吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 阿媽果個時代D女人好勁

自由講場今日: 4019|主題: 1353125

收藏本版

發帖

返回列表

跳至頁

查看: 2357 | 回覆: 69

阿媽果個時代D女人好勁 [複製鏈接]

12 3 4

PP_Couple

男爵府

積分: 8514

好媽媽勳章

1^#

發表於 13-5-27 02:02 |只看該作者 |正序瀏覽 |打印

我媽媽幫我湊小朋友, 佢成日話我冇用, 煮飯家務要請姐姐做, 1至5又唔使點湊仔...

媽媽今年60, 佢20幾歲黎香港, 之後生左我. 因為係香港冇乜親人, 爸媽乜野都係自己攪掂, 坐月照落街買餸. 因為要照顧我同細佬, 我媽就拎野返屋企做, 到我返小學, 佢就搵左份日頭嘅工, 爸爸就轉左去返夜班, 日頭就照顧我同細佬. 果陣冇洗衣機, 要用手洗衫都幾花時間. 日子比而家好多人都過得辛苦, 不過肯做就一定餓唔死, 養得大仔女. 佢地有申請過公屋, 申請到果陣, 有公屋風化案, 我媽驚驚地又冇要到. 以前D人冇政府幫, 乜都係自己諗辨法, 生仔女就當然係自己養自己湊, 難聽D講句: 養唔掂就唔好生...

我就覺得佢地好勁, 乜都自己攪掂, 3頭6臂...

題外話: 今日叫阿女要做小蜜蜂同螞蟻, 教佢做人要努力工作, 如果小蜜蜂同螞蟻唔工人作會點, 佢識答冇野食, 咁爸爸媽媽唔工作會點, 佢都係話冇野食, 之後老公細細聲答, 而家最新嘅答案應該係拎綜緩

...而家到底係乜野世界...

點評

tzeyeemama

發表於 13-5-27 10:10

wcpcelia

發表於 13-5-27 08:42

榮盛

發表於 13-5-27 07:26

0 0 0

私人傳訊

maisy-lee

伯爵府

積分: 15851

70^#

發表於 13-5-27 16:31 |只看該作者

引用：我小時,+爸媽要工作,+無人揍我,+小三就要自

原帖由小詠於 13-05-27 發表
我小時, 爸媽要工作, 無人揍我, 小三就要自己返學放學, 下午回家吃午飯, 自己打開電飯煲拿媽預先整定既飯和 ...

使乜開火呀，我見有媽咪叫d仔囡飲水都要追9條街。

私人傳訊

ManPL

子爵府

積分: 13670

wyeth冷知識勳章好媽媽勳章畀面勳章 BK Milk勳章

69^#

發表於 13-5-27 16:29 |只看該作者

時代唔同, 要求唔同左, 奶奶就係以前既媽媽代表,生6個個, 生完細仔(我C6) 開始又有孫湊, 每隔10 年左右又湊另一個, 但最勁煩都係而家我個個

, 煩在超好奇, 好快就識好多野, 根本唔夠佢諗得快, 雖然體力下降都係一個原因, 但真係頂阿仔唔住.

佢話以前個套而家完全用唔著, 舉1反10, 返學放學見到D 同學仔, 都覺得唔弱, 應該唔係單單佢一個咁好奇.

私人傳訊

maisy-lee

伯爵府

積分: 15851

68^#

發表於 13-5-27 16:25 |只看該作者

引用：Quote:原帖由+maisy-lee+於+13-05-27+發表

原帖由 jj7723 於 13-05-27 發表
same as my mum. 我地8個，以前d女人去流產所生，亞媽清早生左細佬，晚上已經係屋企手洗成家人既衫。

...

係呀！嗰大盤衫今時今日比我洗既話，喊死我都似，我開機+晾衫都懶，借頭借路嗌潮濕，去磅洗就最叻。

私人傳訊

Amy47

男爵府

積分: 7995

67^#

發表於 13-5-27 16:23 |只看該作者

回覆：阿媽果個時代D女人好勁

我覺得係因為我地呢一代生性，唔使呀媽操心唧。

無聊閒在家

私人傳訊

小詠

珍珠宮

積分: 48509

66^#

發表於 13-5-27 16:01 |只看該作者

我小時, 爸媽要工作, 無人揍我, 小三就要自己返學放學, 下午回家吃午飯, 自己打開電飯煲拿媽預先整定既飯和餸出來吃 ( 有時會燙到手架)

之後做功課後, 幫媽媽手洗定菜和煲飯

有時間要幫手執屋, 如肚餓想食下午荼, 自己開火炒冷飯食, 有時自己整多士

小三開始自己要照顧自己, 我又覺得無乜野, 而家我個仔10歲都未開過火

所有遇見，皆有因果
要是每個人都懂你，那你得有多平凡

私人傳訊

Henrymama

禁止訪問

積分: 15530

65^#

發表於 13-5-27 15:58 |只看該作者

回覆：阿媽果個時代D女人好勁

提示: 作者被禁止或刪除內容自動屏蔽

私人傳訊

klm402

伯爵府

積分: 15837

64^#

發表於 13-5-27 15:57 |只看該作者

我都真心佩服我媽咪, 同佢相比, 我真係差得太遠了.
我地唔係富有. 但係父母都比到最好既我地, 我到依家都覺得我既童年好豐富, 真好多謝佢地.
到今日我已為人母了, 媽咪依舊一樣關心我, 閒時又黎照顧下我既仔女, 我前世一定做得好事多, 所以今生比我一對咁好既父母.

