婆媳關係 今日: 3 | 主題: 27777

積分: 745

1^#

發表於 13-5-30 11:30 |只看該作者 |正序瀏覽 |打印

我成日都好無聊咁睇下d唔同既forum, 有時都唔明點解媳婦既天敵一定要係奶奶呢??
我睇好多亦聽好多,有時唔明點解有d jm話個奶奶咩都無做但都好討厭 ?
最好個老公呢世都唔埋個奶奶就最好...
我係一個獨女,亦係兩個仔既媽媽,我亦都有奶奶
但我一d都唔討厭我奶奶, 我老公來自單親家庭,我奶奶好辛苦至養大佢地三個,佢孝順阿媽係應份既,
自私d諗我都成日為左我自己媽咪開心而要我老公百遷就
雖然我都有唔認同奶奶諗法既時候, 但心想, 我地始終生活背景不同,點會咩諗法都一樣呢
如果唔係太大影響咪就下佢lor, 如果真係接受唔到咩同老公講出自己感受, 老公見我平日都好錫奶奶,
佢就知我係對事唔對人, 一定幫我諗到d好好既解決方法

講真,有時見到大家咁激既言論都怕將來個新抱咁對自己

點評

Cutemom0808

發表於 13-6-10 17:07

shmilu_kio

發表於 13-5-31 06:06

annawong1122 嘩！你背景同諗法同我好似，我仲以為我開左post唔記得左Tim. 發表於 13-5-30 16:52

0 2 0

私人傳訊

VKwan

珍珠宮

積分: 38391

48^#

發表於 13-6-10 15:34 |只看該作者

HadesBB 發表於 13-5-30 11:30
我成日都好無聊咁睇下d唔同既forum, 有時都唔明點解媳婦既天敵一定要係奶奶呢??
我睇好多亦聽好多,有時唔明 ...

我99都有令人好煩厭的時候，不過只要唔係太極端的情況，通常幾難梗我都梗左佢就算！

我唔排除呢個世界上有d好極品既99，但觀乎呢度d後生女講既野，起碼有一半既新抱自己本身的心態係有問題！人地幫你執野，唔高興，唔執又唔岩，有d呢又要住人屋又要數臭人。99做d野唔合新抱心意就更加係死罪，好心啦，有種既自己搞掂唔好勞煩到人啦！

我最頂唔順就係見到有人鬧99鬧到用個賤字，真係好難睇呀，但最神奇又要晚晚攬住個賤人生既仔訓喎，再者，同對方生果d又唔知係咩種呢呵？！

我近日忽然發錢寒，要努力搵錢儲錢呀！$$$

私人傳訊

oooasis

子爵府

積分: 14840

好媽媽勳章陪月勳章

47^#

發表於 13-6-10 13:22 |只看該作者

何不食肉糜。
你有個正常奶奶，當然唔駛煩喇，當然可以滿口仁義道德喇。
你已經好幸運，何必仲要好清高咁上來對其他水深火熱的新抱指指點點，好似全世界得你一個孝順又善良，識同奶奶相處。
其他人都係港女，衰人，唔夠得體，唔夠包容，唔夠你偉大。
試下換個變態奶奶你試下滋味，可能你都開post一員。

私人傳訊

susumi123

珍珠宮

積分: 31153

hashtag影視迷勳章

46^#

發表於 13-6-10 13:13 |只看該作者

回覆：感想: 奶奶 = 老公的媽媽 <不喜勿插>

有好多99對自己仔女同個心抱完全係兩種態度，點頂？

私人傳訊

lovely_nurse

大宅

積分: 4608

45^#

發表於 13-6-10 12:34 |只看該作者

99好就係ja, 如果佢隻好多缺點於一身呢...? 咁樣真係好難頂架...

私人傳訊

myfeng

積分: 588

Xmas吸收勳章想生BB熱投

44^#

發表於 13-6-6 02:33 |只看該作者

奶奶係好噶，我自然會對距好，但係距偏心，我又可以點對距，老公明知自己噶啊媽唔岩，唔哩事又唔幫自己，真係有苦自己知，

私人傳訊

petitvicky

積分: 984

43^#

發表於 13-6-4 15:00 |只看該作者

我之前都覺得99好好, 但當我生左阿囡之後, 我覺得佢好難頂...

原來湊囡一定有意見有磨擦, 佢仲要拎自己果套唔啱GE 野放係你個囡身上, 就會頂唔順,感情就會變質...

私人傳訊

積分: 5982

42^#

發表於 13-6-4 14:01 |只看該作者

HadesBB 發表於 13-6-4 13:06
我又想問下你, 如果你老公好憎你阿媽,咁你會點處理呢??

