唔想發生既終於發生係我身上,
我應該點做好…
話說上星期二晚, 老公放工話要去篤波, 我話無問題, 因為佢真係成個月無同朋友去篤波, 佢仲話會12:30am前返到黎, 但點知去到2:30am先返, 我個心即刻亂諗野, 咁就趁佢沖涼時偷睇佢電話, 發現突然多左個叫
“筠” 的人名出現, 仲whatsapps過添, 當我想睇個內容時, 佢就沖完出黎, 所以我就睇唔到, 但我就問佢呢個
“筠” 係咩人, 佢答我係舖頭入面既經理, 仲要係男仔黎, 佢即刻delete左whatsapps入面既內容, 我問佢點解要delete, 係咪有咩唔見得光既對話, 佢只回應我係同經理傾緊大家點同老婆相處既問題喎.
OK, 咁我就當無事發生過.
到左星期三晚, 佢放工之後一直都無返黎訓, 打俾佢又無聽電話, 第二朝星期四就whatsapps問佢去左邊同做過d乜, 佢只係回我一句公司要開新舖, 佢要入工場學野, 博殺完遲d就可以升做副主管喎, 係一個機會黎, 但我話你可以同我講, 唔使唔聽我電話嘛.
(我呢段期間見佢whatsapps成日上線, 真係唔明點解博殺緊又可以成日玩電話, 同埋佢以前玩wechat多d)
跟住我就send whatsapps同佢講, 可唔可以大家坐低傾下發生咩事呢, 但佢就一直回避我問題唔答.
直至上星期五, 我同同事食完飯各散東西, 當我上左巴士返屋企, 我同事打俾我, 話我知佢見到我老公同個女仔係尖沙咀碼頭上左架巴士, 架巴士又係我果架, 咁我就即刻落車, 就等上下一班車睇下會唔會撞到佢地, 點知…. 真係俾我撞到, 佢地係坐下層背住司機位, 當時我唔敢即刻踢爆佢地, 所以上左樓上窗口位, 望住出面睇下佢地係邊個站落車, 同埋即刻打俾佢, 但無聽到, 跟住再send whatsapps話佢知我見到晒, 仲坐係樓上添, 但佢都係無覆我.
終於佢地係某一個站落車, 個女仔仲攬住我老公手臂一齊行, 果一刻個心好酸同埋係巴士上喊左出黎.
跟住第二日, 佢話佢會返黎同我傾, 但晚晚, 應該係差唔多天光先返黎, 咁點傾呢, 佢根本係度逃避緊我, 我再whatsapp佢兩個仔女兩日無見佢, 見到都係佢返黎訓覺既樣, 佢話今晚一定會傾, 但我 又好怕佢會揀個小三唔揀我同兩個小朋友.
發表於 
但男人一次做錯, 妳俾佢個感覺又好似無佢唔得咁, 我真係覺得妳咩都輸晒, 我反而覺得, 妳宜家走, 妳先30, 仲大把青春, 話唔定搵倒個仲好....我有D朋友, 40後先搵倒真愛...
贊成！不要浪費自己的青春
返回列表
