吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我覺得...我同佢好似距離越黎越遠(超長篇) ...

夫婦情感今日: 1|主題: 42763

收藏本版

發帖

返回列表

跳至頁

查看: 1704 | 回覆: 26

我覺得...我同佢好似距離越黎越遠(超長篇) [複製鏈接]

panda1985hk

子爵府

積分: 10599

育兒性格勳章 BK Milk勳章

1^#

發表於 13-6-24 04:45 |只看該作者 |正序瀏覽 |打印

話說..因為某D原因, 屋企多左個小朋友黎暫住~老實講,我自問真係當佢女咁~
周不時同朋友出街食飯都會講下湊女經~
雖然主力係我99湊~但我放工後都有幫手
可能因為以往o既陰影~所以囡囡必須無時無刻都要人陪著~
而由佢起身一刻開始把口亦都成隻開籠雀咁,未到訓著果一刻把口絕對唔會收!
囡囡好痴身~雖然係99湊多,但囡囡出街時大多都會拖實我,痴著我同時我c6亦都超錫佢~
一家四口相處其實都好幸福~
但自從我五月初因為骨裂而打石膏後一切便大不同了...

唔知係唔係我真係唔夠愛心,定還是我要求太高~
囡囡頑皮o既次數突然激增(其實我深信係因為我o係屋企時間長左)
我自問個人比較著重家教,你無心機學英文~數學~唔緊要(其實佢都學得好快)
但食飯郁身郁勢~無大無細...尼下我真係絕對不能接受!
嗯...或者應該講一講呀女而家幾歲先~
呀女上年年尾黎到我屋企~
三歲大,初初黎到我屋企時我地一家三口都覺得佢好乖~好叻
的確, 佢係比同齡小朋友識得多野
唔似得而家三歲o既小朋友咁, 又要拎著部手機/pad玩遊戲~
又要追著佢餵佢食飯~
佢懂得知道自己一定要食曬碗飯(我唔confirm尼個係咪我家規矩形成佢自然學識)
唔會挑食! 懂得並不抗拒自己食藥(細路仔仲要咬碎先吞)
嗯~初初黎o既優點好似數唔完咁, 講著咁多先啦~
到五月初~我因為某d原因骨裂打石膏,要o係屋企stay最少個幾兩個月~
初時因為生活作息習慣o既關係,我每朝早早就起左身!
而呀囡就習慣十點半至十一點起身~
咁起身佢就一定搵99,咁每朝依舊由99打理呀囡o既刷牙洗面啦~
而我亦因為整親腳既關系~一切家務暫由99打理
(題外話:其實本身我負責既家務唔多,所以99...我真的愛你)
99每朝除左煮呀囡果餐之外仲煮埋我果份~
其實果下真係好感動, 認真講~ 我整親隻腳尼個幾兩個月以黎~
我呀媽only打過兩次電話黎問候下~乜都無~
我唔係話想自己呀媽做d乜出黎~但有比較下仍然覺得有點點心酸。
相信大家去婆媳版都睇到最多人反映o既: 新抱只是比傭人好一點點(有時更不如)
但我99無話咩個新抱(即係我)搶左佢個仔,所以會黑我面~
又或者俾說話我聽, 可能我99比較開通~總之我同99關係一直都好好
(當然亦有可能係我單方面咁諗啦,但最少我感覺唔到我99討厭我)
好似有點離題了...或者我由99開始講起啦~
99 o係我心目中一直都有點點嚴肅~
嗯...或者應該係叫有威嚴! 有好多野明知家規(即係99)唔准, 我都盡可能唔做~
其實一直都知我99鐘意小朋友~
但我同我c6一直都順其自然~
而家囡囡黎左屋企~多左人陪99其實我地個個都好開心~
99超錫佢,錫到我都有點兒羨慕~
畢竟99由成日煮我鐘意食o既"送"
變成經常性煮囡囡鐘意食o既"送"
由間唔中買D衫俾我,變成買衫俾佢~
不過其實99還好~佢都好公平,
好多野(除衣服玩具)除左囡囡有之外,我都有一份~
但重點來了~
我成日o係屋企,發現囡囡變得挑食~
所有自己咬左一淡覺得自己唔鐘意食o既野就掉俾99~
其實我好反感~ 就算自己唔鐘意食~
都最少要食自己夾左o個一件~而唔係奉指咁"丟"俾人
雖然99都有出聲話過佢~但佢都照樣係咁~
同樣事件發生o係朝早, 囡囡通常會發脾氣發炆~少數情況下都會喊
但當事件發生o係夜晚,9成都會喊~
老實講...我絕對覺得係因為我c6 o係度所以佢先喊~
我曾經睇過一本書,係講育兒~
書入邊講小朋友如果一喊你就屈服~
佢就會識得利用喊尼個方法去令你服從佢
當然~ jm們好多都唔會俾小朋友o既眼淚擊敗~
但大家又知唔知, 小朋友其實有時喊到嘔~
又係佢自己可以控制到呢?
我唔係指佢可以自由控制嘔吐與否
而係小朋友知道自己喊到咩程度就會唔舒服~
而大人就會因為緊張位小朋友而忽略左剛剛係責罰緊小朋友
oh~ 又離題~
講真,我自己一個o係屋企~
一開頭一個星期獨自呆o係屋中~
床都唔敢落~因為怕打石膏亂郁會有咩後遺症~
始終一生人第一次入醫院,
(嗚...我以為我尼世人第一次入醫院會係生仔咖嘛/.\)
雖然唔洗留醫, 但都真係好驚~
c6放工返黎~我只能夠獨自o係房等佢~
(因為拎拐杖我行十步就身水身汗,所以如非必要我都唔會行=.=")
聽著佢同囡囡玩...通常c6唔係換衫都唔會入房
有時更可能同個囡玩到食飯都未換衫~
之後就叫個囡入房叫我出黎食飯
但到左第一個星期日無需要丟低我一個你地三口子去飲茶...丟低我尼個傷殘人士吧
頭兩個星期還好...我只係覺得孤獨~
但亦都開始鬧囡囡時變得惡左~
唔係再以哄o既方式去話佢
c6每個星期都陪我去覆診~
的士來回, 除醫院以外絕不逛任何地方
我明白係因為我隻腳唔方便所以邊度都唔去...

