懷孕前後 今日: 3 | 主題: 330523

積分: 3050

1^#

發表於 13-6-28 20:53 |只看該作者 |正序瀏覽 |打印

本帖最後由考拉於 13-6-28 22:44 編輯

政府醫院產檢經歷（5，9，12，15周）

M過後4日，自己驗到懷孕，早上9：00去樓下普通門診睇醫生，攞到普通門診醫生的信，馬上搭的士去附近東區醫院（政府醫院）book產檢。好彩早上去睇私下，可以順便一早去公立醫院book埋產檢的日期。
第一次去東區（當時算是5week，4/18），一早去到醫院，首先是坐住排隊（要坐在指定位置，否則不算是排隊），做的野只是拿住私家的懷孕證明信，交俾姑娘，然後姑娘俾一封下個月做產檢的信俾我。（下一個月即系9week左右）。（記住要帶診所開出的懷孕證明，你的身份證，住址證明去!)，護士問你要不要到診紙，如果你要返工，需要攞來告假，你記住要問護士提供俾你，因為好似事後不補發的。而且每次產檢，都要記得攞到診紙，我要返工，對我來講呢樣好重要。可惜政府醫院只會提供半日假的到診紙。如果你需要全日假，就要自己想辦法啦。

第二次產檢（懷孕9week 5/20）：首先是坐在一個角落等，然後護士俾d小冊子，懷孕單張，及簡介叫我們睇。睇完就填寫一些表格，然後一邊聽講解。跟住你要check下屬於你個人資料的孕婦label（日後屬於你的驗血樽或者預約紙都需要貼的，好重要）你要check你姓名，身份證號碼，住址有無寫錯。（我的寫錯了住址為我媽媽的地址，後來更正左。）。除了睇資料，姑娘也會講解之後的安排注意事項等，（sorry，我好似斷片，唔記得左）之後，好多孕婦就一齊排排坐睇電視的宣傳片，印象中電視宣傳片講解了麻疹水痘風險，地中海貧血風險，同埋介紹唐氏檢查，及各類血液病性病檢查。
之後就去見護士，（首先問我身份證，名字之類的）我見個護士攞住個好似系羅更一樣的圓形紙卡，問了我最後月經日期，經期歷時幾長，週期多久，然後話比我知預產期。我發現同第一次另外一個姑娘話我知的預產期12/19有出入，我就多口講句，上次姑娘話我預產期12月19日啵點解唔同？跟住個姑娘話羅更有問題，換了一個羅更確認我12/19沒有錯。她叫身邊的護士去更正對上一個孕婦的預產期，因為搞錯。（我都算好彩，大家記得網上double check下自己預產期，費事俾人計錯預產期，而後果可能是會錯失早期唐氏檢查哦。）跟住護士就叫我去量體重，抽血。（我自備小便，費事需要的話沒有，原來這次是不需要驗小便的，浪費我表情啊，第一次去產檢，記得姑娘好似提醒以後次次產檢都要帶小便，我奶奶也叮囑我要带小便）
做完抽血後，姑娘俾一個排隊的籌俾我，預約早期唐氏檢查。
（早期唐氏檢查是13周前做的，主要是照超聲波量度BB頸皮的厚度，俗稱”度頸皮“，另一樣是做驗血做排除。中期唐氏檢查是要抽羊水的，我估計會很痛吧，而且有導致流產的可能，因為我通過了早期唐氏檢查，所以我對於中期唐氏檢查一無所知。無法寫任何心得俾大家）。
東區醫院至少都目前為止，我都覺得是一間非常好的醫院，至少產科是這樣。好好彩，我有得在公立醫院做早期唐氏檢查。我排到12week去做產檢。同埋這日我還攞到15week的產檢期的紙。哈哈~

第三次去公立醫院做產檢：（胎兒12week大 6/7），檢測項目：早期唐氏檢查。
一到醫院，首先去大樓的收費處登記。然後就去做檢查的樓層，多數時間是在排隊。後來姑娘幫我量度了體重，之後就是做唐氏檢查，護士用超聲波儀器在我肚皮掃來掃去，然後一邊做一邊講解哪裡是BB的頭部，手部，腳。然後他她告訴我，她在幫我量度BB的大小，然後我問正常嗎？她說大細正常。然後她說正在量度頸皮厚度，我馬上努力記住數值，然後問姑娘頸皮厚度正常嗎？她說正常，數值越低就越好。再之後我好好彩見到清晰的BB形狀，而且它還會吮手指，伸手伸腳踢來踢去。我一見到真系好開心，好感動。
然後失憶，唔記得問姑娘可否睇到BB性別，是男還是女？不過12周睇到的性別是不準確的。
照完攞到我BB第一張相片。他的超聲波相。好激動啊。
後來做了抽血，就可以走啦。不過我走之前去樓下申請了拿回產檢報告，70元可以包10張紙。
我申請了9week同12week的驗血，超聲波檢查報告。收到那份報告大概是6頁咋，沒有BB超聲波圖片，只有數據。我好辛苦google了各項數據的翻譯名稱，瞭解到自己通過所有測試。老公話份報告好唔抵，我就好興奮，好開心，覺得好值得。

