自由講場今日: 1757|主題: 1359739

收藏本版

發帖

返回列表

跳至頁

查看: 6690 | 回覆: 212

亞貴無聊POST 之細個比亞媽老點實錄 (我會不停時加例子的)

[複製鏈接]

12 3 4 5...11

亞貴

水晶宮

積分: 66136

hashtag影視迷勳章好媽媽勳章畀面勳章環保接龍勳章親子達人勳章 BK Milk勳章

1^#

發表於 13-7-2 17:17 |只看該作者 |正序瀏覽 |打印

本帖最後由亞貴於 13-7-4 10:01 編輯

啱啱同幾個吹水了得既BK友講起細個D 超級on居嘢，
諗諗下發覺原來細個成日比亞娘老點，
而家講下先

先旨聲明，呢d全部都係我童年往事，
我而家精靈咗好多架喇~~

1）細個時亞娘教我地著底褲唔可以掉轉著架，因為一掉轉咗著就會有尿導炎，醫生會切咗隻小雞雞嚟醫架！

2）亞娘又話比嘢人要望住人比，仲要講唔該，佢話如果你反手比嘢人，咁接住你d嘢既人會變鬼架....會纏住你夜晚會用手抓我塊面架，所以到而家我都唔會反手比嘢人，但而家知係亞媽要我地有禮貌囉~~

3）亞媽話瞓覺前要痾尿先瞓得，如果唔係瞓到半夜去廁所會見到有個亞婆坐喺度你會無廁所用架~~

（即係咁.....我咁細膽100%係我亞媽嚇出嚟，到而家我半夜去廁所都要老公陪

）

4）我亞娘好like打麻雀，但佢又唔會比我地睇，驚我地學壞喎，所以佢成日話如果邊個偷睇佢打麻雀，出到街d 麻雀就係追住我地咬...........（呢個就大d就知老點啦

）

5）仲係小學時亞娘就話唔可以同d男仔一齊坐仲要唔比得屋企電話人，因為真係會有bb架，佢仲話佢就係比咗電話我老豆，老豆打咗幾次電話比佢佢就生咗我地幾個.............
（please......呢個我嗰時真係信，因為佢真係生咗我地吖嘛

mouth:）

6）我諗一個正常人比蚊咬完好痕就一定R 架啦，咁細個我好鍾意R 到出晒水仲要搽白花油嗰D變態嘢tim，咁亞娘有次見到就話勒：你咁樣呀，d蚊既蛋會生喺你傷口架，隔幾晚會喺你d蚊難度生d蚊蟲出嚟架，自此我嚇到唔敢再 r ....... 而家？哼......叫埋老公勁 R tim呀

7）呢個我好似喺bk講過但我講多次....呢次係我on居唔關亞娘事~~
話說有次亞娘叫我帶埋亞妹去買白飯魚，仲比咗錢我話去街市買，咁呢.....我咪拖亞妹去鞋檔度買囉，返到屋企仲找錢比亞娘，點知就比亞娘鬧到癲，佢話白飯魚真係魚嚟架..........無啦啦仲乜幫亞妹買對白鞋啫

8）細個嗰時成日偷亞娘d兇圍帶嚟玩架，但亞娘好唔like啦，佢就同我地幾姐妹講，話帶人地d兇圍會一係生多一個波波，一係就會小咁個，佢話兇圍係跟主人架，佢會罰d貪玩帶佢既小朋友喎 .......我真係豬標，我真係大大地個先知呢個係驚天大話

9）呢個係比表哥老點唔關我亞娘事，嗰時我娘有幫手湊我表哥同堂亞哥架，佢兩隻絕世衰仔居然玩到我傻，話我知白飯魚飯係用隻白鞋裝飯嚟食，佢地話搵隻spoon向鞋內係咁撩就會有d魚出嚟架，咁人地為食，真係搵隻鞋去裝飯食.......之後亞娘打完麻雀返嚟知道後打到我地開花，但我到而家都唔明既係點解要打埋我.....我係受害者啫

講住先，諗到再講