇!!!咁我攞完粒玉比個朋友師傅時。都比埋封利是佢攞埋比佢師傅。。。
到大約一星期後。我攞返粒玉。個師傅話要帶響身。。我咪即帶響我大仔個身上囉。但帶左唔夠一陣。大仔又即發高燒。我即打比個朋友啦。。。之後佢話。可能我仔太細個。受唔到。之後就話你掛起門度。係最近個仔訓覺既門。我就掛左響房門度。話都無咁神奇!之後大仔慢慢退燒。再落黎既日子都無再發生果d事喇!!!
我真係好多謝果時幫過我既媽媽。家姐。同佢朋友同朋友既師傅!!!!!!!?
更新.~~~~~~~~~~~~~~~~~~~~~~~~~
又講下一件親身經歷啦.. 07年果時. 係我最唔開心既一年. 因為我雙親都係07年過身. 爸爸媽媽係隔左大約4個月過身既....
就響我爸爸過左身之後. 我地外嫁女就返哂外家. 摺衣紙, 好等我地燒比爸爸.... 點知我摺摺下. 突然有D野響我個頭度掃左一下.... 果個感覺好真實, 但我身後一定無人既, 因為我坐果個位無可能多企一個人. 果陣我又唔驚.... 因為我當係我爸爸返左屋企. ((我爸爸係好錫好錫我地)).我當時仲話.~ ((唔好玩啦))
但點不知. 第2日我家姐同我講. 我E生仔同佢講. 我話唔好玩既當時. 佢見到我身後有個黑影, 但又唔似我爸爸身前既身材. 我依家諗... 可能人走左會變返後生時既身材啦,~
仲有.... 我爸爸過左身, 我媽媽身體一日不如一日. 之後過左兩個幾月就入左E院....媽媽成日迷迷糊糊咁. 我就日日去E院探佢. 有一日. 媽媽係咁望住個天花板... 望左好耐好耐. 我忍唔住問媽媽. 我話. 媽....天花板有咩好睇??? 佢就做左個手勢. 係叫我唔好問既手勢.... 跟住幾日後..... 我家姐話, 我媽媽同佢講. 佢見到我地亞哥.... 其實我有個亞哥好早就走左.... 佢見到. 仲見到好多好多走左既人..... 當時我地知佢應該就會走...... 再過左兩日, 佢係咁無啦啦叫我帶佢出院, 我話. 你都要養好身體先可以出院.. 點知當晚媽媽就走左喇.....
之後我地又係返哂外家..... 摺下衣紙.... 之後就各返屋企啦..... 等到電梯時, 我地就入哂去苫樓啦...點知..我地禁閂門....佢差不多閂之際.. 就又好似有人禁返開.... 足足試左5-6次.. 試到都有其他人要搭電梯. 我地就比其他人搭啦... 點知人地一入就閂到門.!! 奇怪!!!!! 之後再等到電梯時... 我家姐就話...((媽. 我地返屋企喇, 唔好咁唔乖啦.. 我地明天會再上黎架.!)).. 講完之後..... 部電梯好順利就閂上門..!!
其實我爸爸媽媽身前真係好錫我地, 我地都習慣每星期返外家聚會... 部電梯咁樣....應該係媽媽唔想我地咁快返自己屋企啦...
呢D野真係好神奇........ 唔係自己親身經歷...都幾難相信........
又更新~ 166#
唔好用自己既諗法,夾硬套落人地身上囉~ 唔該!!!!
發表於 
左???????
返回列表