第四次公立醫院產檢：（胎兒15week大，6/28）這次我也記得帶尿，哈哈，這次要驗尿。不過沒有抽血。排隊等了好耐，入左檢查的房，入了房，先是姑娘問我藥物敏感的情況，然後問了其他懷孕歷史等之類的情況。之後姑娘叫我除褲腳一半，解Bra，訓在一張床上。姑娘用手觸摸我胸部，檢查完胸部，就按肚檢查，再之後就拿胎心機聽BB的心跳聲，姑娘话正常。之後她話要檢查我的陰道，好恐怖啊，她拿一個金屬儀器撐開下面，佢話可能會導致少量流血，叫我不要緊張和用力。其實不算痛，但系好驚。有少少唔舒服，檢查完，姑娘話正常，但她只是睇了3秒咋。
做完檢查，拿到第21week的結構檢查預約。哈哈~結構也有得在政府醫院做，好幸福。

注意：結構檢查（俗稱大排畸形檢查），這是所有產檢中，非常重要的一個檢查。公立醫院的姑娘特別提醒，如果果日唔舒服或者有特別情況來唔到，公立醫院不會幫你補做檢查，那樣你就錯失了結構檢查啦。所以無論如何，一定要記住不要失約啊！~

我好緊張，我打算做結構檢查的時候叫奶奶同老公一齊去睇，因為果日可以睇到BB的性別，而且BB有無問題，也是那一天做一個檢驗，聽聞會數手手腳腳，睇下BB的眼耳口鼻，那是一個非常詳細的超聲波檢查。大家不要錯過最重要的結構檢查哦。

暫時寫完。我寫的其他懷孕資訊在下面的link中，大家有興趣可以睇下。

http://www.baby-kingdom.com/forum.php?mod=viewthread&tid=7743934&extra=page%3D1

點評

Tweetyhk

發表於 13-6-29 09:35

0 0 1

私人傳訊

woodyniu

別墅

積分: 950

45^#

發表於 13-7-11 10:59 |只看該作者

多謝考拉媽媽，你快我少少~哈哈
我啱啱QE做完唐氏，見到個B,開心到唔記得拎假紙，好彩後尾都返去補返。
不過冇比 BB超聲波相wor,定系要自己要ga?

私人傳訊

積分: 3050

44^#

發表於 13-6-30 23:00 |只看該作者

引用：哇。廣華好似無得照結構？可唔可以自己走去

原帖由 birddish 於 13-06-30 發表
哇。廣華好似無得照結構？可唔可以自己走去東區照呢？

好似根據孕婦住的區域來分的吧。你如果住得遠來東區，他們會不會發現，取消你廣華的檔案？問清楚再決定點做。

私人傳訊

積分: 3050

43^#

發表於 13-6-30 22:57 |只看該作者

引用：東區真係幾好，我胎盤姪前佢都比左幾次期我

原帖由 bby0602 於 13-06-30 發表
東區真係幾好，我胎盤姪前佢都比左幾次期我去照超聲波，34w照發現都有輕度姪前，見了醫生佢建議我book 定手 ...

我都系好多謝東區醫院。你就來生得。你可否生完分享下經驗呀？我想知東區生的經驗。

私人傳訊

birddish

積分: 367

42^#

發表於 13-6-30 22:44 |只看該作者

哇。廣華好似無得照結構？可唔可以自己走去東區照呢？

私人傳訊

bby0602

積分: 4056

BK Milk勳章畀面勳章

41^#

發表於 13-6-30 17:50 |只看該作者

回覆：政府醫院產檢經歷（5，9，12，15周）

東區真係幾好，我胎盤姪前佢都比左幾次期我去照超聲波，34w照發現都有輕度姪前，見了醫生佢建議我book 定手術室先仲比我自己選日子，後來36w再照胎盤已升返上去，甘又安排取消返手術室。真係好多謝佢地

