個個小朋友都唔同，冇得比較，你去健康院做檢查，姑娘都係根據個chart，
大約講BB會幾時做到D咩，但都有個range架，有D慢D有D快D，
而家19個月其實真係唔係大個，去到三四歲至介到大有人在，
男仔又會普遍比女仔慢D，未識表達就真係介唔到住，
大人緊張情緒反而影響到BB。
我媽話我一歲就介晒片，所以我仔兩歲就俾婆婆捉住試介片，
一直都唔得，停過去到兩歲半又試又唔得，真係搞到人都顛，
鬧又唔得氹又唔得打都唔得，我仔果陣已經識講識表達，
去VV會拍條褲JJ個位置，但未趕得到去廁所就已經濕晒，
一日換十幾條褲，真係洗褲都洗都顛。之後我選擇放手，
去到差不多三歲覺得佢ready，放假幾日我自己幫佢介，捉佢飲水，
每30分鐘去一次，冇就由得佢，之後又飲水又去廁所，
總之得果次就讚同錫。足三歲果個星期我就同個仔講，
"BB大個啦，唔駛片片架啦"，佢返學又真係冇點賴，
一個月內連午睡片同夜片都戒埋。
之後我第二個女，我索性由得佢慢慢戒，係婆婆心急，未夠三歲又捉佢戒，
最後兩歲9個月成功咗，坐車兩個鐘去婚宴都冇事。
樓主放鬆D先，BB幾時ready你自己清楚，而且仔仔戒片，爸爸要幫手至得，
我個仔由我老公示範點去VV，所以一嚟就已經係企喺度去。
花旗太太生活在花旗國，留意時差，你問我未必即時答到。
發表於 
我成日都同工人講，如果你教到阿仔自理能力好，你都會輕鬆點。
返回列表