私人傳訊

jj7723

子爵府

積分: 11109

63^#

發表於 13-5-27 15:55 |只看該作者

引用：我媽生7個，在她生命裏從來没有“坐月“二

原帖由 maisy-lee 於 13-05-27 發表
我媽生7個，在她生命裏從來没有“坐月“二字！

same as my mum. 我地8個，以前d女人去流產所生，亞媽清早生左細佬，晚上已經係屋企手洗成家人既衫。

私人傳訊

emilylam

水晶宮

積分: 65284

62^#

發表於 13-5-27 15:49 |只看該作者

而家d人越嚟越懶就真，越文明越退步。。。

私人傳訊

CharisB

大宅

積分: 3978

61^#

發表於 13-5-27 15:49 |只看該作者

回覆：阿媽果個時代D女人好勁

我只係生一個，又要輪班工作，返工果陣媽咪湊。
有時返完夜班，早上放工，我都唔訓覺，打掃屋企、同b 上playgroup. D 同事叫我請工人、鐘點、休息多d.
我唔想請工人，唔想有個外人在家，我成日覺得以前阿媽一個湊幾個，家務全部搞掂都係咁啦！以前阿媽做到，無理由我做唔到。

私人傳訊

ipipipip

侯爵府

積分: 24598

60^#

發表於 13-5-27 15:38 |只看該作者

回覆 PP_Couple 的帖子

唉......我地呢代真係好廢
以前d女人工照返,仔照生,家務照做(唯一唔同的係以前要求冇家下咁高既,以前d女好細個就會幫輕屋企......)

以前d男人都勁d,工照返,乜電器都識整,乜手作都曉做(啫係裝修呀,鑽櫃咁,我亞爺勁到成屋傢俬一條友做到....)

唉.....我同我條佬.....淨係識上網.......

私人傳訊

shmilu_kio

子爵府

積分: 14353

2024年龍年勳章畀面勳章育兒性格勳章

59^#

發表於 13-5-27 15:32 |只看該作者

Hildatong 發表於 13-5-27 09:01
而家既人真係幸福得多我反而覺得而家呢一代比冇我哋哥代咁幸福喎~~

私人傳訊

素兒

子爵府

積分: 13909

畀面勳章

58^#

發表於 13-5-27 11:28 |只看該作者

以前既人一定係吃得苦, 民風又純樸呢.
以前可以唔使鎖門, 依家又可唔可以呢?

依家要請工人, 多數都係湊小朋友, 父母去返工.
依家咪又係手停口停, 唉!
依家做野既壓力又唔同以前,

有時, 真係好難將2個年代咁比較既...

私人傳訊

YolandaTam

侯爵府

積分: 23135

57^#

發表於 13-5-27 10:57 |只看該作者

本帖最後由 YolandaTam 於 13-5-27 10:58 編輯

我係70後, 以前同而家, 兩個世界:

以前:
1) 可以生好多個, 由大嘅(可能6,7歲)照顧細嘅.
2) 獨留小朋友喺屋企可能都係犯法, 但係冇執得咁嚴
3) 打仔係好平常嘅事, 太頑皮咪打, 棒下出孝兒
4) 鄰居守望相助, 我落街買嘢, 返工, 攞外發, 咪叫隔離c9幫手睇住小朋友一陣, 反正啲小朋友都係一齊喺冷巷度玩.
5) 有外發可以拎返屋企做, 工廠又可以返半日
6) 啲菌冇咁惡
7) 小朋友好多都係讀書就得, 琴棋書畫係有錢人學嘅
8) 大部分人環境差不多, 都係窮.
9) 拎綜緩係"唔見得光"嘅事, 要揞住揞住, 寧俾人知莫俾人見
10) 冇互聯網, 年幼子女接觸資訊渠道不外乎父母, 同學, 鄰居同電視, 只要身邊冇乜壞人, 一般冇乜問題, 電視節目訊息比較正面, 不乏講主角發奮圖強終於成功嘅故事.