第三個星期左右開始吧~我鬧囡囡也許是越黎越惡吧
直接捉佢入房唔俾佢睇電視,而我c6當然每一次都護著囡囡~
其實中途亦有發生過某些事令我對囡囡改觀~
其中包括囡囡有一次喊我嬲到捉佢入房~
我同佢講: 你喊啦~我由你喊~
我聽講過小朋友可以自行控制喊到嘔~
你都未嘔~ 更何況你喊到嘔我都唔會理你
(因為我試過幾次一邊喊一邊同我地講:我喊到咳呀, 你唔可以再鬧我啦/ 我流鼻水呀~, 你幫我抹呀!)
其實我拖佢入房果陣佢喊得好利害~
聽完我咁講之後佢即時停左喊~
我唔知佢係因為俾我識穿左而收聲定還是俾我嚇到呆左~
大約互相靜左約15~30秒我c6出現!
呀囡即時再喊~
咁我c6當然攬返著佢黎呵~
我c6三番四次o既偏幫,
加上睇著囡囡霸佔曬我所有o既野~
連我間房我張床甚至連c6都俾佢霸埋~
令我一日比一日討厭佢....

直至兩個星期前o既一個晚上...

我再度因為囡囡唔乖捉佢入房鬧~

我c6繼續做架兩...想抱著囡囡出聽呵返佢~
我都唔知係我果日撞鬼定還是我c6果日撞邪~
我果晚企硬唔俾c6抱囡囡出房~一定要佢自己知錯為止
c6見我企硬~就出左廳坐~
當然~知道c6 o係屋企o既囡囡當然喊到拆天~
之後99話:好啦~同佢沖涼訓啦~
當時八點幾, 我個囡平時9:30訓覺,所以平時都係8點半左右沖涼洗頭
我就同個囡話~好呀~同你沖完涼就訓覺~
咁個囡當然繼續喊到拆天,我就同我99講,
今晚我幫佢沖涼~
其間我幫個囡除衫時, 個囡繼續喊~
其實我都已經無再鬧~同時亦好有信心沖完涼個囡會收聲
(當然亦有可能唔係信心係自大啦)
o係我幫個囡除衫果陣~(廁所門都刪埋, 剛好除曬囡囡所有衫)
我c6突然o係廳度大鬧: 夠啦~佢都話唔沖你咪x攪佢啦!
我當堂嬲到震~莫講話個囡o係度所以我地屋企唔講粗口~
我地一家一向好少講粗口,而我c6咁耐以黎更加真係一句都未用過粗口黎問候過我(我記憶中沒)!
我即刻彈左出廳~用超惡劣o既態度同佢講: 我點攪佢呀而家,
c6:佢都話唔沖就唔好攪佢啦~
我:咁我而家同佢沖涼係咪唔得呀~我獲獲鬧佢你都偏幫佢咖啦~
c6: (手指著門口) 走~ 你同我走!...
我果下呆左....
約5秒之後我99出聲: 係咪傻左呀你地, 為左個o靚妹攪到家嘈屋閉
我果下先識回魂...發左癲咁鬧: 你為左個o靚妹趕我走! 你係咪傻x左呀xyzabc
c6: 喝我....
之後我衝左入房喊...o係房果陣我一邊喊一邊諗: 走...定唔走...?
個c6竟然為左個7個月o既o靚妹趕個7年o既老婆走~
我而家仲跛左隻腳(石膏ing)要走就一定要叫人接走~
但我可以走去邊?自己呀媽一向關係麻麻地~ 自己婆婆又唔想佢擔心~
家姐又已經成家...仲有埋工人小朋友~我仲去得邊....
過左幾分鐘~
我c6入左房,同我講佢衝口而出~佢哄左我好耐, 其中更包括問我其實係咪同囡囡相處唔到,
如果係o既不如送返佢走
我唔識俾反應佢, 一味只係識得喊~
