吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我嘅人生真係好錯，依家應該點做？

夫婦情感今日: 9|主題: 42711

收藏本版

發帖

返回列表

跳至頁

查看: 5524 | 回覆: 61

我嘅人生真係好錯，依家應該點做？ [複製鏈接]

12 3 4

sutakki

複式洋房

積分: 321

1^#

發表於 13-7-15 15:18 |只看該作者 |正序瀏覽 |打印

同c6結婚剛滿一年，有個8個月大囡囡。
c6少年時期有多年吸毒習慣，多次戒毒，社工同佢一直都話因為佢嘅童年不愉快經歷，自卑影響，以至佢錯誤選擇吸毒做逃避、放鬆自己嘅處理方法。同c6一齊佢一直比我好努力去維持改變惡習，佢亦承諾為我同囡囡一定唔會令我失望同共同建立美好將來，其實我知道依條路好難行，社工亦話需要不停嘅支持同包容，結果依一年我終於發現佢對我講大話又再食返，之後就認錯話知自己好錯，真係會改，但係一再遇上壓力、錯折同煩惱，佢又會再“搵朋友“，之後又再信誓旦旦會改過。。。有時甚至唔認錯，話我逼佢戒，不停斷斷續續。。時好時壞，亦曾經嘈到話再唔改就分開，因為依個問題大家嘅關係亦每況愈下，佢唔再坦承，唔願溝通，我亦唔信任佢，難以再包容。。。直至最近，佢工作上唔太開心，又再比我發現“搵朋友“，大家去到一個好僵嘅局面，佢仲出去到半夜、天光，我每次見佢出去就好驚，因為我知佢又去揾咩人，我好大壓力，大前日返到嚟又話知道問題喺自己度，今次真係知，以後識愛護我，唔再令我擔心。。。我仲諗緊信唔信佢好，點知第二日已經故態復萌，我地傾過佢話佢要自由，佢戒，但係佢嘅生活模式就係咁，我接受到就接受，接受唔到就離婚，我話佢仲未明你首先要改過，亦要建立返別人嘅信心先可以有其他嘢，我地最後決定離婚，但係夜晚佢又話唔離，要我比多次機會。。我話已經比咗好多次，我唔係唔想比，係比唔到，我完全唔再相信佢。。。但係個囡又真係好慘。。。。咁細。。對住個囡我就好責。。我又唔忍心個囡變單親，但係又無辦法相信佢。。。我應該點。。？

0 0 0

私人傳訊

Ivymong0430

複式洋房

積分: 364

62^#

發表於 14-7-17 12:22 |只看該作者

回覆：我嘅人生真係好錯，依家應該點做？

試下好好傾
之後再搵社工

私人傳訊

小可人媽媽

伯爵府

積分: 15363

61^#

發表於 14-7-17 11:03 |只看該作者

引用：自作孽。居然嫁個白粉佬

原帖由 pakuii 於 14-07-16 發表
自作孽。居然嫁個白粉佬

嘩，乜你咁講野架？樓主已經好慘！你仲咁話人！

私人傳訊

小可人媽媽

伯爵府

積分: 15363

60^#

發表於 14-7-17 11:01 |只看該作者

回覆：我嘅人生真係好錯，依家應該點做？

嫖，賭，毒；係好難戒！
毒唔止心癮，連身體都會有癮！
樓主，你當初同佢開始既時候，就知道佢係一個乜野既人，所以你要預左你兩個一齊條路會好難行！
加油！

私人傳訊

Miulo

公爵府

積分: 27258

59^#

發表於 14-7-17 10:57 |只看該作者

你已經俾咗咁多機會你c6, 不如俾個機會你自己同個囡啦!

私人傳訊

jackiemei

侯爵府

積分: 23388

58^#

發表於 14-7-17 09:48 |只看該作者

機會都已經比過好多次拉。。
我會離開~

私人傳訊

iamhongkongese

禁止訪問

積分: 6750

57^#

發表於 14-7-17 09:39 |只看該作者

引用：自作孽。居然嫁個白粉佬

提示: 作者被禁止或刪除內容自動屏蔽

私人傳訊

pakuii

禁止訪問

積分: 1410

56^#

發表於 14-7-16 23:19 |只看該作者

回覆：sutakki 的帖子

提示: 作者被禁止或刪除內容自動屏蔽

私人傳訊

RAY媽

侯爵府

積分: 20853

母親節2025勳章 2025勳章蛇年勳章 2024年龍年勳章

55^#

發表於 13-8-3 19:54 |只看該作者

引用：Quote:原帖由+emma200978+於+13-07-15+發表

原帖由 sutakki 於 13-07-15 發表
其實一直都有好多社工幫助佢，佢有時亦會主動搵社工，但總係好唔到好耐又變返之前咁。。。佢家人當然亦知道 ...