好簡單啫，我老公同我做人世，唔係同我阿媽做人世，佢憎我阿媽，唔理佢咩原因啦，如果老公唔想見我阿媽，咪唔見囉! 我唔覺得我阿媽又會好恨見女婿喇! 想自己男人同女家打成一遍，係女人既想法咋! 外母想同女婿關係好，亦只不過驚無左個女!
做孝順女我一個做就夠，唔需要勉強個老公陪自己~

不過講返轉頭，到底咩野令我老公憎我阿媽先?
如果因為我成日迫佢一齊討好我阿媽，或者縱容我阿媽主客不分，插手我地家事，影響我地生活，咁就係我唔arm，我處理唔好!
如果我阿媽下晝五點先打黎話食飯，跟住我二話不說話好，老公跟就跟，唔跟佢就食自己! 整多幾次呢d事，我老公憎我阿媽係正常!
又如果我阿媽次次上黎電話無個，直接拍門，我老公唔鍾意都係正常!

做人仔女既，自己阿媽亂黎要出聲! 結左婚身邊多左個人，生活細節就應該顧及對方!
父母係仔女結婚初期，通常唔想放手，會勁試仔女既底線! 如果仔女無表示，咩都順父母意的話，係呀，仔女係乖乖仔/女呀，不過另一半受罪啫! 到另一半頂唔住，黑哂面，關係變差，仔女就話自己手背係肉手掌係肉，唔識處理? 呢d係咪負責任表現?

不過仔女點出聲，都係處理既一種! 當然仔女可以話：我老婆/老公嫌你阻住呀!
你覺得咁講好唔好?
或者，仔女可以話：'我地唔鍾意留係屋企，有時間都會出去行下超市、食下野，你上黎最好俾個電話先啦'; '阿媽! 一陣食飯??? 我約左朋友出緊去喇，我好多朋友架，你早d約我丫!'
咁講就完全唔同!

不過我明既，正如講極我老公都係唔識做! 雖然已經好左好多，但有時都係俾佢冼獲金!

私人傳訊

幸福謝師奶

珍珠宮

積分: 39732

畀面勳章貢獻勳章環保接龍勳章

41^#

發表於 13-6-4 13:10 |只看該作者

我6299都唔差ga, 好鍚我老公....都錫我同2個孫~

私人傳訊

HadesBB

積分: 745

40^#

發表於 13-6-4 13:06 |只看該作者

LuyiuLady 發表於 13-6-4 10:04
你覺得男人唔理婆媳關係係理所當然，同埋阿媽係無得揀，所以女人要忍，忍唔到咪離婚，唔想離婚咪忍忍忍! ...

我又想問下你, 如果你老公好憎你阿媽,咁你會點處理呢??

私人傳訊

積分: 5982

39^#

發表於 13-6-4 12:10 |只看該作者

micwong720 發表於 13-6-4 11:47
講得好好！有啲99（包括我嘅）只會覺得自己個仔要工作賺錢養家好辛苦，唔會理新抱都要做野，仲要湊小朋心， ...

d 99就係咁，自己以前受過既，新抱受返就覺得好爽!
但以前自己享受過既，新抱同樣享受到又會唔抵得!

我99以前淨係搵錢，無理子女、無做家務、無煮飯，但亦無拎錢出黎養家，咩都我62自己擔起!
但99都有貢獻既，就係俾首期出黎買左第二層樓，第一層拎左去收租供第二層，依家佢有兩層樓，一層住一層可以收租! 當然租佢自己袋哂啦!
就係因為咁，62做左下人，一世人搵既錢用哂養家，而99就儲埋幾百萬加兩層樓，覺得全家理應當佢神咁拜!

99話62有錢會身痕，由細洗腦令子女覺得阿爸俾搾乾係合理，阿媽攬住哂d$係正常!
到依家個仔結左婚喇，個不知所謂99同個仔講：男人要有個錢呀，買樓叫你老婆一齊供!
仲講埋d好賤既野：快d搞大你老婆，唔係佢遲早勾男人! 佢未生仔咩都唔好過佢手，唔係俾人扼哂d錢呀!

條99仲係我入門前，明示暗示我阿媽收十萬禮金，係賣女喎! 我阿媽回返7萬現金，加條佛珠咁粗既頸鍊俾老公，簡單d講收左幾圍酒同二千蚊餅咋! 就算收十萬都係好少，係大陸買唔買到一邊腎呀? 仲話買起人個女! 真係訓醒未呀?

私人傳訊

micwong720

積分: 6365

38^#

發表於 13-6-4 11:47 |只看該作者

引用：Quote:vivi_meow+發表於+13-6-4+10:50+你覺

原帖由 LuyiuLady 於 13-06-04 發表
幸福既人體會唔到，又或者太林善既人都好難明白
要現代女性好似古代女性咁忍氣吞聲、逆來順受，係k型既要求 ...

講得好好！有啲99（包括我嘅）只會覺得自己個仔要工作賺錢養家好辛苦，唔會理新抱都要做野，仲要湊小朋心，打掃...内外兼備

當自己媽咪睇唔過眼同99講：「你新抱咪仲辛苦」呢啲自私99只會話：「我都係又要做野又要湊大個仔啦」

呢啲99成日慌死個新抱好命過佢自己...

