本帖最後由 Teresa 於 13-7-18 21:49 編輯
各位, 書展前夕去完導賞團, 向大家報告下先, 希望未係太遲, 等大家做好"功課"出發!
今年賣點:
莫高窟3D展, 網上登記4000個位2日內爆滿. 現場雖有少量位, 但估計入到去睇機會好微. 今次有幸導賞團有得睇, 真係好好. 呢個3D展有D似清明上河圖. TDC話, 遲D康文署會再攪同一3D展, 大家留意! 值得睇.
大肚準媽媽可以行特別通道嗎?
我直接問TDC, 佢地話可以. 不過要用去兒童館通道. 即係好似帶住小朋友入場嗰條隊: "於香港會議展覽中心港灣道入口處的左側設有兒童天地特別通道直達展覽廳3".
人多人少係幾時?
據個人經驗, weekday早上等10點入場係最好. 而weekday去又比weekend去好. 通常peak days人多時間係黃昏放工時間(至8點左右), 星期六日全日, 同埋夜書市(星期五六開到凌晨12點). 想行得輕鬆就要計劃下. Gentle reminder: 通常weekday晚上兒童館係會人少D.
搵書攻略:
同一本書/一套書, 唔同counter會有唔同discount. 以我經驗, 越出名嘅出版社, discount越少. 所以要搵平嘢, 比D耐性尋寶.
多唔多補充exercises?
勁多. 好多以套裝賣. 唔好問我咩出版社"最好", 事關個個家長target唔同, 小朋友能力唔同, 學校要求又唔同, 總之你認為岩就買. 折扣一定係書展最抵. 買得多仲折到75折.
有冇教科書?
冇.
有冇SPI書包? 有冇LEGO書包?
我好快行左一轉, 見到有2檔係有SPI書包, 係咪平我唔知 (請睇下面post既相). LEGO書包我冇見到(可能佢圍左布而見唔到), 但記得舊年係有得賣既.
Oxford Reading Tree幾多折?
今日青田同Oxford counter冇開, 但據以往, 青田只會比9折. Oxford counter都係最多85折至9折, 但唔一定齊哂所有系列.
有冇中學補充?
有. 但部份會喺另一個Hall (Hall 1), 記得去睇埋.
第一日去定最後一日去?
都係嗰句, 想買心頭好, 越早去越好. 想買平野(10送1+減價)又唔介意好似去買菜咁揀, 就最尾一日去. 大出版社最後一日都會平少少, 不過真係平好少.
有冇locker?
場入面唔覺有, 反而港灣道入口escalator下面有十幾個, 但$20/2個鐘, 抵唔抵就見仁見智.
收唔收credit card/EPS?大出版社一定收, 細間既就未必.
E-coupon 自行print out...
http://hkbookfair.hktdc.com/tc/About_Coupons.aspx
好喇. 講住咁多先! 大家睇睇D counters, 我專登影埋counter booth number, 唔使再問相中係邊間出版社. 因為... 我實在唔記得. TDC個導賞要行得好快, 所以只係好快轉一圈影相.
發表於 
返回列表
