婆媳關係今日: 0|主題: 27778

收藏本版

發帖

返回列表

跳至頁

查看: 1027 | 回覆: 13

我老爺煩到你死 [複製鏈接]

ApplePie_ellen

子爵府

積分: 10236

1^#

發表於 13-5-13 08:19 |只看該作者 |正序瀏覽 |打印

一日到黑認屎認屁，乜都係佢最叻。一日到黑問我搵幾錢，有幾個個上司，我答佢全公司我最細，全部都係我上司。佢即時「x」左一聲，話我讀咁多書做乜。佢十年前已退休，proud of自己有老婆養，一個月大拿拿俾1000蚊我奶奶全包，仲覺得自己好威。有一次我奶奶讚我老豆，話佢好叻呀60歲都有返工搵到錢，我老爺話「車！係人都識搵錢架啦，你都傻傻地！阿x（我名）你話係咪！」我心諗咁你唔去搵下錢…要我奶奶日做夜做，你就喺屋企印印腳。而你就一日都黑話「人地」劉德華（！）唔知對老豆幾好，一個月俾幾多錢佢駛……
好啦，上年我新屋入伙，請佢地黎食餐飯，佢又巴巴閉閉扮晒野又話唔黎又盛，最後又係跟埋黎，黎到又發表佢地香港房屋政策的偉論，又話我地花咁多錢都買間屋，都唔夠佢嗰度好住，又話我地間屋細又盛。佢話佢嗰個度仲好住過全港任何一度豪宅，問我同唔同意，所以佢就算有錢都唔會咁笨去買樓。我話咁我唔知呀，我又未住過公屋，但同時都無住過豪宅，無得比較喎，跟住佢全程黑面無出聲。之後叫我個女叫佢，我女唔識叫，佢又一句粗口話要打佢。話我女唔識寶，其他個個小朋友都好鍾意佢，點解我女唔跟佢。阿老爺，你歡喜的話自己生一個黎打，麻煩唔好攪我個女。
佢尋日又黎料了，話下個禮拜要入黎坐下，幫我旺一旺間屋。我想問佢係唔係傻左？第一我一家人好好，間屋都好好，唔駛你黎「旺下」佢喎…第二，你又唔係福祿壽財神爺，旺乜鬼？
有一個有佢講無人講的老爺係真係好煩的，我已盡量保持禮貌，以前我都唔出聲，但而家真係越黎越難忍！於是佢同我老公講，問我點解而家成日都唔出聲嘅。唉，阿老爺，我驚我一出聲忍唔住串你，咁就唔係幾好啦…所以咪寧願唔出聲。其實我唔係唔想尊重你，但你每次都係自己啱晒人地錯晒，下下話人傻話人絛腦，真係好難同你有偈傾。成實你自己屋企人、鄉下所有親戚都怕左你，你係咪都應該檢討下自己？

點評

newmama427 我老公果邊~ 兩個都係咁..... 我都係同你一樣~~ 而家同枱都吾多講野. 發表於 13-5-13 17:26

0 1 0

私人傳訊

vtkw

大宅

積分: 1253

14^#

發表於 13-5-14 15:38 |只看該作者

我62 都係咁, 成日同我講股票, 我話我唔識, 佢話搞錯, 你做fund hse 都唔識?! c6 就同佢講, 亞爸, 你咁叻你去同6 叔一齊講股丫麻!!
到播新聞o個陣又問我點睇香港政府, 我話我冇留意新聞, 佢又話我係香港人應該留意下呢d 大事, 之後再繼續發表偉論... c6 又串佢你唔去做新聞報導員真係嘥左!!