私人傳訊

積分: 5982

37^#

發表於 13-6-4 11:03 |只看該作者

vivi_meow 發表於 13-6-4 10:50
你覺得男人唔理婆媳關係係理所當然，同埋阿媽係無得揀，所以女人要忍，忍唔到咪離婚，唔想離婚咪忍忍忍! ...

幸福既人體會唔到，又或者太林善既人都好難明白
要現代女性好似古代女性咁忍氣吞聲、逆來順受，係k型既要求
依家d女人有份搵錢養家，而生仔既天職當然照舊要做，根本女人係家庭既角色俾男人更強~
既然大家都有自己父母，女人唔照顧自己父母而去照顧人地父母，已經好唔話得~如果仲要受人閒氣，簡直異想天開!

到底d 99幾時先醒?

私人傳訊

vivi_meow

積分: 5674

36^#

發表於 13-6-4 10:50 |只看該作者

LuyiuLady 發表於 13-6-4 10:04
你覺得男人唔理婆媳關係係理所當然，同埋阿媽係無得揀，所以女人要忍，忍唔到咪離婚，唔想離婚咪忍忍忍! ...

你覺得男人唔理婆媳關係係理所當然，同埋阿媽係無得揀，所以女人要忍，忍唔到咪離婚，唔想離婚咪忍忍忍! 仲有，婆媳不和，男人要老婆就係放棄阿媽。
其實以上呢D想法，分分鐘俾公主新抱憎99更加偏激。<---非常同意! 講晒我心聲!

不過唔明的始終唔會明, 又或者幸福的人根本唔會體會到不幸的人的辛酸!

私人傳訊

devil621

積分: 5768

35^#

發表於 13-6-4 10:40 |只看該作者

引用：Quote:HadesBB+發表於+13-5-30+15:40+其實

原帖由 LuyiuLady 於 13-05-30 發表
本帖最後由 LuyiuLady 於 13-6-3 10:00 編輯

特別係恃老賣老，死要面，成日以長輩身份吩咐人，覺得自己食鹽多過你食米嗰種

點評

LuyiuLady 我99咪呢種囉! 到你真係叫佢幫手喇，佢又扮可憐話自己無讀過書，咩都唔識，好大壓力發表於 13-6-4 10:55

私人傳訊

積分: 5982

34^#

發表於 13-6-4 10:04 |只看該作者

本帖最後由 LuyiuLady 於 13-6-4 10:05 編輯

HadesBB 發表於 13-6-4 00:48
我都講過我奶奶唔係好好，我曾經因為我覺得奶奶某啲野同我真係好唔夾，我唔想再同佢相處而諗住同老公離婚， ...

你覺得男人唔理婆媳關係係理所當然，同埋阿媽係無得揀，所以女人要忍，忍唔到咪離婚，唔想離婚咪忍忍忍! 仲有，婆媳不和，男人要老婆就係放棄阿媽。
其實以上呢D想法，分分鐘俾公主新抱憎99更加偏激。

如果經濟許可，做人簡單少少，唔夾既人無謂將佢地放埋一齊，仲要佢地扮和諧，只係為左令自己感覺良好，可以俾人話係孝順仔! 好多男人既問題就係呢樣! 如果兩個女人都係咁重要，點解要迫佢地兩個受罪，要佢地就得好辛苦過埋下半世，或者其中一個受唔住發癲走左。咁樣男人都無負責? 只係因為兩個女人自己唔爭氣?

如果你有養過小動物，你會知道有些品種係唔可以共養，因為佢地本質上係相處唔到，放埋一齊有死傷係必然，無事係好彩!

點評

totheend 99同新抱就是不能共養的物種!

發表於 13-6-4 10:43

私人傳訊

積分: 5982

33^#

發表於 13-6-4 09:48 |只看該作者

Yang81 發表於 13-6-2 20:15
我99超刻薄，大伯有二奶，佢還支持佢，話大嫂太醜樣

呢d 99 ，新抱唔恨佢恨邊個先? 第二時d子女話送佢入老人院，相信新抱都會好支持!

私人傳訊

subzero111

大宅

積分: 3132

32^#

發表於 13-6-4 09:04 |只看該作者

回覆 HadesBB 的帖子

I totally agree with you and I'm thankful that I've a good 99 & 62. After giving birth, my 99 has prepared a lot of nice food and well planned almost everything for me!

Sometimes, I might not like the arrangement but I'll try to compromise!

私人傳訊

海獅媽媽

積分: 9482

31^#

發表於 13-6-4 08:49 |只看該作者

回覆：感想: 奶奶 = 老公的媽媽

我唔洗同99住，平時因為返工問題，
好多時都係返外家住
我老公同我屋企人相處得好好
所以我都會盡量對99好
我父母仲成日提點我做人新抱要點

我覺得有時都好慶幸唔洗同99住
99亦本身係好多節目既人，
所以減少好多摩擦
連我老公都明白相見好同住難
亦理解佢老婆係一個好怕醜同長輩既人

私人傳訊

HadesBB