吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 講開生仔時奶奶去醫院，我更慘痛

婆媳關係今日: 0|主題: 27770

收藏本版

發帖

返回列表

跳至頁

查看: 5380 | 回覆: 59

講開生仔時奶奶去醫院，我更慘痛 [複製鏈接]

12 3

RockMusicLover

男爵府

積分: 6077

1^#

發表於 13-7-11 02:27 |只看該作者 |正序瀏覽 |打印

本帖最後由 RockMusicLover 於 13-7-29 23:39 編輯

話說我在私家開刀生，奶奶來過一次15分鐘即同個黎先既姑奶先閃，當時有微言話我個仔好奀，都話左唔好咁早開刀（當時再唔生會有危險，詳情不便說，免被起底）講左佢又唔信，總之就厭佢奀，又話睇見就心傷，我仔完全唔洗訓箱又唔洗插喉我都唔知佢傷乜，但當時岩岩生完俾佢講一講我好驚好唔開心，打後兩個月都日日講，如不是天生性格開朗正面，我估唔知流幾多眼淚，可能有抑鬱，因為仲有好多野發生，而我都可撐過去，我都好proud of 自己！

住院果陣仲有兩件慘慘地既事，第一件係賴屎事件，係我自己唔係阿仔，話說開刀反腸初初郁得麻麻，係未有大便的，於是媽媽煲左炒米茶加果皮幫我有多點屁屁放去風，頭兩日都係屁屁，仲要係咁放，咁我單人房理鬼佢，梗係嚮床度放，第三日朝早九點幾，餵完奶無耐又有谷住，於是咪放出來，點知一放，大鑊。。。唔係屁，是便便，仲要是水的，當時已掃風，立即放低仔在babycot 然後一個箭步衝入廁所，一邊如廁一邊聽到仔喊，同時發現條褲都中招，張床都唔知有無（有床墊，可換）如廁後出來發現間房成村人到了，原來是c6的表哥表姊舅父舅母，一行9人，塞爆了房，之前c6同佢媽講過，12朝前唔好請親友來住，因為一定好辛苦。點知都係爆左俾佢地知而佢地事前並無打俾任何人話會黎，只係知邊間醫院同問reception邊間房。咁就入左黎。。。

我條褲後有pat屎，張床亦有d, 個仔喊緊，一出來我聽到第一句是 “點解留低個仔自己走左去？？“ 我無解釋咁多，人都無叫，淨係叫句hello 然後拎返件晨褸遮醜，再去丟左張床墊，再走搵褲換，個仔喊都唔理住，一心諗住唔可以俾人見到！後尾先醒起自己餵完奶無戴bra.... 唉。第二件留返聽日講。

點評

mechwts 生完已經好易抑鬱, 佢仲日日俾說話你聽...痴線..想你抱住個仔跳樓呀! 發表於 13-7-29 11:08

daishidoi 你c6無通水比你知話d親戚嚟咗? 發表於 13-7-11 15:00

0 0 1

私人傳訊

like_yan

大宅

積分: 4195

60^#

發表於 13-7-30 16:10 |只看該作者

回覆：講開生仔時奶奶去醫院，我更慘痛

追一追先。。。

私人傳訊

llssisi

公爵府

積分: 28384

2018復活節勳章最關心BB問題熱投勳章 hashtag影視迷勳章畀面勳章陪月勳章 BK Milk勳章

59^#

發表於 13-7-30 15:46 |只看該作者

RockMusicLover 發表於 13-7-29 03:26
拖左咁耐唔好意思，因為呢輪好忙，奶奶身體差左，少左上黎。上回講到生左嚮醫院，咁我講下出左院之後發生既 ...

追

私人傳訊

conbella

大宅

積分: 2835

58^#

發表於 13-7-29 17:58 |只看該作者

我都係就黎生，99話會幫我煮3餐，但都好擔心唔知岩唔岩食同埋夠唔夠湯水：冇法啦，鬼叫自己阿爸阿媽靠唔住，到時如果真係唔work，唯有又當自己西人囉！

私人傳訊

bebebei

男爵府

積分: 5086

hashtag影視迷勳章玩具勳章

57^#

發表於 13-7-29 14:12 |只看該作者

回覆：講開生仔時奶奶去醫院，我更慘痛

追……

私人傳訊

loyu

別墅

積分: 809

56^#

發表於 13-7-29 13:07 |只看該作者

回覆：講開生仔時奶奶去醫院，我更慘痛

唉，我生完到e+六個幾月都係冇補過。自己又唔識食D咩来補

私人傳訊

vvff82

伯爵府

積分: 16403

2018復活節勳章育兒性格勳章我的育兒心得勳章畀面勳章大廚勳章 BK Milk勳章 hashtag影視迷勳章親子王國15週年勳章

55^#

發表於 13-7-29 11:23 |只看該作者

回覆：講開生仔時奶奶去醫院，我更慘痛

我同你一樣！我生之前，99吹水話幫我坐月。生之後，只炒了一小樽薑米俾我，叫我自己沖水飲，及每日來半小時幫bb沖涼，係咁多，無喇！

佢話佢要忙住凑大嫂個4歲囡，佢地有工人的。我都有！所以佢幫唔幫我都無所謂，我會叫工人買。不過，因我媽一早過身，所以我都唔識點補身。咁我鍡人奶，咪叫工人買魚㷛魚湯，及食义燒莱心飯。又係雞翼都無食過一隻。當自己係西人，乜都唔駛補！