詩篇32:7
你是我藏身之處，你必保佑我脫離苦難，以得救的樂歌四面環繞我。

26/10/2014 5W4D 0.6cm 胎襄
16/09/2014 Bingo

08/06/2013 出世拉

28/11/2012 11W4D 4.99cm Oscar 1.98mm
23/11/2012 10W6D 3.95cm BB跳杻腰舞
10/

私人傳訊

積分: 3050

40^#

發表於 13-6-30 16:35 |只看該作者

引用：係啊！好好彩朋友都俾咗幾本懷孕書作參考~ +

原帖由 paulinebb 於 13-06-30 發表
係啊！好好彩朋友都俾咗幾本懷孕書作參考~

你幾多周？12周？也記得寫分享啊。照唐氏記得問性別。我上次見到bb吮手指，開心到唔記得問。

私人傳訊

chanhohochu

積分: 408

39^#

發表於 13-6-30 16:25 |只看該作者

回覆：政府醫院產檢經歷（5，9，12，15周）

好有用的資料！岩哂我7月中去睇第一次！

私人傳訊

paulinebb

積分: 352

38^#

發表於 13-6-30 16:22 |只看該作者

回覆：考拉的帖子

係啊！好好彩朋友都俾咗幾本懷孕書作參考~

私人傳訊

積分: 24964

37^#

發表於 13-6-30 16:22 |只看該作者

引用：多謝分享，我也是在東區醫院產檢的媽媽，剛

原帖由 paulinebb 於 13-06-30 發表
多謝分享，我也是在東區醫院產檢的媽媽，剛做完oscar，下個月中會第一次醫生。因為係第一胎，乜都唔識，你 ...

如果第一胎就最好做鴨嘴鉗檢查。

私人傳訊

積分: 24964

36^#

發表於 13-6-30 16:15 |只看該作者

引用：Quote:原帖由+澳門媽媽+於+13-06-29+發表生

原帖由 snownik 於 13-06-30 發表
要開刀???

順產催生既，因為個b吾重，東區每星期同我照一次b超直到生。產前，產房服務好好，產後勁差。

私人傳訊

積分: 3050

35^#

發表於 13-6-30 16:12 |只看該作者

引用：多謝分享，我也是在東區醫院產檢的媽媽，剛

原帖由 paulinebb 於 13-06-30 發表
多謝分享，我也是在東區醫院產檢的媽媽，剛做完oscar，下個月中會第一次醫生。因為係第一胎，乜都唔識，你 ...

你也要自己睇書，因為未必適合每個人。

私人傳訊

paulinebb

積分: 352

34^#

發表於 13-6-30 16:00 |只看該作者

回覆：政府醫院產檢經歷（5，9，12，15周）

多謝分享，我也是在東區醫院產檢的媽媽，剛做完oscar，下個月中會第一次醫生。因為係第一胎，乜都唔識，你提供的資料真係好有用！我都有d怕佢用鴨咀鋏檢查，不過為咗bb好，幾痛都好都會做！

私人傳訊

snownik

水晶宮

積分: 55158

畀面勳章

33^#

發表於 13-6-30 14:03 |只看該作者

引用：Quote:原帖由+考拉+於+13-06-29+發表你生左

原帖由 澳門媽媽 於 13-06-29 發表
生左了，個女14個月了！

要開刀???

私人傳訊

積分: 24964

32^#

發表於 13-6-29 13:19 |只看該作者

引用：Quote:澳門媽媽+發表於+13-6-29+13:01+生左

原帖由考拉於 13-06-29 發表
哇。。。以後記得教我野。我第一胎，好驚啊。我發現呢個討論區好多人也完全無經驗，所以我努力寫下我知道的 ...

大家分享交流下啫

私人傳訊

積分: 3050

31^#

發表於 13-6-29 13:07 |只看該作者

澳門媽媽發表於 13-6-29 13:01
生左了，個女14個月了！

哇。。。以後記得教我野。我第一胎，好驚啊。我發現呢個討論區好多人也完全無經驗，所以我努力寫下我知道的野。

私人傳訊

積分: 24964

30^#

發表於 13-6-29 13:01 |只看該作者

引用：Quote:澳門媽媽+發表於+13-6-29+12:25+所以

原帖由考拉於 13-06-29 發表
你生左？記得分享經驗呀。我好多野唔知道。

生左了，個女14個月了！

私人傳訊

積分: 24964

29^#

發表於 13-6-29 12:51 |只看該作者

引用：Quote:原帖由+澳門媽媽+於+13-06-29+發表所

原帖由 snownik 於 13-06-29 發表
胎盤老化

係丫！個b係31週係澳門照得1.8kg，即反東區跟，由36週開始吾識重，得2.1Kg。

私人傳訊

snownik

水晶宮

積分: 55158

畀面勳章

28^#

發表於 13-6-29 12:47 |只看該作者

引用：Quote:原帖由+snownik+於+13-06-29+發表真

原帖由 澳門媽媽 於 13-06-29 發表
所以我女哥時31週突登反去照下有冇調頭，之後先發現個胎盤開始老化，再反東區跟！

...

胎盤老化

私人傳訊