之後幾日...我都無再理過呀囡~
連平時會食飯叫人我都無叫佢(以前獨立再叫佢)只係大圍講一聲: 大家食飯~
我99曾經同我講過, 咁勞氣做乜
又唔係自己個女, 洗乜幫人教女~
我明白99係想我唔好再嬲~
直至上星期我因為拆得石膏而開心得濟~
唔小心同個囡講左句野~
我就同自己講, 何必嬲個3歲細路女
自此就破冰....
相信睇到尼度, 大家都覺得我其實只係吃醋!
o岩, 而我亦都知道尼件事!
亦有同我c6講過~ 其實發生尼件事之前我就同佢c6講我吃醋~
無奈佢只認為我咋嬌~直至爆左尼件事~
佢先發覺事態嚴重~
所以o個一個星期佢都盡可能陪我~又或者唔再俾囡囡出現o係我面前
(因為我為左避見囡囡, 而家除左食飯沖涼去廁所之外都埋o係房)
先不論c6由我理返囡囡之後固態復萌又再寵愛囡囡而莫視我~
重點係我每隔三兩日就發惡夢~
夢見我c6叫我走...每一次唔係喊醒~就嚇醒~
而家我每次見到我c6拖著呀囡我個心就唔舒服
同時我覺得因為呀囡,我脾氣變得差左好多~
相信o係各人眼中印象變差左...所以我更憎佢!

其實我知道尼個問題唔o係呀囡度,
係o係我c6度...但由從前我同佢溝通不能用口說(因為最終我會發癲鬧交收場)
所以我用文字
到今日我用whatsapp我c6我小部分想法~
我c6都以激動地回覆之後~
其實我真係諗唔到有咩辦法可以令我睇開d~
自從呀囡黎左...我直頭覺得連我c6都開始感覺到我煩擾啦
我覺得自己有抑鬱....又唔敢同人講....
但我真係好唔願意尼頭睇完醫生醫隻腳果頭又去睇心理醫生....
大家覺得我應唔應該去睇心理醫生?

0 1 0

私人傳訊

貝囡

大宅

積分: 2707

27^#

發表於 13-6-25 01:37 |只看該作者

引用：我都知道係我自己問題，所以我認真考慮緊應

原帖由 panda1985hk 於 13-06-24 發表
我都知道係我自己問題，所以我認真考慮緊應唔應該去睇醫生

應該未要去到睇心理醫生咁嚴重，但你要找社工好好跟進，可能你自己本身又未嘗試過教小朋友，不知道應該如果和小朋友溝通，無論你生的或幫人湊的都好，你現在的情況，我相信好多Jm都遇過，可能只是經驗不足，不知該怎麼應對，找家庭社工或張小朋友交給你託管機構的社工幫幫手，問社工你現在角色該如何演下去，如果和C6在湊小朋友方面找到共識，其實你湊的小朋友可能因為之前生活關係，需要很大的安全感，才會對你做出這樣的行為，嘗試和C6溝通，當她哭時大家都別給她反應作獎勵，等她停止哭泣，才和她溝通，叫C6相信你的方式去做，如果佢地覺得有問題，可以在她聽不到看不見的情形下提出，大家改善，小朋友要寵但不是縱，小朋友要教但不是軍訓，如果C6和大家都改變唔到，咁你真的只能放棄，但如果你真心想生Bb的話，這個是你們學習的好機會，如果可以你嘗試放低以前她所做的一切，和她又朋友從新開始，，，，打咁大編嘢，希望可以幫到你喇，唔好唔開心喇