So far, 身體尚算健康！

私人傳訊

yimyim_paul

伯爵府

積分: 15824

育兒性格勳章想生BB熱投 hashtag影視迷勳章

54^#

發表於 13-7-29 10:36 |只看該作者

回覆：講開生仔時奶奶去醫院，我更慘痛

唉…做人新抱甚艱難

但欣賞你的堅強，同埋你c6 會幫你

私人傳訊

ajurato

大宅

積分: 1463

53^#

發表於 13-7-29 09:42 |只看該作者

睇到覺得好慘

你都好好, 冇同佢嘈

私人傳訊

looklook_66

禁止訪問

積分: 10048

52^#

發表於 13-7-29 03:42 |只看該作者

回覆：講開生仔時奶奶去醫院，我更慘痛

提示: 作者被禁止或刪除內容自動屏蔽

私人傳訊

RockMusicLover

男爵府

積分: 6077

51^#

發表於 13-7-29 03:26 |只看該作者

回覆：講開生仔時奶奶去醫院，我更慘痛

本帖最後由 RockMusicLover 於 13-7-29 23:45 編輯

拖左咁耐唔好意思，因為呢輪好忙，奶奶身體差左，少左上黎。上回講到生左嚮醫院，咁我講下出左院之後發生既事。

話說因為奶奶之前拍心口話幫手教我新請既工人，同埋自己工人煮野好叻，又有個照應，加上自己阿嫂又岩岩生左，媽咪要日日去佢度幫佢，我唔方便返娘家坐月，於是搬左去奶奶度坐月。之前已prepare好哂，一出院就返去奶奶家，返到去拜左祖先佢就無咩點理我同個仔，好少黎望，後來先爆嚮口話覺得佢早產，好細粒，好“得人驚“。

呢樣都算，唔洗麻麻錫，有爸媽錫咪一樣。我請的工人放飛機，一開始無人幫我，都唔緊要，做阿媽一定湊得掂個仔，我餵人奶，一日三餐真係靠哂奶奶吩咐個工人整，點知我食足30日梅菜蒸豬肉，好咸，有人話正氣，好過無得食，ok... 我明，忍到第三日其實忍唔住，叫奶奶工人可否幫我整菜心，西蘭花，carrot 果d. 我無肉都得，我俾錢你買，點知奶奶一句話坐月係食呢d . 工人亦唔敢整第二d .. 工人唔幫我咪叫c6放工幫我去買囉，自己淥菜，加肉片，好過食咁咸，食到腳腫，jm們，人地拍心口但突然唔幫你，唔洗灰心，可以靠自己！

餵人奶，嚴重唔夠訓，唔夠奶，叫奶奶幫手叫工人煲谷奶水湯，飲左三日，突然唔再煲了，原因係 “成日都飲呢d. 好悶，佢地又唔飲” 佢地是奶奶，工人，返來食飯的c6阿哥，同c6. c6 剷佢話咁我老婆需要唔可以另外煲既咩？奶奶話 “煲左又飲唔哂，成日要隔夜，阻住雪櫃。” 而事實佢真係好憎留過夜，飽到嘔都要人食哂d野，食唔哂真係哦足你一晚。雖然好鬼慶，又話去你度坐月可以點點點，點知衰過自己住，但當時諗搬返自己度盞反面，於是又忍左佢.

餵人奶太支力，無可能自己煲同睇火，但中式湯水無，咪扮西人囉，用西式方法，飲勁多豆漿，online買more mxxx plus 食，又得得地，所以jm們，唔需要傷心，一種方法唔得，一定有另一d方法可行。後來自己阿嫂來探我時，話我面色差，原來飲太多豆漿好寒咖，飲奶反而好d，又無補（雞翼尖都沒吃過）於是佢補時亦預埋我，叫工人拎過黎，次次都一樽木瓜湯加一樽鹿茸烏雞，我好感激佢。全靠佢我先有返d元氣。

初初有向自己阿媽講開時，佢第一次反應話 “叫你奶奶煲囉，佢話煲咖嘛，我顧唔到你咖啦，我要顧你阿嫂。” 其實當時並無叫佢幫我，只係媽媽問起有無食乜是先講出黎，點知得到咁既答案，媽咪當時仲話 “我幫你大嫂幫好多野咖，又乜又物，佢生完身體都唔知幾好呀，你無食咩？“ 聽完真係幾心酸下咖，不過我不嬲硬淨，可以唔靠人，我都決定坐完月就可自己買野補，洗鬼你地！不過滿月前媽咪黎探我，發現我真係面無血色，同埋奶奶猛話 “阿邊個邊個新抱生左，阿邊個日日燉雞汁佢補呀！“ 但自己個女連肉都無舊，先至開始覺得自己個女有d慘，於是唔洗再靠阿嫂接濟，媽咪黎多左拎野俾我食，真係甜在心頭。。。

下期會講奶奶點解會大隻講，原來除左一向講就兇狠外，亦因為覺得我個仔早產是我的問題有關。
（Edit 返隔行等大家易睇D!)