你先生對你的女兒有什麼好的影響，和壞的影響?有寫過嗎?

好的例如：你先生有好多人生經驗可以指導佢?
你先生能照顧女兒學業、生活?
你先生有很好的經濟條件讓女兒生活得好?
你先生性格上有很好的優點可以影響女兒，例如eq 高，為人樂觀?

壞的例如：你先生吸毒後會傷害自己傷害家人?
你先生的壞習慣會讓女兒學壞?

想清楚以女兒為先，還是以女兒為借口而不肯了結自己早前錯誤的選擇。假如吸毒的他對女兒的好處比壞處多，那麼唯有給他一個機會。

私人傳訊

lambb豬

大宅

積分: 4485

54^#

發表於 13-8-3 18:44 |只看該作者

引用：Quote:原帖由+bulldemon+於+13-07-18+發表

原帖由 sutakki 於 13-07-18 發表
其實依家我自己湊嘅，我屋企人要工作，而且佢地年紀都大，媽咪身體唔係幾好，根本幫唔到我，所以我先想依家 ...

一個甘唔自愛男人，都唔知講乜好，我老公當年可以自行戒毒主要都係靠自己，我只負責飲食起居，無論做任何選擇相信家人朋友都會支持你，為左自己小朋友加油

私人傳訊

fokitty

大宅

積分: 2116

陪月勳章 BK Milk勳章

53^#

發表於 13-7-18 12:59 |只看該作者

其實我唔好明好地地一個女仔, 係要同D咁既男人係埋一齊, 生埋仔女... 之後又要後悔???? 仲要問應該點樣做? 你應該問你父母家人, 做你父母一定好難受....

私人傳訊

林雙

複式洋房

積分: 445

52^#

發表於 13-7-18 10:25 |只看該作者

回覆：sutakki 的帖子

其實你話為咗個囡,更應該離開佢,因你個會學佢D野,加埋佢系俾毒品控制,唔到佢諗話介就介到.

私人傳訊

sutakki

複式洋房

積分: 321

51^#

發表於 13-7-18 00:50 |只看該作者

引用：Quote:sutakki+發表於+13-7-16+08:43+C6曾

原帖由 bulldemon 於 13-07-18 發表
樓主，一口氣追完你post，只想有些意見。其實你心中已經有決定，佢一定唔會介毒，你又想離開佢。唔理點，睇 ...

其實依家我自己湊嘅，我屋企人要工作，而且佢地年紀都大，媽咪身體唔係幾好，根本幫唔到我，所以我先想依家有99幫，我可以放心返工搵返啲錢先，然後返自己屋企住，再比錢請人湊。。

私人傳訊

sutakki

複式洋房

積分: 321

50^#

發表於 13-7-18 00:44 |只看該作者

引用：Quote:sutakki+發表於+13-7-16+23:37+佢去

原帖由 Nancy20090615 於 13-07-17 發表
既是這樣, 願神帶佢走光明 ge 路, 您都好好安排日後您同囡囡要走的路, 保重! ...

多謝大家。。。
一個想要返自由同做自己嘅男人，我就還佢自由。。我輸咗一場婚姻，但係我失去嘅只不過係一個唔珍惜我、不負責任、無承擔嘅男人。

私人傳訊

bulldemon

男爵府

積分: 5708

49^#

發表於 13-7-18 00:42 |只看該作者

加油啦！

私人傳訊

bulldemon

男爵府

積分: 5708

48^#

發表於 13-7-18 00:41 |只看該作者

sutakki 發表於 13-7-16 08:43
C6曾多次我亦曾己工作帶佢離開香港，去咗澳洲一段時 ...

樓主，一口氣追完你post，只想有些意見。其實你心中已經有決定，佢一定唔會介毒，你又想離開佢。唔理點，睇怕你最後應該會選擇離婚。
既然係咁，點解唔依家全部同自己屋企人講呢？你今日唔想家人擔心，但之後呢？唔通要到你簽晒紙，攪晒離婚手續先抱住個女同屋企人講？
你以前嘅選擇已經係錯，唔好再對以後都係錯，正面同家人相量吓，睇吓佢哋俾乜意見你，可能屋企人先係真正幫到你呢？
另外想提醒你一句，如照你講，如果你離婚你c6一定會同你爭女，雖然佢應該爭唔到，但如果你6299湊開，你到時又要見多個社官，多一重手續，提醒你現在開始，女女方面最好唔再經6299湊，搵吓自己屋企人幫手啦！