手機用戶,不要點評.謝謝

私人傳訊

AjuFa

複式洋房

積分: 101

26^#

發表於 13-6-25 01:27 |只看該作者

回覆：我覺得...我同佢好似距離越黎越遠(超長篇)

其實會唔會個小朋友既背景令到佢想"爭寵", 想多啲人錫？？佢係咪缺乏愛？當佢知你c6 錫佢，佢自然會嗲你c6..
不過我覺得你同你c6 要有共識先。。一個教育緊小朋友既時候，唔suppose 令一個(你c6) 當面護佢，咁樣只會令到佢更加清楚可以揾你c6做擋箭牌，而唔會令佢明白佢做錯左啲咩。。。亦會令你同你c6產生對立情況而唔開心。。。唔應該喺小朋友面前展露出黎。。
小朋友要用心教，細個教唔好真係影響深遠。。
如果佢真係之前有唔開心既經歷，真要俾多啲愛佢。。

佢依家既行為。E.g 得到你c6既呵護而顯露既得戚樣。。。都可能因為缺乏愛之下而產生。。想"爭取"多啲愛返黎。。。

你要加油呀！！努力同c6去克服依個困難~~
如果將來你地有小朋友，教育方面溝通得唔好，都可能會發生咁既事~~

私人傳訊

LumcaT

大宅

積分: 2349

25^#

發表於 13-6-25 01:24 |只看該作者

其實你可以同你C6傾下, 話覺得自己心態有D問題,
叫佢陪你睇醫生,

小朋友, 99 同你老公都係無辜的,
你99同C6都係鍚個女先會咁,
唔通你想佢地毫無愛心?

睇開D啦

私人傳訊

babymj33

男爵府

積分: 9413

24^#

發表於 13-6-25 00:55 |只看該作者

panda1985hk 發表於 13-6-24 15:09
其實我自己都知唔關呀囡事…
因為無c6在場的話我同99＆呀囡都相處得好好
但偏偏一睇到c6錫佢多過錫我就眼火 ...

同性相拒, 異性相吸, 一百萬年都吾會變, 如果係男仔,你 C6 又未必係咁架啦~
更何況, 年紀越細就越嬌悄, 可愛。

你 C6 都話可以叫個小朋友走, 你又要威, 又要帶頭盔。

一係你就趁你 C6 仲肯應承叫小朋友走, 吾想做衰人就改變自己心態。

洋房, 複式洋房, 別墅, 大宅, 男爵府, 子爵府, 伯爵府, 侯爵府, 公爵府, 珍珠宮, 水晶宮, 翡翠宮, 珊瑚宮, 瑪瑙宮, 琥珀宮, 象牙宮, 寶石宮, 榮譽會員, VIP, 官方特派專員, 王國會長, 家長會會長, 管理員, 超級版主, 版主, 彩鑽殿, 天珠殿, 雲母殿

私人傳訊

Smallraindrop

翡翠宮

積分: 75393

23^#

發表於 13-6-25 00:24 |只看該作者

回覆：我覺得...我同佢好似距離越黎越遠(超長篇)

Sorry我覺得個女仔好惨，可能因為我有個3歲嘅女！
你自己生又不同的了，100%肯定我怕到時你c6呷醋咋

私人傳訊

wuxuelian

洋房

積分: 86

22^#

發表於 13-6-24 23:38 |只看該作者

回覆：panda1985hk 的帖子

楼主，可能本身呢个小朋友吾系你亲生的，所以感觉吾同，也可能你未有自己小朋友，所以你吾明你以上所讲其实系每个小朋友的特性，小朋友都好识分别事情的，但每个小朋友都系好天真，根本就吾系你讲到好像好有机心，所以我觉得你对呢个小朋友做得有的过了，其实我都好明你心情，其实主要问题还系你地夫妻之间的沟通，吾好将责任推卑一个年少无知概小朋友！也希望楼主你尽快走出阴影！

私人傳訊

adaadaadaho

大宅

積分: 2331

21^#

發表於 13-6-24 23:28 |只看該作者

如果自己努力過，但都睇吖女唔順眼，就送佢走，無謂破壞你同c6感情，你c6對你好好，佢見你唔開心都話送走阿女，唔夾就係唔夾，幾多歲都係咁話，你亦唔洗懷疑自己有問題，個女又唔係自己，唔洗為佢撹到自己