而家:
1) 唔好講6,7歲, 10歲8歲仲要人幫佢著外套嘅大有人在.
2) 獨留小朋友喺屋企? 你等上庭, 等上報啦!
3) 唔好講話打仔, 鬧大聲啲都令人側目.
4)頑皮嘅小朋友, 或會被發現係資優, 過度活躍症等, 總之係需要特別支援幫助, 父母必須配合, 如果唔係就話你浪費天才/唔肯落力照顧有特殊需要嘅小朋友(呢點其實我認同)
5) 生活迫人, 大家都忙, 鄰居嘅交情好多都只係點頭之交
6) 外發=freelance, 要求高, 仲要唔係個個工種都有
7) 啲菌惡好多, 有時一病就好嚴重, 要即睇醫生
8) 如果想入好啲嘅學校, 琴棋書畫幾乎已成為必要技能
9) 教育講求家校合作, 要幫助子女完成一啲你明知佢冇可能自己做到嘅功課, 三年級小組功課要做成套話劇, 劇本都要自己寫, 但只得兩三節時間俾同學傾, 結果要家長夾埋一分, 如果你唔理, 累自己小朋友冇分仲要累街坊, 同學憎死你個小朋友. 家長仲要做埋義工.
8) 大部分人環境仍差不多, 都係窮; 但偏偏會有身光頸靚嘅人士喺你左近.
9) 拎綜緩係光明正大嘅事, 雖然大部分人都真係有需要(佢哋會比較低調), 但亦有人離譜到會高談闊論去邊度旅行, 食菜只食嫩葉
10) 資訊發達泛濫,小朋友喺網上得到嘅資訊足以令佢哋知得比我哋多, 電視節目訊息複雜, 殺人放火, 勾心鬥角, 荒誕不經嘅都有.

結果, 而家教養一名小朋友, 付出嘅心力比以前4,5個可能更多. 而家啲人亦比較易病.

私人傳訊

sa.ma

男爵府

積分: 6970

56^#

發表於 13-5-27 10:54 |只看該作者

雖然我都同意以前d人比我地㩒捱，但係揍仔呢家嘢真係唔可以同現代人直接比較。

始終時代唔同，而家女人生育年齡起碼遲十年，精力都差d，仲要社會要求唔同，唔可以獨留兒童在家、唔可以打鬧（陣間比人告虐兒）、又要講衞生（奶樽都要消毒、衫褲都比以前勤洗、要train去廁所唔似以前周圍痾）、仲要有贏在起跑點嘅壓力(細細個要返playgroup、親子班，大d要跟功課做一大堆其實係家長幫手做嘅學校projects)。最關鍵嘅係，營養豐富+資訊發達嘅關係，而家d細路比以前醒好多，唔再係開電視可以滿足&攪掂佢㗎啦。

我自己全職媽，有好多次喺公園同d公婆嫲爺傾偈，好多個都話而家揍一個辛苦過以前揍幾個。其中一個公公話，以前d仔女好純（或者叫＂鈍＂），個個流住兩行鼻涕乖乖企定定，而家d細路睇少眼都唔得。

私人傳訊

PP_Couple

男爵府

積分: 8514

好媽媽勳章

55^#

發表於 13-5-27 10:33 |只看該作者

草發表於 13-5-27 09:53
有時諗下佢地就更覺得我而家其實湊仔都唔係咁辛苦, 不過至慘係而家唔可以獨留兒童, 以前十家有八家都係留仔 ...

我細個都成日俾我媽獨留我同細佬在家中, 佢要推架車仔去拎野返屋企做, 自己一個去就一個小時來回, 咁佢會LOCK住我同細佬係房, 叫同屋鄰居幫手睇住. 我媽話因為得好同細佬係屋企, 會鎖WINDOW, 將電制都吊高, 我同細佬知道佢要出去就乖乖被鎖...

而家獨留小孩, 諗都唔好諗...不過總有辦法, 我朋友會搵鄰居幫忙睇一陣, 所以要有好嘅鄰里關係.

私人傳訊

emimi

公爵府

積分: 28399

54^#

發表於 13-5-27 10:23 |只看該作者

回覆：阿媽果個時代D女人好勁

我地呢輩係懶左，但要求亦高左。我媽話佢地以前冇人消毒奶樽，用滾水浪下就算，邊似我地又洗又擦又蒸，我地都係咁食大，但要我咁對個仔打死唔得。我呀媽小學未畢業，從來理唔到我d功課，唔識都冇人教，但依家做家長要日日捉住仔女做功課溫書

私人傳訊

alljodesign

珍珠宮

積分: 36239

畀面勳章

53^#

發表於 13-5-27 10:23 |只看該作者

回覆：阿媽果個時代D女人好勁

自己生左女之後，更覺得阿媽好叻

上一代阿媽解難能力好高，有好多問題自己攪掂，邊有得上網問人或周圍去搵資料，好佩服佢地

私人傳訊

PP_Couple

男爵府

積分: 8514

好媽媽勳章

52^#

發表於 13-5-27 10:21 |只看該作者

我婆係鄉下人, 字都唔識多個. 佢生左10個, 養得大得7個, 我媽有個家姐係十幾歲果年仲一病不起. 我外公因為後來對眼有事, 睇唔到, 生活擔子係晒婆婆身上. 我媽成日讚婆婆好叻, 話佢好聰明, 冇讀書但心算比好多人快, 連屋企個磚地都係自己舖, 生完第2日就落床做野...

所以媽媽從來唔覺得自己好叻, 因為婆婆更勁, 佢只係覺得我好渣