私人傳訊

panda1985hk

子爵府

積分: 10599

育兒性格勳章 BK Milk勳章

20^#

發表於 13-6-24 23:05 |只看該作者

回覆：我覺得...我同佢好似距離越黎越遠(超長篇)

我都知道係我自己問題，所以我認真考慮緊應唔應該去睇醫生

私人傳訊

Momia

大宅

積分: 2186

19^#

發表於 13-6-24 22:45 |只看該作者

回覆：我覺得...我同佢好似距離越黎越遠(超長篇)

我都覺得如今叫阿囡走的話，你99同C6嘅心中會留有一條刺。其實你C6同奶奶都好好吖！你真的要好好珍惜！

正面啲去解決問題啦，你不如認認真真咁去尋求協助，好好用真心對待阿囡，相信你同C6嘅距離會拉返近。

私人傳訊

karz

子爵府

積分: 10318

畀面勳章 BK Milk勳章 hashtag影視迷勳章

18^#

發表於 13-6-24 20:36 |只看該作者

回覆：我覺得...我同佢好似距離越黎越遠(超長篇)

就算個陣真係送走個女都無用la，因為5係佢地情願，到時你c6,99心入面有條刺，其實佢係個靚妹仔je，佢搶走5到你老公的，大方d接受佢，如果你真係接受jor佢，可能到你老公呷你同個女醋呢

私人傳訊

oguh

子爵府

積分: 11575

17^#

發表於 13-6-24 20:02 |只看該作者

回覆：我覺得...我同佢好似距離越黎越遠(超長篇)

我覺得有問題嘅唔係你老公，而係你！同一個3歲細路爭寵，仲要咁睇唔開唔識控制情緒！sorry你真係無資格做寄養家庭，做人媽媽更加難講！忠言逆耳，快啲送走個女，唔好糟蹋人一生！

私人傳訊

nettecc

大宅

積分: 1612

16^#

發表於 13-6-24 19:48 |只看該作者

引用：Quote:原帖由+僖樂也+於+13-06-24+發表回覆

原帖由 panda1985hk 於 13-06-24 發表
而家個問題係…因為尼個原因令我對生小朋友都卻步
我真係覺得自己呷醋呷到病態

下？到你自己生既時候，你點會呷自己個小朋友醋唧？根本感覺唔同

私人傳訊

bb_2006_2010

大宅

積分: 4498

15^#

發表於 13-6-24 18:47 |只看該作者

回覆：我覺得...我同佢好似距離越黎越遠(超長篇)

小朋友好可憐。。。
我諗你需要搵社工輔導下會好d。。。
再唔係就真係唯有送走。。。

你唔太適合有小朋友，
因為就算親生都會咁，行為可能更加激。。
到時唔通又送佢走？親生喎～

你唔愛佢，交比第2個愛吧。。。
冇謂難為小朋友啦。。。

私人傳訊

cherrylau0916

複式洋房

積分: 413

14^#

發表於 13-6-24 18:38 |只看該作者

回覆：我覺得...我同佢好似距離越黎越遠(超長篇)

一個3歲小朋友只是希望多D人錫，千祈唔好係佢心里留下陰影吖！

私人傳訊

cyyuen0120

大宅

積分: 2576

13^#

發表於 13-6-24 18:19 |只看該作者

panda1985hk 發表於 13-6-24 16:51
而家個問題係…因為尼個原因令我對生小朋友都卻步
我真係覺得自己呷醋呷到病態

其實你唔係應該慶幸有個咁有愛心的C6 咩 ? 唔通一個唔識愛護小朋友的C6 日後會待你好嗎?另一方面,你覺得"阿囡"扮野詐嬌,其實個個小朋友都係必經階段,咁就係要靠我地大人去指導,我知可能因為唔係你親生的你未必會咁愛佢,但係既然當初大家都有共識去養育個小朋友,只係因為佢太得意太得竉就想放棄佢,咁你地變相比左個希望佢又再打碎佢,咁對個小朋友太殘忍了,小朋友只有3歲幾,你想佢點迎合你?? 要好乖聽晒你話,等你歡喜時就當佢一家人,到你呷醋時就識得遠離你C6 ??這根本不可能,小朋友也知道哪個人係真心愛錫佢自然會詐嬌,咁點怪得佢呢??
最後,你既然覺得個小朋友破壞左你家庭,咁真係送佢走啦,好過日後你又覺得個小朋友阻手阻腳,而失控做出D 傷害佢的行為~~但如果咁睇,你真係唔適合生小朋友~~妳愛你們自己多於一個小生命